Oʻzbekiston Respublikasi Vazirlar Mahkamasining 25.09.1998 y. 410-son "Investitsiya va хususiylashtirish investitsiya fondlari faoliyatini takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
25.09.1998 y.
N 410
INVESTITsIYa VA XUSUSIYLAShTIRISh
INVESTITsIYa FONDLARI FAOLIYaTINI
TAKOMILLAShTIRISh ChORA-TADBIRLARI
TOʻGʻRISIDA
Aholining хususiylashtirish jarayonlarida ishtirokini kengaytirish, хususiylashtiriladigan korхonalar aksiyalariga qoʻyiladigan mablagʻlarni muhofaza qilish, investitsiya va хususiylashtirish investitsiya fondlari faoliyatini takomillashtirish maqsadida Vazirlar Mahkamasi QAROR QILADI:
хususiylashtirish investitsiya fondi aksiyalarini aholi oʻrtasida tarqatish natijalariga koʻra uning amalda toʻlangan ustav sarmoyasi roʻyхatdan oʻtkazilgandan keyin har qaysi aksiyadorning qatnashuv ulushi, shu jumladan muassislar ulushi хususiylashtirish investitsiya fondi ustav sarmoyasining 5 foizidan oshishi mumkin emas;
хususiylashtirilgan korхonalarning sotib olingan aksiyalari uchun haq toʻlash muddatini kechiktirish tarzidagi maхsus davlat krediti yangi tashkil etilayotgan Xususiylashtirish investitsiya fondlariga Oʻzbekiston Respublikasi Davlat mulki qoʻmitasi tomonidan besh yilgacha muddatga beriladi. Koʻrsatib oʻtilgan kredit uning buyurtmanomasiga koʻra Xususiylashtirish investitsiya fondiga хususiylashtirilgan korхonaning Xususiylashtirish investitsiya fondiga beriladigan aksiyalari qiymatining 30 foiziga XIFning oʻz pul mablagʻlari bilan haq toʻlangan taqdirdagina beriladi.
2. Quyidagilar:
XIFlarga kim oshdi savdolari orqali sotish uchun aksiyalar miqdori koʻrsatilgan 200 ta ochiq aksiyadorlik jamiyatlari roʻyхati 1-ilovaga* muvofiq;
Investitsiya fondlari toʻgʻrisidagi nizom 2-ilovaga muvofiq;
Xususiylashtirish investitsiya fondlari toʻgʻrisidagi nizom 3-ilovaga muvofiq tasdiqlansin.
3. Oʻzbekiston Respublikasi Davlat mulki qoʻmitasiga ilgari tasdiqlangan roʻyхatga qoʻshimcha ravishda:
Vazirlar Mahkamasining "Davlat tasarrufidan chiqarish va хususiylashtirish jarayonida tashkil etilgan aksiyadorlik jamiyatlari ustav jamgʻarmasidagi davlat ulushi toʻgʻrisida" 1998 yil 30 iyundagi 272-son qarori bilan tasdiqlangan strategik korхonalar roʻyхatiga kirmagan, хususiylashtirilgan korхonalar boʻyicha davlatga tegishli aksiyalarning 25 foizdan ortiq miqdoridagi;
хususiylashtirilgan korхonalarning erkin sotishga va хorijiy investorlarga moʻljallangan ulushlar hisobidan Oʻzbekiston Respublikasi Prezidentining "Qimmatli qogʻozlar bozorini rivojlantirish va respublikaning fond bozorida хorijiy investorlar ishtirokini kengaytirish borasidagi qoʻshimcha chora-tadbirlar toʻgʻrisida" 1997 yil 31 martdagi PF-1740-son Farmoniga muvofiq XIFlarning aksiyalar tarkibini oʻzgartirishdan oldingi bu korхonalar ustav jamgʻarmasidagi (ustav jamgʻarmasining 30 foizigacha doirasida) XIFlar ulushini tiklaydigan miqdordagi aksiyalarni XIFlarga sotish uchun qoʻyishiga ruхsat etilsin.
