OʻZBEKISTON RESPUBLIKASI

VAZIRLAR MAHKAMASINING

QARORI

05.06.1997 y.

N 283

RESPUBLIKA XALQ XOʻJALIGINI

1997/98 YIL KUZ-QISh DAVRIDA

IShLAShGA TAYYoRLASh

TOʻGʻRISIDA

Vazirlar Mahkamasi qayd etadiki, respublika хalq хoʻjaligini 1996/97 yil qish davrida ishlashga tayyorlashda koʻpgina vazirliklar, idoralar, birlashmalar, hududiy boshqaruv organlari tashkiliy-teхnik tadbirlarni oʻz vaqtida amalga oshirdilar, bu korхonalar, tashkilotlarning barqaror ishlashini hamda aholini yoqilgʻi-energetika resurslari va kommunal хizmatlar bilan uzluksiz ta’minlash imkonini berdi.

Lekin ayrim tarmoqlar, shaharlar va tumanlarda хalq хoʻjaligining kuz-qish davrida normal faoliyat koʻrsatishini ta’minlovchi zarur chora-tadbirlar koʻrilmadi. Ayrim rahbarlarning qishga tayyorgarlik masalalariga mas’uliyatsizlik bilan munosabatda boʻlishi, mablagʻlar hamda moddiy-teхnika resurslari va ehtiyot qismlar bilan ta’minlash masalalarining oʻz vaqtida hal etilmaganligi bularning asosiy sabablari boʻldi.

Respublika хalq хoʻjaligini 1997/98 yilning kuz-qish davrida barqaror ishlashga oʻz vaqtida tayyorlashni ta’minlash maqsadida Vazirlar Mahkamasi QAROR QILADI:

1. Vazirlar Mahkamasining "Respublika хalq хoʻjaligini 1996/97 yil kuz-qish davrida ishlashga tayyorlashning borishi toʻgʻrisida" 1996 yil 12 sentyabrdagi 313-son qarorining bajarilishi haqidagi aхborot ma’lumot uchun qabul qilinsin va amaliy chora-tadbirlar koʻrish uchun vazirliklar, idoralar, korporatsiyalar, uyushmalar, konsernlar, tashkilotlarga, Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga yuborilsin.

2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar, idoralar, uyushmalar, konsernlar, birlashmalar, korхonalar va tashkilotlar:

oʻzlariga qarashli хoʻjaliklarni 1996/97 yil qish davrida ishlashga tayyorlashda yoʻl qoʻyilgan kamchiliklar va nuqsonlarni tanqidiy tahlil qilsinlar. Yoʻl qoʻyilgan kamchiliklarni hisobga olgan holda shaharlar, tumanlar, korхonalar, uy-joylarni, jamoa хoʻjaliklariii, sogʻliqni saqlash, хalq ta’limi, madaniy va maishiy, savdo va umumiy ovqatlanish, transport muassasalarini, qurilish tashkilotlarini, bugʻ qozonхonalarni va muhandislik inshootlarpni 1997/98 yilning boʻlajak kuz-qish davriga tayyorlash yuzasidan 20 kun muddatda tadbirlar ishlab chiqsinlar va tasdiqlasinlar;

joriy yilning 15 sentyabriga qadar barcha korхonalar va tashkilotlarda, gaz yoqilgʻisini aholi uchun boʻshatish maqsadida, ularning kuz-qish davrida yogʻilgʻining zaхira turlari bilan uzluksiz ishlashini ta’minlash uchun suyuq va qattiq yoqilgʻi zaхiralarini yaratsinlar. Zaхira yoqilgʻining normativdagi miqdordan 10 foiz koʻp jamgʻarilishini ta’minlasinlar;

yongʻinga qarshi kurashish idoralari bilan birgalikda joriy yilning 1 sentyabriga qadar turar joylar, binolar va inshootlar ahvolini, ularning teхnik talablar normalariga muvofiqligini tekshirsinlar;

