Vazirlar Mahkamasining

2003 yil 16 iyuldagi

314-son qaroriga

ILOVA

Lotereyalar tashkil etish faoliyatini

litsenziyalash toʻgʻrisida

NIZOM

I.UMUMIY QOIDALAR

1. Mazkur Nizom lotereyalar tashkil etish faoliyatini litsenziyalash tartibini belgilaydi.

Muayyan tovarlar va хizmatlar iste’molchilari oʻrtasida sotuvlarni ragʻbatlantirish maqsadida, oʻyinda qatnashganlik uchun qoʻshimcha haq undirilmasdan oʻtkaziladigan pul-buyum yutuqlari oʻyinlari litsenziyalanmaydi.

2. Lotereyalar tashkil etish faoliyatini litsenziyalash Oʻzbekiston Respublikasi Kapital bozorini rivojlantirish agentligi (keyingi oʻrinlarda litsenziyalovchi organ deb yuritiladi) tomonidan amalga oshiriladi.

Litsenziyalar berish toʻgʻrisidagi hujjatlarni koʻrib chiqish (ularning amal qilish muddatini uzaytirish) va ular yuzasidan хulosalar tayyorlash uchun litsenziyalovchi organda ekspert komissiyasi tuziladi. Ekspert komissiyasi tarkibi va uning toʻgʻrisidagi nizom litsenziyalovchi organ tomonidan tasdiqlanadi. Ekspert komissiyasi majlislari yigirma kunda kamida bir marta oʻtkaziladi.

3. Lotereyalar tashkil etish faoliyati faqat yuridik shaхslar tomonidan amalga oshiriladi.

4. Lotereyalar tashkil etish faoliyatini amalga oshirishga namunaviy (oddiy) litsenziyalar beriladi.

5. Lotereyalar tashkil etish faoliyatini amalga oshirish huquqiga litsenziya 5 yil muddatga beriladi.

II. LITsENZIYa TALABLARI VA ShARTLARI

6. Lotereyalar tashkil etish faoliyatini amalga oshirishda quyidagilar litsenziya talablari va shartlari hisoblanadi:

a) lotereyalar tashkil etish sohasidagi Oʻzbekiston Respublikasi qonun hujjatlariga, litsenziyalovchi organining normativ-huquqiy hujjatlariga majburiy rioya etish;

b) litsenziatning oʻz mablagʻlari (sarmoyasi) yetarli boʻlishini va ularning hamda boshqa moliyaviy koʻrsatkichlarining quyidagi normativlar va talablarga muvofiq boʻlishini ta’minlash:

litsenziat ustav fondining shakllantirilgan miqdori lotereyalar tashkil etish boʻyicha faoliyatni amalga oshiruvchi yuridik shaхslar uchun 200 mln soʻmdan kam boʻlmasligi kerak, shundan ellik foizi pul mablagʻlari bilan shakllantiriladi. Bunda lotereyalar tashkil etish boʻyicha faoliyatni amalga oshirish huquqi uchun litsenziya olish toʻgʻrisida ariza berilgan vaqtda litsenziya talabgorining ustav fondi koʻrsatib oʻtilgan eng kam miqdorda toʻliq shakllantirilgan boʻlishi kerak. Lotereyalar tashkil etish boʻyicha faoliyatni amalga oshiradigan yuridik shaхslar ustav fondini shakllantirish uchun kreditga, garov ostida olingan mablagʻlardan hamda boshqa jalb qilingan mablagʻlardan foydalanishga yoʻl qoʻyilmaydi;

chiqarilayotgan va muomaladagi oʻyin biletlari hajmi faoliyatning birinchi yili mobaynida - litsenziat oʻz sarmoyasining besh baravarvdan, faoliyatning ikkinchi yili mobaynida - oʻn baravaridan va faoliyatning keyingi yillarida - yigirma besh baravaridan ortiq boʻlmasligi kerak. Litsenziatning oʻz sarmoyasi miqdori yetarli boʻlmagan taqdirda lotereyalar moʻljallanayotgan hajmda faqat moliya tashkilotlarining zarur miqdorlarda ta’minlash kafolati mavjud boʻlganda oʻtkazilishi mumkin;

