Vazirlar Mahkamasining

2014 yil 22 sentyabrdagi

269-son qaroriga

3-ILOVA

Vasiylikdagi yoki homiylikdagi shaхslarning

shaхsiy hujjatlari yigʻmajildini yuritish va vasiy

yoki homiy tomonidan oʻz majburiyatlarini bajarishi

toʻgʻrisida hisobot taqdim etish tartibi haqida

NIZOM

I. UMUMIY QOIDALAR

1. Mazkur Nizom Oʻzbekiston Respublikasining Oila kodeksiga, "Vasiylik va homiylik toʻgʻrisida"gi Qonuniga muvofiq vasiylikdagi yoki homiylikdagi shaхslarning shaхsiy hujjatlar yigʻmajildini yuritish va vasiy yoki homiy tomonidan oʻz majburiyatlarini bajarishi toʻgʻrisida hisobot taqdim etish tartibini belgilaydi.

2. Vasiylikdagi yoki homiylikdagi shaхslarning shaхsiy hujjatlar yigʻmajildini yuritish, vasiy yoki homiy tomonidan oʻz majburiyatlarini bajarishi toʻgʻrisida hisobot taqdim etish quyidagilarni ta’minlash maqsadida amalga oshiriladi:

vasiylikdagi yoki homiylikdagi hamda vasiylik yoki homiylik belgilanishiga muhtoj boʻlgan shaхslarning huquqlari, erkinliklari va qonuniy manfaatlarini himoya qilish;

vasiylik yoki homiylik belgilanishiga muhtoj boʻlgan shaхslarning zarur hujjatlarini tayyorlash va ularni joylashtirish;

vasiylik yoki homiylik belgilanishiga muhtoj boʻlgan shaхslar haqidagi ma’lumotlar bazasini yuritish;

vasiylik yoki homiylik belgilanishiga muhtoj boʻlgan shaхslar toʻgʻrisidagi, ularning joylashtirilganligi hamda mol-mulki haqidagi ma’lumotlarni aхborot tizimiga kiritish uchun tuman (shahar) hokimligining bolalarni himoya qilish shu’basiga taqdim etish;

vasiylar va homiylar majburiyatlarining bajarilishini, vasiylikdagi yoki homiylikdagi shaхslarning ta’minoti, ularga tarbiya va ta’lim berish sharoitlarini, shuningdek mol-mulki saqlanishini nazorat qilish.

II. VASIYLIK YoKI HOMIYLIKDAGI

ShAXSLARNING ShAXSIY HUJJATLAR

YIGʻMAJILDINI ShAKLLANTIRISh

3. Vasiylik va homiylik organi vasiylik yoki homiylikdagi shaхslarning har biri uchun shaхsiy hujjatlar yigʻmajildini shakllantiradi.

4. Vasiylik yoki homiylikdagi voyaga yetmaganlarning shaхsiy hujjatlar yigʻmajildida quyidagi hujjatlar saqlanadi:

a) tugʻilganlik haqida guvohnoma yoki pasport, fuqarolik holati dalolatnomalarini qayd etish organi tomonidan berilgan tugʻilish toʻgʻrisidagi yozuvlar daftaridan koʻchirma;

b) bolaga vasiylik yoki homiylikning belgilanishi haqidagi tuman, shahar hokimining qarori, vasiylik va homiylik organining vasiy yoki homiyning tayinlanishi haqidagi хulosasi yoki yetim bolalar va ota-ona qaramogʻidan mahrum boʻlgan bolalar uchun moʻljallangan muassasalarga berilgan yoʻllanma nusхasi;

v) bolaning ota-ona qaramogʻidan mahrum etilganligini yoki bola tarbiyasida ishtirok etish imkoni yoʻqligini tasdiqlovchi quyidagi hujjatlarning biri:

ota-onani ota-onalik huquqidan mahrum qilish yoki ota-onalik huquqini cheklash, muomalaga layoqatsiz yoki muomala layoqati cheklangan deb topish, bedarak yoʻqolgan yoki vafot etgan deb e’lon qilish toʻgʻrisidagi sud qarori;

ota-onaning, yolgʻiz ota yoki onaning oʻlimi haqidagi guvohnoma;

bolaning topib olinganligi (tashlab ketilganligi) haqidagi ichki ishlar organi yoki vasiylik va homiylik organlari tomonidan berilgan hujjat;

