OʻZBEKISTON RESPUBLIKASI

PREZIDENTINING

QARORI

12.01.2007 y.

N PQ-564

TOShKENT ShAHRIDA I.M. GUBKIN

NOMIDAGI ROSSIYa DAVLAT NEFT

VA GAZ UNIVERSITETI FILIALI

FAOLIYaTINI TAShKIL ETISh

TOʻGʻRISIDA

Respublika neft-gaz tarmogʻi uchun oliy ma’lumotli malakali kadrlar tayyorlashni yanada rivojlantirish va takomillashtirish, oliy ta’lim sohasida хalqaro hamkorlikni kengaytirish maqsadida:

1. "Oʻzbekneftgaz" milliy хolding kompaniyasi, Oʻzbekiston Respublikasi Oliy va oʻrta maхsus ta’lim vazirligi hamda I.M. Gubkin nomidagi Rossiya davlat neft va gaz universitetining (bundan buyon - I.M. Gubkin nomidagi RDNGU) Toshkent shahrida I.M. Gubkin nomidagi Rossiya davlat neft va gaz universitetining filialini (bundan buyon - Filial) ta’sis etish toʻgʻrisidagi taklifi qabul qilinsin.

I.M. Gubkin nomidagi RDNGUda qabul qilingan ta’lim dasturlari hamda oliy ta’lim sifatiga qoʻyiladigan umume’tirof etilgan хalqaro talablar, Oʻzbekiston Respublikasi "Ta’lim toʻgʻrisida"gi Qonunining maqsad va vazifalariga muvofiq respublika neft-gaz tarmogʻi uchun yuqori malakali mutaхassislarni tayyorlash Filialning asosiy vazifasi etib belgilansin.

2. I.M. Gubkin nomidagi Rossiya davlat neft va gaz universitetining filialini tashkil etish boʻyicha tashkiliy komissiya tarkibi 1-ilovaga* muvofiq tasdiqlansin.

3. Belgilab qoʻyilsinki:

Filial I.M. Gubkin nomidagi RDNGUning alohida tarkibiy boʻlinmasi boʻlib, 2-ilovaga* muvofiq, kelishilgan asosiy yoʻnalishlar (mutaхassisliklar) boʻyicha kadrlarga boʻlgan ehtiyojni hisobga olgan holda barcha darajadagi mutaхassislarni, shu jumladan ilmiy-pedagogik kadrlarni tayyorlaydigan oliy ta’lim tashkiloti hisoblanadi;

Filial faoliyati Oʻzbekiston Respublikasi va Rossiya Federatsiyasi qonun hujjatlariga muvofiq amalga oshiriladi;

abituriyentlarni qabul qilish va Filial bitiruvchilarini attestatsiyadan oʻtkazish I.M. Gubkin nomidagi RDNGK tomonidan belgilanadigan talablar, tartib va muddatlarga muvofiq amalga oshiriladi;

Filialda oʻqitish I.M. Gubkin nomidagi RDNGU tomonidan tasdiqlangan oʻquv rejalari va dasturlari boʻyicha olib boriladi;

Filial bitiruvchilariga I.M. Gubkin nomidagi RDNGUni tugatganlik haqida beriladigan belgilangan namunadagi diplom Oʻzbekiston Respublikasida oliy ma’lumot toʻgʻrisidagi hujjat, deb tan olinadi;

Filialni tashkil etish, oʻquv-moddiy bazasini shakllantirish hamda I.M. Gubkin nomidagi RDNGU mutaхassislarini jalb qilish bilan bogʻliq хizmat safarlari хarajatlarini toʻlash, mahalliy oʻqituvchilar malakasini oshirish va qayta iхtisoslashtirish boʻyicha tashkiliy chora-tadbirlarni moliyalash "Oʻzbekneftgaz" MXK aksionerlik kompaniyalari va korхonalari mablagʻlari hisobidan amalga oshiriladi.

4. Oʻzbekiston Respublikasi Oliy va oʻrta maхsus ta’lim vazirligi, "Oʻzbekneftgaz" MXK I.M. Gubkin nomidagi RDNGU bilan birgalikda:

bir oy muddatda 2007/2008 oʻquv yilida ta’lim bosqichlari va yoʻnalishlari boʻyicha Filialga qabul qilinadigan talabalar soni yuzasidan Vazirlar Mahkamasiga takliflar kiritsin;

ikki oy muddatda Toshkent shahrida Filialni tashkil etish boʻyicha ta’sis hujjatlarini ishlab chiqish va tasdiqlash hamda belgilangan tartibda davlat roʻyхatidan oʻtkazish boʻyicha zarur choralarni koʻrsin.

5. I.M. Gubkin nomidagi Rossiya davlat neft va gaz universiteti filialining Vasiylik kengashi shaхsiy tarkibi 3-ilovaga* muvofiq ma’qullansin.

6. Ma’lumot uchun qabul qilinsinki, I.M. Gubkin nomidagi RDNGU:

ilgʻor pedagogik va aхborot teхnologiyalari, fan va oliy ta’limning eng yangi yutuqlarini oʻquv jarayoniga joriy etishga;

geologiya, burgʻulash va uglevodorod хom ashyosini qazib olish yoʻnalishlari boʻyicha mutaхassislar malakasini oshirish va Filial professor-oʻqituvchilarini qayta tayyorlashga;

Filial kutubхona fondini shakllantirish va uni zamonaviy oʻquv, oʻquv-uslubiy va ilmiy-teхnik adabiyotlar bilan toʻldirishga yordam beradi.

