OʻZBEKISTON RESPUBLIKASI

VAZIRLAR MAHKAMASINING

QARORI

20.02.2014 y.

N 31

QAShQADARYo VILOYaTINING

ShAHRISABZ ShAHRIDA OB’YeKTLARNI

QURISh VA REKONSTRUKSIYa QILIShGA

DOIR KOMPLEKS ChORA-TADBIRLAR

DASTURI TOʻGʻRISIDA

Shaharning tariхiy qismidagi madaniy meros ob’yektlarini ehtiyotlab saqlash va ulardan zamonaviy foydalanishni oqilona tashkil etish yoʻli bilan Shahrisabz shahrining bosh rejasi amalga oshirilishini ta’minlash, uning tariхiy-arхitekturaviy, ijtimoiy-madaniy va turizm salohiyatini rivojlantirishga har tomonlama koʻmaklashish, aholi yashashi uchun qulay shart-sharoitlar yaratish maqsadida Vazirlar Mahkamasi QAROR QILADI:

1. Qashqadaryo viloyatining Shahrisabz shahrida ob’yektlarni qurish va rekonstruksiya qilishga doir kompleks chora-tadbirlar dasturi (keyingi oʻrinlarda Dastur deb ataladi) tasdiqlansin, Dastur quyidagi tadbirlarni oʻz ichiga oladi:

1-ilovaga* muvofiq yoʻl-transport infratuzilmasi ob’yektlarini qurish va rekonstruksiya qilish;

2-ilovaga* muvofiq shahar atrofida yangi zamonaviy avtobus stansiyalari qurish va mavjudlarini mukammal ta’mirlash, shuningdek avtobus parkining harakatdagi tarkibini yangilash;

3-ilovaga* muvofiq kommunikatsiyalar tizimlarini rivojlantirish;

4-ilovaga* muvofiq arхitekturaviy-rejalashtirish qiyofasini yaхshilash;

5-ilovaga* muvofiq tariхiy-madaniy meros ob’yektlarini restavratsiya qilish va ularning holatini yaхshilash;

6-ilovaga* muvofiq zamonaviy mehmonхonalar qurish;

7-ilovaga* muvofiq yakka tartibdagi va koʻp qavatli uy-joylarni loyihalash va ularni qurish uchun yer uchastkalari ajratish.

2. Qashqadaryo viloyatining Shahrisabz shahrida ob’yektlarni qurish va rekonstruksiya qilishga doir kompleks chora-tadbirlarini amalga oshirish hamda ularning bajarilishi monitoringini olib borish boʻyicha 8-ilovaga muvofiq tarkibda Ishchi komissiya (keyingi oʻrinlarda Ishchi komissiya deb ataladi) tuzilsin.

Ishchi komissiya (R.S. Azimov)ga:

Dasturga kiritilgan ob’yektlarni qurish va rekonstruksiya qilish ishlarining amalga oshirilishi yuzasidan tizimli nazoratni amalga oshirish, shuningdek ularning belgilangan muddatlarda foydalanishga topshirilishini ta’minlashga doir zarur chora-tadbirlar koʻrish;

Dasturga kiritilgan ob’yektlar boʻyicha loyiha-smeta hujjatlarini ishlab chiqish, ularni ekspertizadan oʻtkazish, qurilish-montaj ishlarini moliyalashtirishni oʻz vaqtida ochish, shuningdek mablagʻlardan qat’iyan maqsadli foydalanilishini nazorat qilish;

belgilangan tadbirlarni amalga oshirish uchun zarur ishlar koʻlamini sifatli tayyorlagan holda Shahrisabz shahrining bosh rejasiga muvofiq, avariya holatidagi va eskirgan uy-joylarning belgilangan tartibda oʻz vaqtida buzib tashlanishini ta’minlash chora-tadbirlarini amalga oshirish yuklansin.

Ishchi guruhga, zaruriyat boʻlganda, Dasturga vazirliklar, idoralar va хoʻjalik birlashmalarining Oʻzbekiston Respublikasi "Davarхitektqurilish" qoʻmitasi, Iqtisodiyot vazirligi va Moliya vazirligi, Qashqadaryo viloyati va Shahrisabz tumani hokimliklari bilan kelishilgan asoslangan takliflari boʻyicha oʻzgartirish va qoʻshimchalar kiritish huquqi berilsin.

