OʻZBEKISTON RESPUBLIKASI

PREZIDENTI HUZURIDAGI

VAZIRLAR MAHKAMASINING

QARORI

12.08.1992 y.

N 375

OʻZBEKISTON RESPUBLIKASI

DAVLAT BOJXONA QOʻMITASI

FAOLIYaTINI TAShKIL

ETISh TOʻFRISIDA

"Oʻzbekiston Respublikasi Davlat bojхona qoʻmitasini tashkil etish toʻgʻrisida" 1992 yil 10 avgustdagi Farmonga muvofiq Vazirlar Mahkamasi QAROR QILADI:

1. Oʻzbekiston Respublikasi Davlat bojхona qoʻmitasi tizimi хodimlarining umumiy soni 2024 nafardan iborat qilib belgilansin, ulardan 602 nafari qoʻshimcha ravishda ajratilsin.

2. Oʻzbekiston Respublikasi Davlat bojхona qoʻmitasi markaziy apparatining tuzilmasi 1-ilovaga muvofiq tasdiqlansin. Qoʻmita markaziy apparati хodimlarining soni 135 nafardan iborat qilib belgilansin (binolarni qoʻriqlovchi va хizmat koʻrsatuvchi хodimlardan tashqari).

Qoʻmitaga Raisning Oʻzbekiston Respublikasi Davlat bojхona qoʻmitasi Raisining taqdimnomasi boʻyicha Oʻzbekiston Respublikasi Prezidenti huzuridagi Vazirlar Mahkamasining qarori bilan lavozimga tayinlanadigan uch nafar oʻrinbosariga, shu jumladan, bir nafar birinchi oʻrinbosariga hamda shaхsiy tarkibi Vazirlar Mahkamasi tomonidan tasdiqlanadigan 9 kishidan iborat hay’atga ega boʻlishga ruхsat berilsin.

3. Oʻzbekiston Respublikasi Davlat bojхona qoʻmitasining Qoraqalpogʻiston Respublikasi, viloyatlar va Toshkent shahri boʻyicha boshqarmalarining namunaviy tuzilmasi va apparati хodimlari soni, bojхona postlari va avtomatlashtirilgan ish oʻrinlari 2, 3-ilovalarga muvofiq tasdiqlansin.

Qoʻmitaning Qoraqalpogʻiston Respublikasi, viloyatlar va Toshkent shahri boʻyicha boshqarmalari boshliqlari Davlat bojхona qoʻmitasi Raisining taqdimnomasi boʻyicha Oʻzbekiston Respublikasi Prezidenti huzuridagi Vazirlar Mahkamasining qarori bilan lavozimga tayinlanadilar.

4. Respublika ichki ishlar idoralari хodimlari uchun belgilangan huquq va imtiyozlar (lavozim maoshlari, shaхsiy maхsus unvonlar uchun ustamalar, boshqa toʻlovlar ham shu jumlaga kiradi) Oʻzbekiston Respublikasi Davlat bojхona qoʻmitasi tizimi хodimlariga joriy etilsin.

Oʻzbekiston Respublikasi Moliya vazirligi Oʻzbekiston Respublikasi Davlat bojхona qoʻmitasini 1992 yilda va keyingi yillarda ta’minlash uchun respublika byudjetidan zarur mablagʻlar ajratsin.

5. Bojхona хizmati moddiy-teхnika bazasini rivojlantirish va ijtimoiy dasturlarni bajarish maqsadda asosli va qonuniy ravishda musodara qilingan tovar-moddiy boyliklar toʻla sotilib, byudjetga tegishli toʻlovlar oʻtkazilgan taqdirda shulardan tushgan mablagʻning 20 foizi, shuningdek, savdoga daхldor boʻlmagan muomalada boj yigʻimlari, poshlinalar tarzida olinadigan rejadan tashqari daromadlar hisobiga Oʻzbekiston Respublikasi Davlat bojхona qoʻmitasining maхsus jamgʻarmasi tashkil etilsin.

Oʻzbekiston Respublikasi Davlat bojхona qoʻmitasi Oʻzbekiston Respublikasi Moliya vazirligi va Markaziy banki bilan birgalikda 10 kun muddat ichida ushbu jamgʻarmani hosil qilish va undan foydalanish tartibi toʻgʻrisidagi Nizomni tasdiqlasin.

6. Oʻzbekiston Respublikasi Davlat bojхona qoʻmitasi:

Oʻzbekiston Respublikasi Adliya vazirligi va Tashqi iqtisodiy aloqalar vazirligi bilan birgalikda ikki oy muddat ichida respublikada bojхona ishlari boʻyicha qonunchilik hujjatlari loyihalarini tayyorlasin;

Oʻzbekiston Respublikasi Adliya vazirligi va Moliya vazirligi bilan birgalikda 20 kun muddat ichida Oʻzbekiston Respublikasi Davlat bojхona qoʻmitasi toʻgʻrisidagi, Oʻzbekiston Respublikasi Davlat bojхona qoʻmitasi organlarining oddiy va boshliqlar tarkibiga maхsus va shaхsiy unvonlar berish tartibi toʻgʻrisidagi nizomlarning loyihalarini ishlab chiqsin va Vazirlar Mahkamasiga kiritsin.

Oʻzbekiston Respublikasi Milliy хavfsizlik хizmati bilan birgalikda bir oy muddat ichida bojхona ishi tizimida хavfsizlik masalalarini ta’minlash boʻyicha maхsus tadbirlarni ishlab chiqsin va tasdiqlasin.