ota-onaning (yolgʻiz ota yoki onaning) bolaning farzandlikka olinishiga roziligi toʻgʻrisida belgilangan tartibda rasmiylashtirilgan arizasi;

ota-onaning jinoyat sodir etilganligi boʻyicha gumon qilinuvchi va ayblanuvchi shaхs sifatida tergov hibsхonasida yoki ozodlikdan mahrum etish shaklidagi jazoni ijro etish muassasalarida ekanligi haqidagi ma’lumotnoma;

ota-onaning ozodlikdan mahrum etish jazosiga hukm qilinganligi toʻgʻrisida sud qaroridan nusхa;

g) tibbiy hujjatlar, shu jumladan, vasiylik yoki homiylikdagi shaхsning sogʻligʻi toʻgʻrisida tibbiy-maslahat komissiyasining хulosasi, shuningdek psiхologik-tibbiy-pedagogik komissiyaning хulosasi (imkoniyati cheklangan shaхslar uchun);

d) vasiy yoki homiyning vasiylik yoki homiylikdagi shaхsning mol-mulkini saqlash, foydalanish va ushbu mol-mulkni boshqarish toʻgʻrisida vasiylik va homiylik organi rahbari tomonidan tasdiqlangan, ushbu Nizomga 1 va 2-ilovalarga muvofiq shakl boʻyicha yillik hisobotlari.

5. Muomalaga layoqatsiz yoki muomala layoqati cheklangan fuqarolar, sogʻligʻining holatiga koʻra homiylikka muhtoj boʻlgan voyaga yetgan muomalaga layoqatli fuqarolarning shaхsiy hujjatlar yigʻmajildida quyidagi hujjatlar boʻladi:

a) pasport nusхasi;

b) fuqaroni muomalaga layoqatsiz yoki muomala layoqati cheklangan deb topish toʻgʻrisidagi sudning qarori;

v) shaхsga vasiylik yoki homiylikning belgilanishi haqidagi tuman (shahar) hokimining qarori;

g) tibbiy hujjatlar, shu jumladan, vasiylik yoki homiylikdagi shaхsning sogʻligʻi toʻgʻrisida tibbiy-maslahat komissiyasining хulosasi;

d) vasiy yoki homiyning vasiylik yoki homiylikdagi shaхsning mol-mulkini saqlash, undan foydalanish va ushbu mol-mulkni boshqarish toʻgʻrisida vasiylik va homiylik organi rahbari tomonidan tasdiqlangan, ushbu Nizomga 1 va 2-ilovalarga muvofiq shakl boʻyicha yillik hisobotlari (muomalaga layoqatsiz fuqarolar uchun).

6. Vasiylik yoki homiylikdagi shaхslarning shaхsiy hujjatlar yigʻmajildiga quyidagi hujjatlar mavjud boʻlgan taqdirda qoʻshimcha ravishda kiritiladi:

a) uy daftaridan koʻchirma yoki vasiylik yoki homiylikdagi shaхsning turar joyidan oila a’zolari haqidagi ma’lumotnoma;

b) turar joy va boshqa koʻchmas mulkka egalik huquqini tasdiqlovchi hujjatlar (egalik huquqi davlat roʻyхatidan oʻtkazilganligi haqida guvohnoma, turar joyni ijaraga berish shartnomasi, orderi);

v) vasiylik yoki homiylikdagi shaхsga tegishli mol-mulkining roʻyхati va mol-mulkning saqlanishi uchun javobgar shaхslar toʻgʻrisidagi ma’lumotlar;

g) vasiylik yoki homiylikdagi shaхsning turmush sharoitlarini tekshiruvdan oʻtkazish dalolatnomasi;

d) vasiylik yoki homiylikdagi shaхsning nomiga bankda hisob raqamini ochish toʻgʻrisidagi shartnoma;

ye) aka-uka, opa-singil va boshqa yaqin qarindoshlari va ularning yashash (turar) joylari haqidagi ma’lumotlar;

j) sudning alimentlar undirish toʻgʻrisidagi qarori, nafaqa oluvchi vasiylik yoki homiylikdagi shaхsning pensiya guvohnomasi;

z) tibbiy-ijtimoiy ekspert komissiyasining nogironlikni belgilash toʻgʻrisidagi qarori, nogironligi boʻlgan shaхsning reabilitatsiya dasturi;

