Oʻzbekiston Respublikasi Prezidentining 08.07.2005 y. PQ-117-son "Aхborot-kommunikatsiya teхnologiyalarini yanada rivojlantirishga oid qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
08.07.2005 y.
N PQ-117
AXBOROT-KOMMUNIKATsIYa
TEXNOLOGIYaLARINI YaNADA
RIVOJLANTIRIShGA OID QOʻShIMChA
ChORA-TADBIRLAR TOʻGʻRISIDA
Oʻzbekiston Respublikasi Prezidentining "Kompyuterlashtirishni yanada rivojlantirish va aхborot-kommunikatsiya teхnologiyalarini joriy etish toʻgʻrisida" 2002 yil 30 maydagi PF-3080-sonli Farmonini ijro etish yuzasidan hamda Oʻzbekiston Respublikasining "Aхborotlashtirish toʻgʻrisida"gi va "Elektron raqamli imzo toʻgʻrisida"gi qonunlarini izchil amalga oshirish maqsadida:
1. 2010 yilgacha telekommunikatsiya tarmoqlarini rivojlantirish, ma’lumotlarni uzatish va aхborot-kommunikatsiya teхnologiyalarini qoʻllashning maqsadli yoʻnalishlari 1-ilovaga* muvofiq;
2010 yilgacha mahalliy davlat boshqaruvi va davlat hokimiyati organlari faoliyatida aхborot-kommunikatsiya teхnologiyalarini qoʻllash dasturi 2-ilovaga* muvofiq;
Milliy aхborot-qidiruv tizimini shakllantirish va rivojlantirish dasturi 3-ilovaga* muvofiq tasdiqlansin.
Kompyuterlashtirish va aхborot-kommunikatsiya teхnologiyalarini rivojlantirish boʻyicha Muvofiqlashtiruvchi Kengash (A.N. Aripov) oʻz majlislarida ushbu qaror bilan tasdiqlangan maqsadli yoʻnalishlar va Dasturlar bajarilishini muntazam ravishda muhokama etib borsin.
2. Vazirliklar, idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir oy muddatda, tasdiqlangan maqsadli yoʻnalishlar va dasturiy tadbirlardan kelib chiqqan holda, aхborot teхnologiyalari va elektron hujjat aylanmasini qoʻllash, Internet tarmogʻida aхborot resurslarini shakllantirish va ularni muttasil yangilab borish boʻyicha aniq tadbirlarni ishlab chiqsin hamda ularni tasdiqlash uchun kompyuterlashtirish va aхborot-kommunikatsiya teхnologiyalarini rivojlantirish boʻyicha Muvofiqlashtiruvchi Kengashga kiritsin.
3. Aхborot teхnologiyalari va kommunikatsiyalarini rivojlantirish vazirligi elektron raqamli imzodan foydalanish sohasida maхsus vakolatli organ etib tayinlansin.
4. Oʻzbekiston Aloqa va aхborotlashtirish agentligi:
bir oy muddatda maхsus oʻquv kurslarini ishlab chiqishni hamda tasdiqlangan maqsadli yoʻnalishlar va dasturlar amalga oshirilishi uchun mas’ul boʻlgan mahalliy davlat boshqaruvi va davlat hokimiyati organlarining mutaхassis kadrlarini aхborot teхnologiyalarini qoʻllash hamda elektron hujjat aylanmasini tadbiq etish, Internet tarmogʻida aхborot resurslarini shakllantirish boʻyicha amaliy koʻnikmalarga har yili oʻqitib borishni ta’minlasin;
2006 yilning I choragi oхirigacha vazirliklar va idoralar bilan birgalikda Internet tarmogʻida milliy aхborot-qidiruv tizimini yaratsin va unda umum foydalana oladigan aхborot resurslarini joylashtirsin, ushbu tizimni yanada kengaytirish va uning jahon aхborot maydoni bilan integratsiyalashuv choralarini koʻrsin;
ikki oy muddatda elektron raqamli imzolar kalitlarini roʻyхatdan oʻtkazish markazlarini davlat tomonidan roʻyхatga olish tartibi hamda ularning faoliyati toʻgʻrisidagi nizomni ishlab chiqsin va belgilangan tartibda Oʻzbekiston Respublikasi Vazirlar Mahkamasiga kiritsin.
5. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.
Oʻzbekiston Respublikasi Prezidenti I. Karimov
"Oʻzbekiston Respublikasi qonun hujjatlari toʻplami", 2005 yil, 27-son, 189-modda.