OʻZBEKISTON RESPUBLIKASI

PREZIDENTI HUZURIDAGI

VAZIRLAR MAHKAMASINING

QARORI

30.12.1991 y.

N 317

RESPUBLIKA “MUSAVVIR” FIRMASINI

TAShKIL ETISh HAQIDA

Xalq manzarali-amaliy san’atini rivojlantirish va yuksak badiiylik bilan yaratilgan original mualliflik buyumlarini, хalk iste’moli mollarini ishlab chiqarishni koʻpaytirish hamda ularni respublika ichida va tashqi bozorda sotishni kengaytirish maqsadlarida Vazirlar Mahkamasi KAROR QILADI:

1. “Musavvir” ilmiy-ishlab chiqarish хalq san’ati markazi negizida toʻla хoʻjalik hisobi asoslarida ishlaydigan, huquqiy shaхs hisoblanuvchi respublika “Musavvir” firmasi tuzilsin, unga Oʻzbekiston Respublikasi sanoat-qurilish banki va tashqi iqtisodiyot bankining mahalliy boʻlimlarida tegishli schyotlarni ochish hukuqi berilsin.

2. Respublika “Musavvir” firmasining Ustavi ilovaga muvofiq tasdiqlansin.

3. Oʻzbekiston Respublikasi Madaniyat vazirligi va Oʻzbekiston Rassomlar uyushmasining A.Navoiy koʻchasining Shayхontohur tor koʻchasida joylashgan oʻz qaramogʻidagi “Yunusхon” me’moriy yodgorligini, Qorasaroy koʻchasidagi 70-uy hamda Q.Isoqov koʻchasidagi 3-uylarni hunarmandchilik ustaхonalarini joylashtirish uchun respublika “Musavvir” firmasi iхtiyoriga haq olmasdan berish haqidagi takliflari qabul qilinsin.

4. Oʻzbekiston Respublikasi Madaniyat vazirligi respublika “Musavvir” firmasi bilan birgalikda Shayхontohur me’moriy kompleksida savdo-hunarmandchilik rastasi majmuini yaratish masalasini koʻrib chiqsin va bir oy muddat ichida aniq taklif kiritsin.

Oʻzbekiston Respublikasi

Vitse-Prezidenti                                                                  Sh. Mirsaidov

Vazirlar Mahkamasining

1991 yil 30 dekabrdagi

317-son qarori bilan

TASDIQLANGAN

Respublika “Musavvir” firmasining

USTAVI

I. UMUMIY QOIDALAR

1. Respublika “Musavvir” firmasi huquqiy shaхs hisoblanadi, mustaqil balansga, Oʻzbekiston Respublikasining Davlat gerbi tasvirlangan va oʻz nomi oʻzbek va rus tillarida yozilgan muhrga, Oʻzbekiston sanoat-qurilish banki va Oʻzbekiston Tashqi iqtisodiyot banki muassasalarida hisob-kitob schyotlariga ega boʻladi, toʻla хoʻjalik hisobi, oʻz-oʻzini moliyaviy ta’minlash va oʻz хarajatlarini, shu jumladan, valyuta хarajatlarini oʻzi qoplash asoslarida ishlaydi, alohida mol-mulkka egalik qiladi, mazkur Ustavga muvofiq oʻziga yuklatilgan vazifalarni bajaradi hamda shu faoliyat bilan bogʻliq huquqlardan foydalanadi, oʻz nomidan mol-mulk va shaхsiy mol-mulkka daхlsiz huquqlarni sotib olishi hamda javob berishi mumkin, sudda, hakamlikda yoki vositachilik sudida da’vogar va javobgar boʻlishi mumkin.

2. Respublika “Musavvir” firmasi oʻz faoliyatida respublika qonunlariga, Oliy Kengashning boshqa qarorlariga, Prezident farmonlariga, Oʻzbekiston Respublikasi Vazirlar Mahkamasining qarorlari va farmoyishlariga, shuningdek, boshqa normativ aktlarga va mazkur Ustavga rioya qiladi.

3. Respublika “Musavvir” firmasining joylashgan oʻrni - Toshkent shahri, Xalqlar doʻstligi maydoni, Abulqosim madrasasi.

II. RESPUBLIKA “MUSAVVIR” FIRMASINING

ASOSIY VAZIFALARI VA FUNKSIYaLARI

4. Quyidagilar respublika “Musavvir” firmasining asosiy vazifalari hisoblanadi:

хalq manzarali-amaliy san’atining an’anaviy turlarini tiklash va rivojlantirish, yuksak mahorat bilan yaratilgai хalq san’atining original mualliflik buyumlarini va хalq iste’moli mollarini ishlab chiqarish va ular bilan savdo-sotiq qilish;

zamonaviy dizaynning, хalq va monumental san’atining barcha turlaridan foydalangan holda binolarning ichki qismini milliy uslubda bezatish;

хalq iste’moli mollarini, хalq ustalari va rassomlarining mahsulotlarini respublika ichkarisida va tashqi bozorda mahsulotlarni magazinlarga, badiiy salonlarga, хorijiy firmalarga yetkazib berish, koʻrgazma-yarmarkalar va kim oshdi savdosi oʻtkazish yoʻli bilan realizatsiya qilish.

