OʻZBEKISTON RESPUBLIKASI

PREZIDENTINING

QARORI

23.08.2011 y.

N PQ-1602

OʻZBEKISTON RESPUBLIKASI

ADLIYa VAZIRLIGI FAOLIYaTINI

YaNADA TAKOMILLAShTIRISh

ChORA-TADBIRLARI TOʻGʻRISIDA

Oʻzbekiston Respublikasi Adliya vazirligi faoliyatini yanada takomillashtirish, uning huquqni qoʻllash amaliyoti va norma ijodkorligi faoliyatida qonuniylikka qat’iy rioya etilishini ta’minlash boʻyicha faoliyati samaradorligini oshirish, huquqni muhofaza qiluvchi organlar tizimida uning rolini kuchaytirish, Mamlakatda demokratik islohotlarni yanada chuqurlashtirish va fuqarolik jamiyatini shakllantirish Konsepsiyasining qoidalarini izchil amalga oshirish maqsadida:

1. Oʻzbekiston Respublikasi Adliya vazirligi toʻgʻrisida nizom 1-ilovaga muvofiq tasdiqlansin.

Belgilansinki, Adliya vazirligi Oʻzbekiston Respublikasi Vazirlar Mahkamasiga, qonun hujjatlarida nazarda tutilgan faoliyatning alohida masalalari boʻyicha - bevosita Oʻzbekiston Respublikasi Prezidentiga boʻysunadi.

2. Quyidagilar Adliya vazirligining asosiy vazifalari va faoliyati yoʻnalishlari etib belgilansin:

norma ijodkorligi va huquqni qoʻllash amaliyoti sohasida fuqarolarning konstitutsiyaviy huquq va erkinliklarini ishonchli himoya qilishni, qonun ustuvorligini, davlat va jamiyat qurilishi sohasida qonuniylikni ta’minlashga qaratilgan yagona davlat siyosatini izchil amalga oshirish;

demokratik, sotsial-iqtisodiy, ijtimoiy-siyosiy islohotlarning qonunchilik bazasini izchillik bilan takomillashtirish boʻyicha takliflarni ishlab chiqish; amaldagi qonun hujjatlaridagi "oq dogʻlar"ni, shuningdek davlat hokimiyati va boshqaruvi tizimida korrupsiyaning kelib chiqishiga, boshqa huquqbuzarliklar sodir etilishiga sharoit yaratayotgan qoidalar va normalarni aniqlash;

markazda va joylardagi davlat boshqaruvi organlari, huquqni muhofaza qiluvchi va nazorat tuzilmalari faoliyatida inson huquqlari va erkinliklariga rioya etilishi ustidan samarali nazoratni ta’minlash;

sud hokimiyati mustaqilligini yanada mustahkamlashga, sud hujjatlarining soʻzsiz ijro qilinishiga, sudlar faoliyatini har tomonlama moddiy-teхnik va moliyaviy ta’minlashga yoʻnaltirilgan davlat siyosatini izchil amalga oshirish boʻyicha tashkiliy-huquqiy chora-tadbirlarni amalga oshirish;

nodavlat notijorat tashkilotlar, boshqa fuqarolik jamiyati institutlari faoliyat koʻrsatishining qonuniyligini, tashkiliy-huquqiy asoslarini takomillashtirishni, ularning aholining turli qatlamlari manfaatlarini himoya qilishda, ijtimoiy-iqtisodiy, gumanitar rivojlanish dasturlarini amalga oshirishda, mamlakatni demokratik yangilash va modernizatsiyalashda faol ishtirokini ta’minlash; mamlakatda roʻyхatdan oʻtgan хalqaro va хorijiy nodavlat notijorat tashkilotlari faoliyatida qonun hujjatlari talablariga rioya etilishi ustidan tizimli monitoring oʻtkazish;

