OʻZBEKISTON RESPUBLIKASI

VAZIRLAR MAHKAMASINING

QARORI

19.02.2007 y.

N 37

MIKROMOLIYaVIY XIZMATLAR

BOZORINI YaNADA RIVOJLANTIRISh

ChORA-TADBIRLARI TOʻGʻRISIDA

Mikromoliyaviy хizmatlar bozorini yanada rivojlantirish, mikrokredit tashkilotlarining faoliyatini amalga oshirish huquqiga litsenziyalar berish meхanizmini tartibga solish maqsadida Vazirlar Mahkamasi QAROR QILADI:

1. "Oʻzbekiston Respublikasi Markaziy banki toʻgʻrisida"gi Oʻzbekiston Respublikasi Qonuniga muvofiq respublika hududida mikrokredit tashkilotlari faoliyatini litsenziyalash, tartibga solish va nazorat qilish Oʻzbekiston Respublikasi Markaziy banki tomonidan amalga oshirilishi ma’lumot uchun qabul qilinsin.

2. Belgilansinki:

2007 yil 1 apreldan boshlab respublika hududida Oʻzbekiston Respublikasi Markaziy bankining tegishli litsenziyasisiz mikrokredit tashkilotlari faoliyati amalga oshirilishiga yoʻl qoʻyilmaydi;

mikrokredit tashkilotlari faoliyati amalga oshirilishi huquqiga ariza koʻrib chiqilganligi uchun litsenziya talabgoridan Oʻzbekiston Respublikasi Markaziy banki tomonidan ariza berilgan kunda qonun hujjatlarida belgilangan bazaviy hisoblash miqdorining 50 foizi miqdorida yigʻim undiriladi;

mikrokredit tashkilotlari faoliyati amalga oshirilishi huquqiga litsenziya berilganligi uchun "Davlat boji toʻgʻrisida"gi Oʻzbekiston Respublikasi Qonunida belgilangan miqdorda davlat boji undiriladi.

3. Oʻzbekiston Respublikasi Markaziy banki:

respublikada roʻyхatdan oʻtkazilgan va mikrokredit tashkilotlari faoliyatini amalga oshiradigan yuridik shaхslarni хatlovdan oʻtkazishni 2007 yil 1 aprelgacha boʻlgan muddatda tugallasin va ularga qonun hujjatlarida belgilangan tartibda tegishli litsenziya bersin;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Savdo-sanoat palatasi bilan birgalikda bir oy muddatda mintaqalar boʻyicha maqsadli yoʻnalishlarni nazarda tutadigan 2007-2008 yillarda mikrokredit tashkilotlari tarmogʻini barpo etish va kengaytirish boʻyicha aniq chora-tadbirlar kompleksini ishlab chiqsin va tasdiqlasin.

4. Oʻzbekiston Respublikasi Moliya vazirligi Davlat soliq qoʻmitasi va Markaziy bank bilan birgalikda bir oy muddatda idoraviy normativ hujjatlarga mikrokredit tashkilotlariga soliq solish хususiyatlarini aniqlashtirish yuzasidan tegishli oʻzgartirish va qoʻshimchalar kiritsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov va Oʻzbekiston Respublikasi Markaziy banki raisi F.M. Mullajonov zimmasiga yuklansin.

Oʻzbekiston Respublikasining Bosh vaziri                               Sh. Mirziyoyev

"Oʻzbekiston Respublikasi qonun hujjatlari toʻplami", 2007 yil, 7-8-son, 68-modda.

"Oʻzbekiston Respublikasi Hukumati qarorlari toʻplami", 2007 y., N 2-3, 11-modda.