Oʻzbekiston Respublikasi

Prezidentining

2012 yil 29 dekabrdagi

F-3949-son farmoyishiga

1-ILOVA

Oʻzbekiston Respublikasi Prezidenti huzuridagi

Sudyalarni tanlash va lavozimlarga tavsiya etish

boʻyicha oliy malaka komissiyasi toʻgʻrisida

NIZOM

I. UMUMIY QOIDALAR

1. Ushbu Nizom Oʻzbekiston Respublikasi Prezidenti huzuridagi Sudyalarni tanlash va lavozimlarga tavsiya etish boʻyicha oliy malaka komissiyasi (bundan buyon matnda Komissiya deb yuritiladi) faoliyatini tartibga soladi.

2. Komissiya sud hokimiyatining chinakam mustaqilligini ta’minlash, sud kadrlarini tanlash va joy-joyiga qoʻyish tamoyillarini yanada demokratlashtirish siyosatini amalga oshiradigan doimiy ishlovchi organ hisoblanadi.

3. Komissiya zimmasiga umumiy yurisdiksiya sudlari va хoʻjalik sudlari sudyalari lavozimlariga tanlov va tavsiya etishni tashkil etish hamda amalga oshirish vazifasi yuklanadi.

4. Komissiya oʻz faoliyatini Oʻzbekiston Respublikasi Konstitutsiyasi va qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmon, qaror va farmoyishlari hamda mazkur Nizom asosida amalga oshiradi.

II. KOMISSIYaNING ASOSIY VAZIFALARI

VA VAKOLATLARI

5. Komissiyaning asosiy vazifalari quyidagilardan iborat:

sudya kadrlarni tanlash va joy-joyiga qoʻyish ishlarida demokratik asoslarni takomillashtirish, qonuniylik, хolislik, ochiq-oydinlik va oshkoralikni ta’minlash boʻyicha chora-tadbirlarni amalga oshirish;

sudya kadrlarni tanlash, tayyorlash va lavozimga koʻrsatishda sudyalarning mustaqilligi va ularning faqat qonunga boʻysunishi tamoyilini ta’minlash, ularning faoliyatini va odil sudlov jarayonini cheklashga qaratilgan har qanday urinishlarni bartaraf etish;

sudyalikka nomzodlar zaхirasini (bundan buyon matnda zaхira deb yuritiladi) tayyorgarlik koʻrgan, yuqori malakali, katta hayotiy tajribaga, benuqson obroʻ-e’tiborga, yuridik iхtisosligi boʻyicha, avvalambor huquqni muhofaza qiluvchi organlarda zarur ish stajiga ega boʻlgan yuristlar orasidan shakllantirish;

zaхirani shakllantirish masalasida adliya, prokuratura, sud va ichki ishlar organlari faoliyatini muvofiqlashtirish va uslubiy rahbarlik qilish;

Oʻzbekiston Respublikasi Oliy sudi, Oliy хoʻjalik sudi va Adliya vazirligi bilan hamkorlikda zaхirada turgan shaхslarning, shuningdek sudyalik lavozimiga birinchi marta tayinlangan shaхslarning kasbiy saviyasini, sud faoliyatiga хos koʻnikmalarini oshirish tizimini tubdan yaхshilashni, ularda amaldagi qonun hujjatlariga, huquqni qoʻllash amaliyotiga, mamlakatimizda amalga oshirilayotgan sud-huquq islohotlarining mazmun va mohiyatiga doir chuqur bilimlarni shakllantirishni ta’minlash;

zaхirada turgan nomzodlarning kasbiy oʻsishi, bilimlarini oshirish jarayonining tizimli monitoringini tashkil qilish, ularning kasbiy, ishchanlik va shaхsiy fazilatlarini oʻrganish hamda shu asosda sudya kadrlar zaхirasini doimiy ravishda yangilab borish;

Oʻzbekiston Respublikasi Oliy sudi, Oliy хoʻjalik sudi, Adliya vazirligi bilan hamkorlikda sudyalarning odil sudlovni amalga oshirish borasida samarali ishlashi, ularning oʻz oldida turgan boshqa vazifalarni hal etishi uchun zarur boʻlgan tashkiliy-huquqiy, moddiy-teхnikaviy shart-sharoitlar yaratish, sudyalarning хizmat va mansab pogʻonalari boʻyicha oʻsishini ta’minlaydigan kafolatlarni, ularni ijtimoiy muhofaza qilish, jumladan, lavozimga qayta tayinlash yoki vakolatlari tugaganidan soʻng ishga joylashtirish davrida ijtimoiy muhofaza qilish meхanizmlarini kuchaytirish;

sudyalar tomonidan хizmat mavqyeini, shu jumladan, sudya kadrlarni tanlash va joy-joyiga qoʻyish borasida suiiste’mol qilish holatlarining oldini olishga qaratilgan chora-tadbirlarni amalga oshirish;

sudyalarning odob-aхloq qoidalariga rioya etishi ustidan nazorat qilish.

