Oʻzbekiston Respublikasi Hukumati bilan Latviya Respublikasi Hukumati oʻrtasida sogʻliqni saqlash va tibbiy fanlar sohasida hamkorlik qilish toʻgʻrisida Bitim (Riga, 2013 yil 17 oktyabr) (Oʻzbekiston Respublikasi Prezidentining 13.12.2013 y. PQ-2086-son qarori bilan tasdiqlangan)
Ўзбекистон Республикаси Ҳукумати билан
Латвия Республикаси Ҳукумати ўртасида
соғлиқни сақлаш ва тиббий фанлар
соҳасида ҳамкорлик қилиш тўғрисида
БИТИМ
Ўзбекистон Республикаси Ҳукумати ва Латвия Республикаси Ҳукумати, кейинги ўринларда "Томонлар" деб аталувчилар, соғлиқни сақлаш ва тиббий фанлар соҳасида икки томонлама ҳамкорликни ривожлантиришга интилиб, икки давлат аҳолиси соғлиғини яхшилаш ва мустаҳкамлаш мақсадида, қуйидагилар тўғрисида келишиб олдилар:
1-модда
Томонлар ҳар иккала давлатнинг миллий қонунчилигига мувофиқ ва уларнинг халқаро мажбуриятларини инобатга олган ҳолда, тенглик ва ўзаро манфаат тамойилларига амал қилиб, соғлиқни сақлаш ва тиббий фанлар соҳасида ҳамкорлик қиладилар.
...