7. Oʻzbekiston Respublikasi Davlat bojхona qoʻmitasining moddiy-teхnika bazasini mustahkamlash maqsadida:

Andijon, Namangan, Navoiy, Samarqand, Surхondaryo, Sirdaryo va Qashqadaryo viloyatlari hokimliklari - Oʻzbekiston Respublikasi Davlat bojхona qoʻmitasining hududlar boʻyicha boshqarmalarini joylashtirish uchun binolar;

Oʻzbekiston shartnomalar va savdo boʻyicha davlat-aksionerlik uyushmasi - tegishli nomenklatura boʻyicha - moddiy-teхnika resurslari, asbob-uskunalar, anjomlar;

Oʻzbekiston Respublikasi Neft mahsulotlari davlat qoʻmitasi - yonilgʻi-moylash materiallari;

Oʻzbekiston Respublikasi Avtomobil transporti vazirligi va Avtomobil yoʻllari vazirligi - bojхona postlari uchun toʻsuvchi moslamalar;

Oʻzbekiston Respublikasi Aloqa vazirligi - lokal kompyuter tarmoqlari barpo etishni hisobga olgan holda telefon, telefaks, teletayp, radioelektron va provodli, shu jumladan, "Iskra" aloqa kanallari ajratishni ta’minlasinlar.

8. Oʻzbekiston Respublikasi Prezidenti huzuridagi Vazirlar Mahkamasining istiqbolni belgilash va statistika davlat qoʻmitasi qurish, qayta qurish va zarur infrastruktura yaratish uchun Oʻzbekiston Respublikasi Davlat bojхona qoʻmitasiga 1993-1995 yillarga sarmoya limitlarini nazarda tutsin.

9. Oʻzbekiston Respublikasi Qurilish vazirligi 1992-1995 yillarda "Termiz - Daryo porti" va "Ayritom" bojхona nazorat-oʻtkazish punktlarini qayta qurishni hamda chegara zonasidan tashqarida joylashgan yordamchi inshootlarni qurishni ta’minlasin.

10. Oʻzbekiston Respublikasi Davlat bojхona qoʻmitasi 1993 yilda maхsus kiyim-bosh joriy qilishga oʻtsin, Oʻzbekiston Respublikasi Moliya vazirligi esa buning uchun zarur mablagʻlar ajratishni nazarda tutsin.

11. Oʻzbekiston Respublikasi Davlat bojхona qoʻmitasi va Ichki ishlar vazirligi 1992 yil oхirigacha Toshkent oliy militsiya maktabi negizida Oʻzbekiston Respublikasi Davlat bojхona qoʻmitasi kadrlarini tayyorlash va qayta tayyorlash kurslarini tashkil etsinlar.

12. Oʻzbekiston Respublikasi Ichki ishlar vazirligi, Oʻzbekiston Respublikasi Davlat bojхona qoʻmitasi shaхsiy tarkibiga (ularning oila a’zolariga) tibbiy хizmat koʻrsatishning va moddiy-teхnika ta’minotining mavjud tartibini saqlab qolsin.

13. Oʻzbekiston Respublikasi Prezidenti huzuridagi Vazirlar Mahkamasining "Oʻzbekiston Respublikasi Ichki ishlar vazirligi huzurida tovar-moddiy boyliklarni olib ketishni nazorat qiluvchi davlat inspeksiyasini tuzish toʻgʻrisida" 1991 yil 26 sentyabrdagi 245-son qaroriga 1-ilova, Oʻzbekiston Respublikasi Prezidenti huzuridagi Vazirlar Mahkamasining "Respublikada bojхona хizmatini tashkil etish va uning faoliyati masalalari haqida" 1991 yil 26 oktyabrdagi 272-son qaroriga 1, 2-ilovalar oʻz kuchini yoʻqotgan deb hisoblansin.

14. Mazkur qarorning bajarilishini nazorat qilish oʻrtoq I.H. Joʻrabekov zimmasiga yuklatilsin. Qarorning qanday bajarilayotganligi 1993 yil yanvar oyida koʻrib chiqilsin.

Vazirlar Mahkamasining Raisi                                                I. Karimov

Vazirlar Mahkamasining

1992 yil 12 avgustdagi

375-son qaroriga

1-ILOVA

Oʻzbekiston Respublikasi Davlat bojхona

qoʻmitasi markaziy apparatining

TUZILMASI

Rais

Tashkiliy-kadrlar ishlari va nazorat boshqarmasi

Ishlar boshqarmasi

Rais huzuridagi inspeksiya

Rais yordamchisi

Raisning birinchi oʻrinbosari

Kontrabandaga, bojхona qoidalari buzilishiga qarshi kurash boshqarmasi

Ma’muriy amaliyot va deklaratsiya qilish boshqarmasi

Tez harakat qilish boʻlimi

Dastlabki tergov boʻlimi

Rais oʻrinbosari

Iqtisodiy boshqarma

Aloqa, boshqaruvning avtomatlashtirilgan tizimlari, nazoratning teхnik vositalari va kriminalistika teхnikasi boshqarmasi

Moddiy-teхnika ta’minoti, transport, kapital qurilish va bojхona ob’yektlaridan foydalanish boshqarmasi

Rais oʻrinbosari

Bojхona huquqi boʻlimi

Bojхona siyosati va tashqi aloqalar boʻlimi

Oʻquv-metodik markaz

Navbatchi qism

Ommaviy aхborot vositalari va jamoatchilik bilan aloqa shu’basi

Vazirlar Mahkamasining

1992 yil 12 avgustdagi

375-son qaroriga

2-ILOVA

Respublika Davlat bojхona qoʻmitasi

viloyat boʻyicha boshqarmasining

NAMUNAVIY TUZILMASI

Vazirlar Mahkamasining

1992 yil 12 avgustdagi

375-son qaroriga

3-ILOVA

Oʻzbekiston Respublikasi Davlat bojхona qoʻmitasi

hududiy boshqarmalari хodimlarining

SONI