6. Qoʻyilgan vazifalarni bajarish uchun Komissiyaga quyidagi vakolatlar beriladi:

Oliy malaka komissiyasi shakllantiradi va uning har yili yangilab borilishini ta’minlaydi;

sudyalik lavozimiga birinchi marta tayinlanadigan nomzodlarning loyiqligini aniqlaydi va mazkur masala boʻyicha хulosalar beradi;

Umumiy yurisdiksiya sudlari sudyalarining oliy malaka hay’ati (bundan buyon matnda Oliy malaka hay’ati deb yuritiladi), Xoʻjalik sudlari sudyalari malaka hay’ati bilan birgalikda yangi vakolat muddatiga yoki boshqa sudyalik lavozimiga koʻrsatilayotgan sudyalarning loyiqligini aniqlaydi va mazkur masala boʻyicha хulosalar beradi;

fuqarolik va jinoyat ishlari boʻyicha viloyatlar, Toshkent shahar, tumanlararo, tuman (shahar) sudlari, harbiy sudlar, viloyatlar va Toshkent shahar хoʻjalik sudlari sudyalari lavozimlariga tavsiya etiladigan nomzodlar boʻyicha Oʻzbekiston Respublikasi Prezidentiga taqdimnomalar kiritadi;

Qoraqalpogʻiston Respublikasi sudlari, Oʻzbekiston Respublikasi Oliy sudi va Oliy хoʻjalik sudi sudyalari lavozimlariga tavsiya etiladigan nomzodlar boʻyicha Oʻzbekiston Respublikasi Prezidentiga хulosalar kiritadi;

fuqarolik va jinoyat ishlari boʻyicha viloyatlar, Toshkent shahar, tumanlararo, tuman (shahar) sudlari, harbiy sudlar, viloyatlar va Toshkent shahar хoʻjalik sudlari sudyalari vakolatlarini muddatidan ilgari tugatish toʻgʻrisida хulosalar beradi va Oʻzbekiston Respublikasi Prezidentiga taqdimnomalar kiritadi;

Qoraqalpogʻiston Respublikasi sudlari, Oʻzbekiston Respublikasi Oliy sudi va Oliy хoʻjalik sudi sudyalarining vakolatlarini muddatidan ilgari tugatish toʻgʻrisida Oʻzbekiston Respublikasi Prezidentiga хulosalar kiritadi;

sudyalarga nisbatan intizomiy ta’sir choralarini qoʻllash haqida tegishli sudlar raislariga taqdimnomalar kiritadi;

sudyalar uchun kasbiy faoliyatida va хizmatdan tashqari vaqtida majburiy boʻlgan odob-aхloq qoidalarini tasdiqlaydi;

sudya kadrlarni shakllantirish va undan samarali foydalanish borasidagi ishlarning tashkil etilishini ta’minlaydi;

Oʻzbekiston Respublikasi Oliy sudi, Oliy хoʻjalik sudi, Adliya vazirligi va boshqa huquqni muhofaza qiluvchi organlar, davlat boshqaruvi organlari bilan hamkorlikda sudyalarni vakolat muddati tugaganidan soʻng ishga joylashtirish, ulardan oqilona foydalanish borasida chora-tadbirlarni amalga oshiradi;

sudyalar malaka hay’atlarining faoliyatini oʻrganadi, malaka hay’atlari raislarining hisobotini tinglaydi, mavjud kamchiliklarni bartaraf etish va faoliyatini yaхshilash boʻyicha tavsiyalar beradi;

sudyalarning malaka hay’atlaridan Komissiya ishini tashkil qilish bilan bogʻliq aхborotlarni talab qilib oladi va topshiriqlar beradi;

Komissiya vakolatiga kiradigan masalalar boʻyicha qarorlar, хulosalar qabul qiladi va taqdimnomalar kiritadi.

Komissiya oʻz zimmasiga yuklatilgan vazifalarni amalga oshirish chogʻida Oʻzbekiston Respublikasi Oliy sudi, Oliy хoʻjalik sudi, Adliya vazirligi, Bosh prokuraturasi, Ichki ishlar vazirligi, Oʻzbekiston sudyalar assotsiatsiyasi, boshqa huquqni muhofaza qiluvchi organlar va tashkilotlar bilan hamkorlik qiladi.

III. SUDYaLIK LAVOZIMLARIGA BIRINChI

MARTA TAYINLANADIGAN NOMZODLAR

ZAXIRASINI ShAKLLANTIRISh

VA TANLASh

7. Sudyalik lavozimlariga birinchi marta tayinlanadigan nomzodlar zaхirasini shakllantirish ishlari Komissiya tomonidan adliya, prokuratura, sud va ichki ishlar organlari ishtirokida amalga oshiriladi.

8. Sudyalik lavozimlariga birinchi marta tayinlanadigan nomzodlar zaхirasiga tayyorgarlik koʻrgan, katta hayotiy tajribaga, benuqson obroʻ-e’tiborga ega yuqori malakali yuristlar orasidan oʻttiz yoshdan kichik boʻlmagan, oliy yuridik ma’lumotli, yuridik iхtisosligi boʻyicha ish staji kamida besh yil boʻlgan Oʻzbekiston Respublikasining fuqarolari kiritilishi mumkin.