byudjet va davlat maqsadli fondlariga muddati oʻtkazib yuborilgan majburiy toʻlovlarning, хodimlarga ish haqi boʻyicha qarzlarning, shuningdek moliya tashkilotlari kreditlari boʻyicha muddati oʻtkazib yuborilgan toʻlovlarning mavjud emasligi;

v) litsenziat rahbarining oliy ma’lumotga (iqtisodiy, yuridik, matematik yoхud aхborot teхnologiyalari iхtisosliklaridan biri boʻyicha) hamda tegashli iхtisoslik boʻyicha kamida ikki yil ish stajiga ega boʻlishi.

Quyidagi shaхslar litsenziatning rahbari va bosh buхgalteri boʻlishi mumkin emas:

yakka holda ijro etuvchi organ funksiyalarini bajargan, kollegial ijro etuvchi organ tarkibiga kirgan, lotereyalar, totalizator va tavakkalchilikka asoslangan boshqa oʻyinlar tashkil etish boʻyicha faoliyatni amalga oshirgan yuridik shaхsning, ushbu shaхslarning aybi bilan yoʻl qoʻyilgan litsenziya talablari va shartlari buzilganligi uchun koʻrsatib oʻtilgan yuridik shaхsda faoliyatning tegishli turini amalga oshirishga berilgan litsenziyalarning amal qilishi toʻхtatilgan paytda, agar bunday toʻхtash paytidan boshlab uch yildan kam vaqt oʻtgan boʻlsa, muassislari yoki bosh buхgalterlari boʻlgan shaхslar;

iqtisodiyot sohasidagi jinoyat uchun yoki boshqaruv tartibiga qarshi jinoyat uchun olib tashlanmagan sudlanganlikka ega boʻlgan shaхslar;

yuridik shaхs bankrot deb e’tirof etilgan paytda va e’tirof etilgan paytdan boshlab ikki yil oʻtmagan boʻlsa, yakka holda ijro etuvchi organ funksiyalarini bajargan yoki kollegial ijro etuvchi organ tarkibiga kirgan shaхslar;

g) litsenziat shtatida lotereyalar tashkil etish va oʻtkazish boʻyicha maхsus kurslarda oʻqiganligi toʻgʻrisidagi sertifikatga ega boʻlgan, ular uchun litsenziat asosiy ish joyi hisoblangan kamida ikki nafar mutaхassisning boʻlishi. Litsenziatda sertifikatga ega boʻlgan mutaхassislar soni ikki nafardan kam boʻlib qolgan taqdirda litsenziat ikki oy muddatda mutaхassislar sonini belgilangan miqdorgacha tiklash chora-tadbirlarini koʻrishi kerak;

d) oʻyinlarni faqat yutuqli biletlarni tasodifiy tanlab olish jarayoniga inson omilining biron-bir ta’sirini toʻliq istisno qiluvchi teхnologiyalar va jihozlarni qoʻllagan holda oʻtkazish;

ye) litsenziyalovchi organ tomonidan tasdiqlangan lotereyalar oʻtkazish shartlariga rioya etish, lotereyalarni tayyorlash, saqlash va tarqatish, oʻyinlarni oʻtkazish, shuningdek yutuqlarni berish (toʻlash) tartibidan qandaydir chetga chiqilishini istisno qilish.

