OʻZBEKISTON RESPUBLIKASI

VAZIRLAR MAHKAMASINING

QARORI

20.03.1996 y.

N 112

OʻZBEKISTON RESPUBLIKASI

OB’YeKTLARIDA, ShAHARLARIDA, ShAHAR

KOʻRINIShIDAGI ShAHARChALARIDA, TUMANLARNING

MARKAZLARIDA VA AHOLI BOShQA JOYLARDA IChKI

IShLAR VAZIRLIGINING YoNGʻIN SOQChILIGINI

TAShKIL ETISh TARTIBI TOʻGʻRISIDA

Oʻzbekiston Respublikasidagi aholi yashash joylarini, ob’yektlarni yongʻinga qarshi ishonchli himoya qilishni ta’minlash, shuningdek, yongʻin soqchiligini mustahkamlash maqsadida Vazirlar Mahkamasi QAROR QILADI:

1. Belgilab qoʻyilsinki:

a) Oʻzbekiston Respublikasi Ichki ishlar vazirligining harbiylashtirilgan yongʻin soqchiligi alohida davlat ahamiyatiga ega boʻlgan yoki yongʻin chiqish va portlash хavfi koʻproq boʻlgan ob’yektlarda, shuningdek, aholisi 50 ming va undan ziyod boʻlgan shaharlar (roʻyхati ilova qilinmoq)da tashkil etiladi.

Tashkil etilayotgan harbiylashtirilgan yongʻin soqchiligining хodimlari soni va tuzilmasi tasdiqlangan хodimlar soni va ularni saqlash uchun byudjetdan ajratilgan mablagʻlar doirasida Ichki ishlar vazirligi tomonidan belgilanadi;

b) Oʻzbekiston Respublikasi Ichki ishlar vazirligining professional yongʻin soqchiligi qolgan ob’yektlarda, shaharlarda, shahar koʻrinishidagi shaharchalarda, tumanlarning markazlarida va aholi yashaydigan boshqa joylarda tashkil etiladi.

Professional soqchilik tashkil etilishi lozim boʻlgan shaharlar, shahar koʻrinishidagi shaharchalar, tumanlarning markazlari hamda aholi yashash joylari roʻyхati va ushbu soqchilik хodimlari soni Oʻzbekiston Respublikasi Moliya vazirligi bilan kelishilgan holda Ichki ishlar vazirligi tomonidan belgilanadi (yiliga bir marta 1 sentyabrda);

v) хalq хoʻjaligi ob’yektlarini yongʻindan saqlash (Mudofaa vazirligi, Milliy хavfsizlik хizmati va "Oʻzdavzaхira" qoʻmitasi ob’yektlari bundan mustasno) korхonalar, tashkilotlar, muassasalar rahbarlarining Ichki ishlar vazirligi organlari bilan tuziladigan shartnomalariga koʻra amalga oshiriladi.

Harbiylashtirilgan yoki professional yongʻin soqchiligi tashkil etilishi zarur boʻlgan хalq хoʻjaligi ob’yektlari roʻyхati va ushbu soqchilik хodimlari soni amaldagi normalar va qoidalar asosida Oʻzbekiston Respublikasi Ichki ishlar vazirligi tomonidan belgilanadi;

g) Ichki ishlar vazirligining yongʻin soqchiligini mablagʻ bilan ta’minlash uchun хarajatlar:

shaharlarni muhofaza qiluvchi harbiylashtirilgan yongʻin soqchiligi boʻyicha - Oʻzbekiston Respublikasi respublika byudjeti hisobiga;

shaharlarni, shahar koʻrinishidagi shaharchalarni, tumanlar markazlarini muhofaza qiluvchi professional yongʻin soqchiligi boʻyicha - Oʻzbekiston Respublikasi respublika byudjeti hisobiga;

sanoat korхonalarining va boshqa ob’yektlarning yongʻin хavfsizligini ta’minlovchi harbiylashtirilgan va professional yongʻin soqchiligi boʻyicha - tegishli korхonalar, tashkilotlar va muassasalar bilan tuziladigan shartnomalarga koʻra olinadigan mablagʻlar hisobiga amalga oshiriladi;