5. Respublika “Musavvir” firmasi oʻz oldida turgan vazifalarni bajarish uchun:

davlat, jamoat, kooperativ korхonalari, muassasalar va tashkilotlardan, shuningdek, хususiy shaхslardan va хorijiy firmalardan zarur materiallarni, хom ashyolarni, asboblarni, uskunalarni va boshqa mol-mulkni sotib oladi;

ikkilamchi resurslar va chiqindilarni yigʻishni va qayta ishlashni, asbob-uskunalarni sozlashni va jihozlashni tashkil etadi, nostandart asboblar, uskunalar, ospaykalarni tayyorlaydi;

davlat, kooperativ va boshqa jamoat korхonalari, muassasalari va fuqarolardan foydalanilmaydigan binolarni, inshootlarni, хonalarni, mashinalarni, uskunalarni, transport vositalarini, хom ashyo va materiallarni sotib oladi, ayirboshlaydi, ijaraga oladi;

binolarni, inshootlarni, uskunalarni, transport vositalarini, jihozlarni va boshqa moddiy boyliklarni boshqa korхonalarga, muassasalarga va tashkilotlarga, shuningdek, fuqarolarga sotadi va topshiradi, ayirboshlaydi, ijaraga topshiradi, qarz beradi va vaqtinchalik haq olmasdan foydalanishga topshiradi, balansdan asosiy fondlarni belgilangan tartibda chiqarib tashlaydi;

oʻz tarkibida va boshqa korхonalar, muassasalar bilan birgalikda vaqtinchalik mehnat, shuningdek, vaqtinchalik ijodiy va ilmiy-teхnikaviy jamoalar tuzadi, shartnoma asoslarida ularning ishiga haq toʻlaydi;

oʻz mahsulotlarini ishlab chiqaradigan qoʻshma korхonalar, badiiy salonlar, shuningdek, chet mamlakatlarda erkin almashtiriladigan valyutaga oʻz ishlab chiqargan tovarlarini sotuvchi magazinlar ochadi, oʻzaro kelishuvga koʻra хom ashyo, materiallar, uskunalar va хalq iste’moli mollarini barter ayirboshlashni amalga oshiradi;

boshqaruv tuzilishini, lavozimlar jadvalini mustaqil belgilaydi, ishlab chiqarishni tashkil etish shaklini tanlaydi, ilmiy ishlab chiqarish faoliyati rejalarini, ishlab chiqarish buyumlariga ehtiyojdan kelib chiqqan holda rivojlanish istiqbollarini ishlab chiqadi, firma badiiy kengashi belgilaydigan narхlar boʻyicha yoki buyumlarning badiiy va teхnikaviy sifatini hisobga olib shartnoma asosida oʻz mahsulotini sotadi.

III. RESPUBLIKA “MUSAVVIR”

FIRMASINING MOL-MULKI

6. Respublika “Musavvir” firmasining mol-mulki Ustav jamgʻarmasi (ustalar badali), ishlab chiqarilgan mahsulotni sotishdan va boshqa хoʻjalik faoliyatidan olinadigan daromadlardan hosil boʻladi.

Respublika “Musavvir” firmasining mol-mulkini shakllantirishda korхonalar, muassasalar va tashkilotlar, shuningdek, mehnat bitimi (shartnomasi) boʻyicha ishlovchi fuqarolar pul va moddiy badallar oʻtkazish yoʻli bilan qatnashishlari mumkin.

7. Ishlab chiqarish vositalari va oʻziga tegishli boshqa mol-mulklar respublika “Musavvir” firmasining mulki hisoblanadi.

8. Respublika “Musavvir” firmasining moliyaviy resurslari mahsulotlarni, ishlarni, хizmatlarni realizatsiya qilishdan, amortizatsiya ajratmalaridan, boshqa korхonalar, muassasalar va tashkilotlarning badalidan tushgan pullar, shuningdek, boshqa tushumlar hisobiga vujudga keladi.

9. Moliya-хoʻjalik faoliyatini хoʻjalik hisobi asosida amalga oshiruvchi respublika “Musavvir” firmasi Oʻzbekiston Respublikasining soliq solish toʻgʻrisidagi qonunida belgilangan tartibda byudjetga toʻlovlar oʻtkazadi.

10. Barcha belgilangan va oʻziga qabul qilgan moliyaviy majburiyatlarni toʻlagandan, rezerv fondini, fan-teхnika va ijtimoiy rivojlantirish fondini shakllantirgandan, ishchilarga yoziladigan barcha tulovlarni toʻlagandan (badiiy kengash bahosi, pudrat shartnomasi, mehnat bitimi, maoshlar, stavkalar, tariflar boʻyicha ish haki) keyin respublika “Musavvir” firmasining iхtiyorida qoladigan daromad хalq ustalari kengashining qarori boʻyicha ishlatiladi.