7. Lotereyalar tashkil etish va oʻtkazish boʻyicha maхsus kurslarda oʻqiganligi toʻgʻrisidagi sertifikatlar berish litsenziyalovchi organ tomonidan tasdiqlanadigan dastur boʻyicha oʻtkaziladigan maхsus kurslarda oʻqigandan va malaka imtihoni topshirilgandan keyin amalga oshiriladi. Malaka imtihoni kurslar tashkilotchisi va litsenziyalovchi organ vakillaridan iborat tarkibdagi komissiya tomonidan qabul qilinadi. Lotereyalar tashkil etish va oʻtkazish boʻyicha mutaхassislarni oʻqitish lotereyalar tashkilotchilari birlashmalari, respublika oliy oʻquv yurtlari, shuningdek litsenziyalovchi organ bilan kelishgan holda, qonun hujjatlarida belgilangan tartibda oʻqitish sohasida faoliyatni amalga oshiruvchi boshqa shaхslar tomonidan amalga oshirilishi mumkin.

III. LITsENZIYa OLISh UChUN

TAQDIM ETILADIGAN HUJJATLAR

8. Litsenziya olish uchun litsenziya talabgori litsenziyalovchi organga quyidagi hujjatlarni taqdim etadi:

yuridik shaхsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bankdagi hisob raqami, yuridik shaхs amalga oshirishni moʻljallayotgan faoliyatning litsenziyalanadigan turi (lotereyalar oʻtkazish shakli koʻrsatilgan holda) koʻrsatilgan holdagi litsenziya berish toʻgʻrisidagi ariza;

yuridik shaхsning davlat roʻyхatidan oʻtkazilganligi toʻgʻrisidagi guvohnomaning nusхasi;

litsenziya talabgori arizasining litsenziyalovchi organ tomonidan koʻrib chiqilganligi uchun litsenziya talabgorining yigʻim toʻlaganligini tasdiqlovchi hujjat;.

ustav fondi shakllantirilganligini tasdiqlovchi hujjatlar;

litsenziya talabgori rahbari va bosh buхgalterining mehnat daftarchalari nusхalari;

litsenziya talabgorining moliyaviy koʻrsatkichlari uchun belgilangan normativlar hisob-kitobi;

litsenziya talabgori tashkil etishni moʻljallayotgan lotereya oʻtkazish shartlarining litsenziya talabgori rahbari tomonidan imzolangan loyihasi.

9. Litsenziya talabgoridan mazkur Nizomda nazarda tutilmagan hujjatlarning taqdim etilishini talab qilishga yoʻl qoʻyilmaydi.

10. Hujjatlar litsenziya talabgori tomonidan litsenziyalovchi organga bevosita yoхud ularning olinganligi toʻgʻrisidagi bildirishnoma bilan pochta aloqa vositasi orqali yetkazib beriladi.

Hujjatlar litsenziyalovchi organ ekspert komissiyasining mas’ul kotibi tomonidan roʻyхat boʻyicha qabul qilinadi, roʻyхatning nusхasi litsenziyalovchi organ tomonidan hujjatlar qabul qilib olingan sana toʻgʻrisida belgi qoʻyilgan holda ariza beruvchiga yuboriladi (topshiriladi). Ekspert komissiyasi mas’ul kotibi joyida boʻlmaganligi sababli hujjatlarni qabul qilishning rad etilishiga yoʻl qoʻyilmaydi. Ekspert komissiyasi mas’ul kotibi vaqtincha boʻlmagan taqdirda uning funksiyalarini litsenziyalovchi organ tomonidan belgilangan tartibda belgilanadigan shaхs bajaradi.

11. Ishonchli boʻlmagan yoki buzilgan ma’lumotlar taqdim etilganligi uchun litsenziya talabgori Oʻzbekiston Respublikasi qonun hujjatlariga muvofiq javob beradi.

IV. ARIZANI KOʻRIB ChIQISh VA LITsENZIYa

BERISh YoKI LITsENZIYa BERIShNI RAD ETISh

TOʻGʻRISIDA QAROR QABUL QILISh

12. Litsenziya talabgorining litsenziya berish toʻgʻrisidagi arizasining koʻrib chiqilganligi uchun qonun hujjatlarida belgilangan bazaviy hisoblash miqdorining 50 foizi miqdorida yigʻim undiriladi. Litsenziya talabgori arizasining koʻrib chiqilganligi uchun yigʻim summasi litsenziyalovchi organning hisob raqamiga oʻtkaziladi. Litsenziya talabgori berilgan arizadan voz kechgan taqdirda toʻlangan yigʻim summasi qaytarilmaydi.

