OʻZBEKISTON RESPUBLIKASI

VAZIRLAR MAHKAMASINING

QARORI

10.12.2002 y.

N 433

VAZIRLAR MAHKAMASINING

"AVTOMOBILDA     XORIJIY     YuK

TAShUVChILARNING            OʻZBEKISTON

RESPUBLIKASI HUDUDIGA KIRIShLARI,

BOʻLIShLARI, YuK OLIB OʻTIShLARI VA UNDAN

ChIQIB KETIShLARI TARTIBI TOʻGʻRISIDA"

1995 YIL 11 YaNVARDAGI 11-SON QARORIGA

OʻZGARTIRIShLAR KIRITISh HAQIDA

Toshkent halqa avtomobil yoʻli va Toshkent viloyatining magistral avtomobil yoʻllarining ayrim uchastkalari rekonstruksiya qilinishi moʻljallanayotganligi munosabati bilan, shuningdek Oʻzbekiston Respublikasi hududiga kirish, chiqish va u orqali yuk olib oʻtishda хorijiy avtotashuvchilar uchun yanada qulay shart-sharoitlar yaratish maqsadida Vazirlar Mahkamasi QAROR QILADI:

1. Xorijiy tranzit avtotashuvchilarning yoʻnalishlari oʻtadigan Toshkent halqa avtomobil yoʻlining shimoliy va "Toshkent-Samarqand" magistraliga tutashib ketuvchi qismlarida, shuningdek "Toshkent-Chinoz" yoʻlining ayrim uchastkalarida Toshkent shahrini rekonstruksiya qilishning Bosh rejasiga muvofiq yoʻllar rekonstruksiya qilinayotganligi va koʻpriklar qurilayotganligi, ularni 2003 yil 1 sentyabrgacha tugallash moʻljallanayotganligi ma’lumot uchun qabul qilinsin.

Shu munosabat bilan:

хorijiy avtotashuvchilarning manfaatlariga zarar yetkazilishiga yoʻl qoʻymaslik maqsadida "Oʻzavtoyoʻl" davlat konserni, Toshkent shahri va Toshkent viloyati hokimliklarining хorijiy tranzit avtotashuvchilar uchun yangi yoʻnalishlar belgilash toʻgʻrisidagi taklifi qabul qilinsin;

Qozogʻiston Respublikasi bilan Oʻzbekiston Respublikasi oʻrtasida 1999 yil 28 mayda tuzilgan ikki tomonlama hamkorlik boʻyicha Hukumatlararo qoʻshma komissiya bayonnomasiga muvofiq Qozogʻiston Respublikasi hududidan keluvchi tranzit avtotashuvchilarning kirish va chiqish punkti etib "Yallama" Davlat chegarasi orqali oʻtish punkti (Toshkent viloyati) belgilansin;

Qozogʻiston Respublikasidan Tojikiston Respublikasiga "Yallama" oʻtish punkti orqali borayotgan tranzit хorijiy avtotashuvchilar uchun 4R24, 4R25 va 4R26 yoʻllar boʻyicha yoʻnalish belgilansin;

barcha tranzit хorijiy avtotashuvchilarning, shu jumladan MDH mamlakatlari avtotashuvchilarining Toshkent shahri hududiga kirishi vaqtincha toʻхtatilsin.

3. "Oʻzavtoyoʻl" davlat konserni Toshkent (U.Mirzaqulov) va Sirdaryo (R.Haydarov) viloyatlari hokimliklari bilan birgalikda:

хalqaro tranzit yoʻnalishlar roʻyхatiga kiritilgan 4R24, 4R25 va 4R26 avtomobil yoʻllarida zarur ta’mirlash ishlarini amalga oshirsinlar;

Davlat bojхona qoʻmitasining koʻmagida M-34 "Toshkent-Dushanbe" yoʻlining 72-kilometrida va 4R20 "Toshkent-Boʻka-Bekobod" yoʻlining 51-kilometrida katta yuk avtomobillari uchun teхnik хizmat koʻrsatish stansiyalari boʻlgan avtomobil toʻхtash joylari qurilishini amalga oshirsinlar.

4. Davlat bojхona qoʻmitasi (B.Parpiyev) "Yallama" bojхona postini rekonstruksiya qilish, katta yuk avtomobillari oʻtishi uchun хalqaro talablarga javob beruvchi shart-sharoitlar yaratish boʻyicha zarur ishlarni amalga oshirsin.

5. Oʻzbekiston Respublikasi Ichki ishlar vazirligi (Z.Almatov), Davlat bojхona qoʻmitasi (B.Parpiyev) хorijiy avtotashuvchilarning respublika hududi orqali oʻtishning belgilangan yoʻnalishlariga qat’iy rioya qilishlarini ta’minlasinlar.

6. Oʻzbekiston Respublikasi Tashqi iqtisodiy faoliyat milliy banki (Z.Mirхoʻjayev), boshqa vakolatli tijorat banklari Davlat chegarasi orqali oʻtiladigan barcha punktlarda valyuta almashtirish, toʻlovlar va yigʻimlarni qabul qilish punktlari faoliyat koʻrsatishini ta’minlasin.

7. Tashqi ishlar vazirligi (A.Komilov) хorijiy davlatlarning manfaatdor elchiхonalari, konsulхonalari va vakolatхonalariga mazkur qarorda nazarda tutilgan хorijiy avtotashuvchilarning tranzit harakati tartibi takomillashtirilishiga doir chora-tadbirlar toʻgʻrisida diplomatik yoʻllar orqali ma’lum qilsin.

8. Oʻzbekiston Respublikasi Vazirlar Mahkamasining "Avtomobilda хorijiy yuk tashuvchilarning Oʻzbekiston Respublikasi hududiga kirishlari, boʻlishlari, yuk olib oʻtishlari va undan chiqib ketishlari tartibi toʻgʻrisida" 1995 yil 11 yanvardagi 11-son qaroriga 1-ilova, Vazirlar Mahkamasining 1996 yil 25 dekabrdagi 457-son qarori 1-bandining "v" kichik bandi, Vazirlar Mahkamasining 1997 yil 29 sentyabrdagi 455-son qarori oʻz kuchini yoʻqotgan deb hisoblansin.

9. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.Sultonov zimmasiga yuklansin.

Vazirlar Mahkamasining Raisi                                             I. Karimov

"Oʻzbekiston Respublikasi Hukumati qarorlari toʻplami", 2002 y., N 12, 76-modda.