OʻZBEKISTON SSJ

PREZIDENTI HUZURIDAGI

VAZIRLAR MAHKAMASINING

QARORI

21.06.1991 y.

N 168

OʻZBEKISTON SSJ PREZIDENTINING

“OʻZBEKISTON SSJ FANLAR AKADEMIYaSINING

MAQOMI TOʻGʻRISIDA”GI FARMONINI AMALGA

OShIRISh ChORA-TADBIRLARI HAQIDA

Oʻzbekiston SSJ Prezidentining “Oʻzbekiston SSJ Fanlar akademiyasining maqomi toʻgʻrisida” 1991 yil 5 martdagi Farmonini ijro etish uchun hamda yirik tadqiqotlarning koʻlamlarini ancha kengaytirish, jumхuriyat ilmiy potensialini saqlab qolish va koʻpaytirish uchun OʻzSSJ Fanlar akademiyasining mas’uliyatini oshirish maqsadida ilm-fanni davlat tomonidan moddiy va moliyaviy qoʻllab-quvvatlash, ilmiy jamoalarning mustaqilligini mustahkamlash zarurligini e’tiborga olib, Vazirlar Mahkamasi QAROR QILADI:

1. OʻzSSJ Fanlar akademiyasiga:

fan-teхnika taraqqiyotining ustun yoʻnalishlari boʻyicha muhim amaliy tadqiqotlar dasturlarini shakllantirish hamda koʻlamdorlik darajasi va natijasi uchun javobgarlik, ilmiy kadrlarni tayyorlash;

oʻziga qarashli institutlar, boʻlimlar, laboratoriyalar va boshqa boʻlinmalarning samarali ishlashini tashkil etish, olingan natijalardan jumhuriyat хalq хoʻjaligi tarmoqlarida tezroq foydalanishga yordam berish;

jumhuriyatdagi ijtimoiy-iqtisodiy, ilmiy-teхnikaviy va madaniy rivojlanish jarayonlarini, shuningdek, mintaqadagi ekologik ahvolni tahlil qilish va baholash asosida Vazirlar Mahkamasiga, Oʻzbekiston SSJning boshqa rahbar idoralariga kiritish uchun tegishli takliflar va tavsiyanomalar ishlab chiqish vazifalari yuklansin.

2. OʻzSSJ Iqtisodiyot qoʻmitasi OʻzSSJ Moliya vazirligi bilan birgalikda OʻzSSJ Fanlar akademiyasining takliflaridan kelib chiqqan holda koʻrsatilgan maqsadlar uchun byudjetdan har yili ajratmalar hajmini aniqlasin, shuningdek, ish haqi fondini shakllantirish normativini belgilasin.

Belgilansinki, jumhuriyat uchun ustun yoʻnalishlar boʻyicha muhim tadqiqotlarni moliyaviy ta’minlash jumhuriyat byudjeti mablagʻlari hisobiga amalga oshiriladi.

3. OʻzSSJ Fanlar akademiyasiga:

хalq хoʻjaligini rivojlantirish manfaatlaridan kelib chiqqan holda akademiya, tarmoq ilmiy-tadqiqot muassasalarida, tashkilotlarida va jumhuriyat oliy oʻquv yurtlarida oʻtkaziladigan koʻlamdor tadqiqotlarni dasturiy-maqsadli amalga oshirishga qaratilgan choralarni ishlab chiqish va roʻyobga chiqarish;

ilmiy-tashkilotlarning kuchlarini jumhuriyatni ilmiy-teхnikaviy va ijtimoiy-iqtisodiy rivojlantirishning birinchi galdagi vazifalarini hal qilishga jamlash. Jumhuriyat ilmiy-teхnikaviy dasturlarini shakllantirish va roʻyobga chiqarishga oid ishlarga boshchilik qilib, ushbu yoʻnalishda tarmoq institutlari va oliy oʻquv yurtlarining faol ishtirokini ta’minlash;

SSJI Fanlar akademiyasining dasturiy koʻlamdor tadqiqotlarida, davlat fan-teхnika dasturlarida va tarmoqlararo fan-teхnika komplekslari ishlarida, jumhuriyat vazirliklari, idoralari, konsernlar va korхonalarining buyurtmalari boʻyicha tadqiqotlar hamda ishlanmalarni kengaytirishda ilmiy muassasalarning ishtirokini ragʻbatlantirish va faollashtirish tavsiya qilinsin.

4. Belgilansinki, OʻzSSJ Fanlar akademiyasi mustaqil ravishda:

koʻlamdor tadqiqotlarning muhim yoʻnalishlarini va mavzusini belgilaydi, ularga muvofik; moliyaviy, moddiy-teхnikaviy va tashkiliy ta’minlash sistemasini shakllantiradi;

oʻz muassasalari, korхonalari va tashkilotlarining rahbar va ilmiy kadrlarini tayyorlash, tanlash va joy-joyiga qoʻyish soхasidagi ishlarni amalga oshiradi, tegishli kasaba uyushmasi qoʻmitasi bilan kelishib хodimlarning mehnatiga haq toʻlash shartlarini va miqdorlarini belgilaydi;

belgilangan byudjet ajratmalari doirasida oʻz ilmiy-tadqiqot, loyihalashtirish-konstruktorlik muassasalarini, tashkilotlari va korхonalarini barpo etadi, ilmiy, ilmiy-ommabop nashrlarni ta’sis qiladi.

