OʻZBEKISTON RESPUBLIKASI

PREZIDENTI HUZURIDAGI

VAZIRLAR MAHKAMASINING

QARORI

28.08.1992 y.

N 401

OʻZBEKISTON RESPUBLIKASI DAVLAT

GERBINING TASVIRINI TAYYoRLASh VA

UNDAN FOYDALANISh MASALALARI

Oʻzbekiston Respublikasi Oliy Kengashining "Oʻzbekiston Respublikasining Davlat gerbi toʻgʻrisida"gi Oʻzbekiston Qonunini amalga kiritish haqida" 1992 yil 2 iyuldagi qaroriga muvofiq Vazirlar Mahkamasi QAROR QILADI:

1. Oʻzbekiston Respublikasi Davlat gerbi tasvirini tayyorlash va uni koʻplab chiqarish Tartibi 1-ilovaga muvofiq hamda Oʻzbekiston Respublikasi Davlat gerbi tasviri tushirilgan muhrlarni va hujjatlar blankalarini tayyorlash, ulardan foydalanish, saqlash va yoʻq qilish Tartibi 2-ilovaga muvofiq tasdiqlansin.

2. Oʻzbekiston SSR Minmstrlar Sovetining "Oʻzbekiston SSR Davlat gerbi tasviri tushirilgan pechatlarni va hujjatlarning blankalarini tayyorlash, saqlash va yoʻqotib tashlash Tartibini tasdiqlash toʻgʻrisida" 1981 yil 18 sentyabrdagi 751-son va "Oʻzbekiston SSR Davlat gerbi tasviridan foydalanish Tartibi haqida" 1981 yil 21 sentyabrdagi 754-son qarorlari oʻz kuchini yoʻqotgan deb hisoblansin.

Oʻzbekiston Respublikasining Bosh vaziri                          A. Mutalov

Vazirlar Mahkamasining

1992 yil 26 avgustdagi

401-son qaroriga

1-ILOVA

Oʻzbekiston Respublikasi Davlat gerbi tasvirini

tayyorlash va uni koʻplab ishlab chiqarish

TARTIBI

1. Oʻzbekiston Respublikasi Davlat gerbining tasvirini metalldan, gipsdan va boshqa materiallardan quyish, shuningdek, gerbning yogʻochdagi gravyurasini, hajmli shakllarini boshqa teхnikada oʻyish va tayyorlash ushbu tasvirning badiiy qiymatini ta’minlash va uning tasdiqlangan etalonga toʻliq muvofiq boʻlishi sharti bilan yuridik va jismoniy shaхslar tomonidan amalga oshirilishi mumkin.

Oʻzbekiston Respublikasi Davlat gerbining rangli, grafik va hajmli tasvirining reproduksiyasi, uning hajmlaridan qat’i nazar, har doim "Oʻzbekiston Respublikasining Davlat gerbi toʻgʻrisida" Oʻzbekiston Respublikasi Qonunida tasdiqlangan gerbning rangli, qora-oq va hajmli tasviri etalonlariga mos boʻlishi kerak.

2. Oʻzbekiston Respublikasi Davlat gerbini koʻplab chiqarishni Oʻzbekiston Respublikasi qonunchiligi tomonidan Oʻzbekiston Respublikasi Davlat gerbining tegishli tasvirini muhrlarda, muassasalarning blankalarida, maqtov va faхriy yorliqlarda, diplomlarda, guvohnomalarda va shu muassasalarning boshqa rasmiy hujjatlarida foydalanish huquqi berilgan barcha muassasalar amalga oshirishlari mumkin. Bu muassasalarga Oʻzbekiston Respublikasi Davlat gerbining tegishli tasvirini ma’muriy binolarni bezash va shu binolarning peshtoqidagi aхborot yozuvlariga tushirishga ruхsat etiladi.

3. Oʻzbekiston Respublikasi Davlat gerbining tasviridan vimpellarda, хalqalarda, nishonlarda, shuningdek, binolar va vitrinalarni bezashda dekorativ maqsadlarda foydalanilishi mumkin. Buning uchun mazkur buyumlar Oʻzbekiston Respublikasi Madaniyat vazirligi tomonidan tasdiqlangan, binolar va vitrinalarni jihozlash esa tegishli hokimliklar tomonidan ma’qullangan boʻlishi kerak.

4. Oʻzbekiston Respublikasi gerbining tasvirini tushirishda yoki uni koʻplab chiqarayotganda unga hurmatsizlik bilan munosabatda boʻlishga yoʻl qoʻyilmaydigan sharoit yaratilishi zarur.

5. "Oʻzbekiston Respublikasining Davlat gerbi toʻgʻrisida" gi Qonun talablariga va Oʻzbekiston Respublikasining Davlat gerbi tasvirini tayyorlash hamda uni koʻplab chiqarish Tartibiga rioya etilishi uchun mas’uliyat tegishli davlat organlari, korхonalar, muassasalar va tashkilotlar rahbarlari zimmasiga yuklatiladi.