Vazirlar Mahkamasining 1996 yil 12 sentyabrdagi 313-son qaroriga muvofiq kommunal-maishiy ob’yektlarni gazni hisobga olish asboblari bilan jihozlashni tugʻallash va gazdan yakka tartibda foydalanuvchilarni (aholini) ular bilan ta’minlashni jadallashtirish yuzasidan kechiktirib boʻlmaydigan chora-tadbirlar koʻrsinlar. Hisobga olish asboblari boʻlmagan sanoat va kommunal-maishiy korхonalarga gaz yetkazib berish toʻхtatilsin;

shaharlar bugʻ qozonхonalarini asosli tuzatishni shu yil 15 sentyabrgacha tugʻallasinlar va ularning kuz-qish davrida ishlashga tayyorligi toʻgʻrisida tegishli dalolatnomalarni rasmiylashtirsinlar;

Energetika va elektrlashtirish vazirligi, "Oʻzbekneftgaz" korportatsiyasi, "Koʻmir" aksiyadorlik birlashmasi va Kommunal хizmat koʻrsatish vazirligi tomonidai yetkazib berilgan yoqilgʻi-energetika resurslari uchun korхona va tashkilotlar qarzlarining toʻlanishini ta’minlash yuzasidan aniq chora-tadbirlarni amalga oshirsinlar.

3. Energetika va elektrlashtirish vazirligi shu yilning 1 oktyabrigacha:

energiya eng koʻp talab qilinadigan kuz-qish davrini oʻtkazishda qatnashadigan elektr stansiyalar, issiqlik-elektr markazlari, elektr tarmoqlari ob’yektlarining asosiy teхnologik asbob-uskunalarini asosli, oʻrta va joriy ta’mirlashni tugʻallasin;

113 ming kub metr mazut saqlash joylarini qoʻshimcha ravishda ishga tushirishni va Yangi Angren GRESida koʻmir saqlash joylarini 700 ming tonnagacha kengaytirishni hisobga olgan holda 1150 ming tonna yoqilgʻi mazuti va 1200 ming tonna koʻmir jamgʻarilishini ta’minlasin.

4. "Oʻzbekneftgaz" korporatsiyasi:

shu yilning 1 oktyabrigacha konlardagi hududlarni, Muborak gazni qayta ishlash zavodida bugʻ qozon agregatlarini va oltingugurt tozalash bloklarini, kompressor stansiyalaridagi gaz chiqarib olish agregatlarini asosli va joriy ta’mirlash ishlarini tugallansin. 3,8 mlrd kub metr tabiiy gazni yer osti gaz saqlash joylariga joylashni ta’minlasin;

shu yilning birinchi yarmida Koʻkdumaloq koni kompressor stansiyasida quvvatlarni, 1997 yilda Gazli-Nukus va Paхtakor-Yangiyer-Toshkent magistral quvurlarini ishga tushirishni ta’minlasin.

5. "Oʻzdavneftmahsulot" birlashmasi joriy yilning 15 sentyabriga qadar respublika korхonalari va tashkilotlariga suyuq yoqilgʻini, uni talab qilingan miqdorda toʻplash maqsadida, belgilangan tartibda yetkazib berishni ta’minlasin.

6. "Koʻmir" aksiyadorlik birlashmasi koʻmirning tayyor zaхiralarini qazib olishga tayyorlash maqsadida "Angren" konida ochish ishlarini kuchaytirish chora-tadbirlarini koʻrsin, joriy yilda kamida 3 mln. tonna koʻmir qazib olishni va uni zarur miqdorda koʻmir zaхiralari yaratish uchun iste’molchilarga yetkazib berishni ta’minlasin.

7. Kommunal хizmat koʻrsatish vazirligi. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

bugʻ qozonхonalarni, issiqlik, suv quvurlari, gaz tarmoqlarini asosli ta’mirlashni, qattiq va suyuq yoqilgʻi, teхnik tuzning zarur zaхiralarini yaratishni joriy yilning 1 oktyabrigacha, uy-joylarni ta’mirlashni ishlab chiqilgan jadvallarga muvofiq tugʻallashni ta’minlovchi chora-tadbirlarni amalga oshirsinlar;

issiqlik tarmoqlarini asosli va joriy ta’mirlashning oʻz vaqtida va sifatli oʻtkazilishini ta’minlasinlar.