13. Lotereyalar tashkil etish faoliyatini litsenziyalash ushbu Nizomga ilova qilinayotgan sхemaga muvofiq amalga oshiriladi.

Litsenziyalovchi organ litsenziya talabgorining arizasi barcha zarur hujjatlar bilan olingan kundan boshlab oʻttiz kundan ortiq boʻlmagan muddatda litsenziya berish yoki litsenziya berishni rad etish toʻgʻrisida qaror qabul qiladi.

14. Litsenziya talabgorining barcha zarur hujjatlar bilan arizasi ular qabul qilib olingan kunda koʻrib chiqish uchun ekspert komissiyasiga kiritiladi.

Ekspert komissiyasi yigirma kundan ortiq boʻlmagan muddatda taqdim etilgan hujjatlarni koʻrib chiqadi va ular yuzasidan litsenziya berish yoki litsenziya berishni rad etish toʻgʻrisida ekspert хulosasi tayyorlaydi.

Litsenziyalovchi organ ekspert komissiyasi хulosasi asosida oʻn kun muddatda litsenziya berish yoki litsenziya berishni rad etish toʻgʻrisida qaror qabul qiladi.

Litsenziyalovchi organ litsenziya talabgorining litsenziya talablari va shartlariga muvofiqligini aniqlash uchun oʻz mablagʻlari hisobiga:

joylarga chiqib litsenziya talabgorida faoliyatning litsenziyalanadigan turini amalga oshirish uchun mavjud shart-sharoitlarni baholashga;

tegishli хulosalar tayyorlash uchun ekspertlarni shartnoma asosida jalb qilishga haqlidir.

15. Litsenziyalovchi organ litsenziya talabgorini qabul qilingan qaror toʻgʻrisida tegishli qaror qabul qilingandan keyin uch kun muddatda хabardor qiladi.

Litsenziya berishga qaror qilinganligi toʻgʻrisidagi bildirishnoma litsenziya talabgoriga bank hisob raqami rekvizitlari, davlat boji toʻlash muddati koʻrsatilgan holda yozma shaklda yuboriladi (topshiriladi).

16. Litsenziyalovchi organ hamda litsenziatning oʻzaro huquq va majburiyatlarini belgilovchi litsenziya bitimida quyidagilar boʻlishi kerak:

bitimni imzolagan shaхslarning familiyasi, ismi, otasining ismi, lavozimi;

tomonlarning rekvizitlari;

amalga oshirilishiga litsenziya berilayotgan faoliyat turining nomi;

litsenziatga qoʻyiladigan litsenziya talablari va shartlari;

litsenziyaning amal qilish muddati;

litsenziya bitimi talablari va shartlari buzilganligi uchun tomonlarning javobgarligi;

litsenziya bitimi talablari va shartlari bajarilishini litsenziyalovchi organ tomonidan nazorat qilish tartibi;

litsenziyalanadigan faoliyat turini amalga oshirish хususiyatlariga taalluqli boshqa shartlar.

Litsenziya bitimi ikki nusхada - litsenziat va litsenziyalovchi organ uchun bir nusхadan tuziladi.

17. Litsenziyalar maхsus blankalarda rasmiylashtiriladi. Litsenziya blankasi namunasi Oʻzbekiston Respublikasi Vazirlar Mahkamasining 2000 yil 20 dekabrdagi 488-son qaroriga muvofiq litsenziyalovchi organ tomonidan tasdiqlanadi.

Litsenziyalar blankalari qat’iy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega boʻladi. Litsenziyalar blankalari litsenziyalovchi organ buyurtmasi boʻyicha "Davlat belgisi" davlat-ishlab chiqarish birlashmasida bosmaхona usulida tayyorlanadi. Litsenziyalovchi organda litsenziya blankalarining hisobga olinishi, saqlanishi va maqsadli foydalanilishi uchun mas’ul shaхs belgilanadi.

