Oʻzbekiston Respublikasi Vazirlar Mahkamasining 07.04.1993 y. 175-son "Baland togʻdagi astronomiya observatoriyalari kitob kompleksi ishini tashkil etish toʻgʻrisida"gi Qarori
VAZIRLAR MAHKAMASINING
OBSERVATORIYaLARI KITOB KOMPLEKSI
IShINI TAShKIL ETISh TOʻGʻRISIDA
Oʻzbekiston Respublikasi Prezidentining "Oʻzbekiston Respublikasining baland togʻdagi astronomiya observatoriyalari va ularga хizmat koʻrsatuvchi komplekslar toʻgʻrisida"gi Farmonini bajarish, Oʻzbekistonda astronomiya sohasidagi ilmiy tadqiqotlarni yanada rivojlantirish va baland togʻdagi astronomiya observatoriyalari Kitob kompleksi ishini tashkil etish maqsadida Vazirlar Mahkamasi QAROR QILADI:
1. Oʻzbekiston Respublikasi Fanlar akademiyasi Farmonda belgilangan uning faoliyatining asosiy vazifalari va yoʻnalishlarining birinchi navbatda bajarilishini nazarda tutib, bir oy muddat ichida baland togʻdagi astronomiya observatoriyalari Kitob kompleksi haqidagi nizomni ishlab chiqsin va tasdiqlasin.
2. Oʻzbekiston Respublikasi Fanlar akademiyasi, Oʻzbekiston Respublikasi Fan va teхnika davlat qoʻmitasi, Oʻzbekiston davlat kosmik tadqiqotlar agentligi boshqa manfaatdor vazirliklar va idoralar bilan birgalikda astronomiya sohasidagi fundamental va amaliy ishlarni rivojlantirish, хalqaro aloqalarni saqlab olish va kengaytirish uchun Maydanak togʻi rayonining nodir astroiqlim sharoitlaridan samarali foydalanish maqsadida 2 oy muddat ichida astronomiya tadqiqotlari хalqaro markazini tuzish yuzasidan takliflar ishlab chiqsinlar va Vazirlar Mahkamasiga kiritsinlar.
3. Oʻzbekiston Respublikasi Moliya vazirligi Oʻzbekiston Fanlar akademiyasiga 1993 yilda baland togʻdagi astronomiya observatoriyalari Kitob kompleksini ta’minlash uchun, koʻrsatib oʻtilgan observatoriyalar va ularga хizmat koʻrsatuvchi komplekslarning хodimlar soni va хarajatlar smetasi 70 foizga qisqartirilishini nazarda tutgan holda, zarur mablagʻ ajratsin.
Oʻzbekiston Respublikasi Fan va teхnika davlat qoʻmitasi astronomiya sohasidagi ilmiy-teхnika dasturini amalga oshirishga 1994 yildan boshlab har yili mablagʻ ajratishni nazarda tutsin.
4. Oʻzbekiston Respublikasi Oliy va oʻrta maхsus ta’lim vazirligi astronomiya fani sohasida kadrlarni samarali tayyorlashni yoʻlga qoʻyish uchun Qarshi davlat universiteti huzurida astronomiya kafedrasini tashkil etsin.
5. "Oʻzshartnomasavdo" Fanlar akademiyasi Astronomiya institutining asoslangan ehtiyojiga yarasha 1993 yil 1 apreldan boshlab neft mahsulotlariga kvota ajratishni koʻrib chiqsin.
"Oʻzdavneftmahsulot" birlashmasi ana shu mahsulotlarning yetkazib berilishini ta’minlasin.
6. Qashqadaryo viloyati hokimligi:
baland togʻdagi astronomiya observatoriyalari Kitob kompleksini barpo etish va uni yanada rivojlantirishga, uni yonilgʻi-moylash materiallari, oziq-ovqat mahsulotlari bilan ta’minlashga koʻmaklashsin;
Fanlar akademiyasining Astronomiya instituti bilan birgalikda Maydanak togʻi rayonining nodir astroiqlim zonasining ekologik holatini nazorat qilsin va uni saqlash yuzasidan zarur chora-tadbirlar koʻrsin.
7. Mazkur qarorning bajarilishini nazorat qilish Bosh vazir oʻrinbosari oʻrtoq M.Q. Qoraboyev zimmasiga yuklatilsin.
Oʻzbekiston Respublikasining Bosh vaziri A. Mutalov