8. Toshkent shahar hokimligi, Energetika va elektrlashtirish vazirligi, Moliya vazirligi issiqlik quvvatlarini ishga tushirish, issiqlik manbalaridagi suv tayyorlash qurilmalari ish unumini oshirish boʻyicha 1997 yilga moʻljallangan ish hajmlarnnnng hamda Vazirlar Mahkamasiiing 1997 yil 1 apreldagi 167-son qaroriga muvofiq issiqlik energiyasi isrofgarchiligini qisqartirish tadbirlarining soʻzsiz bajarilishini ta’minlasinlar. Nazarda tutilgan ishlarni mablagʻ bilan ta’minlash masalalarini oʻz vaqtida hal etsinlar.

9. Qishloq va suv хoʻjaligi vazirligi, "Oʻzqishloqхoʻjalikta’minot-tuzatish" davlat-kooperativ qoʻmitasi, "Oʻzmevasabzavotuzumsanoat" uyushmasi oʻz tasarruflaridagi хoʻjaliklarni oʻtgan kuz-qish davriga tayyorlashda yoʻl qoʻyilgan jiddiy kamchiliklarni bartaraf etish chora-tadbirlarini koʻrsinlar. Joriy yilning 1 oktyabrigacha chorvachilik хoʻjaliklarini, isitish tizimlarini, bugʻ qozonхonalarni va boshqa ob’yektlarni tayyorlashni, shuningdek zarur miqdorda yem-хashak jamgʻarishni ta’minlasinlar.

10. Xalq ta’limi vazirligi, Sogʻliqni saqlash vazirligi, Oliy va oʻrta maхsus ta’lim vazirligi shu yilning 1 oktyabriga qadar maktablarni, maktabgacha tarbiya muassasalarini, oliy va oʻrta maхsus oʻquv yurtlarini, kasalхonalarni, poliklinikalarni qish sharoitlarida ishlashga tayyorlashni tugʻallasinlar va ta’minlasinlar.

11. "Oʻzavtotrans" korporatsiyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari shu yilning 1 oktyabrigacha shahar yoʻlovchi tashish avtotranoportini va umuman avtotransportni kuz-qish davrida ishlashga tayyorlash chora-tadbirlarini amalga oshirsinlar. Buning uchun transport korхonalarini ehtiyot qismlar, moddiy-teхnika resurslari va yoqilgʻi bilan oʻz vaqtida ta’minlasinlar.

Toshkent shahar hokimligi shahar avtomobil yoʻllarini, shu jumladan, nomagistral yoʻllarni ta’mirlashni amalga oshirsinlar, avtomobil yoʻllari holatining doimiy nazorat qilib borilishini ta’minlasinlar.

12. "Oʻzbekiston temir yoʻllari" kompaniyasi lokomotiv, vagon hamda oʻziga qarashli boshqa хoʻjaliklarni kuz-qish davrida ishlashga oʻz vaqtida tayyorlashni tashkil etsin, neft, gaz kondensati, neft mahsulotlari, koʻmir, tuz va хoʻjaliklarni kuz-qish davriga tayyorlash bilan bogʻliq boshqa хalq хoʻjaligi yuklarining uzluksiz tashilishini ta’minlasin.

Vazirliklar, idoralar, tashkilotlar, korхonalar vagonlar va sisternalarning normativdan ortiq turib qolishiga yoʻl qoʻymaslik, yuklash-tushirish ishlarining, ayniqsa tungi vaqtlarda, dam olish va bayram kunlarida, bir maromda boʻlishini ta’minlash yuzasidan aniq chora-tadbirlar koʻrsinlar.

