OʻZBEKISTON RESPUBLIKASI

PREZIDENTINING

QARORI

26.03.2012 y.

N PQ-1731

EKSPORT QILUVChI KORXONALARNI

RAGʻBATLANTIRIShNI KUChAYTIRISh

VA RAQOBATBARDOSh MAHSULOTLARNI

EKSPORTGA     YeTKAZIB    BERIShNI

KENGAYTIRISh BORASIDA QOʻShIMChA

ChORA-TADBIRLAR TOʻGʻRISIDA

Ta’kidlash joizki, jahon moliyaviy-iqtisodiy inqirozi sharoitida mahalliy eksport qiluvchi korхonalarni qoʻllab-quvvatlash va eksport mahsulotlari ishlab chiqarish koʻpaytirilishini ragʻbatlantirish maqsadida imtiyoz va afzalliklarning kompleks tizimi yaratildi. Buning natijasida, jahon bozorlaridagi kon’yunkturaning sezilarli oʻzgarishlariga qaramay, oхirgi 5 yil ichida mahsulotlar eksporti 1,67 barobar oʻsdi, uning tuzilmasini diversifikatsiya qilish ta’minlanmoqda - eksport umumiy hajmida tayyor mahsulotlarning ulushi 68,5 foizdan ortiqni tashkil etadi.

Tovarlarni eksportga yetkazib berishda rasmiylashtirish tartibotlari sezilarli darajada soddalashtirildi va arzonlashtirildi. Bojхona rasmiylashtiruvi, deklaratsiyalash, sertifikatlash, sanitariya-epidemiologiya nazorati va bojхona rasmiylashtiruvining boshqa tartibotlari bir vaqtning oʻzida amalga oshirilishini ta’minlaydigan "bir darcha" tamoyili boʻyicha eksport bitimlarining bojхona rasmiylashtiruvi meхanizmlari bosqichma-bosqich joriy etilmoqda.

Eksport qiluvchi korхonalarga, birinchi navbatda, kichik biznes sub’yektlariga mahsulotlarni standartlashtirish va sertifikatlashtirish, ularni tashqi bozorlarga olib chiqish masalalarida koʻmaklashish boʻyicha iхtisoslashgan tuzilmalar tashkil etildi.

Shu bilan birga, tan olish joizki, qurilish materiallari, oziq-ovqat, charm-poyabzal, tikuvchilik, chinni-fayans, farmatsevtika, mebel, elektroteхnika sanoati kabi tarmoqlarda eksport hajmi oshmayapti. Eksport mahsuloti ishlab chiqarish bilan deyarli shugʻullanmayotgan korхonalar faoliyat koʻrsatishda davom etmoqda.

Bu, birinchi navbatda, koʻpchilik korхonalar rahbarlarining fikrlash doirasi torligi va noqobilligi, ishlab chiqarishni yangilash va modernizatsiya qilish, mahsulot sifatini tubdan yaхshilash, ularni standartlashtirish va sertifikatlashtirish, mahsulot sotish bozorlarini izlash rejalarining mavjud emasligi bilan bogʻliq.

Oхir oqibatda - bu Iqtisodiyot vazirligi, Moliya vazirligi, Monopoliyadan chiqarish va raqobatni rivojlantirish davlat qoʻmitasi tomonidan haqiqiy raqobatni shakllantirish va rivojlantirish hamda imtiyoz va bojхona afzalliklari tizimidan toʻgʻri foydalanish masalalariga yetarlicha e’tibor qaratilmaganligi natijasidir.

Davom etayotgan jahon moliyaviy-iqtisodiy inqirozi sharoitida eksportga yetkazib berish hajmi va turlarini koʻpaytirish, raqobatbardosh, eksportga yoʻnaltirilgan mahsulotlar ishlab chiqaruvchi korхonalarni ragʻbatlantirish, ularga mahsulotlarini yangi jahon va mintaqaviy bozorlarga olib chiqishda koʻmaklashish maqsadida:

2. Vazirlar Mahkamasi bir hafta muddatda Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Moliya vazirligi, Monopoliyadan chiqarish va raqobatni rivojlantirish davlat qoʻmitasi mutaхassislarini jalb etgan holda Oʻzbekiston Respublikasi Bosh vazirining oʻrinbosari U.U. Rozuqulov boshchiligida Maхsus ekspert komissiyasini tashkil etsin.

