Oʻzbekiston Respublikasi Vazirlar Mahkamasining 16.01.1993 y. 36-son "Aholining Oʻzbekiston jamgʻarmalar banki muassasalarida saqlanayotgan omonatlari boʻyicha yangi foiz stavkalarini tasdiqlash haqida"gi Qarori
VAZIRLAR MAHKAMASINING
AHOLINING OʻZBEKISTON JAMGʻARMALAR
BANKI MUASSASALARIDA SAQLANAYoTGAN
OMONATLARI BOʻYIChA YaNGI FOIZ
STAVKALARINI TASDIQLASh
HAQIDA
Narхlarning erkinlashtirilishi munosabati bilan aholi jamgʻarmalarini oʻz qiymatini yoʻqotishdan muhofaza qilish va aholi pul mablagʻlarini jamgʻarma banklariga qoʻshimcha ravishda jalb etish maqsadida Vazirlar Mahkamasi QAROR QILADI:
1. Aholining Oʻzbekiston davlat-tijorat jamgʻarmalar banki muassalarida saqlanayotgan omonatlari boʻyicha foiz stavkalari quyidagi miqdorlarda tasdiqlansin:
- yoʻqlab olinadigan omonatlar boʻyicha - 10 foiz;
- saqlanish muddati belgilangan jamgʻarmalar boʻyicha:
1 yildan 3 yilgacha - 20 foiz;
3 yildan 5 yilgacha - 30 foiz;
5 yildan koʻp boʻlganda - 45 foiz.
- yoshlar - mukofot omonatlari boʻyicha - 20;
- maqsadli bolalar omonatlari va toʻlanadigan omonatlar boʻyicha - 45 foiz;
- yutuqli omonatlar boʻyicha - 6 foiz.
2. Aholi omonatlarining Oʻzbekiston Markaziy banki va tijorat banklarida kredit resurslar sifatida joylashtirilishi hisobiga paydo boʻladigan jamgʻarmalar banki muassasalarining daromadlari aholining omonatlari boʻyicha foiz stavkalarni oshirishning asosiy manbalari etib hisoblansin.
3. Yangi foiz stavkalari Oʻzbekiston jamgʻarmalar banki muassasalarida saqlanayotgan omonatlarga 1993 yil 1 yanvaridan boshlab joriy qilinsin.
4. Ushbu qaror qabul qilinishi munosabati bilan Vazirlar Mahkamkasining "Aholining Oʻzbekiston jamgʻarmalar banki muassasalarida saqlanayotgan omonatlari boʻyicha foiz stavkalarini oshirish haqida"gi 1992 yil 5 maydagi 223-son qarori oʻz kuchini yoʻqotgan deb hisoblansin.
Vazirlar Mahkamasining Raisi I. Karimov