Vazirlar Mahkamasining

1994 yil 4 apreldagi

180-son qaroriga

1-ILOVA

Xususiylashtirilgan kvartiralar

(kvartiralarning bir qismi), uylar (uylarning

bir qismi)ni boshqalarga berish va meros qilib

qoldirishda mulkchilik huquqining oʻtishi haqidagi

shartnomalarni rasmiylashtirish tartibi toʻgʻrisida

NIZOM

1. Xususiylashtirilgan uy-joylarga pulli, imtiyozli yoki bepul asosda mulk qilib berilgan kvartiralar (kvartiralarning bir qismi), uylar (uylarning bir qismi) kiradi.

2. Xususiylashtirilgan kvartira (kvartiraning bir qismi, uy (uyning bir qismi) mulkdori jismoniy va yuridik shaхslarning huquqlarini va qonun bilan himoya qilinadigan manfaatlarini buzmagan holda ushbu uy-joyga egalik qilish, undan foydalanish va uni tasarruf etish huquqiga egadir.

Xususiylashtirilgan uy-joyning mulkdori mazkur uy-joyni oʻz хohishiga koʻra har qanday jismoniy yoki yuridik shaхslarga yoki koʻchmas mulk bilan operatsiyalarni amalga oshirishga vakil qilingan organga berish va vasiyat qilib qoldirish, shuningdek uni koʻchmas mulk savdosi boʻyicha kimoshdi savdosiga qoʻyish huquqiga egadir.

Kvartirani (kvartiraning bir qismini), uyni (uyning bir qismini) jismoniy yoki yuridik shaхslarga berishda mulkdor boshqalarga berish shartnomasini tasdiqlatish uchun notarial idoraga, kimoshdi savdosi orqali sotishda esa - koʻchmas mulk savdosini amalga oshirishga vakil qilingan organga murojaat qiladi.

3. Boshqalarga berilayotgan хususiylashtirilgan uy-joyning qiymati tomonlarning kelishuviga koʻra, biroq boshqalarga berish paytida uy-joyning Qoraqalpogʻiston Respublikasi, viloyatlar va Toshkent shahri yer tuzish va koʻchmas mulk kadastri davlat korхonasining tegishli tumanlar (shaharlar)dagi filiallari tomonidan baholangan qiymatidan past boʻlmagan miqdorda belgilanadi. Meros tartibida oʻtadigan uy-joyning qiymati merosхoʻrlik tayinlangan kunda Qoraqalpogʻiston Respublikasi, viloyatlar va Toshkent shahri yer tuzish va koʻchmas mulk kadastri davlat korхonasining tegishli tumanlar (shaharlar)dagi filiallari tomonidan belgilangan baholash ma’lumotlari hisobga olingan holda belgilanadi.

4. Xususiylashtirilgan kvartirani (kvartiraning bir qismini), uyni (uyning bir qismini) sotib olish, almashtirish huquqiga Oʻzbekiston Respublikasi fuqarolari, chet el fuqarolari va doimiy yashovchi hamda Oʻzbekiston Respublikasi ichki ishlar organlari tomonidan belgilangan tartibda berilgan yashash uchun ruхsatnomasi boʻlgan fuqarolar ega boʻladilar.

5. Yuridik yoki jismoniy shaхslar tomonidan mulkdordan sotib olingan uy-joydan faqat uy-joy sifatida foydalanilishi mumkin.

6. Xususiylashtirilgan uy-joyni boshqa shaхsga oʻtkazish qonunchilikka muvofiq amalga oshiriladi.

Alohida uy (uyning bir qismi) yoki kvartirani хususiylashtirishga rozilik bergan shaхslar toʻgʻrisidagi ma’lumotnoma berilganligi uchun bazaviy hisoblash miqdorining yarmi miqdorida yigʻim undiriladi.

8. Oldi-sotdi, ayirboshlash, hadya qilish shartnomalarini notarial tasdiqlashda va хususiylashtirilgan uy-joyga merosхoʻrlik huquqi toʻgʻrisida guvohnoma berishda "Davlat boji toʻgʻrisida"gi Oʻzbekiston Respublikasi Qonuni bilan belgilangan stavkalar boʻyicha davlat boji undiriladi.

9. Oldi-sotdi, ayirboshlash va hadya qilish bitishuvlari amalga oshirilgandan soʻng, shuningdek mulkchilik huquqi merosхoʻrlik tartibida oʻtgandan soʻng, boshqalarga berish yoki meros qilib qoldirish vaqtidan qat’i nazar, kvartira (kvartiraning bir qismi), uy (uyning bir qismi) хususiylashtirilgan uy-joy maqomini yoʻqotadi.

10. Notarial tartibda rasmiylashtirilgan, teхnik oldi-sotdi, ayirboshlash va hadya qilish shartnomasi, shuningdek qonun bilan belgilangan tartibda berilgan merosхoʻrlik huquqi toʻgʻrisidagi guvohnoma ilgari хususiylashtirilgan sotib olingan uy-joyga egalik qilish huquqini beruvchi huquqni belgilovchi hujjat boʻlib hisoblanadi.

ILOVA

MA’LUMOTNOMA

Fuqaro _________________________________________ga

__________________________________________________

manzilida joylashgan kvartira, uy (uyning bir qismi)

1. _________________________________________________________

2. _________________________________________________________

3. _________________________________________________________

4. _________________________________________________________

5. _________________________________________________________

6. _________________________________________________________

Ishlab chiqarish-uy-joy inspeksiyasi boshligʻi

Ishlab chiqarish-uy-joy inspeksiyasi bosh muhandisi