Oʻzbekiston Respublikasi Vazirlar Mahkamasining 05.05.2014 y. 114-son "Oʻzbekiston Respublikasi Jismoniy tarbiya va sport vazirligi huzuridagi Jismoniy tarbiya va sportni rivojlantirish jamgʻarmasining valyuta mablagʻlarini jalb etgan holda bolalar sporti uchun mahsulotlar ishlab chiqaruvchi korхonalarni yanada rivojlantirish va modernizatsiya qilish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
05.05.2014 y.
N 114
JISMONIY TARBIYa VA SPORT VAZIRLIGI
HUZURIDAGI JISMONIY TARBIYa VA SPORTNI
RIVOJLANTIRISh JAMGʻARMASINING VALYuTA
MABLAGʻLARINI JALB ETGAN HOLDA BOLALAR
SPORTI UChUN MAHSULOTLAR IShLAB ChIQARUVChI
KORXONALARNI YaNADA RIVOJLANTIRISh
VA MODERNIZATsIYa QILISh ChORA-
TADBIRLARI TOʻGʻRISIDA
Oʻzbekiston Respublikasida jismoniy tarbiya va sportni yanada rivojlantirish, mahalliy ishlab chiqaruvchi korхonalarning talab yuqori boʻlgan va zamonaviy sifat standartlariga javob beradigan sport kiyim-kechaklari, poyabzali, buyumlari va anjomlarining yangi turlarini ishlab chiqarishni oʻzlashtirishga doir faoliyatini kengaytirish va ragʻbatlantirish maqsadida Vazirlar Mahkamasi QAROR QILADI:
1. Oʻzbekiston Respublikasi Jismoniy tarbiya va sport vazirligi huzuridagi Jismoniy tarbiya va sportni rivojlantirish jamgʻarmasining valyuta mablagʻlarini jalb etgan holda bolalar sporti uchun mahsulotlar ishlab chiqaruvchi korхonalarni yangidan qurish, rekonstruksiya va modernizatsiya qilish boʻyicha amalga oshiriladigan loyihalarni tijorat banklari tomonidan kreditlash tartibi toʻgʻrisidagi nizom ilovaga muvofiq tasdiqlansin.
2. Belgilab qoʻyilsinki, Oʻzbekiston Respublikasi Jismoniy tarbiya va sport vazirligi huzuridagi Jismoniy tarbiya va sportni rivojlantirish jamgʻarmasining (keyingi oʻrinlarda Jamgʻarma deb ataladi) valyuta mablagʻlarini jalb etgan holda bolalar sporti uchun mahsulotlar ishlab chiqaruvchi korхonalarni yangidan qurish, rekonstruksiya va modernizatsiya qilish boʻyicha loyihalarni moliyalashtirish:
loyiha umumiy qiymatining 40 foizdan ortiq boʻlmagan qismi Jamgʻarmaning valyuta mablagʻlari hisobiga, Oʻzbekiston Respublikasi Tashqi iqtisodiy faoliyat milliy banki, "Oʻzsanoatqurilishbank" aksiyadorlik tijorat banki, "Asaka" davlat aksiyadorlik tijorat banki orqali qayta moliyalashtirish yoʻli bilan kreditlar tarzida;
kamida 60 foizi - tashabbuskorlarning oʻz mablagʻlari va tijorat banklarining kreditlari hisobiga amalga oshiriladi.
3. Oʻzbekiston Respublikasi Jismoniy tarbiya va sport vazirligiga:
sport mahsulotlarini ishlab chiqaruvchi korхonalarni yangidan qurish, rekonstruksiya va modernizatsiya qilish, talab yuqori boʻlgan va zamonaviy sifat standartlariga javob beradigan sport kiyim-kechaklari, poyabzali, buyumlari va anjomlarining yangi turlarini ishlab chiqarishni oʻzlashtirish loyihalarini har yili tanlab olsin;
ma’qullangan loyihalarning amalga oshirilishi, ishlab chiqarilayotgan mahsulotlar sifati hamda mahsulotlarning zamonaviy talablarga muvofiqligi yuzasidan nazoratni ta’minlasin, keyinchalik uning natijalari boʻyicha Oʻzbekiston Respublikasi Vazirlar Mahkamasiga aхborot taqdim etsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduхakimov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
"Oʻzbekiston Respublikasi qonun hujjatlari toʻplami",
2014 yil 12 may, 19-son, 213-modda
"Oʻzbekiston Respublikasi Hukumatining qarorlari toʻplami",
2014 yil, 5-son, 41-modda