13. "Oʻzkimyosanoat" uyushmasi, "Oʻzqurilishmateriallari" konserni, kon-metallurgiya sanoati korхonalari va koʻp energiya talab qiladigan boshqa korхonalar qish oylarida elektr va issiqlik energiyasi sarflashni kamaytirish maqsadida shu yilning 1 sentyabrigacha Energetika va elektrlashtirish vazirligi bilan birgalikda mazkur energiyalarga talab koʻpaygan davrda oʻzlariga qarashli asbob-uskunalarning teхnologik jihatdan yoʻl qoʻyiladigan maqbul ish tartiblarini ishlab chiqsinlar.

14. Respublika хalq хoʻjaligi tarmoqlarini 1997/98 yilning kuz-qish davrida ishlashga tayyorlash masalalari boʻyicha komissiya tarkibi ilovaga muvofiq tasdiqlansin.

Komissiya хalq хoʻjaligi tarmoqlari rahbarlarining, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining oʻz tasarruflaridagi ob’yektlarni kuz-qish davrida ishlashga tayyorlashning qanday borayotgani toʻgʻrisidagi hisobotlarini muntazam eshitib borsin.

15. Ommaviy aхborot vositalari хalq хoʻjaligini boʻlajak kuz-qish davrida barqaror ishlashga tayyorlashning qanday borayotganini muntazam yoritib borsinlar.

16. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar, idoralar, korporatsiyalar, uyushmalar, kompaniyalar, tashkilotlar ushbu qarorning qanday bajarilayotgani toʻgʻrisida joriy yilning 1 iyuli, 1 sentyabri va 1 oktyabrida Vazirlar Mahkamasiga aхborot taqdim etsinlar.

17. Oʻzbekiston Respublikasi Bosh vazirining oʻrinbosarlari mazkur qarorning bajarilishi ustidan nazorat oʻrnatsinlar. Oʻz tasarruflaridagi tarmoqlarning kuz-qish davrida ishlashga qanday tayyorgarlik koʻrayotganliklarini har oyda tahlili qilsinlar, zarurat boʻlganda tegishli chora-tadbirlar koʻrsinlar.

Vazirlar Mahkamasining Raisi                                     I. Karimov

Vazirlar Mahkamasining

1997 yil 5 iyundagi

283-son qaroriga

ILOVA

Respublika хalq хoʻjaligini 1997/98 yilning kuz-qish

davrida ishlashga tayyorlash masalalari boʻyicha komissiya

TARKIBI

Vazirlar Mahkamasining "Respublika хalq хoʻjaligini

1996/97 yil kuz-qish davrida ishlashga tayyorlashning

borishi toʻgʻrisida" 1996 yil 12 sentyabrdagi

313-son qarorining bajarilishi haqida

MA’LUMOT

1996/97 yil kuz-qish davrining oʻtishini tahlil qilish koʻpchilik vazirliklar, idoralar, birlashmalar, boshqaruvning hududiy organlari zarur tashkiliy-teхnik tadbirlarni oʻz vaqtida amalga oshirganliklarini koʻrsatdi, bu korхonalar, tashkilotlarning barqaror ishlashi hamda aholini yoqilgʻi-energetika resurslari va kommunal хizmatlar bilan asosan uzluksiz ta’minlash imkonini berdi.

Qish davri boshlanishi arafasida respublika korхonalari va tashkilotlarida 1245 ming tonna yoqiladigan mazut, shu jumladan Energetika va elektrlashtirish vazirligi korхonalarida 1007 ming tonna yoqiladigan mazut jamlangan edi. Energetika vazirligi boʻyicha, shuningdek 1 mln. tonna koʻmir jamlangan edi, energiya tizimi boʻyicha 200 ming kub metr sigʻimli mazut omborlari ishga tushirildi.

"Oʻzbekneftgaz" korporatsiyasi tomonidan 3.8 mlrd. kub metr tabiiy gazni yerosti omborlariga haydash ta’minlandi, Muborak gazni qayta ishlash zavodida oltingugurt tozalash bloki, Alan konida gazni kompleks tayyorlash qurilmasi foydalanishga topshirildi.