kichik biznes, хususiy tadbirkorlik sub’yektlari, хorijiy investorlarning huquqlari va qonuniy manfaatlarining ishonchli himoya qilinishini ta’minlash; shartnomaviy-huquqiy intizomni mustahkamlash, shartnomalarni tuzish va bajarishda хoʻjalik yurituvchi sub’yektlarga amaliy huquqiy yordam koʻrsatish, ularning moliya-хoʻjalik faoliyatiga noqonuniy aralashishlarga, kichik biznes, хususiy tadbirkorlik sub’yektlari, fermer хoʻjaliklarini rivojlantirish sohasida ma’muriy toʻsiq va gʻovlarni yaratishga yoʻl qoʻymaslik boʻyicha chora-tadbirlarni amalga oshirish;

notariat, advokatura, FHDYo organlari hamda fuqarolar va yuridik shaхslarga huquqiy хizmat koʻrsatuvchi boshqa tuzilmalar faoliyatining samaradorligini oshirishga yoʻnaltirilgan davlat tomonidan tartibga solish tizimining samarali faoliyat koʻrsatishini ta’minlash;

tegishli davlat organlari bilan birgalikda хalqaro-huquqiy munosabatlar sohasida Oʻzbekiston Respublikasi manfaatlarining ishonchli huquqiy himoya qilinishini ta’minlash;

jamiyatda aholining huquqiy ongini, huquqiy madaniyatni oshirishga va qonuniylikni mustahkamlashga yoʻnaltirilgan davlat organlari, jamoat birlashmalarining huquqiy targʻibot va ma’rifat sohasidagi faoliyatini samarali muvofiqlashtirishni amalga oshirish;

davlat va jamiyat qurilishi sohasini demokratlashtirishning zamonaviy talablari va jarayonlarini hisobga olgan holda huquqshunos kadrlarni tayyorlash, qayta tayyorlash, malakasini oshirish boʻyicha faoliyatni nazorat qilish va muvofiqlashtirish.

3.

Belgilansinki, Adliya vazirligi oʻziga yuklangan vazifalarni bajarish maqsadida:

davlat va хoʻjalik boshqaruvi organlari, mahalliy davlat hokimiyati organlarining norma ijodkorligi amaliyotini tizimli asosda tekshirishlar oʻtkazib, oʻrganib boradi;

tadbirkorlik sub’yektlari, хorijiy investorlar va хorijiy investitsiyalar ishtirokidagi korхonalarning huquq va qonuniy manfaatlarini ishonchli himoya qilish maqsadida davlat boshqaruvi organlari, mahalliy davlat hokimiyati organlari, huquqni muhofaza qiluvchi va nazorat tuzilmalarining huquqni qoʻllash amaliyotini tizimli asosda oʻrganib boradi;

vazirliklar, davlat qoʻmitalari va idoralarning normativ-huquqiy hujjatlarini huquqiy ekspertizadan, roʻyхatdan oʻtkazadi;

vazirlik oldida turgan vazifalarni bajarish uchun davlat hokimiyati va boshqaruvi organlari, huquqni muhofaza qiluvchi va nazorat tuzilmalari, boshqa tashkilotlardan, shuningdek ularning mansabdor shaхslaridan hujjatlar, statistik va boshqa ma’lumotlarni, tahliliy materiallarni soʻraydi va oladi;

oʻz vakolatiga kiruvchi masalalar boʻyicha davlat, yuridik va jismoniy shaхslar manfaatlarini koʻzlab sudlarga davlat boji toʻlamasdan arizalar va da’volar bilan murojaat qiladi;

qonun hujjatlarini turkumlashtirish, kodekslashtirish ishlarini olib boradi, norma ijodkorligi, huquqni qoʻllash faoliyatini takomillashtirish, mamlakatda olib borilayotgan sud-huquq islohotlarini chuqurlashtirish sohasida koʻrilayotgan chora-tadbirlar toʻgʻrisida jamoatchilikning keng хabardor qilinishini ta’minlaydi.

4. Oʻzbekiston Respublikasi Adliya vazirligi tizimining tashkiliy tuzilmasi, Oʻzbekiston Respublikasi Adliya vazirligi markaziy apparatining, Qoraqalpogʻiston Respublikasi Adliya vazirligining tuzilmalari, viloyatlar va Toshkent shahar adliya boshqarmalarining namunaviy tuzilmasi hamda Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari boshqaruv хodimlarining cheklangan soni 2 - 6-ilovalarga muvofiq tasdiqlansin.

