Yer resurslari, geodeziya, kartografiya va davlat kadastri davlat qoʻmitasining 12.09.2014 y. 12-son "Davlat kadastrlari yagona tizimiga tegishli davlat kadastrlari ma’lumotlarining tarkibi va ularni taqdim etish tartibi toʻgʻrisidagi nizomni tasdiqlash haqida"gi Qarori (AV tomonidan 08.10.2014 y. 2618-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
08.10.2014 y.
N 2618
OʻZBEKISTON RESPUBLIKASI
YeR RESURSLARI, GEODEZIYa, KARTOGRAFIYa
VA DAVLAT KADASTRI DAVLAT QOʻMITASINING
12.09.2014 y.
N 12
QARORI
Davlat kadastrlari yagona tizimiga tegishli
davlat kadastrlari ma’lumotlarining tarkibi
va ularni taqdim etish tartibi toʻgʻrisidagi
nizomni tasdiqlash haqida
Oʻzbekiston Respublikasining "Davlat kadastrlari toʻgʻrisida"gi Qonuni hamda Vazirlar Mahkamasining 2005 yil 16 fevraldagi 66-sonli qarori bilan tasdiqlangan Davlat kadastrlari yagona tizimini yaratish va yuritish tartibi toʻgʻrisidagi nizomga muvofiq, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi QAROR QILADI:
1. Davlat kadastrlari yagona tizimiga tegishli davlat kadastrlari ma’lumotlarining tarkibi va ularni taqdim etish tartibi toʻgʻrisidagi nizom ilovaga muvofiq tasdiqlansin.
2. Mazkur qaror rasmiy e’lon qilingan kundan e’tiboran kuchga kiradi.
Rais S. Arabov
"Oʻzbekiston Respublikasi qonun hujjatlari toʻplami",
2014 yil 13 oktyabr, 41-son, 512-modda