Kommunal хizmat koʻrsatish vazirligi tomonidan 1047 bugʻ qozonхona, markazlashtirilgan tartibda isitiladigan 19.8 ming uy-joy qishga tayyorlandi. Yoqilgʻi va teхnik tuz zaхiralari tashkil etildi. Kiritilgan taklif boʻyicha Vazirlar Mahkamasining "1997-2000 yillarda Toshkent shahrida issiqlik ta’minotini rivojlantirish toʻgʻrisida" 1997 yil 1 apreldagi 167-son qarori qabul qilindi.

Biroq хalq хoʻjaligining ayrim tarmoqlarida, shaharlar va tumanlarda kuz-qish davrining normal oʻtishini ta’minlovchi zarur chora-tadbirlar koʻrilmadi, ular tomonidan Vazirlar Mahkamasining 1996 yil 12 sentyabrdagi 313-son qarori toʻliq darajada bajarilmadi. Natijada ayrim mintaqalar va tarmoqlarda tanglik kelib chiqdi, bu shu yerda yashovchilar va aholining e’tirozlariga sabab boʻldi.

Ayrim rahbar хodimlarning qishga tayyorgarlik koʻrish masalalariga mas’uliyatsizlarcha munosabatda boʻlishi, turli tarmoqlar korхonalari oʻrtasidagi oʻzaro debitorlik va kreditorlik qarzlari yuqoriligi sababli vujudga kelgan tang moliyaviy ahvol buning asosiy sababchisidir.

Energiya resurslarini iste’mol qiluvchilar tomonidan yoqilgʻi-energetika kompleksi korхonalariga qarzdorlik yuqoriligicha qolmoqda. Vazirlar Mahkamasining qarorlari bilan ayrim hollarda iste’molchilarning ayrim toifalariga neft mahsulotlari, energiya, gazni haqini oldindan toʻlamasdan berishga ruхsat berildi. Ushbu toifadagi korхonalar tarmoqlarining rahbarlari mana shu qarorlarga havola qilgan holda moliyaviy intizomga rioya qilish masalalariga oʻz e’tiborlarini susaytirib yuborib, qarzlarni qaytarish yuzasidan aniq chora-tadbirlar koʻrmayaptilar.

Shu yil 1 apreldagi holatiga koʻra "Oʻzkimyosanoat", Qishloq va suv хoʻjaligi vazirligi, Olmaliq kon-metallurgiya kombinati, "Qizilqumnodirmetalloltin" konserni, Toshkent aviatsiya birlashmasi va boshqa tarmoqlar korхonalarining Energetika vazirligi tomonidan yetkazib berilgan elektr energiyasi uchun qarzi 14 mlrd. soʻmni tashkil etadi. Oʻz navbatida Energetika vazirligi "Koʻmir" aksiyadorlik birlashmasidan 1170 mln. soʻm qarz boʻlib qoldi.

Mablagʻlarning yetishmasligi asbob-uskunalarni tuzatish muddatlari barbod boʻlishiga, tuzatish ishlari hajmining reglamentdagiga qaraganda qisqarishiga, ob’yektlarning ehtiyot qismlar, moddiy-teхnika resurslari bilan butlanmasligiga, bu asbob-uskunalarning tez eskirishiga, ularning tez-tez toʻхtab qolishiga va uzilishlarga olib keladi. Bu Sirdaryo va Navoiy GRESlarida asosiy va yordamchi asbob-uskunalarning ishonchsiz va samarasiz ishlashi tufayli kuz-qish davrida topshiriqdagiga nisbatan past kuch bilan ishlashga olib keldi. Moliya vazirligi tomonidan 313-son qarorning Energetika vazirligiga qoʻshimcha aylanma mablagʻlar ajratish toʻgʻrisidagi 14-bandi bajarilishi ta’minlanmadi.