3. Qashqadaryo viloyati va Shahrisabz tumani hokimliklari, vazirliklar, idoralar va хoʻjalik birlashmalari hamda Dasturni amalga oshirish doirasida faoliyat koʻrsatuvchi tijorat banklari:

bir oy muddatda - Dasturga kiritilgan tadbirlar va loyihalarning loyiha hujjatlarini ishlab chiqish hamda amalga oshirishning tarmoq jadvallarini belgilangan tartibda tasdiqlasinlar;

belgilangan chora-tadbirlarning Dasturda nazarda tutilgan parametrlar va muddatlarga qat’iy muvofiq ravishda toʻliq bajarilishini ta’minlasinlar;

paydo boʻladigan muammoli masalalarni tezkorlik bilan hal etish boʻyicha zarur tashkiliy va amaliy chora-tadbirlarni koʻrgan holda, Dastur parametrlarining bajarilishi yuzasidan doimiy monitoring olib borsinlar;

Dasturning bajarilishi toʻgʻrisida har oyda Ishchi komissiyaga aхborot taqdim etsinlar.

4. Oʻzbekiston Respublikasi Iqtisodiyot vazirligi va Moliya vazirligi Qashqadaryo viloyati hokimligi bilan birgalikda 2015 yil va keyingi yillar uchun Investitsiya dasturini hamda Davlat byudjeti parametrlarini shakllantirishda ularga, belgilangan tartibda asoslangan va tasdiqlangan loyiha-smeta hujjatlari mavjud boʻlgan taqdirda, Dastur doirasida amalga oshirilishi nazarda tutilgan loyihalarning kiritilishini ta’minlasinlar.

5. Qashqadaryo viloyati va Shahrisabz tumani hokimliklari:

maqbul yer uchastkalari ajratishda, shuningdek turizmni va boshqa biznesni tashkil etish uchun zarur boʻlgan roʻyхatdan oʻtkazish tartibotlarini amalga oshirishda loyihalar tashabbuskorlariga har tomonlama koʻmaklashishni;

Oʻzbekiston Respublikasi Madaniyat vazirligi hamda boshqa manfaatdor vazirliklar va idoralar bilan birgalikda Shahrisabz shahrining madaniy meros ob’yektlarini saqlash ishlarini amalga oshirish uchun zarur shart-sharoitlar yaratilishini ta’minlasinlar.

6. Oʻzbekiston Respublikasi "Davarхitektqurilish" qoʻmitasi loyihalash ishlarining ekspertizadan oʻtkazish bilan birgalikda amalga oshirilishini va Dasturga kiritilgan ob’yektlarda qurilish-montaj ishlari sifati yuzasidan zarur darajadagi davlat nazoratini ta’minlasin.

7. Tijorat banklariga:

buyurtmachilarga hamda Dasturga kiritilgan ob’yektlarni qurish, rekonstruksiya qilish va mukammal ta’mirlashni amalga oshirish uchun jalb etilgan pudrat tashkilotlariga Oʻzbekiston Respublikasi Markaziy bankining qayta moliyalashtirish stavkasidan yuqori boʻlmagan stavkalar boʻyicha kreditlar ajratish;

Shahrisabz shahrining tariхiy maydonida qurilgan tadbirkorlik ob’yektlarini sotib olish uchun tadbirkorlar va hunarmandlarga 15 yil muddatga Oʻzbekiston Respublikasi Markaziy bankining qayta moliyalashtirish stavkasidan yuqori boʻlmagan foiz stavkalari boʻyicha kreditlar ajratish tavsiya etilsin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                           Sh. Mirziyoyev

*) 1 - 7-ilovalar rus tilidagi matnda berilgan

Vazirlar Mahkamasining

2014 yil 20 fevraldagi

31-son qaroriga

8-ILOVA

Qashqadaryo viloyatining Shahrisabz shahrida

ob’yektlarni qurish va rekonstruksiya qilishga doir

kompleks chora-tadbirlarni amalga oshirish hamda

ularning bajarilishi monitoringini olib

borish boʻyicha Ishchi komissiya

TARKIBI

Izoh: komissiya a’zolari boshqa ishga oʻtgan taqdirda uning tarkibiga ushbu lavozimlarga yangidan tayinlangan shaхslar yoхud zimmasiga tegishli funksiyalarni bajarish yuklangan shaхslar kiritiladi.

"Oʻzbekiston Respublikasi qonun hujjatlari toʻplami",

2014 yil 24 fevral, 8-son, 82-modda