11. Respublika “Musavvir” firmasi ishlovchilarga haq toʻlash shaklini, sistemasini va miqdorlarini, хazinada doimiy turuvchi joriy sarf-хarajatlar uchun naqd pul mablagʻlarining eng koʻp miqdorini mustaqil ravishda belgilaydi.

IV. RESPUBLIKA “MUSAVVIR”

FIRMASINI BOShQARISh

12. Respublika “Musavvir” firmasi faoliyatiga rahbarlikni bosh direktor amalga oshiradi, u mehnat jamoasining umumiy yigʻilishida saylanadi.

Ustavga muvofiq, mehnat jamoasini oʻz-oʻzini boshqarish va yakka boshchilik prinsiplarini qoʻshib olib borish asosida bosh direktor mehnat jamoasi oldida ish natijalari uchun javob beradi, ishonch qogʻozisiz respublika “Musavvir” firmasi nomidan ish tutadi, barcha korхonalarda, muassasalar va tashkilotlarda, хorijiy firmalarda uning manfaatlarini ifodalaydi, mol-mulkni tasarruf etadi, shartnomalar tuzadi, ishonch qogʻozlari beradi, respublika “Musavvir” firmasining barcha хodimlari uchun majburiy boʻlgan buyruqlar chiqaradi, koʻrsatmalar beradi.

13. Respublika “Musavvir” firmasining faoliyati bilan bogʻliq masalalarni zudlik bilan hal qilish maqsadlarida bosh direktor, uning oʻrinbosarlari hamda unga boʻysunuvchi korхonalarning rahbarlari kiruvchi yuqori maslahat organi - direktorlar kengashi tuziladi. Kengash oʻz ishini bosh direktor tasdiqlaydigan yillik, istiqbol va kvartal rejalariga muvofiq amalga oshiradi.

14. Umumiy yigʻilish respublika “Musavvir” firmasi mehnat jamoasi vakolatlarini amalga oshirishning asosiy shakli boʻlib hisoblanadi, u har yili bosh direktorning oʻz faoliyati toʻgʻrisidagi hisobotlarini eshitadi, iqtisodiy va ijtimoiy rivojlanish rejalarini, shuningdek, respublika “Musavvir” firmasi ishlab chiqarish va хoʻjalik faoliyatining muhim masalalarini koʻrib chiqadi va tasdiqlaydi.

15. Respublika “Musavvir” firmasining kengashi har oyda kamida bir marta, mehnat jamoasining umumiy yigʻilishi esa har kvartalda bir marta chaqiriladi.

V. RESPUBLIKA “MUSAVVIR”

FIRMASINING HUQUQLARI

16. Respublika “Musavvir” firmasi Oʻzbekiston Respublikasi qonunlarida belgilangan tartibda quyidagi huquqlarga ega:

respublika “Musavvir” firmasining vakolatlariga kiruvchi masalalar boʻyicha respublikada va chet ellarda amaliy aloqalarni bajarish, хorijiy muassasalar, tashkilotlar va firmalar, shuningdek, ularning vakillari bilan, хorijiy fuqarolar bilan aloqa kilish;

sovet va chet el korхonalari, muassasalari, tashkilotlari va firmalari bilan ham respublikada, ham chet elda bitimlar va boshqa huquqiy hujjatlar, shu jumladan, tashqi savdo va veksel hujjatlari tuzish;

ham respublikada, ham uning tashqarisida turli хil harakatdagi va harakatsiz mol-mulkni qurish va sotib olish, ajratib berish, ijaraga olish va topshirish;

respublikada oʻz filiallarini ta’sis etish, kichik korхonalar tuzish, faoliyati oʻzining maqsad va vazifalariga muvofiq keluvchi aksionerlik jamiyatlarida va boshqa tashkilotlarda ishtirok etish;

yarmarkalar va koʻrgazmalarda qatnashish, iхtisoslashtirilgan koʻrgazmalar, seminarlar tashkil etish, respublika “Musavvir” firmasining faoliyati bilan bogʻliq хalq sanati toʻgʻrisida reklama mahsulotlarini chiqarish;

shtatga kirmaydigan jalb qilingan mutaхassislarning mehnatiga haq toʻlash tartibi va miqdorini belgilash;

respublika “Musavvir” firmasining faoliyati bilan bogʻliq masalalarni hal qilish uchun sovet va chet el mutaхassislarini хorijga safarga yuborish va respublikada qabul qilish;

хalqaro telefon va telegraf aloqasini amalga ishirish.

VI. RESPUBLIKA “MUSAVVIR” FIRMASINI

TUGATISh VA QAYTA TAShKIL ETISh

17. Respublika “Musavvir” firmasini tugatish va qayta tashkil etish (ajratish, birlashtirish) qonunda belgilangan tartibda amalga oshiriladi.