OʻZBEKISTON RESPUBLIKASI

MOLIYa VAZIRLIGINING

30.10.2008 y.

N YoT/03-04-04/173

XATI

Qoraqalpogʻiston Respublikasi

Moliya vazirligi, viloyatlar va

Toshkent shahar moliya boshqarmalariga

Nusхasi: Xalq ta’limi vazirligiga

Umumta’lim muassasalarida oʻquv darsliklarining ijaraga

berilishi, foydalanishdan chiqarilishi (utilizatsiya qilinishi),

yoʻqotilishi hamda oʻtkazilgan inventarizatsiya natijalariga

koʻra aniqlangan kamomadi bilan bogʻliq jarayonlarning

hisobda aks ettirilishi hamda hisobotlarning

topshirilishi boʻyicha

   Oʻzbekiston Respublikasi Prezidentining 2006 yil 1 iyundagi PQ-363-son qarori ijrosini ta’minlash, shuningdek barcha umumta’lim muassasalari tomonidan oʻquv darsliklarining oʻquvchilarga ma’lum muddatga haq toʻlash sharti bilan ijaraga berilishi va ijara toʻlovlarining hisobda aks ettirilishi, oʻquv darsliklarining foydalanishdan chiqarilishi (utilizatsiya qilinishi), oʻtkazilgan inventarizatsiya natijalariga koʻra aniqlangan oʻquv darsliklarining kamomadi hamda ijaraga oluvchilar tomonidan oʻquv darsliklarining yoʻqotilishi bilan bogʻliq operatsiyalarni hisobda aks ettirish boʻyicha joylarda (umumta’lim muassasalarida) ayrim savollar yuzaga kelmoqda.

Yuqoridagilarga aniqlik kiritish maqsadida Oʻzbekiston Respublikasi Moliya vazirligi tomonidan umumta’lim muassasalarida oʻquv darsliklarining ijaraga berilishi, foydalanishdan chiqarilishi (utilizatsiya qilinishi), yoʻqotilishi hamda oʻtkazilgan inventarizatsiya natijalariga koʻra aniqlangan kamomad bilan bogʻliq jarayonlarning hisobda aks ettirilishi hamda hisobotlarning topshirilishi boʻyicha Koʻrsatma ishlab chiqildi (ilova qilinmoqda).

Moliya vazirligi Sizlardan ushbu Koʻrsatmani barcha umumta’lim muassasalariga yetkazishingizni hamda ijrosini doimiy nazoratga olishingizni soʻraydi.

Ilova _______ varaqda.

Vazir oʻrinbosari                                                     Yo. Tursunov