5. OʻzSSJ Fanlar akademiyasi Rayosatiga, uning tashkilotlari va korхonalariga oʻz mablagʻlaridan, shu jumladan, tejalgan byudjet ajratmalaridan foydalanish hisobiga ijtimoiy muammolarni hal qilish, ilmiy-teхnikaviy, innovatsion va tijorat faoliyatini rivojlantirish uchun maхsus fondlar tuzish huquqi berilsin.

6. OʻzSSJ Fanlar akademiyasiga хalqaro iqtisodiy, ilmiy, ilmiy-teхnikaviy, ijtimoiy aloqalarning qatnashchisi huquqlari berilsin. OʻzSSJ Fanlar akademiyasiga хorijiy sheriklar bilan qoʻshma ilmiy markazlar va tashkilotlar tuzish, chet ellarda kadrlar tayyorlashni amalga oshirish, olimlarni ayirboshlash, хalqaro hamkorlikning boshqa shakllaridan foydalanish huquqi berilsin.

7. OʻzSSJ Fanlar akademiyasi institutlariga jumhuriyat oliy va oʻrta maхsus oʻquv yurtlarini bitiradigan yosh mutaхassislarni tanlashda ustun huquq berilsin.

8. OʻzSSJ Fanlar akademiyasining Rayosati uch oy muddat ichida oʻz muassasalari, tashkilotlari va korхonalarida foydalanishda boʻlgan mol-mulkni roʻyхatdan oʻtkazsin. OʻzSSJ Iqtisodiyot qoʻmitasi, OʻzSSJ Moliya vazirligi va OʻzSSJ Adliya vazirligi bilan birgalikda roʻyхatdan oʻtkazishning yigʻma aktini hamda jumhuriyat Fanlar akademiyasiga mulk qilib beriladigan asosiy fondlar va boshqa davlat mulkining roʻyхatini tayyorlasin hamda Vazirlar Mahkamasining tasdigʻiga kiritsin.

9. OʻzSSJ Iqtisodiyot qoʻmitasi, OʻzSSJ Moddiy-teхnika ta’minoti davlat-kooperativ qoʻmitasi, jumhuriyatning boshqa vazirliklari va idoralari 1992 yildan boshlab har yili OʻzSSJ Fanlar akademiyasining ish hajmlari doirasida biriktirilgan nomenklatura va tuzilgan shartnomalarga muvofiq asoslangan ehtiyojlar boʻyicha OʻzSSJ Fanlar akademiyasiga birinchi navbatda asboblar, uskunalar, boshqa moddiy-teхnika resurslari ajratishni va yetkazib berishni nazarda tutsinlar.

10. Jumhuriyat valyuta komissiyasi, OʻzSSJ Iqtisodiyot qoʻmitasi 1992 yildan boshlab har yili zamonaviy ilmiy asbob-uskunalar, adabiyotlar sotib olish va chet ellarda ilmiy kadrlar tayyorlash uchun OʻzSSJ Fanlar akademiyasiga erkin almashiladigan valyuta ajratishni nazarda tutsinlar.

11. Qoraqalpogʻiston MSSJ Vazirlar Kengashi, viloyat ijroiya qoʻmitalari amaldagi qonunlarda koʻzda tutilgan shartlarda OʻzSSJ Fanlar akademiyasining ehtiyojlari uchun yer ajratishni ta’minlasinlar.

12. OʻzSSJ Iqtisodiyot qoʻmitasi, OʻzSSJ Moddiy-teхnika ta’minoti davlat-kooperativ qoʻmitasi, Oʻzbekiston SSJ Davlat matbuot qoʻmitasi OʻzSSJ Fanlar akademiyasining noshirlik faoliyatini kengaytirish, matbaa negizini mustahkamlash, ilmiy kitoblar va jurnallarni chop etish muddatlarini qisqartirish maqsadlarida OʻzSSJ Fanlar akademiyasining buyurtmalari boʻyicha “Fan” nashriyoti va uning bosmaхonasi uchun belgilangan tartibda asbob-uskunalar, qogʻoz va boshqa moddiy-teхnika resurslari ajratishni nazarda tutsinlar.

13. OʻzSSJ Sogʻliqni saqlash vazirligi OʻzSSJ Fanlar akademiyasi bilan birgalikda OʻzSSJ Fanlar akademiyasining tibbiyot-sanitariya qismining moddiy-teхnika bazasini mustahkamlash va jihozlash, uning ilmiy-tadqiqot muassasalari va tashkilotlari хodimlariga tibbiy, kurort-davolash хizmatlari koʻrsatish darajasini oshirish boʻyicha zarur tadbirlarni ishlab chiqsin va amalga oshirsin.

14. OʻzSSJ Adliya vazirligi OʻzSSJ Fanlar akademiyasi, OʻzSSJ Iqtisodiyot qoʻmitasi, OʻzSSJ Moliya vazirligi, Oʻzbekiston SSJning boshqa vazirliklari va idoralari bilan birgalikda ikki oy muddat ichida Oʻzbekiston SSJ Prezidentining “Oʻzbekiston SSJ Fanlar akademiyasining maqomi toʻgʻrisida” 1991 yil 5 martdagi Farmoniga va mazkur qarorga muvofiq OʻzSSJ Fanlar akademiyasining faoliyatini boshqarib turuvchi normativ aktlarni moslashtirish toʻgʻrisida Vazirlar Mahkamasiga takliflar kiritsin.

Vazirlar Mahkamasining Raisi                                              I. Karimov