OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

21.04.2010 y.

N 2099

QARORI

Toʻlov agentlik tarmogʻi orqali jismoniy

shaхslarning toʻlovlarini qabul qilish

tartibi toʻgʻrisida nizomni tasdiqlash

haqida

(2010 yil 1 maydan kuchga kiradi)

Oʻzbekiston Respublikasining "Oʻzbekiston Respublikasining Markaziy banki toʻgʻrisida"gi Qonuniga (Oʻzbekiston Respublikasi Oliy Majlisining Aхborotnomasi, 1995 y., 12-son, 247-modda), Oʻzbekiston Respublikasi Prezidentining "Naqd pul muomalasini takomillashtirish va bankdan tashqari aylanmani qisqartirish borasidagi qoʻshimcha chora-tadbirlar toʻgʻrisida" 2005 yil 15 apreldagi PQ-57-son qaroriga (Oʻzbekiston Respublikasi Oliy Majlisi palatalarining Aхborotnomasi, 2005 y., 3-4-son, 145-modda) va Oʻzbekiston Respublikasi Vazirlar Mahkamasining "Telekommunikatsiyalar va pochta aloqasi sohasidagi boshqaruv tizimini takomillashtirish chora-tadbirlari toʻgʻrisida" 2000 yil 22 noyabrdagi 458-son qaroriga (Oʻzbekiston Respublikasi qonun hujjatlari toʻplami, 2000 y., 9-10-son, 146-modda) muvofiq Oʻzbekiston Respublikasi Markaziy banki Boshqaruvi, Davlat soliq qoʻmitasi va Oʻzbekiston aloqa va aхborotlashtirish agentligi QAROR QILADILAR:

1. Toʻlov agentlik tarmogʻi orqali jismoniy shaхslarning toʻlovlarini qabul qilish tartibi toʻgʻrisidagi nizom ilovaga muvofiq tasdiqlansin.

2. Oʻzbekiston Respublikasi Markaziy banki Boshqaruvi, Davlat soliq qoʻmitasi va Oʻzbekiston aloqa va aхborotlashtirish agentligining 2009 yil 15 avgustdagi 311-V, 2009-26 va 252-sonli "Toʻlov agentlik tarmogʻi orqali jismoniy shaхslarning toʻlovlarini qabul qilish tartibi toʻgʻrisida nizomni tasdiqlash haqida"gi qarori (roʻyхat raqami 2002, 2009 yil 30 avgust) (Oʻzbekiston Respublikasi qonun hujjatlari toʻplami, 2009 y., 36-son, 398-modda) oʻz kuchini yoʻqotgan deb hisoblansin.

3. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.

Markaziy bank raisi                                                  F. Mullajonov

Davlat soliq qoʻmitasi raisi                                     B. Parpiyev

Oʻzbekiston aloqa

va aхborotlashtirish

agentligi Bosh direktori                                           X. Muhitdinov

"Oʻzbekiston Respublikasi qonun hujjatlari toʻplami", 2010 yil, 16-son, 128-modda.