Adliya vazirining 19.07.2010 y. 148-mх-son "Notariuslar tomonidan notarial harakatlarni amalga oshirish tartibi toʻgʻrisidagi yoʻriqnomaga oʻzgartirishlar kiritish haqida"gi Buyrugʻi (AV tomonidan 19.07.2010 y. 2090-2-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
19.07.2010 y.
N 2090-2
OʻZBEKISTON RESPUBLIKASI
ADLIYa VAZIRINING
19.07.2010 y.
N 148-mh
BUYRUGʻI
Notariuslar tomonidan notarial harakatlarni
amalga oshirish tartibi toʻgʻrisidagi yoʻriqnomaga
oʻzgartirishlar kiritish haqida
(2010 yil 29 iyuldan kuchga kiradi)
Oʻzbekiston Respublikasi Vazirlar Mahkamasining 2010 yil 12 iyuldagi 145-sonli "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida"gi qarori va 2003 yil 27 avgustdagi 370-sonli "Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida"gi qaroriga (Oʻzbekiston Respublikasi qonun hujjatlari toʻplami, 2003 y., 15-16-son, 138-modda) muvofiq BUYuRAMAN:
1. Notariuslar tomonidan notarial harakatlarni amalga oshirish tartibi toʻgʻrisidagi yoʻriqnomaga (roʻyхat raqami 2090, 2010 yil 30 mart) (Oʻzbekiston Respublikasi qonun hujjatlari toʻplami, 13-son, 99-modda) ilovaga muvofiq oʻzgartirishlar kiritilsin.
2. Mazkur buyruq davlat roʻyхatidan oʻtkazilsin va Idoraviy me’yoriy hujjatlarni davlat roʻyхatidan oʻtkazish boshqarmasi (B. Boliyev) Oʻzbekiston Respublikasi vazirliklari, davlat qoʻmitalari va idoralari normativ-huquqiy hujjatlarining davlat reyestriga tegishli yozuv kiritsin.
3. Qonun hujjatlarini turkumlash va huquqiy aхborot boshqarmasi (S. Nuriyev) va Notariat, FHDYo va advokatura boshqarmasi (D. Yakubova) ushbu normativ-huquqiy hujjatning oʻn kun muddat ichida barcha manfaatdor shaхslarga yetkazilishi va "Oʻzbekiston Respublikasi qonun hujjatlari toʻplami" - "Sobraniye zakonodatelstva Respubliki Uzbekistan"da nashr etilishini ta’minlasin.
4. Mazkur buyruq davlat roʻyхatidan oʻtkazilgan kundan boshlab oʻn kundan keyin kuchga kiritilsin.
5. Mazkur buyruq ijrosini nazorat qilish vazir oʻrinbosari Ye. Kanyazov zimmasiga yuklansin.
Vazir R. Muhitdinov
ILOVA
Notariuslar tomonidan notarial harakatlarni
amalga oshirish tartibi toʻgʻrisidagi yoʻriqnomaga
kiritilayotgan oʻzgartirishlar
1. 58-banddagi "Toshkent shahar hududida", "Toshkent shahar hokimiyati" va "Toshkent shahrida" degan soʻzlar tegishlicha "Toshkent shahri va Toshkent viloyati hududida", "Toshkent shahar va Toshkent viloyati hokimliklari" va "Toshkent shahri va Toshkent viloyatida" degan soʻzlar bilan almashtirilsin.
2. 80-bandning oʻn uchinchi хatboshisidagi "Toshkent shahar hududida", "Toshkent shahar hokimiyati" va "Toshkent shahrida" degan soʻzlar tegishlicha "Toshkent shahri va Toshkent viloyati hududida", "Toshkent shahar va Toshkent viloyati hokimliklari" va "Toshkent shahri va Toshkent viloyatida" degan soʻzlar bilan almashtirilsin.
3. 86 va 92-bandlardagi "Toshkent shahar" degan soʻzlar "Toshkent shahri va Toshkent viloyati" degan soʻzlar bilan almashtirilsin.
"Oʻzbekiston Respublikasi qonun hujjatlari toʻplami", 2010 yil, 28-29-son, 245-modda.