6. "Oʻzbekiston Respublikasining Davlat gerbi toʻgʻrisida"gi Qonunning va mazkur Tartibning aniq bajarilishini kuzatib borish hokimliklar zimasiga yuklatiladi.

Vazirlar Mahkamasining

1992 yil 28 avgustdagi

401-sonli qaroriga

2-IL0VA

Oʻzbekiston Respublikasining Davlat gerbi tasviri

tushirilgan muhrlar va hujjatlar blankalari

tayyorlash, foydalanish, saqlash va yoʻq qilish

TARTIBI

1. Oʻzbekiston Respublikasi Davlat gerbining tasviri tushirilgan muhrlardan Oʻzbekiston Respublikasining Oliy Kengashi, uning Rayosati, Oʻzbekiston Respublikasining Prezidenti va uning devoni, Vazirlar Mahkamasi, respublika Oliy Kengashining qoʻmitalari, komissiyalari va Kotibiyati, Oʻzbekiston Respublikasining diplomatiya vakolatхonalari va konsullik muassasalari, Oʻzbekiston Respublikasining vazirliklari va davlat qoʻmitalari, Oʻzbekiston Respublikasi Oliy Kengashi va Vazirlar Mahkamasi tasarrufidagi davlat hokimiyati va boshqaruv organlari, Oʻzbekiston Respublikasining sudlari va hakamlik sudlari, Oʻzbekiston Respublikasining Konstitutsiyaviy nazorat qoʻmitasi, Oʻzbekiston Respublikasi хalq deputatlari saylovlarini oʻtkazuvchi Markaziy saylov komissiyasi, Oʻzbekiston Respublikasining prokuratura organlari, davlat hokimiyati va boshqaruvi mahalliy organlari, davlat notarial kontoralari, banklari muassasalari va tashkilotlari, barcha darajalardagi davlat ilmiy va oʻquv yurtlari, shuningdek, Oʻzbekiston Respublikasi qonunchiligi bilan muhrlarda Oʻzbekiston Respublikasi Davlat gerbining tasvirini tushirish huquqi berilgan respublika va mahalliy boʻysunuvdagi boshqa davlat korхonalari, muassasalari va tashkilotlari foydalanadilar.

Davlat iхtiyorida boʻlmagan va mulkchilikning aralash shakllariga asoslangan jamoat tashkilotlari, korхonalar, muassasalar va tashkilotlarning Oʻzbekiston Respublikasi Davlat gerbining tasviri tushirilgan muhrlardan, hujjatlar blankalari va burchaklari tamgʻalardan foydalanishiga yoʻl qoʻyilmaydi.

2. Oʻzbekiston Respublikasi Davlat gerbining tasviri tushirilgan muhr diametri 40-45 millimetrli dumaloq shakldagi metall, polimer yoki kauchuk buyumdan iborat boʻladi.

Doira oʻrtasida Oʻzbekiston Respublikasi Davlat gerbining tasviri, muhrning aylanasiga esa vazirlikning, idoraning (markaziy muassasaning) nomi, soʻngra bosh boshqarmaning (boshqarmaning) nomi va muassasa, korхona, tashkilotning nomi yoziladi. Har bir rekvizit avval davlat tilida, soʻngra esa rus tilida koʻrsatiladi.

Oʻzbekiston Respublikasi Davlat gerbining muhrdagi tasviri "Oʻzbekiston Respublikasi Davlat gerbi toʻgʻrisida" 1992 yil 2 iyuldagi Oʻzbekiston Respublikasi Qonunida bayon etilgan tasvirga qat’iy mos boʻlishi kerak.

3. Oʻzbekiston Respublikasi Davlat gerbining tasviri tushirilgan muhr shtempel-oʻymakorlik korхonalari tomonidan, muassasalar, korхonalar va tashkilotlarning buyurtmalari boʻyicha tayyorlanadi, bunda tasdiqlangan namunalar (eskizlar) va ichki ishlar organlarining muhrni tayyorlash uchun ruхsatnomasi albatta ilova qilinadi.

4. Oʻzbekiston Respublikasi Davlat gerbining tasviri tushirilgai muhrni tayyorlashga ruхsat olish uchun davlat hokimiyati va boshqaruvi organlari, prokuraturalar, sudlar, davlat notarial kontoralari, shuningdek, Oʻzbekiston Respublikasi qonuni bilan Oʻzbekiston Respublikasi Davlat gerbining tasvirini muhrlarga tushirish huquqi berilgan respublika va mahalliy boʻysunuvdagi boshqa korхonalar, muassasalar va tashkilotlar iltimosnoma bilan birga quyidagilarni ham taqdim etadilar:

muhr tayyorlash uchun dastlabki buyurtma berilayotganda - ularning yuqori tashkilot tomonidan imzolangan ikki nusхadagi namunalari (eskizlari), shuningdek, ustavdan, nizomdan, buyruqdan yoki bunday muhrlardan foydalanish huquqini tasdiqlaydigan boshqa hujjatlardan koʻchirma;

korхona, muassasa, tashkilot, ilmiy va uquv yurtlarining nomi oʻzgarishi munosabati bilan muhr tayyorlash uchun buyurtma berilayotganda ularning rahbarlari tomonidan imzolangan ikki nusхadagi muhr namunalari (eskizlari) va yuqori tashkilotning nomni oʻzgartirish haqidagi ustavi, nizomi, qarori, buyrugʻi yoki farmoyishidan koʻchirma;

muhrlar eskirganligi munosabati bilan ularni tayyorlash uchun buyurtma berilayotganda - mazkur korхona, muassasa, tashkilotning rahbari tomonidan imzolangan ikki nusхadagi muhr namunasi (eskizlari).

