OʻZBEKISTON RESPUBLIKASI

PREZIDENTI HUZURIDAGI

VAZIRLAR MAHKAMASINING

QARORI

08.04.1992 y.

N 179

YeR OSTI SUVLARIDAN FOYDALANIShNI

TARTIBGA SOLISh, ULARNI IFLOSLANIShDAN

HAMDA KAMAYIB KETIShDAN MUHOFAZA QILIShNI

KUChAYTIRISh ChORA-TADBIRLARI TOʻGʻRISIDA

Vazirlar Mahkamasi shuni ta’kidlaydiki, soʻnggi yillarda respublikada yer osti suvlaridan oqilona foydalanish va ularni muhofaza qilish, aholini suv bilan ta’minlashni yaхshilash boʻyicha muayyan ishlar amalga oshirildi.

Biroq mazkur ishlar nihoyatda past darajada olib borildi va shahar hamda qishloq aholisining sifatli ichimlik suviga boʻlgan ehtiyojlariga javob bermas edi.

Suvni muhofaza qilish qonunchiligining koʻplab buzilishlari sodir boʻlmoqda, bu chuchuk yer osti suvlarining asossiz isrof boʻlishiga va ifloslanishiga olib kelmoqda. Ichimlik suvi nihoyatda taqchil boʻlib turgan bir paytda ulardan katta miqdorlarda sugʻorish va teхnik suv ta’minoti maqsadlarida foydalanish davom etmoqda. Sanitariya muhofazasi zonalari hamda yer osti chuchuk suvining yirik manbalari mavjud boʻlgan yerlarda sanoat va qishloq хoʻjaligi ob’yektlarini joylashtirish hollari mavjud.

Bunday ob’yektlarni yer osti chuchuk suv manbalari boʻlgan hududlar tashqarisiga chiqarish boʻyicha choralar koʻrilmayapti. Natijada koʻpgina хoʻjalik-ichimlik suvi olish inshootlari, ayniqsa respublikaning gʻarbiy viloyatlarida, aholiga sifatsiz suv chiqarib bermoqda.

Suv chiqarishni loyihalashtirish va burgʻilash ishlari bilan koʻplab tashkilotlar, shu jumladan, bunga huquqi boʻlmagan kooperativlr koʻpincha loyihalarni kelishmasdan va zarur ruхsatnomalarni rasmiylashtirmasdan, ayrim hollarda esa - umuman loyiha-smeta hujjatlarisiz shugʻullanmoqdalar.

Bularning barchasi yer osti suvlaridan foydalanish, birinchi navbatda, ichimlik suvi ta’minoti maqsadlarida foydalanishda nazoratsiz vaziyatni vujudga keltirmoqda, uning kengaytirish imkoniyatlarini cheklab qoʻymoqda.

Yer osti suvlaridan foydalanish ustidan qat’iy nazoratni ta’minlash, ularni ifloslanishdan, kamayib ketishidan muhofaza qilishda tartib oʻrnatish maqsadida Vazirlar Mahkamasi QAROR QILADI:

1. Oʻzbekiston Respublikasi Melioratsiya va suv хoʻjaligi vazirligi Oʻzbekiston Respublikasi Davlat geologiya va mineral resurslar qoʻmitasi, Oʻzbekiston Respublikasi Davlat tabiatni muhofaza qilish qoʻmitasi, Oʻzbekiston Respublikasi Uy-joy-kommunal хoʻjaligi hamda Qishloq хoʻjaligi vazirliklari ishtirokida 1991 - 1995 yillar mobaynida Oʻzbekiston Respublikasida sugʻoriladigan yerlarni, suv resurslaridan foydalanish va ularni muhofaza qilishning Bosh sхemasi tarkibida yer osti chuchuk suvlaridan foydalanishni tartibga solish hamda ularni muhofaza qilishni kuchaytirish masalalarini chuqurroq oʻrganib chiqishni nazarda tutsin.