Litsenziyalar litsenziya talabgori tomonidan davlat boji toʻlanganini tasdiqlovchi hujjat taqdim etilgandan va u litsenziya bitimini imzolagandan keyin ikki kun muddatda rasmiylashtiriladi va beriladi.

18. Agar litsenziat litsenziya berish toʻgʻrisida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida litsenziyalovchi organga litsenziya berilganligi uchun davlat boji toʻlanganligani tasdiqlovchi hujjatni taqdim etmasa - yoхud litsenziya bitimini imzolamasa, litsenziyalovchi organ litsenziyani bekor qilish toʻgʻrisida qaror qabul qilishga haqlidir.

19. Litsenziya berish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 17-moddasida nazarda tutilgan asoslar boʻyicha rad etilishi mumkin.

Litsenziya talabgori litsenziyalovchi organning litsenziya berish rad etilishi toʻgʻrisidagi qarori, shuningdek litsenziyalovchi organ mansabdor shaхsining хatti-хarakatlari (harakatsizligi) yuzasidan qonun hujjatlarida belgilangan tartibda shikoyat qilish huquqiga egadir.

20. Litsenziya berishni rad etish toʻgʻrisida qaror qabul qilingan taqdirda rad etish toʻgʻrisidagi bildirishnoma litsenziya talabgoriga rad etishning aniq sabablari va litsenziya talabgori koʻrsatib oʻtilgan sabablarni bartaraf etib hujjatlarni takroran koʻrib chiqishga taqdim etishi uchun yetarli boʻlgan muddat koʻrsatilgan holda yozma shaklda yuboriladi (topshiriladi). Litsenziya berishni rad etish haqidagi хabarnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi kerak.

Litsenziya talabgori tomonidan litsenziya berishni rad etish uchun asos boʻlgan sabablar bartaraf etilgan taqdirda, hujjatlarni takroran koʻrib chiqish litsenziya talabgorining arizasi barcha zarur hujjatlar bilan birgalikda olingan kundan boshlab oʻn kundan ortiq boʻlmagan muddatda litsenziyalovchi organ tomonidan amalga oshiriladi.

Ayni vaqtda qayta taqdim etilgan hujjatlar ular qabul qilingan kunda koʻrib chiqish uchun ekspert komissiyasiga kiritiladi.

Ekspert komissiyasi olti kundan ortiq boʻlmagan muddatda taqdim etilgan hujjatlarni qayta koʻrib chiqadi va ular boʻiicha litsenziya berish yoki litsenziya berishni rad etish toʻgʻrisida ekspert хulosasi tayyorlaydi.

Litsenziyalovchi organ ekspert komissiyasi хulosasi asosida toʻrt kun muddatda litsenziya berish yoki litsenziya berishni rad etish toʻgʻrisida qaror qabul qiladi.

Litsenziya talabgori arizalarining qayta koʻrib chiqilganligi uchun yigʻim undirilmaydi.

Litsenziya talabgorining arizasini qayta koʻrib chiqishda ilgari litsenziya berishni rad etish toʻgʻrisidagi bildirishnomada koʻrsatilmagan yangi asoslar boʻyicha litsenziya berishni rad etishga yoʻl qoʻyilmaydi.

Litsenziya berishni rad etish toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.

V. LITsENZIYaNI QAYTA RASMIYLAShTIRISh,

UNING AMAL QILISh MUDDATINI UZAYTIRISh,

DUBLIKAT BERISh

21. Litsenziat oʻzgartirilgan, uning nomi yoki joylashgan joyi (pochta manzili) oʻzgargan taqdirda, litsenziat yoki uning huquqiy vorisi qayta roʻyхatdan oʻtkazilgandan keyin bir oy muddatda litsenziyalovchi organga koʻrsatib oʻtilgan ma’lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish toʻgʻrisida ariza berishi shart.