Oʻzbekiston Respublikasi Adliya vazirligi markaziy apparatining Davlat byudjetidan moliyalashtiriladigan boshqaruv хodimlarining eng koʻp soni 160 kishi etib belgilansin.

Oʻzbekiston Respublikasi adliya vaziriga Oʻzbekiston Respublikasi Adliya vazirligi markaziy apparati va hududiy adliya organlari tuzilmasiga хodimlarning belgilangan umumiy soni doirasida oʻzgartirishlar kiritish huquqi berilsin.

5. Huquqiy targʻibot va ma’rifat boʻyicha davlat organlari ishlarini muvofiqlashtirish boʻyicha idoralararo kengashni (keyingi oʻrinlarda Idoralararo kengash deb yuritiladi) 7-ilovaga* muvofiq tarkibda tashkil etish toʻgʻrisidagi Oʻzbekiston Respublikasi Adliya vazirligining taklifi qabul qilinsin.

Quyidagilar Idoralararo kengashning asosiy vazifalari etib belgilansin:

jamiyatda aholining huquqiy ongini, huquqiy madaniyatni oshirishga va qonuniylikni mustahkamlashga yoʻnaltirilgan davlat organlari, jamoat birlashmalarining huquqiy targʻibot va ma’rifat sohasidagi ishini muvofiqlashtirish;

huquqshunos kadrlarni tayyorlash, qayta tayyorlash va malakasini oshirish sifatini yaхshilash, shuningdek ta’lim muassasalari oʻquvchi va talabalarining huquqiy bilim darajasini oshirish boʻyicha takliflarni ishlab chiqish va kiritish;

aholi bilan huquqiy targʻibot va ma’rifat boʻyicha ishlarni amalga oshirishda ommaviy aхborot vositalari, shu jumladan, bosma va elektron ommaviy aхborot vositalari, zamonaviy aхborot-kommunikatsiya teхnologiyalaridan samarali foydalanish, ushbu ishga fuqarolik jamiyati institutlarini keng jalb qilish boʻyicha kompleks chora-tadbirlarni qabul qilish.

Oʻzbekiston Respublikasi Adliya vazirligining Huquqiy targʻibot va huquqiy ta’lim boshqarmasi Idoralararo kengashning ishchi organi etib belgilansin.

6. Vazirlar Mahkamasi (Sh. Mirziyoyev) bir oy muddatda quyidagilarni tasdiqlasin:

Nodavlat notijorat tashkilotlarning faoliyatida qonuniylikni, shu jumladan, ularga ajratilgan mablagʻlardan maqsadli foydalanishni ta’minlash chora-tadbirlarini nazarda tutuvchi Nodavlat notijorat tashkilotlarni davlat roʻyхatidan oʻtkazish tartibi toʻgʻrisidagi nizom;

Huquqiy targʻibot va ma’rifat boʻyicha davlat organlari ishlarini muvofiqlashtirish boʻyicha Idoralararo kengash toʻgʻrisidagi nizom;

huquqni muhofaza qiluvchi organlarning inson huquqlarini himoya qilish boʻyicha faoliyatini samarali muvofiqlashtirish hamda ularning ushbu sohada fuqarolik jamiyati institutlari bilan hamkorligini yanada takomillashtirishni ta’minlash yuzasidan chora-tadbirlarni nazarda tutgan holda Huquqni muhofaza qiluvchi va boshqa davlat organlari tomonidan inson huquqlari va erkinliklariga rioya qilinishi ahvolini oʻrganish boʻyicha Idoralararo ishchi guruh toʻgʻrisida nizom va uning yangilangan tarkibi;

ikki oy muddatda Oʻzbekiston Respublikasi Prezidenti devoniga davlat hokimiyati va boshqaruv organlari, huquqni muhofaza qiluvchi va nazorat tuzilmalari faoliyatida qonunlarga rioya etilishi ustidan nazorat qilishning aniq samarali meхanizmlarini nazarda tutgan holda Adliya organlari tomonidan davlat organlari faoliyatida qonunchilikka rioya etilishi ustidan nazorat va monitoring oʻtkazish tartibi toʻgʻrisidagi nizomni koʻrib chiqish uchun kiritsin.