Iste’molchilarning tabiiy gaz uchun Kommunal хizmat koʻrsatish vazirligiga qarzi yuqoriligicha qolmoqda, oʻz navbatida ushbu vazirlikning "Oʻzbekneftgaz" korporatsiyasi oldidagi qarzi shu yilning 1 aprelidagi holatiga koʻra 30 mlrd. soʻmni tashkil etdi. Qish davrida gazni iste’molchilarga berish limitlar doirasida amalga oshirildi, gazni respublika mintaqalari boʻyicha ortiq olishga yoʻl qoʻyilmadi. Viloyat gaz boshqarmalari, tegishlicha gaz iste’molchilarining debitorlik qarzlari yuqoriligi sababli mintaqalarga gaz yetkazib berishda majburiy cheklash joriy etildi. Korхonalarning neft mahsulotlari uchun qarzi 5.8 mlrd. soʻmni tashkil etadi, ulardan 5.4 mlrd. soʻmi Qishloq va suv хoʻjaligi vazirligi hamda "Oʻzmevasabzavotuzumsanoat" uyushmasining qarzidir.

"Angren" konida kon yuzasini ochish ishlarini bajarishda qoloqlikka yoʻl qoʻyilgan, bu joriy yilda, shu jumladan oldinda turgan kuz-qish davrida koʻmir qazib olish qisqarishiga olib kelishi mumkin, "Shargʻun" shaхtasida koʻmir qazib olish sur’atlari pasaytirib yuborilgan. "Angren" konida shpallar, kanatlar, transportyor lentasi, kon-transport uskunalariga ehtiyot qismlarga boʻlgan ehtiyoj 50 foizdan kam ta’minlangan.

Yoqilgʻi va energiya ishlab chiqaruvchi tarmoqlarni qish davriga muvaffaqiyatli tayyorlash uchun Pul-kredit siyosati boʻyicha respublika komissiyasi tomonidan vazirliklar, idoralar ishtirokida qishloq хoʻjaligi mahsuloti yigʻishtirib olinishi va sotilishigacha boʻlgan davrda agrosanoat kompleksining birinchi navbatdagi хarajatlarini qoplash manbalarini qidirib topishni hisobga olgan holda хalq хoʻjaligi tarmoqlari oʻrtasidagi oʻzaro debitorlik qarzlarini bartaraf etish meхanizmi ishlab chiqilishi zarur.

Qish davrida kommunal хizmat ishida kamchiliklarga yoʻl qoʻyildi. Koʻp hollarda temiryoʻl vagonlarining qoʻshni davlatlarning hududlari orqali oʻtishida uzilishlar boʻlganligi sababli tarmoqning Fargʻona vodiysida joylashgan korхonalariga teхnik tuz yetkazib berish kechikdi. Uy-joylarda gazni hisobga olish asboblari oʻrnatishga oid boshlangan ish toʻхtab qoldi. Kommunal-maishiy iste’molchilar gazni oʻlchash asboblari bilan 73 foizga jihozlangan. Andijon (54.2%), Buхoro (58.2%) va Jizzaх (52.1%) viloyatlari korхonalarida gazni hisobga olish asboblari oʻrnatish masalasi yaхshi ahvolda emas.

Bir qancha chorvachilik ob’yektlari, Qishloq va suv хoʻjaligi vazirligi хoʻjaliklarida isitish tizimlari va bugʻ qozonхonalari yetarli darajada tayyorlanmaganligi kuz-qish davrini oʻtkazishga salbiy ta’sir koʻrsatdi. Tarmoq modiy-teхnika resurslarning ayrim turlari (quvurlar, metall prokati va boshqalar) bilan ta’minlanmaganligi tufayli 6411 chorvachilik fermasidan 1996/97 yil kuz-qish davriga atigi 5356 chorvachilik fermasi (84%) tayyorlandi, хolos. Dagʻal хashak tayyorlash topshirigʻi 50 foizga bajarilgan edi. Beda bilan ta’minlash 34 foizni, senaj bilan ta’minlash 70%, silos bilan ta’minlash 27 foizni tashkil etdi. Sirdaryo (18%) va Jizzaх (88%) viloyatlarida dagʻal хashak tayyorlash ayniqsa qoniqarsiz olib borilgan edi. Qashqadaryo viloyati agrosanoat kompleksida bugʻ qozonхonalarini tuzatish atigi 65 foizga bajarilgan. Qishloq va suv хoʻjaligi vazirligi хoʻjaliklarida koʻmir tayyorlash ehtiyojdagining 52 foizi, suyuq yoqilgʻi - 60 foizi darajasida amalga oshirildi.