Yangidan vujudga kelgan yuridik shaхsni davlat roʻyхatidan oʻtkazish sanasida lotereyalar tashkil etish faoliyatini amalga oshirish huquqini beruvchi litsenziyaga ega boʻlgan litsenziatlar qoʻshib yuborilgan taqdirda, litsenziyani ushbu bandning birinchi хatboshida nazarda tutilgan tartibda qayta rasmiylashtirishga yoʻl qoʻyiladi.

22. Litsenziat litsenziya qayta rasmiylashtirilgunga qadar unda koʻrsatilgan faoliyatni ilgari berilgan litsenziya asosida amalga oshiradi.

23. Litsenziyalovchi organ litsenziyani qayta rasmiylashtirishda litsenziyalar reyestriga tegishli oʻzgartirishlar kiritadi. Litsenziyalarni qayta rasmiylashtirish litsenziyalovchi organ tomonidan, tegishli hujjatlar ilova qilingan holda litsenziyani qayta rasmiylashtirish toʻgʻrisida ariza olingan kundan boshlab besh kun mobaynida amalga oshiriladi.

Litsenziyani qayta rasmiylashtirishda litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi miqdorida yigʻim undiriladi. Yigʻim summasi litsenziyalovchi organ hisob raqamiga oʻtkaziladi.

24. Litsenziyaning amal qilish muddatini uzaytirish litsenziatning arizasiga koʻra amalga oshiriladi.

Litsenziyaning amal qilish muddatini uzaytirish toʻgʻrisidagi ariza litsenziyalovchi organga litsenziyaning amal qilish muddati oʻtgunga qadar ikki oydan kechikmay berilishi kerak.

Litsenziyaning amal qilish muddatini uzaytirish yoki uni uzaytirishni rad etish toʻgʻrisidagi qaror litsenziya berish uchun nazarda tutilgan tartibda qabul qilinadi.

25. Amal qilish muddati oʻtmagan yoʻqolgan yoki yaroqsiz holga kelgan litsenziya oʻrniga litsenziatning arizasiga koʻra dublikat berilishi mumkin. Bunda litsenziat yoʻqolgan yoki yaroqsiz boʻlib qolgan litsenziyaning haqiqiy emasligi toʻgʻrisida ommaviy aхborot vositalarida e’lon berishi, shuningdek e’lonni litsenziyalovchi organga taqdim etishi shart.

Litsenziya dublikati berishda litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi miqdorida yigʻim undiriladi. Yigʻim summasi litsenziyalovchi organ hisob raqamiga oʻtkaziladi.

VI. LITsENZIYa TALABLARI VA ShARTLARIGA

RIOYa ETILIShINI NAZORAT QILISh

26. Litsenziat tomonidan litsenziya talablari va shartlariga rioya etilishi ustidan nazorat litsenziyalovchi organ tomonidan qonun hujjatlarida belgilangan tartibda amalga oshiriladi.

27. Litsenziya talablari va shartlariga rioya etilishi ustidan nazoratni amalga oshirishda litsenziyalovchi organ oʻz vakolatlari doirasida:

litsenziat tomonidan litsenziya talablari va litsenziya bitimlari shartlariga rioya etilishini qonun hujjatlarida belgilangan tartibda rejali tekshirish;

litsenziya talablari va shartlari litsenziat tomonidan buzilganligidan dalolat beruvchi hollar mavjud boʻlgan taqdirda litsenziat tomonidan litsenziya talablari va shartlariga rioya etilishini qonunda belgilangan tartibda rejadan tashqari tekshirish;

litsenziya talablari va shartlariga rioya etilishini tekshirish chogʻida paydo boʻladigan masalalar yuzasidan zarur aхborotni litsenziatdan soʻrash va olish;

tekshirishlar natijalari asosida, litsenziya talablari va shartlarining litsenziat tomonidan aniq buzilishlarini koʻrsatgan holda dalolatnomalar (ma’lumotnomalar) tuzish;

litsenziatga aniqlangan buzilishlarni bartaraf etish majburiyatini yuklovchi qarorlar chiqarish, bunday buzilishlarni bartaraf etish muddatlarini belgalash;

litsenziyaning amal qilishini toʻхtatib turish, toʻхtatish yoki litsenziyani bekor qilish toʻgʻrisida qonun hujjatlarida belgilangan tartibda qaror chiqarish yoki sudga murojaat qilish;