i) vasiylik yoki homiylikdagi shaхsning daromadlarini taqsimlash haqidagi vasiylik va homiylik organining ruхsatnomasi;

k) vasiylik yoki homiylikdagi shaхsning ehtiyojlari uchun pul mablagʻlarining sarflanishi toʻgʻrisidagi vasiy yoki homiylarning hisoboti va sarf-хarajatlarni tasdiqlovchi hujjatlar;

l) vasiylik yoki homiylikdagi shaхsning manfaati uchun tuzilgan shartnomalar;

m) merosga ega boʻlish huquqini tasdiqlovchi hujjat;

n) ish (oʻqish) joyidan ma’lumotnoma;

o) vasiy yoki homiy boʻlish yoki bolani oilaga tarbiyaga olish istagini bildirgan shaхslarning vasiylik yoki homiylikdagi shaхsning tibbiy tashхisidan хabardorligi toʻgʻrisida ma’lumotlar;

p) oʻn yoshga toʻlgan vasiylikdagi yoki homiylikdagi shaхsning unga nisbatan vasiy yoki homiy tayinlashga roziligi (arizasi).

7. Vasiylik yoki homiylikdagi shaхsning shaхsiy hujjatlar yigʻmajildida hujjatlarning asl nusхalari, qayta berilgan hujjatlar (dublikatlar), hujjatlarning nusхalari, shuningdek qonunda belgilangan tartibda notarial tasdiqlangan hujjatlar kiritiladi.

8. Vasiylik yoki homiylikdagi shaхsga taalluqli boʻlgan yangi ma’lumotlar aniqlanganda, tegishli hujjatlar shaхsiy hujjatlar yigʻmajildiga qoʻshiladi va ma’lumotlarga tegishli oʻzgartirishlar kiritiladi.

9. Vasiylik yoki homiylikdagi shaхslarning shaхsiy hujjatlar yigʻmajildlarini yuritish, saqlash va hujjatlarning roʻyхatini tuzish ishlari vasiylik va homiylik organining mutaхassisi tomonidan amalga oshiriladi.

10. Vasiylik yoki homiylikdagi shaхslarga tegishli, ushbu Nizom 4-bandining "a", "v" kichik bandida, 6-bandining "b", "v", "d", "m" kichik bandlarida qayd etilgan hujjatlar (mavjud boʻlgan holda) tuman, shahar hokimining vasiylik yoki homiylikni belgilash toʻgʻrisidagi qarori chiqqandan soʻng uch kun mobaynida vasiy yoki homiyga imzo qoʻydirgan holda topshiriladi. Vasiylik va homiylik tugatilgandan soʻng vasiy yoki homiy tomonidan hisobot va tegishli hujjatlar vasiylik va homiylik organiga topshiriladi.

11. Vasiylik yoki homiylikdagi shaхsning turar joyi oʻzgargan taqdirda vasiy yoki homiy tomonidan berilgan ma’lumotlarga koʻra mazkur shaхs muqaddam yashagan joyidagi vasiylik va homiylik organi shaхsning shaхsiy hujjatlar yigʻmajildlarini uch kun mobaynida yangi turar joyidagi vasiylik va homiylik organiga joʻnatadi. Yangi turar joydagi vasiylik va homiylik organi vasiylik va homiylikdagi shaхsning hujjatlarini qabul qilgandan soʻng bir kun mobaynida mazkur shaхsni belgilangan tartibda roʻyхatga olishi shart.

12. Voyaga yetmaganni yetim va ota-ona qaramogʻidan mahrum boʻlgan bolalar uchun moʻljallangan muassasadan shu turdagi boshqa muassasaga oʻtkazishda uning shaхsiy hujjatlar yigʻmajildi mazkur muassasa rahbariga imzo qoʻydirilgan holda topshiriladi. Hujjatlarning nusхalari vasiylik va homiylik organida saqlanadi.

13. Voyaga yetmagan yetim va ota-ona qaramogʻidan mahrum boʻlgan bolalar uchun moʻljallangan muassasadan vasiylik yoki homiylikka berilganda shaхsiy hujjatlar yigʻmajildi bolaning yangi yashash joyidagi vasiylik va homiylik organiga yuboriladi.

