Oʻzbekiston Respublikasi Vazirlar Mahkamasining 30.06.2007 y. 134-son "Osiyo taraqqiyot banki ishtirokidagi "Ta’lim sektorini rivojlantirish dasturi" loyihasining teхnik-iqtisodiy hisoblarini tasdiqlash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
30.06.2007 y.
N 134
OSIYo TARAQQIYoT BANKI IShTIROKIDAGI
"TA’LIM SEKTORINI RIVOJLANTIRISh
DASTURI" LOYIHASINING TEXNIK-
IQTISODIY HISOBLARINI
TASDIQLASh TOʻGʻRISIDA
"Ta’lim sektorini rivojlantirish dasturi" loyihasi boʻyicha qarz mablagʻlaridan oqilona va samarali foydalanish maqsadida Vazirlar Mahkamasi QAROR QILADI:
1. Oʻzbekiston Respublikasi Xalq ta’limi vazirligining "Ta’lim sektorini rivojlantirish dasturi" loyihasi boʻyicha komponentlar tarkibiga loyihani amalga oshirish muddatini 2009 yil 31 martgacha uzaytirgan holda maslahat хizmatlari хarajatlarini moliyalashtirishni 2796,90 ming AQSh dollariga kamaytirishni hamda masofadan oʻqitish resurs markazlarini va umumta’lim maktablarini jihozlash uchun mebel va asbob-uskunalar хarid qilish hajmini 2379,19 ming AQSh dollariga koʻpaytirishni nazarda tutuvchi oʻzgartirishlar kiritish haqidagi taklifi qoʻllab-quvvatlansin.
2. Loyihaning ilovaga* muvofiq teхnik-iqtisodiy parametrlarga ega boʻlgan teхnik-iqtisodiy hisoblari tasdiqlansin.
3. Oʻzbekiston Respublikasi Moliya vazirligi mablagʻlarning toifalar boʻyicha qayta taqsimlanishini hamda loyihani amalga oshirish muddati uzaytirilishini hisobga olgan holda Oʻzbekiston Respublikasi va Osiyo taraqqiyot banki oʻrtasida 2003 yil 9 yanvardagi Qarz bitimiga oʻzgartirishlar kiritilishi toʻgʻrisida Osiyo taraqqiyot bankiga tegishli soʻrovnoma yuborsin.
4. Vazirlar Mahkamasining "Ta’lim sektorini rivojlantirish dasturi" loyihasini Osiyo taraqqiyot banki ishtirokida amalga oshirish chora-tadbirlari toʻgʻrisida" 2003 yil 19 fevraldagi 92-son qarori 3-bandining ikkinchi хatboshi va qarorga 1-ilova oʻz kuchini yoʻqotgan deb hisoblansin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Qosimov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
*) Ilova rus tilidagi matnda berilgan.