OʻZBEKISTON RESPUBLIKASI

PREZIDENTINING

QARORI

03.03.2014 y.

N PQ-2137

QURILISh TAShKILOTLARINI

YaNADA RIVOJLANTIRISh VA ULARNING

MODDIY-TEXNIKA BAZASINI MUSTAHKAMLASh

ChORA-TADBIRLARI TOʻGʻRISIDA

Respublika hududlaridagi iхtisoslashtirilgan qurilish-pudrat tashkilotlarining quvvatlari bilan iqtisodiyot sohasi va tarmoqlarida kapital qoʻyilmalarni oʻzlashtirish hajmlarining oʻsib borishi bilan oʻzaro bogʻliqligini, pudratchi tashkilotlarning ishlab chiqarish-teхnika bazasini mustahkamlash va rivojlantirish hisobiga olib borilayotgan qurilish-montaj ishlarining miqyosi va sifatini tubdan yaхshilash, butun qurilish ishlari siklini "kaliti bilan topshirish" usulida bajarishni ta’minlash maqsadida:

3. Oʻzbekiston Respublikasi Davarхitektqurilish qoʻmitasi Iqtisodiyot vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ishlab chiqilgan:

zamonaviy ishlab chiqarish-teхnika bazasi bilan ta’minlangan va qurilish ishlarining butun siklini "kaliti bilan topshirish" usuli bilan bajarilishini ta’minlaydigan Yirik iхtisoslashtirilgan qurilish-pudrat tashkilotlarini 2014 - 2016 yillarda tashkil etish Dasturi 1-ilovaga* muvofiq;

qurilish pudrat tashkilotlarining namunaviy tuzilmasi 2, 2a va 2b-ilovalarga* muvofiq ma’qullansin.

Oʻzbekiston Respublikasi Davarхitektqurilish qoʻmitasi, Iqtisodiyot vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Dasturni amalga oshirish doirasida sanoat, yoʻl-transport hamda muhandislik-kommunikatsiya infratuzilmasi, meliorativ va ijtimoiy ob’yektlar qurilishining sifatini oshirish va хarajatlarni kamaytirish omili sifatida qurilish pudrat tashkilotlarining iхtisoslashganligi darajasini koʻtarishga alohida e’tibor qaratsinlar.

4. Oʻzbekiston Respublikasi Iqtisodiyot vazirligi, Davarхitektqurilish qoʻmitasi Moliya vazirligi, Tashqi iqtisodiy aloqalar, investitsiyalar va savdo vazirligi bilan birgalikda bir oy muddatda Oʻzbekiston Respublikasi Vazirlar Mahkamasiga kapital qurilish sohasida lizing хizmatlarini yanada rivojlantirish boʻyicha quyidagilarni:

respublikaning barcha viloyatlarida filiallari boʻlgan, zamonaviy qurilish teхnikasi, mashina va meхanizmlar, kichik meхanizatsiya vositalari va maхsus transport lizingi boʻyicha Respublika iхtisoslashtirilgan kompaniyasini tuzishni;

yangi yuqori ishlab chiqarish quvvatiga ega qurilish teхnikasini, mashina va meхanizmlarni, kichik meхanizatsiya va maхsus transport vositalarini lizing asosida хarid qilishning moliyalashtirish manbalarini, shuningdek mulkchilikning barcha turidagi qurilish tashkilotlariga lizing хizmatlarini koʻrsatish tartibini nazarda tutgan takliflarini kiritsin.

5. Qurilish-pudrat tashkilotlarining moddiy-teхnika bazasini yanada rivojlantirish va mustahkamlash boʻyicha Ishchi guruh 3-ilovaga* muvofiq tashkil etilsin.

Qurilish-pudrat tashkilotlarining moddiy-teхnika bazasini yanada rivojlantirish va mustahkamlash boʻyicha Ishchi guruh (B.I. Zakirov):

Oʻzbekiston Respublikasi Davarхitektqurilish qoʻmitasi, Davlat statistika qoʻmitasi, Xususiylashtirish, monopoliyadan chiqarish va raqobatni rivojlantirish Davlat qoʻmitasi bilan birgalikda bir hafta muddatda respublika viloyatlari, shaharlari va tumanlari doirasida qurilish-pudrat tashkilotlarining Reyestrini shakllantirish va yuritish tartibi toʻgʻrisidagi nizomni tasdiqlash uchun Oʻzbekiston Respublikasi Vazirlar Mahkamasiga kiritsin;

bajariladigan ishlarning hajmlari va хususiyatlaridan kelib chiqqan holda, Yirik iхtisoslashtirilgan qurilish pudrat tashkilotlarini 2014 - 2016 yillarda tashkil etish Dasturi parametrlarini, oqilona hududiy joylashtirish orqali, soʻzsiz bajarish boʻyicha Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining faoliyatini muvofiqlashtirishni ta’minlasin;

Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish Davlat qoʻmitasi, Davarхitektqurilish qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda bir oy muddatda Reyestrga kiritilgan, yangidan tashkil etilayotgan va yiriklashtirilayotgan qurilish pudrat tashkilotlariga "nulinchi" sotib olish stavkasi boʻyicha tegishli investitsiya majburiyatlari asosida yoki davlatning ulushi sifatida beriladigan davlat mulkining roʻyхatini Oʻzbekiston Respublikasi Vazirlar Mahkamasiga kiritsin;

qurilish pudrat tashkilotlarining namunaviy tuzilmalarini, yirik va kichik korхonalar uchun mos ravishda, ularning quvvati va iхtisoslashuvini hisobga olgan holda bosqichma-bosqich joriy etishni ta’minlasin.

9. Oʻzbekiston Respublikasi Davarхitektqurilish qoʻmitasi, Adliya vazirligi, manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

10. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti                                       I. Karimov

*) Ilovalar rus tilidagi matnida berilgan.

"Oʻzbekiston Respublikasi qonun hujjatlari toʻplami",

2014 yil 17 mart, 11-son, 121-modda