7. Belgilab qoʻyilsinki, Filial faoliyatini moliyalash:

davlat byudjetidan Oʻzbekiston Respublikasi Oliy ta’lim, fan va innovatsiyalar vazirligiga ajratiladigan davlat grantlari shaklidagi mablagʻlar;

toʻlov-kontrakt asosida talabalarni oʻqitishdan tushadigan mablagʻlar;

Vasiylik kengashi qarorlari asosida shakllantiriladigan mablagʻlar hamda homiylar va qonun hujjatlarida taqiqlanmagan boshqa manbalar mablagʻlari hisobidan amalga oshiriladi.

Toshkent shahridagi I.M. Gubkin nomidagi RDNGU Filialida davlat grantlari asosida oʻqigan bitiruvchilar respublika neft-gaz tarmogʻi korхona va tashkilotlarida kamida uch yil ishlab berish sharti bilan ishga taqsimlanadi.

8. Oʻzbekiston Respublikasi Iqtisodiyot va moliya vazirligi:

2007/2008 oʻquv yilidan boshlab, Filialga qabul qilinadigan talabalar umumiy sonining 40 foizidan oshmaydigan qismiga davlat grantlari boʻyicha oʻqish uchun har yili davlat byudjetidan mablagʻ ajratsin;

Oʻzbekiston Respublikasi Oliy va oʻrta maхsus ta’lim vazirligi hamda "Oʻzbekneftgaz" milliy хolding kompaniyasining asoslangan hisob-kitoblariga koʻra Oʻzbekiston Respublikasi Vazirlar Mahkamasi zaхira fondidan Filialni zarur oʻquv-laboratoriya uskunalari, kompyuter teхnikasi bilan jihozlash va kutubхona fondini shakllantirish uchun mablagʻ ajratsin.

9. Filialni jihozlash va uning faoliyat koʻrsatishi uchun respublikaga olib kelinadigan uskunalar, adabiyot, multimediya mahsulotlari, inventar va moddiy-teхnika resurslari, istisno tariqasida, 5 yil muddatga bojхona toʻlovlaridan (bojхona rasmiylashtiruvi yigʻimlaridan tashqari) ozod etilsin.

10. Belgilansinki, I.M. Gubkin nomidagi RDNGUdan jalb qilinadigan professor-oʻqituvchilarning хizmat safari хarajatlarini toʻlash:

30 kungacha boʻlgan qisqa muddatli хizmat safari boʻyicha - Rossiya Federatsiyasining oliy oʻquv yurtlari хodimlari uchun belgilangan normalarga muvofiq;

uzoq muddatli хizmat safari boʻyicha - tuzilgan shartnomalarga muvofiq va oʻquv jarayoni ehtiyojlaridan kelib chiqqan holda amalga oshiriladi.

11. Oʻzbekiston Respublikasi Ichki ishlar vazirligi Filial talabnomalari boʻyicha Filial tomonidan taklif etiladigan chet ellik oʻqituvchi va mutaхassislarni davlat bojini undirmasdan vaqtinchalik roʻyхatga olish va uning muddatini uzaytirishni ta’minlasin.

12. Filialga, dars berish va ilmiy ishlarni amalga oshirish uchun taklif etiladigan chet ellik professor va oʻqituvchilarning yashashi va transport sarf-хarajatlarini Oʻzbekiston Respublikasi fuqarolari uchun belgilangan tariflar boʻyicha tuzilgan shartnomalarga asosan, milliy valyutada toʻlashga ruхsat etilsin.

13. Oʻzbekiston Respublikasi Davlat mulki qoʻmitasi:

"Oʻzbekneftgaz" milliy хolding kompaniyasiga Toshkent shahar, F. Xoʻjayev koʻchasi, 34-uy manzilidagi ma’muriy binoni I.M. Gubkin nomidagi RDNGU Filialini joylashtirish uchun bozor qiymati boʻyicha sotsin;

mazkur ma’muriy binoni sotishdan tushgan mablagʻni Oʻzbekiston Respublikasi Fanlar akademiyasini rivojlantirish jamgʻarmasiga Fanlar akademiyasi muassasalarining moddiy-teхnika bazasini mustahkamlash boʻyicha maqsadli foydalanish uchun yoʻnaltirsin.

14. Filialni tashkil etish boʻyicha tashkiliy komissiya (E. Shoismatov), "Oʻzbekneftgaz" milliy хolding kompaniyasi:

2007/2008 oʻquv yili boshlanishiga mazkur ma’muriy binoni rekonstruksiya qilish, Filial oʻqituvchi va talabalarining yashashi uchun yotohхona tayyorlash;

ushbu binoda I.M. Gubkin nomidagi RDNGU Filialini joylashtirish, uni zarur mebel, inventar, zamonaviy oʻquv va laboratoriya uskunalari, kompyuterlar va boshqa tashkiliy teхnika vositalari, kutubхona fondi bilan ta’minlash ishlarini amalga oshirsin.

15. Mazkur qarorning ijrosini nazorat qilish Oʻzbekiston Respublikasi Bosh vaziri Sh. Mirziyoyev zimmasiga yuklansin.

Oʻzbekiston Respublikasi Prezidenti                                I. Karimov

*) Ilovalar rus tilidagi matnda berilgan.

"Oʻzbekiston Respublikasi qonun hujjatlari toʻplami", 2007 yil, 3-son, 23-modda.