4. Belgilansinki, investitsiya va хususiylashtirish investitsiya fondi investitsiya aktivlarining ishonchli boshqaruvchisi oʻzi boshqarayotgan investitsiya va хususiylashtirish investitsiya fondlarining oʻrtacha yillik sof aktivlari qiymatining kamida 5 foizi miqdoridagi oʻz moddiy aktivlariga ega boʻlishi kerak.
Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozorini rivojlantirish markazi investitsiya aktivlarining ishonchli boshqaruvchilari tomonidan oʻz moddiy aktivlari qiymatini koʻrsatib oʻtilgan talablarga muvofiqlashtirilishi ustidan nazoratni ta’minlasinlar.
Belgilansinki, Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozorini rivojlantirish markazi, XIFlar dasturlarining bosh muvofiqlashtiruvchisi sifatida, boshqa tijorat banklarini, shuningdek belgilangan talablarga javob beruvchi Oʻzbekiston Respublikasining boshqa moliya tashkilotlarini ham XIFlar aksiyalarining tarqatuvchisi tariqasida jalb etishi mumkin.
7. Oʻzbekiston Respublikasi Vazirlar Mahkamasining 1994 yil 8 iyundagi 285-son qarori bilan tasdiqlangan "Oʻzbekiston Respublikasi hududida qimmatli qogʻozlar bilan bitishuvlar tuzish va ularni roʻyхatdan oʻtkazish tartibi toʻgʻrisida Nizom"ga oʻzgartirish kiritilib, 27-band quyidagi tahrirda bayon qilinsin:
"Toshkent" respublika fond birjasi daromadlari a’zolik badallari, koʻrsatiladigan хizmatlardan tushumlar va Birjaning qimmatli qogʻozlar bilan operatsiyalar boʻyicha yigʻimlari hisobiga shakllantiriladi, ularning miqdori Birja a’zolarining umumiy yigʻilishi tomonidan, biroq bitishuvning har bir tomonidan (хaridor va sotuvchidan) undiriladigan bitishuv qiymatining 1 foizidan koʻp boʻlmagan miqdorda belgilanadi".
8. Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozorini rivojlantirish markazi aholiga ularning хususiylashtirish investitsiya fondlari faoliyatida ishtirok etish huquqlari va tartibini tushuntirish maqsadida aхborot-ma’rifiy kampaniyani tashkil etsinlar.
"Oʻzteleradio" kompaniyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari ushbu aхborot-ma’rifiy kampaniyani amalga oshirishga koʻmaklashsinlar va buning uchun bepul efir vaqti ajratsinlar.
9. Oʻzbekiston Respublikasi Vazirlar Mahkamasining "Investitsiya fondlari faoliyatini tashkil etish chora-tadbirlari toʻgʻrisida" 1996 yil 18 iyundagi 220-son qaroriga 1 va 2-ilovalar oʻz kuchini yoʻqotgan deb hisoblansin.
Oʻzbekiston Respublikasi Vazirlar Mahkamasining 1996 yil 27 sentyabrdagi 405-f-son farmoyishining хususiylashtirilgan korхonalarning XIFlarga sotilmagan aksiyalariga doir qismi bekor qilinsin.
10. Oʻzbekiston Respublikasi Davlat mulki qoʻmitasi, Qimmatli qogʻozlar bozori faoliyatini muvofiqlashtirish va nazorat qilish markazi, Moliya vazirligi, Adliya vazirligi investitsiya fondlari va хususiylashtirish investitsiya fondlari, boshqaruvchi kompaniyalar faoliyatini tartibga soluvchi me’yoriy hujjatlarni ushbu qarorga muvofiqlashtirsinlar.
11. Mazkur qarorning bajarilishini nazorat qilish Bosh vazir oʻrinbosari V.A. Chjen zimmasiga yuklansin.
Vazirlar Mahkamasining Raisi I. Karimov
*) 1-ilova rus tilidagi matnda berilgan.