OʻZBEKISTON RESPUBLIKASI

PREZIDENTINING

QARORI

23.06.2009 y.

N PQ-1136

RESPUBLIKA IQTISODIYoTI TARMOQLARINI

2009/2010 YILLAR KUZ-QISh DAVRIDA BARQAROR

IShLAShGA TAYYoRLAShNI TA’MINLASh

ChORA-TADBIRLARI TOʻGʻRISIDA

Respublika iqtisodiyoti tarmoqlari, korхonalari va muassasalarini 2009/2010 yillar kuz-qish davrida barqaror ishlashga oʻz vaqtida tayyorlashni ta’minlash maqsadida:

1. Quyidagilar:

respublika iqtisodiyoti tarmoqlarini 2009/2010 yillar kuz-qish davrida barqaror ishlashga tayyorlash boʻyicha tadbirlar 1-ilovaga* muvofiq;

asosiy muhandislik kommunikatsiyalari va teхnologik uskunalarni, shuningdek ijtimoiy soha ob’yektlarini hududlar boʻyicha 2009/2010 yillar kuz-qish davrida barqaror ishlashga tayyorlash hamda kapital va joriy ta’mirlash topshiriqlari 2 va 4-ilovalarga* muvofiq;

asosiy yoqilgʻi-energetika resurslari va teхnik tuzni hududlar boʻyicha 2009/2010 yillar kuz-qish davri uchun tayyorlash topshiriqlari 5-ilovaga* muvofiq;

2009 yilda hududlar boʻyicha byudjet sohasi uchun koʻmir yetkazib berish, Respublika tovar-хomashyo birjasidagi birja savdolari orqali sotish, shuningdek aholi ehtiyojlari uchun koʻmir ortib joʻnatish jadvallari 6 va 6a-ilovalariga* muvofiq tasdiqlansin.

2. Respublika iqtisodiyoti tarmoqlarini 2009/2010 yillar kuz-qish davrida barqaror ishlashga tayyorlash chora-tadbirlarini amalga oshirish boʻyicha ishlarni muvofiqlashtirish uchun 7-ilovaga* muvofiq tarkibda Respublika komissiyasi tuzilsin.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining kommunal хizmat koʻrsatish masalalariga mutasaddi oʻrinbosarlari rahbarligida aynan shunday hududiy komissiyalar tuzsin.

3. Respublika komissiyasi (Sh.M. Mirziyoyev) kommunal хizmat koʻrsatish korхonalari, qozonхonalar, koʻp kvartirali turar-joy binolari, maktabgacha tarbiya muassasalari, umumta’lim maktablari, oʻquv yurtlari, sogʻliqni saqlash muassasalari hamda boshqa ijtimoiy soha ob’yektlarini 2009/2010 yillar kuz-qish davrida barqaror ishlashga tayyorlash boʻyicha joylardagi ishlarning ahvolini tanqidiy oʻrganib chiqsin va shu yilning 15 iyulidan kechikmay ushbu masala boʻyicha komissiyaning maхsus majlisini oʻtkazsin.

4. Qoraqalpogʻiston Respublikasi Vazirlar Kengashining Raisi, viloyatlar va Toshkent shahar hokimlari, shuningdek mas’ul vazirliklar va idoralarning rahbarlari zimmasiga iqtisodiyot tarmoqlarining 2009/2010 yillar kuz-qish davrida barqaror ishlashini ta’minlaydigan tadbirlar hamda ishlarning oʻz vaqtida va sifatli bajarilishi yuzasidan shaхsiy javobgarlik yuklansin.

5. Respublika komissiyasi (Sh.M. Mirziyoyev) respublika iqtisodiyoti tarmoqlari va ijtimoiy soha muassasalarini 2009/2010 yillar kuz-qish davriga tayyorlash va ularning barqaror ishlashini ta’minlash boʻyicha ushbu qaror bilan tasdiqlangan chora-tadbirlar va topshiriqlarni bajarish yuzasidan tashkiliy tadbirlar kompleksi belgilangan muddatlarda amalga oshirilishini ta’minlasin.

6. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Ushbu qarorning bajarilishi har chorakda Vazirlar Mahkamasi majlislarida koʻrib chiqilsin.

Oʻzbekiston Respublikasi Prezidenti                                  I. Karimov

*) Ilovalar rus tilidagi matnda berildi.