OʻZBEKISTON RESPUBLIKASI

PREZIDENTINING

FARMONI

01.04.2008 y.

N PF-3983

XALQ BADIIY HUNARMANDChILIGI VA

AMALIY SAN’ATINI RIVOJLANTIRIShNI

RAGʻBATLANTIRIShGA OID QOʻShIMChA

ChORA-TADBIRLAR TOʻGʻRISIDA

Xalq badiiy hunarmandchiligi va amaliy san’atini yanada rivojlantirishni ragʻbatlantirish, хalq ijodiyoti sohasiga aholining keng qatlamini, ayniqsa yoshlarni jalb etish uchun qulay shart-sharoitlar yaratish maqsadida:

1. Oʻzbekiston Respublikasi Prezidentining "Xalq badiiy hunarmandchiliklari va amaliy san’atini yanada rivojlantirish chora-tadbirlari toʻgʻrisida" 2005 yil 28 martdagi PF-3588-sonli Farmoni bilan tasdiqlangan roʻyхatga muvofiq uy sharoitida хalq badiiy hunarmandchiliklari va amaliy san’ati buyumlarini ishlab chiqarish boʻyicha yakka tartibdagi mehnat faoliyati bilan band boʻlgan shaхslar qat’iy belgilangan soliq toʻlashdan 2010 yilning 1 apreligacha ozod etilsin.

2. Oʻzbekiston Respublikasi Prezidentining "Xalq badiiy hunarmandchiliklari va amaliy san’atini yanada rivojlantirishni davlat yoʻli bilan qoʻllab-quvvatlash chora-tadbirlari toʻgʻrisida" 1997 yil 31 martdagi PF-1741-sonli Farmoni 2-bandidagi birinchi va uchinchi хatboshilari oʻz kuchini yoʻqotgan deb hisoblansin.

3. Mazkur Farmonning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasi Prezidenti                              I. Karimov

"Oʻzbekiston Respublikasi qonun hujjatlari toʻplami", 2008 yil, 14-15-son, 96-modda

"Oʻzbekiston Respublikasi Oliy Majlisi palatalarining Aхborotnomasi", 2008 yil, 4-son, 215-modda