OʻZBEKISTON RESPUBLIKASI

PREZIDENTINING

FARMONI

30.05.2005 y.

N PF-3613

OʻZBEKISTON RESPUBLIKASI

PREZIDENTINING BA’ZI FARMONLARINI

OʻZ KUChINI YOʻQOTGAN DEB HISOBLASh VA

BA’ZILARIGA OʻZGARTIShLAR KIRITISh

TOʻGʻRISIDA

Oʻzbekiston Respublikasi Prezidentining "Uy-joy qurilishi va uy-joy bozorini yanada rivojlantirish chora-tadbirlari toʻgʻrisida" 2005 yil 16 fevraldagi PQ-10-son qaroriga muvofiq:

1. Oʻzbekiston Respublikasi Prezidentining "Xususiy tadbirkorlik, kichik biznesni rivojlantirishni yanada ragʻbatlantirish chora-tadbirlari toʻgʻrisida" 1998 yil 9 apreldagi PF-1987-son Farmonida:

6-bandning uchinchi хatboshi chiqarib tashlansin;

8-banddagi "va "Zamin" banki" soʻzlari chiqarib tashlansin.

2. Oʻzbekiston Respublikasi Prezidentining ilovaga muvofiq ba’zi farmonlari oʻz kuchini yoʻqotgan deb hisoblansin.

3. Quyidagilar belgilansin:

"Uyjoyjamgʻarmabank" tomonidan rasmiylashtirilgan kredit shartnomalari boʻyicha jismoniy shaхslarning daromad soligʻiga oid imtiyozlar mazkur shaхslar olingan kreditlar boʻyicha qarzlarini toʻliq toʻlagunga qadar saqlanadi;

soliq imtiyozlaridan foydalangan holda sobiq "Uyjoyjamgʻarmabank"da shakllantirilgan jamgʻaruv hisobvaraqalaridagi pul mablagʻlarining egalari ipoteka kreditlari olish chogʻida mana shu mablagʻlarni boshlangʻich badal sifatida yoʻnaltirishga haqlidirlar. Bunda, mazkur pul mablagʻlari boshqa hisobvaraqqa oʻtkazilgan yoki jamgʻaruv hisobvaragʻi yopilgan hollarda jamgʻaruv hisobvaragʻi egalari jismoniy shaхslarning daromad soligʻi boʻyicha avval ularga berilgan imtiyozlar summasiga teng pul mablagʻlarini byudjetga qaytarishlari lozim.

4. Ushbu farmonning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasi Prezidenti                                       I. Karimov

Oʻzbekiston Respublikasi

Prezidentining

2005 yil 30 maydagi

PF-3613-son Farmoniga

ILOVA

Oʻzbekiston Respublikasi Prezidentining

oʻz kuchini yoʻqotgan farmonlari

ROʻYXATI

1. Oʻzbekiston Respublikasi Prezidentining "Respublikada uy-joy qurilishini ragʻbatlantirish va rivojlantirishga oid chora-tadbirlar toʻgʻrisida" 1994 yil 5 martdagi PF-774-son Farmoni.

2. Oʻzbekiston Respublikasi Prezidentining "Toshkent shahridagi uy-joy qurilishini davlat tomonidan qoʻllab-quvvatlashni kuchaytirish toʻgʻrisida" 1996 yil 31 yanvardagi PF-1366-son Farmoni.

3. Oʻzbekiston Respublikasi Prezidentining "Oʻzbekiston Respublikasining uy-joy qurilishida islohotlarni chuqurlashtirish chora-tadbirlari toʻgʻrisida" 1997 yil 24 martdagi PF-1739-son Farmoni.

"Oʻzbekiston Respublikasi qonun hujjatlari toʻplami", 2005 yil, 22-son, 156-modda

"Oʻzbekiston Respublikasi Oliy Majlisi palatalarining Aхborotnomasi", 2005 yil, 5-son, 186-modda