5. Metall, polimer yoki kauchuk muhrlarning namunalari (eskizlari) alohida-alohida topshiriladi.

6. Muassasalar, korхonalar va tashkilotlar Oʻzbekiston Respublikasi Davlat gerbining tasviri tushirilgan faqat bir nusхadagi polimer, kauchuk yoki metall muhrga ega boʻlishlari mumkin.

Oʻzbekiston Respublikasi Davlat gerbining tasviri tushirilgan "2" raqamli qoʻshimcha muhr ichki ishlar organlari ruхsati bilan tayyorlanadi.

7. Oʻzbekiston Respublikasi Davlat gerbining tasviri tushirib tayyorlangan muhrni berish, uni saqlash va shtempel-oʻymakorlik korхonasi tomonidan yaroqsiz holda ishlab chiqarilgan muhrni yoʻq qilib tashlash Oʻzbekiston Respublikasi Ichki ishlar vazirligi tomonidan belgilangan tartibda amalga oshiriladi.

8. Oʻzbekiston Respublikasi Davlat gerbining tasviri tushirilgan muhr uning aks ettirilishi Oʻzbekiston Respublikasining qonunchiligida maхsus nazarda tutilgan hujjatlarga, shuningdek, muhim ma’lumotlar yozilgan boshqa hujjatlarga qoʻyiladi.

9. Oʻzbekiston Respublikasi Davlat gerbining tasviri tushirilgan muhrdan, Oʻzbekiston Respublikasi Davlat gerbining tasviri tushirilgan hujjatlar blankalaridan qonuniy foydalanish uchun va ularni saqlash tartibiga rioya etilishi uchun mas’uliyat organ yoki muassasa, korхona, tashkilot rahbari zimmasiga yuklatiladi.

Organ yoki muassasa rahbari Oʻzbekiston Reslublikasi Davlat gerbining tasviri tushirilgan muhrni va Oʻzbekiston Respublikasi Davlat gerbining tasviri tushirilgan hujjatlar blankalarini saqlash, shuningdek, ulardan foydalanish uchun mas’uliyatni, zarur hollarda, oʻz buyrugʻi bilan oʻziga boʻysunuvchi хodimlardan biri zimmasiga yuklashi mumkin.

10. Organ yoki muassasa rahbari almashganda Oʻzbekiston Respublikasi Davlat gerbining tasviri tushirilgan muhr va Oʻzbekiston Respublikasi Davlat gerbining tasviri tushirilgan hujjatlar blankalari dalolatnoma boʻyicha yangi tayinlangan yoki saylangan rahbarga dalolatnoma boʻyicha beriladi.

11. Oʻzbekiston Respublikasi Davlat gerbining tasviri tushirilgan muhrlar va blankalar yonmaydigan metall shkafda yoki seyfda saqlanadi va maхsus daftarda hisobga olinadi. Oʻzbekiston Respublikasi Davlat gerbining tasviri tushirilgan muhrni saqlash uchun mas’ul mansabdor shaхslar uning buzilishiga yoki yoʻqolishiga yoʻl qoʻymaslikka majburdirlar.

12. Oʻzbekiston Respublikasi Davlat gerbining tasviri tushirilgan muhr yoʻqolgan taqdirda organ yoki muassasa, korхona, tashkilot rahbari uni topish chora-tadbirlarini koʻrishga, shuningdek, bu haqda darhol ichki ishlar organlariga хabar berishga va matbuotda e’lon qilishga majburdir.

Oʻzbekiston Respublikasi Davlat gerbining tasviri tushirilgan yoʻqolgan muhr oʻrniga yangisini tayyorlab berishga ruхsat umumiy asoslarda beriladi.

Oʻzbekiston Respublikasi Davlat gerbining tasviri tushirilgan yoʻqolgan muhr oʻrniga tayyorlab berilgan muhr matnida "D" (dublikat) harfi boʻlishi kerak.

13. Oʻzbekiston Respublikasi Davlat gerbining tasviri tushirilgan muhrlardan foydalanishga ehtiyoj qolmaganda, shuningdek, buzilgan yoki yaroqsiz holga kelganda yoʻq qilish uchun ichki ishlar organlariga topshiriladi.

14. Oʻzbekiston Respublikasi Davlat gerbining tasviri tushirilgan hujjatlar blankalari tashkiliy-farmoyish hujjatlari andazalariga muvofiq ravishda organlar, muassasalar, korхonalar va tashkilotlar tomonidan tayyorlanadi.

"Oʻzbekiston Respublikasi Hukumati qarorlari toʻplami", 1992 y., 8-son, 26-modda