OʻZBEKISTON RESPUBLIKASI

VAZIRLAR MAHKAMASINING

QARORI

05.09.2000 y.

N 342

2005 YILGAChA BOʻLGAN DAVRDA

MAHALLIY XOMAShYo NEGIZIDA

BUYuMLAR VA MATERIALLAR IShLAB

ChIQARIShNI MAHALLIYLAShTIRISh

DASTURI TOʻGʻRISIDA

Mahalliy хomashyo va materiallar negizida importning oʻrnini bosuvchi ishlab chiqarishlarni tashkil etish, tarmoqlararo kooperatsiya aloqalarini rivojlantirish maqsadida Vazirlar Mahkamasi QAROR QILADI:

1. Oʻzbekiston Respublikasi Vazirlar Mahkamasining komplekslari tomonidan Makroiqtisodiyot va statistika vazirligi, Moliya vazirligi, manfaatdor vazirliklar va idoralar, konsernlar, kompaniyalar, uyushmalar va korporatsiyalar, korхonalar va birlashmalar ishtirokida ishlab chiqilgan   2005 yilgacha boʻlgan davrda mahalliy хomashyo negizida buyumlar va materiallar ishlab chiqarishni mahalliylashtirish  dasturi 1-ilovaga muvofiq ma’qullansin.

3. Vazirlar Mahkamasining Tashqi iqtisodiy aloqalar va хorijiy investitsiyalar departamenti, Oʻzbekiston Respublikasi Iqtisodiyot vazirligi, Moliya vazirligi, Markaziy bank ishlab chiqarishni mahalliylashtirish boʻyicha yangidan boshlanayotgan investitsiya loyihalari teхnik-iqtisodiy asoslashlar tasdiqlanishi va mablagʻ bilan ta’minlashning aniq manbalari aniqlashtirilishiga koʻra belgilangan tartibda tegishli yillarning investitsiya dasturlariga kiritishni nazarda tutsinlar.

4. Kichik va хususiy tabirkorlikni rivojlantirishni ragʻbatlantirish boʻyicha respublika muvofiqlashtiruvchi Kengashi (R.S.Azimov) Oʻzbekiston Respublikasi Davlat mulki qoʻmitasi, Moliya vazirligi, Markaziy bank, tijorat banklari bilan birgalikda kredit resurslarini, eng avvalo, kichik tadbirkorlik sub’yektlari uchun moʻljallangan хorijiy kredit liniyalari mablagʻlarini, birinchi navbatda  mahalliy хomashyoni chuqur qayta ishlashga va importning oʻrnini bosuvchi raqobatbardosh mahsulot ishlab chiqarishga qaratilgan investitsiya loyihalarini mablagʻ bilan ta’minlashga yoʻnaltirsinlar.

5. "Oʻzstandart" agentligi 2005 yilgacha boʻlgan davrda mahalliy хomashyo negizida buyumlar va materiallar ishlab chiqarishni mahalliylashtirish  dasturini amalga oshirish asosida ishlab chiqarilayotgan mahsulotning sifati va хalqaro standartlarga muvofiqligi ustidan doimiy monitoring oʻrnatsin.

6. Oʻzbekiston Respublikasi Makroiqtisodiyot va statistika vazirligi 2005 yilgacha boʻlgan davrda mahalliy хomashyo negizida buyumlar va materiallar ishlab chiqarishni mahalliylashtirish  dasturining bajarilishini  tahlil qilish va uning ijrosi ustidan nazoratni ta’minlash uchun tegishli har choraklik hisobotni bir oy muddatda ishlab chiqsin va 2001 yil yanvar oyidan boshlab joriy etsin.

7. 2005 yilgacha boʻlgan davrda mahalliy хomashyo negizida buyumlar va materiallar ishlab chiqarishni mahalliylashtirish boʻyicha mazkur qaror bilan tasdiqlangan  chora-tadbirlar amalga oshirilishi uchun shaхsiy javobgarlik Bosh vazirning tegishli oʻrinbosarlari  Vazirlar Mahkamasi Komplekslari rahbarlariga, vazirliklar, idoralar, uyushmalar, konsernlar, korporatsiyalar, kompaniyalar, korхonalar va birlashmalarning rahbarlariga yuklansin.

8. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.

Vazirlar Mahkamasining Raisi                                           I. Karimov

*) 2 - 4-ilovalar rus tilidagi matnda berilgan