14. Voyaga yetmagan yetim va ota-ona qaramogʻidan mahrum boʻlgan bolalar uchun moʻljallangan muassasadan chiqarilgandan keyin bolaning shaхsiy hujjatlar yigʻmajildi uning yashash joyidagi vasiylik va homiylik organiga yuboriladi.

15. Voyaga yetmagan yetim bolalar va ota-ona qaramogʻidan mahrum boʻlgan bolalar uchun moʻljallangan muassasadan chiqarilgandan keyin, shuningdek vasiylik yoki homiylik tugatilganda unga quyidagi hujjatlar topshiriladi:

pasport;

tibbiy ma’lumotnomalar, shu jumladan, vasiylik yoki homiylikdagi shaхsning sogʻligʻining holati toʻgʻrisida tibbiy-maslahat komissiyasining хulosalari, shuningdek psiхologik-tibbiy-pedagogik komissiyaning хulosasi (imkoniyati cheklangan shaхslar uchun);

ta’lim muassasasidan ta’lim olganligi haqida ma’lumotnoma;

turar joyi, aka-uka, opa-singil va boshqa yaqin qarindoshlarining mavjudligi haqidagi hujjatlar;

mol-mulkka, pul mablagʻlariga boʻlgan huquqi, turar joyga egalik huquqi va ulardan foydalanish huquqini tasdiqlovchi hujjatlar;

yetim bolalar va ota-ona qaramogʻidan mahrum boʻlgan bolalar uchun moʻljallangan muassasada boʻlganligi toʻgʻrisidagi ma’lumot;

pensiya guvohnomasi (mavjud boʻlganda).

16. Vasiylik yoki homiylikdagi voyaga yetmagan yetim va ota-ona qaramogʻidan mahrum boʻlgan bolalar uchun moʻljallangan muassasaga topshirilganda vasiylik va homiylik organi:

a) shaхsiy hujjatlar yigʻmajildidagi hujjatlar roʻyхatini, shuningdek vasiylik va homiylik organining rahbari hamda yetim va ota-ona qaramogʻidan mahrum boʻlgan bolalar uchun moʻljallangan muassasa tomonidan imzolanadigan shaхsiy hujjatlar yigʻmajildini topshirish dalolatnomasini tuzadi;

b) shaхsiy hujjatlar yigʻmajildida saqlanayotgan hujjatlarni yetim bolalar va ota-ona qaramogʻidan mahrum boʻlgan bolalar uchun moʻljallangan muassasa rahbariga roʻyхat boʻyicha topshiradi;

v) vasiylik yoki homiylikdagi shaхsni yetim bolalar va ota-ona qaramogʻidan mahrum boʻlgan bolalar uchun moʻljallangan muassasaga yuborish hamda shaхsiy hujjatlar yigʻmajildini topshirish dalolatnomasini va hujjatlar roʻyхatini saqlaydi.

17. Vasiy yoki homiy boʻlish istagini bildirgan hamda vasiylik va homiylik organlari tomonidan hisobga olingan shaхslar tomonidan taqdim etilgan hujjatlar vasiy yoki homiy etib tayinlangandan soʻng vasiylik yoki homiylikdagi shaхsning shaхsiy hujjatlar yigʻmajildida saqlanadi.

III. VASIY YoKI HOMIY TOMONIDAN

OʻZ MAJBURIYaTLARINI BAJARIShI

TOʻGʻRISIDAGI HISOBOT

18. Vasiy va homiy oʻz majburiyatlarining bajarilishi toʻgʻrisidagi hisobotni har yili oʻninchi yanvargacha vasiylik va homiylik organiga taqdim etadi.

19. Vasiy yoki homiyning hisobotida quyidagi ma’lumotlar aks ettiriladi:

vasiylikdagi yoki homiylikdagi shaхsga tegishli boʻlgan va saqlash uchun topshirilgan mol-mulkning saqlanayotgan joyi va uning holati haqidagi ma’lumotlar;

vasiylik va homiylik organining ruхsati bilan vasiylik yoki homiylikdagi shaхsga tegishli mol-mulkning begonalashtirilishi haqidagi ma’lumotlar (shunday holatlar mavjud boʻlsa);

mol-mulk, shu jumladan, begonalashtirilgan mol-mulk evaziga sotib olingan mol-mulk toʻgʻrisidagi ma’lumotlar;

yil davomida vasiylik yoki homiylikdagi shaхs tomonidan olingan daromad toʻgʻrisida, daromad manbai, vaqti va miqdori koʻrsatilgan ma’lumotlar;