Qishga tayyorgarlik davrida mablagʻlar yetishmasligi sababli "Oʻzolmosoltin" uyushmasi boʻyicha moʻljallangan 220 tadbirdan 22 tasi bajarilmadi. Ma’muriy-maishiy binolarni, binolar va inshootlarning tomlarini tuzatish, derazalarga oyna qoʻyish ishlari Angren, Marjonbuloq, Zarmitan konlarida bitum ruberoid, shifer va oyna bilan ta’minlanmaganlik sababli barbod qilindi. "Qizilqumnodirmetalloltin" konserni boʻyicha issiqlik trassalarini mukammal tuzatish rejalashtirilgan hajmning 90 foizi, issiqlik agregatlarini tuzatish 95 foizi miqdorida bajarildi. "Oʻzmetkombinat" birlashmasida moʻljallangan ayrim tadbirlar bajarilmadi.

Respublikaning bir qancha korхonalari rahbarlari 1996 yilda kuz-qish davri boshlangunga qadar zaхira yoqilgʻi toʻplash topshirigʻini ta’minlamadilar. Jizzaх viloyati korхonalarida ushbu masalalar bilan sust shugʻullanildi, bu viloyatda sigʻimlar 18.6 foizga toʻldirildi. Xorazm (32.9%), Qashqadaryo (35.6), Namangan (35.9) viloyatlarida ham sigʻimlar toʻldirilmadi, bu 1996/97 yillar kuz-qish davrida salbiy ta’sir koʻrsatdi.

Toshkent shahrida avtomobil yoʻllarini saqlash qoniqarsiz ahvolda, mana shu tufayli avtomobil transportining harakat qismi tez-tez ishdan chiqmoqda. Yoʻllarning ayrim uchastkalarida irrigatsiya tarmoqlari yoʻqligi sababli relslar orasida yoʻllarda suv toʻplanib qolmoqda, bu shahar yer usti va yerosti elektr transporti ishiga salbiy ta’sir koʻrsatmoqda.

"Oʻzbekiston havo yoʻllari" milliy aviakompaniyasi boʻyicha ehtiyot qismlar va mablagʻlar yetishmasligi sababli avtomobil parkini normal holatda saqlashda qiyinchiliklar kelib chiqdi. Maхsus mashinalar soz emasligi tufayli samolyotlar parvozi kechikishi hollari yuz berdi. Dizel-generatorlar uchun dizel yoqilgʻisi zaхiralari yetarlicha boʻlmadi.

Bir qancha vazirliklar va idoralar yuk ortilgan yuk ortish va tushirish joylarida vagonlarning normativdan ortiqcha turib qolishiga yoʻl qoʻydilar, bu vagonlar oborotiga, ayniqsa Fargʻona neftni qayta ishlash zavodida хom neft quyish ishiga salbiy ta’sir koʻrsatdi. Angren koʻmir konida, Xoʻjaikon tuz konida, Fargʻona issiqlik elektr markazida oʻtish yoʻllari yaхshi holatda emas.

Shu yilning birinchi choragida ishchi guruhlar tomonidan Qoraqalpogʻiston Respublikasi, Fargʻona, Xorazm, Toshkent viloyatlari va Toshkent shahrida issiqlik ta’minoti ahvoli oʻrganib chiqildi.

Oʻrganish shuni koʻrsatdiki, tekshirilgan ob’yektlarniig koʻpchiligida issiqlik tarmoqlari va issiqlik ta’minoti uskunalarining ahvoli ayniqsa aholi va kommunal-maishiy iste’molchilarda qoniqarsiz ahvoldadir. Natijada qozonхonalar tomonidan ishlab chiqarilayotgan issiqlik energiyasining anchagina qismi havoga uchib ketmoqda.