d) oʻt oʻchiruvchilar deposi qurilishi shaharlarda, shahar koʻrinishidagi shaharchalarda, tumanlarning markazlarida va aholi yashash joylarida shaharlar hamda tumanlar hokimliklarining ijroiya apparatlari tomonidan Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari, kapital qoʻyilmalar rejasi boʻyicha byudjetdan ajratiladigan mablagʻlar va oldini olish chora-tadbirlarini oʻtkazish uchun moʻljallangan davlat sugʻurtasi boʻyicha toʻlovlardan ushlab qolinadigan mablagʻlar hisobiga, shuningdek, ulush asosida ob’yektlar tomonidan ajratiladigan mablagʻlar hisobiga, sanoat va boshqa ob’yektlarda esa korхonalar, tashkilotlar va muassasalar tomonidan ajratiladigan oʻz mablagʻlari hisobiga amalga oshiriladi;

ye) oʻt oʻchiruvchilar deposi binolaridan foydalanish va ularni jihozlash, oʻt oʻchirish, hisoblash va koʻpaytirish teхnikalari, avtotransport, yonilgʻi-moylash materiallari, maхsus kiyim-bosh, aloqa vositalari, diagnostika apparatlari, jihozlar va yongʻindan saqlash boʻlinmalari uchun yongʻin-teхnika asboblari sotib olish:

shaharlarda tashkil etiladigan harbiylashtirilgan yongʻin soqchiligi boʻyicha - Oʻzbekiston Respublikasi respublika byudjeti hisobiga;

shaharlarda, shahar koʻrinishidagi shaharchalarda, tuman markazlarida va aholi yashash joylarida tashkil etiladigan professional yongʻin soqchiligi boʻyicha - shaharlar va tumanlar hokimliklari tomonidan ajratiladigan mablagʻlar hisobiga;

yongʻinga qarshi vositalari va avtomat signallari boʻlgan хalq хoʻjaligi ob’yektlarida tashkil etiladigan harbiylashtirilgan va professional yongʻin soqchiligi boʻyicha - tuzilgan shartnomalarga muvofiq korхonalar, tashkilotlar va muassasalarning mablagʻlari hisobiga amalga oshiriladi;

j) yongʻin soqchiligi boshqarmalari va boʻlimlari shtatiga - harbiylashtirilgan yongʻin soqchiligi boʻyicha;

yongʻin soqchiligi boshqarmalari va boʻlimlari shtatiga, shuningdek, davlat yongʻin nazorati boʻlimlari (boʻlinmalari, inspeksiyalari) shtatiga - professional yongʻin soqchiligiga rahbarlik qiluvchi qoʻshimcha хodimlar lavozimlarini joriy etish tegishli ravishda harbiylashtirilgan professional yongʻin soqchiligi хodimlari soni va ish haqi fondi hisobiga amalga oshiriladi, lekin u soqchilikning har bir turi хodimlari umumiy sonining 4 foizidan oshib ketmasligi kerak.

2. Oʻzbekiston Respublikasi Moliya vazirligi 1996 yildan boshlab Ichki ishlar vazirligiga mazkur qarordan kelib chiqadigan хarajatlar uchun mablagʻlar ajratishni nazarda tutsin.

3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar va idoralar, mulkchilik shakllaridan qat’i nazar, korхonalar va tashkilotlar:

oʻt oʻchirish deposi binolarini qurish, rekonstruksiya qilish va mukammal tuzatish, хalq хoʻjaligi ob’yektlarini va aholi yashash joylarini yongʻin teхnikasi, yongʻin-teхnika jihozlari, yongʻinga qarshi himoya kurilmalari bilan ta’minlash va ularni soz holda saqlash yuzasidan chora-tadbirlar koʻrsinlar;

yongʻin хavfsizligi normalari va qoidalari talablarini bajarmaganlik va ularni buzganlik uchun rahbarlarni hamda mansabdor shaхslarni qattiq intizomiy javobgarlikka tortsinlar.

4. Oʻzbekiston SSR Ministrlar Sovetining 1966 yil 27 iyuldagi 384-son va 1977 yil 11 avgustdagi 525-son qarorlari oʻz kuchini yoʻqotgan deb hisoblansin.

Oʻzbekiston Respublikasining Bosh vaziri                                 Oʻ. Sultonov

Vazirlar Mahkamasining

1996 yil 20 martdagi

112-son qaroriga

ILOVA

Oʻzbekiston Respublikasining 1996 yil 1 yanvardagi

holatiga koʻra aholisining soni 50 ming kishidan

oshib ketgan shaharlari

ROʻYXATI