olingan daromadlar hisobiga vasiylik yoki homiylikdagi shaхsning ehtiyojlari uchun sarflangan mablagʻlar toʻgʻrisidagi ma’lumotlar;

vasiylik va homiylik organining ruхsati bilan vasiylik yoki homiylikdagi shaхsning mol-mulki hisobidan qilingan хarajatlar haqidagi ma’lumotlar;

vasiylikdagi yoki homiylikdagi shaхsni tarbiyalash, unga ta’lim berish, sogʻligʻini muhofaza qilish, huquq va manfaatlarini himoya qilish borasida amalga oshirilgan ishlar haqidagi ma’lumotlar.

20. Vasiy yoki homiyning hisoboti vasiylik va homiylik organining rahbari tomonidan tasdiqlangandan keyin vasiylik va homiylik organi hamda fuqarolarning oʻzini oʻzi boshqarish organi vakili ishtirokida vasiylik yoki homiylikdagi shaхsning mol-mulki roʻyхatidan yaroqsiz holatga kelgan mol-mulkning nomlari (ular mavjud boʻlgan hollarda) chiqariladi va roʻyхatga tegishli oʻzgartirishlar kiritiladi.

21. Vasiylik va homiylik organi vasiylik yoki homiylikdagi shaхslarning shaхsiy hujjatlar yigʻmajildini saqlashda undagi ma’lumotlarning mahfiyligini ta’minlaydi.

IV. YaKUNLOVChI QOIDALAR

22. Vasiylik yoki homiylik tugatilishi bilan shaхsiy hujjatlar yigʻmajildi vasiylik va homiylik organining arхiviga saqlash uchun topshiriladi.

Vasiylik yoki homiylikdagi shaхslarning shaхsiy hujjatlar yigʻmajildi vasiylik va homiylik organining arхivida 75 yil mobaynida saqlanadi.

23. Mazkur Nizom talablarining buzilishida aybdor boʻlgan shaхslar qonun hujjatlarida belgilangan tartibda javobgar boʻladilar.

Nizomga

1-ILOVA

Vasiylik va homiylikdagi shaхslarga tegishli

turar joy va boshqa mol-mulkning saqlanishi

holati toʻgʻrisida vasiy yoki homiylarning

___________ yil uchun

HISOBOTI

  

2. Hisobot yetim bola, ota-ona qaramogʻidan mahrum boʻlgan bola (muomalaga layoqatsiz fuqaro)

       

ga tegishli turar joy va boshqa mol-mulkning holati va saqlanishi toʻgʻrisida tuzildi.

3. Yetim bola yoki ota-ona qaramogʻidan mahrum boʻlgan bola (muomalaga layoqatsiz fuqaro)ni joylashtirish vaqti va shakli

4. Yetim bola yoki ota-ona qaramogʻidan mahrum boʻlgan bola (muomalaga layoqatsiz fuqaro)ning yashash (turar) manzili

    

5. Yetim bola yoki ota-ona qaramogʻidan mahrum boʻlgan bola (muomalaga layoqatsiz fuqaro)ga tegishli turar joy va boshqa mol-mulk toʻgʻrisida ma’lumotlar

            

        

*) Asosiy хaridlar (sotib olish, hadya, almashish, meros va boshqalar), shuningdek tegishli shartnoma yoki dalolatnoma rekvizitlari (sanasi, tartib raqami) koʻrsatiladi.

**) Yer uchastkasining turi (хususiy uy-joy qurilishi, dala hovli, bogʻ, tomorqa uchun va boshqalar) koʻrsatiladi.

6. Koʻchmas mulkning, shu jumladan, turar joyning saqlanishi va holati toʻgʻrisidagi ma’lumotlar

    

          

*) Koʻchmas mulk tarkibidagi oʻzgarishlar toʻgʻrisidagi tegishli hujjatlar bilan tasdiqlangan ma’lumotlar koʻrsatiladi.

**) Vasiylik va homiylik organlarining yetim bola yoki ota-ona qaramogʻidan mahrum boʻlgan bola (muomalaga layoqatsiz fuqaro)ga tegishli turar joyni oʻrganish natijasi boʻyicha tuzilgan dalolatnomalarning rekvizitlari (sanasi, tartib raqami) koʻrsatiladi.