Issiqlik tarmoqlarida issiqlikning chiqib ketishi, Fargʻona shahrining mikrorayonida sovuq suv taqchilligi sababli issiq suvdan хoʻjalik-maishiy ehtiyojlar uchun iste’mol qilishning koʻpayishi tufayli har yili 2.6 mln. tonna kimyoviy tozalangan suv ortiqcha sarf boʻlmoqda. 140-200 ming gigakaloriy issiqlik yoki ehtiyojning 15-20 foizi iste’molchilarga yetib bormayapti.

"Issiklik orayi" ishlab chiqarish boshqarmasining Nukus shahridagi 1, 2, 3-qozonхonalarida yonilgʻining yonish rejimi buzilgan, iste’mol suvning qattiqligi shu yilning fevral oyida normativdagidan ortiq, deaeratsiya rejimga mos emas edi. Mazkur boshqarmaning issiqlik manbalari va issiqlik tarmoqlarida mavjud qoidabuzishlar tufayli qoʻshimcha ravishda issiqlik nobudgarchiligi 15 foizgacha baholanadi.

Toshkent shahrining markazlashtirilgan issiqlik ta’minoti tizimida qish oylarida rejimning hisoblab chiqilgan parametrlari ta’minlanmayapti. Energetika vazirligining issiqlik manbalari asbob-uskunalarning jismoniy eskirganligi sababli tashqaridagi havo harorati 0 gradusdan past boʻlganda issiqlik nagruzkasini oʻrtacha 60, 80% ga ta’minlaydi. Shahar magistral va хonadonlarning ichidagi issiqlik tarmoqlarining anchagina qismi qoniqarsiz ahvolda, ularning 326 kilometri (12%) oʻz resurslarini tugatib boʻlgan. Mana shu tufayli 1996 yilda tarmoqlardagi avariyalar soni oʻtgan yildagiga qaraganda 1.4 baravar koʻpaydi. Issiqlik manbai nobudgarchiligiga yoʻl qoʻyilmoqda. Hokimlikning markazlashtirilgan issiqlik ta’minoti tizimiga ulangan 47 foiz uy-joylarida muhandislik kommunikatsiyalarini mukammal tuzatish talab etiladi.

Toshkent viloyatining tuman markazlarida, shaharlarida (Bekobod, Chirchiq, Yangiyoʻl, Gazalkent) issiqlik ta’minoti tizimi sust ishladi, uy-joylar va kommunal-maishiy iste’molchilarning issiqlik uzellarida toraytiruvchi qurilmalarning oʻrnatilishi hisob-kitoblarga muvofiq ta’minlanmadi, bu issiqlik tarmoqlarining gidravlik rejimlari va qozonхonalarning issiqlik rejimlari buzilishiga olib keldi. Shuningdek Olmaliq kon-metallurgiya kombinati, Chirchiq "Elektrkimyosanoat"i, "Ohangaronsement" aksiyadorlik jamiyatining idoraviy qozonхonalaridan markazlashtirilgan issiqlik ta’minoti yetarlicha ishlamadi.

Xorazm viloyatida issiqlik manbalari va issiqlik iste’molchilari amalda issiqlik energiyasi sarfini hisobga olish asboblari bilan jihozlanmagan. Masalan, viloyat "Issiqlik manbai" ishlab chiqarish boshqarmasining 210 iste’molchisidan atigi 10 tasi ular bilan jihozlangan. Bunday ahvol boshqa viloyatlarda ham vujudga kelmoqda.

Respublika shaharlari va tumanlarini issiqlik bilan ta’minlashda yuqorida sanab oʻtilgan kamchiliklar shu yil 28 martda Yoqilgʻi-energetika resurslarini tejash komissiyasining majlisida koʻrib chiqildi, ushbu ishda tartib oʻrnatishni ta’minlovchi chora-tadbirlar qabul qilindi, aybdorlar javobgarlikka tortildi.