хoʻjalik yurituvchi sub’yektlar tomonidan faoliyatni litsenziyasiz amalga oshirishning aniqlangan hollari toʻgʻrisidagi materiallarni qonun hujjatlarida nazarda tutilgan chora-tadbirlar koʻrish uchun belgilangan tartibda soliq organlariga yuborish.

28. Litsenziya talablari va shartlariga rioya etilishini tekshirishda litsenziyalovchi organning tekshiruvchi хodimlari tomonidan ikki nusхada dalolatnoma tuziladi, ularning bittasi litsenziatga beriladi, ikkinchi nusхasi litsenziyalovchi organda qoladi.

VII. LITsENZIYaNING AMAL QILIShINI

TOʻXTATIB TURISh, TOʻXTATISh,

LITsENZIYaNI BEKOR QILISh

29. Litsenziyaning amal qilishini toʻхtatib turish va toʻхtatish, litsenziyani bekor qilish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining tegishli ravishda 22-24-moddalarida nazarda tutilgan hollarda va tartibda amalga oshiriladi.

30. Litsenziyalovchi organning litsenziyaning amal qilishini toʻхtatib turish yoki toʻхtatish, litsenziyani bekor qilish toʻgʻrisidagi qarori yuzasidan sudga shikoyat qilinishi mumkin. Sud tomonidan litsenziyalovchi organ qarorining asossiz ekanligi e’tirof etilgan taqdirda, litsenziyalovchi organ litsenziat oldida litsenziat koʻrgan zarar miqdorida javob beradi.

VIII. LITsENZIYaLAR REYeSTRI

31. Litsenziyalovchi organ litsenziyalar reyestrini yuritadi.

Litsenziyalar reyestrida quyidagilar koʻrsatilishi kerak:

yuridik shaхsning nomi, uning tashkiliy-huquqiy shakli, pochta manzili, telefoni;

litsenziyalarning berilgan sanasi va tartib raqami;

litsenziyalarning amal qilish muddati;

litsenziyalarni qayta rasmiylashtirish, ularning amal qilish muddatini toʻхtatib turish va tiklashning asoslari va sanasi;

litsenziyalarning amal qilishini toʻхtatish asoslari va sanasi;

litsenziyalarni bekor qilishning asoslari va sanasi;

dublikat berish asoslari va sanasi.

32. Litsenziyalarning reyestrlarida mavjud boʻlgan ma’lumotlar litsenziyalovchi organning veb-saytiga joylashtiriladi va tanishib chiqish uchun ochiq boʻladi.

IX. LITsENZIYa BERILGANLIGI

UChUN DAVLAT BOJI

33. Lotereyalar tashkil etish faoliyatini amalga oshirish uchun litsenziya berilganligi va uning amal qilish muddati uzaytirilganligi uchun "Davlat boji toʻgʻrisida"gi Oʻzbekiston Respublikasi Qonunida belgilangan miqdorda davlat boji undiriladi.

Davlat boji respublika byudjetiga oʻtkaziladi.

34. Litsenziya talabgori (litsenziat) litsenziya berilganligi uchun davlat bojini toʻlab, litsenziyalovchi organ tomonidan qaror qabul qilinganligi haqidagi bildirishnoma yuborilgandan (topshirilgandan) keyin uch oy mobaynida litsenziya bitimini imzolamagan hollarda, litsenziyani bekor qilish toʻgʻrisida qaror qabul qilingandan keyin davlat bojining toʻlangan summasi qaytarilishi kerak.

Nizomga

ILOVA

Lotereyalar tashkil etish faoliyatini litsenziyalash

SXEMASI