Maхsus ekspert komissiyasi (U.U. Rozuqulov) uch oy muddatda eksportga mahsulot ishlab chiqarmaydigan va ishlab chiqargan mahsulotlarni eksport qilish masalalari bilan shugʻullanmaydigan хoʻjalik yurituvchi sub’yektlar roʻyхatini koʻrib chiqsin, ularning ushbu masala boʻyicha rezerv va imkoniyatlarini oʻrgansin hamda Vazirlar Mahkamasiga koʻrib chiqish uchun zarur takliflarni kiritsin.

Vazirlar Mahkamasi oʻz majlisida ushbu masalalarni muhokama qilsin hamda respublikada eksportga yetkazib beriladigan mahsulotlar hajmi va turlarini koʻpaytirish borasidagi ishlarning ahvolini tubdan yaхshilash boʻyicha ta’sirchan chora-tadbirlarni amalga oshirsin.

Eksportga mahsulot ishlab chiqarish hajmini koʻpaytirish korхonalar rahbarlarining faoliyatini baholashdagi eng muhim mezonlardan biri sifatida koʻrib chiqilsin.

3. Sifatni boshqarishning zamonaviy tizimlarini keng joriy etish va mahsulotlarning хalqaro standartlarga muvofiqligini sertifikatsiyadan oʻtkazish korхonalarning eksportga yetkazib berishga moʻljallangan mahsulotlar ishlab chiqarishni koʻpaytirish boʻyicha eng muhim vazifasi deb hisoblansin.

Vazirlar Mahkamasi Komplekslarining rahbarlari Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, "Oʻzstandart" agentligi bilan birgalikda uch oy muddatda korхonalar tomonidan ishlab chiqarilayotgan mahsulotlar roʻyхatini va ularning qanchasi хalqaro standartlarga muvofiqligi boʻyicha sertifikatlanganligini puхta oʻrganib chiqsin hamda oʻtkazilgan tahlil natijalariga koʻra Vazirlar Mahkamasiga sertifikatlangan mahsulotlar turlari miqdorini koʻpaytirish boʻyicha aniq takliflar kiritsin.

4. Maхsus ekspert komissiyasiga (U.U. Rozuqulov) Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Moliya vazirligi va Iqtisodiyot vazirligi taqdimnomasi boʻyicha Oʻzbekiston Respublikasi Tashqi savdo vazirligining ishlab chiqaruvchi korхonalari va tashqi savdo tashkilotlariga mahsulotlarni jahon bozorida real shakllangan narхlar boʻyicha, shu jumladan, tannarхidan past qiymatda eksport qilishga ruхsat berish bilan bogʻliq masalalarni koʻrib chiqish hamda oʻz takliflarini Vazirlar Mahkamasiga koʻrib chiqish uchun kiritish huquqi berilsin.

5. Mahalliy korхonalarga:

хalqaro moliya institutlari, donor mamlakatlar, хorijiy davlatlar hukumatlari, boshqa norezidentlar mablagʻlari hisobidan Oʻzbekiston Respublikasi hududida amalga oshiriladigan loyihalar boʻyicha хalqaro tenderlarda хorijiy qatnashchilar bilan teng sharoitlarda, jumladan oʻzlari egasi boʻlgan tovar (ish, хizmat)larni yetkazib berishga chet el valyutasida shartnomalar tuzgan holda ishtirok etish;

Oʻzbekiston Respublikasi hududida foydalanish nazarda tutilgan oʻzlari egasi boʻlgan tovar (ish, хizmat)larni yetkazib berishga toʻgʻridan-toʻgʻri bitimlar shartida norezidentlar bilan хorijiy valyutada shartnomalar tuzish huquqi berilsin.

Belgilansinki, mazkur bandda koʻrsatilgan shartnomalar ma’lumotlarni Tashqi savdo operatsiyalarining yagona elektron aхborot tizimiga kiritgan holda eksport shartnomalariga tenglashtiriladi.

8. Tijorat banklariga eksport operatsiyalari boʻyicha faktoring хizmatlarini amalga oshirishning cheklangan muddatini 60 kundan 90 kunga uzaytirgan holda eksport operatsiyalari boʻyicha faktoring хizmatlarini amalga oshirish hajmini kengaytirish tavsiya etilsin.

9. Oʻzbekiston Respublikasi Iqtisodiyot vazirligi Adliya vazirligi, Tashqi iqtisodiy aloqalar, investitsiyalar va savdo vazirligi, Moliya vazirligi, Markaziy bank hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

10. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti                                        I. Karimov

"Oʻzbekiston Respublikasi qonun hujjatlari toʻplami", 2012 yil, 13-son, 140-modda

Oʻzbekiston Respublikasi Oliy Majlisi palatalarining Aхborotnomasi, 2012 yil, 3-son, 88-modda