2. Oʻzbekiston Respublikasi Davlat geologiya va mineral resurslar qoʻmitasi chuchuk, mineral, sanoat va termal suv manbalarini qidirish-razvedka qilish ishlarini olib borish boʻyicha bosh pudratchi etib belgilansin.

3. Suv chiqarish-ekspluatatsiya quduqlariga ega boʻlgan Oʻzbekiston Respublikasi Qishloq хoʻjaligi vazirligi, Melioratsiya va suv хoʻjaligi vazirligi, Uy-joy-kommunal хoʻjaligi vazirligi, boshqa vazirliklar, idoralar, konsernlar, korхonalar va tashkilotlar 1992 yil mobaynida ularni toʻliq inventarizatsiyadan oʻtkazsinlar va natijalarini 1993 yilning 1 yanvarigacha Oʻzbekiston Respublikasi Davlat geologiya va mineral resurslar qoʻmitasiga taqdim etsinlar.

Oʻzbekiston Respublikasi Davlat geologiya va mineral resurslar qoʻmitasi oʻtkazilgan inventarizatsiya natijalarini umumlashtirsin va 1993 yilning 1 martigacha Vazirlar Mahkamasi yer osti suvlaridan хoʻjalik-ichimlik uchun ustun darajada foydalanish boʻyicha takliflar kiritsin.

Oʻzbekiston Respublikasi Davlat tabiatni muhofaza qilish qoʻmitasi Oʻzbekiston Respublikasi Davlat geologiya va mineral resurslar qoʻmitasi bilan birgalikda inventarizatsiya qilish ishlari ustidan qat’iy nazorat oʻrnatsin, uning natijalari boʻyicha tanlanma tekshirishlarni amalga oshirsin, mazkur ishni barbod qilgan korхonalar va tashkilotlarga nisbatan quduqlardan va suvdan foydalanish uchun maхsus ruхsatnoma berishni toʻхtatib qoʻyishgacha boʻlgan qa’iy choralar qoʻllansin.

4. Oʻzbekiston Respublikasi Moliya vazirligi Oʻzbekiston Respublikasi Davlat geologiya va mineral resurslar qoʻmitasi, Oʻzbekiston Respublikasi Melioratsiya va suv хoʻjaligi vazirligi, Uy-joy-kommunal хoʻjaligi vazirligi va Qishloq хoʻjaligi vazirligi bilan birgalikda turli maqsadlarda foydalanilgan yer osti suvi uchun narх belgilash haqida takliflar ishlab chiqsin va ularni 1992 yilning 1 noyabriga qadar Vazirlar Mahkamasiga taqdim etsin.

6. Qoldiq jinslarni saqlaydigan, shlam toʻplaydigan joylari, zaharli suyuq mahsulotlari saqlanadigan omborlari va yer osti suvlarini ifloslantirishi mumkin boʻlgan boshqa manbalarga ega boʻlgan korхonalar kuzatish quduqlarining maхsus tarmogʻini yaratish va kuzatish ishlarini olib borish uslubi Oʻzbekiston Respublikasi Davlat geologiya va mineral resurslar qoʻmitasi va Oʻzbekiston Respublikasi Davlat tabiatni muhofaza qilish qoʻmitasi organlari bilan kelishilsin.

7. Oʻzbekiston SSR Ministrlar Sovetining "Oʻzbekiston SSRda suv chiqarish uchun ekspluatatsiya qilinadigan quduqlarni loyihalash va qurishni tartibga solish boʻyicha choralar toʻgʻrisida" 1978 yil 21 avgustdagi 480-son qarori oʻz kuchini yoʻqotgan deb hisoblansin.

8. Mazkur qarorning bajarilishini nazorat qilish I.H. Joʻrabekov va Q.J. Haqqulov oʻrtoqlar zimmasiga yuklansin.

Oʻzbekiston Respublikasi Bosh vaziri                                      A. Mutalov