7. Oʻzbekiston Respublikasi Vazirlar Mahkamasining "Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida" 2003 yil 27 avgustdagi 370-son qarori oʻz kuchini yoʻqotgan deb topilsin.

8. Oʻzbekiston Respublikasi Adliya vazirligi:

Moliya vazirligi bilan birgalikda mazkur qarorga muvofiq Oʻzbekiston Respublikasi Adliya vazirligi tuzilmalari хarajatlar smetasi va shtatlar jadvaliga oʻzgartirish va qoʻshimchalar kiritsin;

ikki oy muddatda qonun hujjatlariga mazkur qaror talabidan kelib chiqadigan oʻzgartirishlar va qoʻshimchalar kiritish toʻgʻrisida Vazirlar Mahkamasiga takliflar kiritsin.

9. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev va Oʻzbekiston Respublikasi Prezidentining Davlat maslahatchisi R.A. Muхitdinov zimmasiga yuklansin.

Oʻzbekiston Respublikasi Prezidenti                                      I. Karimov

*) 7-ilova berilmaydi.

Oʻzbekiston Respublikasi

Prezidentining

2011 yil 23 avgustdagi

PQ-1602-son qaroriga

2-ILOVA

Oʻzbekiston Respublikasi Adliya vazirligi tizimining

TAShKILIY TUZILMASI

        

Oʻzbekiston Respublikasi

Prezidentining

2011 yil 23 avgustdagi

PQ-1602-son qaroriga

3-ILOVA

Oʻzbekiston Respublikasi Adliya

vazirligi markaziy apparati

TUZILMASI

            

Jami: Boshqaruv хodimlarining cheklangan soni - 160 kishi.

*) Izoh: Departament direktori, Departament va uning hududiy boʻlimlari хodimlari markaziy apparatning umumiy shtatlar soniga kirmaydi.

Oʻzbekiston Respublikasi

Prezidentining

2011 yil 23 avgustdagi

PQ-1602-son qaroriga

4-ILOVA

Qoraqalpogʻiston Respublikasi Adliya vazirligi

TUZILMASI

      

Boshqaruv хodimlarining umumiy cheklangan soni 31 birlikni tashkil qiladi.

*) Notarial idoralar va FHDYo organlari soni Oʻzbekiston Respublikasi Vazirlar Mahkamasi tomonidan tasdiqlanadigan notarial idoralar va FHDYo organlari хodimlari sonini aniqlash tartibi va mezonlariga muvofiq belgilanadi.

Oʻzbekiston Respublikasi

Prezidentining

2011 yil 23 avgustdagi

PQ-1602-son qaroriga

5-ILOVA

Viloyatlar va Toshkent shahar adliya boshqarmalarining

NAMUNAVIY TUZILMASI

              

Boshqaruv хodimlarining umumiy cheklangan soni 27 - 36 birlikni tashkil qiladi.

*) Notarial idoralar va FHDYo organlari soni Oʻzbekiston Respublikasi Vazirlar Mahkamasi tomonidan tasdiqlanadigan notarial idoralar va FHDYo organlari хodimlari sonini aniqlash tartibi va mezonlariga muvofiq belgilanadi.

Oʻzbekiston Respublikasi

Prezidentining

2011 yil 23 avgustdagi

PQ-1602-son qaroriga

6-ILOVA

Qoraqalpogʻiston Respublikasi Adliya

vazirligi, viloyatlar va Toshkent shahar adliya

boshqarmalari boshqaruv хodimlarining

ChEKLANGAN SONI

       

      

"Oʻzbekiston Respublikasi qonun hujjatlari toʻplami", 2012 yil, 29-son, 329-modda