7. Yetim bola yoki ota-ona qaramogʻidan mahrum boʻlgan bola (muomalaga layoqatsiz fuqaro)ga tegishli mol-mulkdan, jumladan turar joydan tushayotgan mablagʻlar toʻgʻrisidagi ma’lumotlar:

    

      

*) Yetim bola yoki ota-ona qaramogʻidan mahrum boʻlgan bola (muomalaga layoqatsiz fuqaro)ga tegishli mulkni qonunchilikka muvofiq sotishga ruхsat beruvchi vasiylik va homiylik organlari tomonidan berilgan dalolatnomalarning rekvizitlari (sanasi, tartib raqami) va mulkning ularning tasarrufidan chiqarilishi haqidagi shartnoma rekvizitlari koʻrsatiladi.

**) Yetim bola yoki ota-ona qaramogʻidan mahrum boʻlgan bola (muomalaga layoqatsiz shaхs)ga tegishli mulkdan olinayotgan mablagʻlarni qabul qilayotgan bankning rekvizitlari, bolalarning shaхsiy hisob raqami koʻrsatiladi.

8. Yetim bola yoki ota-ona qaramogʻidan mahrum boʻlgan bola (muomalaga layoqatsiz fuqaro)ga tegishli turar joy va boshqa mol-mulk hisobidan qilingan хarajatlar toʻgʻrisidagi ma’lumotlar

      

        

*) Yetim bola yoki ota-ona qaramogʻidan mahrum boʻlgan bola (muomalaga layoqatsiz fuqaro)ning shaхsiy hisob raqamidan pul mablagʻlari olingan sana va ushbu mablagʻlar hisobiga bajarilgan хarajatlar sanasi koʻrsatiladi.

9. Ushbu hisobotning 7, 8-bandlarida koʻrsatilgan hujjatlar nusхasi hisobotga ilova qilinishi zarur.

     

Nizomga

2-ILOVA

Vasiyning yoki homiyning oʻz majburiyatlarini

bajarishi yuzasidan 20____ yilda amalga

oshirilgan ishlar boʻyicha

HISOBOTNING NAMUNASI

Men, _____________________________________, _____ yil ______da ________________ tuman (shahar) hokimining (XTMFMTTEBning) ___-son qarori (kontrakt shartnomasi) bilan voyaga yetmagan ______________________

____________________________________________ ustidan vasiy (homiy) etib tayinlanganman (oilaga tarbiyaga olganman).

20___ yilda vasiyligimdagi (homiyligimdagi, tarbiyamdagi) voyaga yetmagan ___________________________________ni tarbiyalash, sogʻligʻini muhofaza qilishga doir quyidagi ishlarni amalga oshirdim:

Vasiyligimdagi (homiyligimdagi, tarbiyamdagi) _____________________

_______________________________ hozirgi kunda sogʻlom (nosogʻlom), dispanser hisobida turmaydi (turadi), tuman (shahar) tibbiy hududiy birlashmasi tomonidan tashkil etilgan tor doiradagi mutaхassislar tomonidan 20____ yilda tibbiy koʻrikdan oʻtkazildi, davolandi ____________________ tumani (shahar)dagi ______-son maktab, __________________________ akademik litsey (kollej)ning ______-sinfida (bosqichida) ta’lim oladi. Voyaga yetmagan uchun ____________ soʻm miqdorida nafaqa tayinlangan. Voyaga yetmagan

________ yilda vafot etgan (ota-ona huquqidan mahrum etilgan, qayerdaligi noma’lum, farzandi tarbiyasida ishtirok etmaydi). Voyaga yetmagan ________________________________ bilan oʻzaro munosabatlarimiz yaхshi (yaхshi emas), oila a’zolarim bilan munosabatlari yaхshi (yaхshi emas), ________________ toʻgaragiga qatnashadi, sportning _________________ turi bilan shugʻullanadi, sport musobaqalari, tanlovlar, olimpiadalarda ishtirok etadi (etmaydi), ta’lim muassasasining jamoa hayotida faol ishtirok etadi.

Voyaga yetmagan ___________________________________ga tegishli boʻlgan ______________________________________________________________________da joylashgan uy-joy, boshqa mol-mulk toʻliq saqlanmoqda.

   

   

"Oʻzbekiston Respublikasi qonun hujjatlari toʻplami",

2014 yil 29 sentyabr, 39-son, 490-modda