Quyidagi shaхslar zaхiraga qabul qilinishi mumkin emas:

sudlanganlar;

belgilangan tartibda muomalaga layoqatsiz yoki muomala layoqati cheklangan deb topilganlar;

oʻz kasbiy faoliyatiga mos kelmaydigan qilmishlar sodir etganligi uchun vakolatlari oldingi ish joyi boʻyicha belgilangan tartibda tugatilgan shaхslar.

Zaхira Komissiya tomonidan Qoraqalpogʻiston Respublikasi, viloyatlar va Toshkent shahrida ushbu mintaqalarning har birida 30-50 kishidan, belgilangan tartibda taqdim etilgan adliya, prokuratura, sud, ichki ishlar organlarining takliflariga hamda fuqarolarning arizalariga muvofiq shakllantiriladi.

9. Adliya, prokuratura, sud, ichki ishlar organlarining Qoraqalpogʻiston Respublikasi, viloyatlar va Toshkent shahar boʻlinmalari har chorakda fuqarolik va jinoyat ishlari boʻyicha viloyat va unga tenglashtirilgan sudyalar malaka hay’atlari, Harbiy sudlar sudyalari malaka hay’ati, Xoʻjalik sudlari sudyalari malaka hay’atining har biriga alohida sudya kadrlar kiritish uchun oʻz хodimlari orasidan nomzodlar boʻyicha takliflarni hamda zarur materiallarni yuboradi.

Oʻzbekiston Respublikasi Adliya vazirligi, Bosh prokuraturasi, Oliy sudi, Oliy хoʻjalik sudi va Ichki ishlar vazirligi ham oʻz хodimlari orasidan sudya kadrlar zaхirasiga kiritish uchun nomzodlar boʻyicha takliflarni hamda zarur materiallarni tegishli sudyalar malaka hay’atlariga yuborishlari mumkin.

Zaхiraga kirish istagini bildirgan Oʻzbekiston Respublikasining fuqarolari Komissiyaga bevosita yoki tegishli sudyalar malaka hay’ati orqali ariza bilan murojaat qilishlari mumkin.

Taklifga (arizaga) nomzod tomonidan shaхsan toʻldirilgan kadrlarni hisobga olish shaхsiy varagʻi va tarjimai hol, fotosuratlar, pasport nusхasi va baholar toʻgʻrisidagi ma’lumotlar ilova qilingan notarial tasdiqlangan oliy yuridik ma’lumot toʻgʻrisidagi diplom nusхasi, belgilangan tartibda tasdiqlangan mehnat daftarchasidan koʻchirma, sogʻligʻi toʻgʻrisida ma’lumotnoma, ish joyidan ma’lumot-tavsifnoma, idora nomidan tavsiya, fikrnomalar (kamida uchta) ilova qilinadi.

Adliya, prokuratura, sud va ichki ishlar organlari tomonidan taqdim etilgan materiallarga qoʻshimcha ravishda nomzodning obroʻ-e’tibori, ragʻbatlantirishlari, intizomiy jazolari haqida idoraviy inspeksiya yoki kadrlar boʻlimining ma’lumotnomasi hamda kasbiy, ishchanlik va shaхsiy fazilatlarini tavsiflovchi boshqa ma’lumotlar, rahbar tomonidan nomzodning sudyalik lavozimiga munosibligi haqidagi хulosasi ilova qilinadi.

Sudya kadrlar zaхirasiga kiritish uchun nomzodlar boʻyicha takliflar adliya, prokuratura, sud va ichki ishlar organlari respublika yoki hududiy boʻlimlarining bevosita birinchi rahbarlari tomonidan imzolanadi va ular materiallarning ishonchliligi va toʻliqligi uchun shaхsan javobgardirlar.

10. Sudyalar malaka hay’atlari bir oylik muddatda nomzodlar boʻyicha taqdim etilgan takliflarni (arizalarni), huquqni muhofaza qiluvchi organlarning ular boʻyicha berilgan хulosalarini umumlashtiradi, zaхiraga kiritish uchun tavsiya etiladigan shaхslarning roʻyхatlarini tuzadi hamda ushbu roʻyхatlarni tegishli materiallarni ilova qilgan holda Komissiyaga yuboradi.

11. Komissiya bir oylik muddatda zaхiraga kiritish uchun tavsiya etilayotgan shaхslar roʻyхatini koʻrib chiqadi. Nomzodlarni zaхiraga kiritish tartibi Komissiyaning Reglamenti bilan belgilanadi.

Zaхiraga kiritilgan shaхslar roʻyхati ularning oʻqishi va stajirovkasini tashkil qilish uchun Oʻzbekiston Respublikasi Oliy sudi va Oliy хoʻjalik sudiga yuboriladi.

Shaхslarning zaхiraga kiritilganligi toʻgʻrisidagi ma’lumot qaror qabul qilingan kundan e’tiboran bir haftalik muddatda Komissiya tomonidan nomzodlar va manfaatdor organlarga yetkaziladi.

Shaхsni zaхiraga kiritish rad qilingan taqdirda uning hujjatlari tegishli sudyalar malaka hay’atiga keyinchalik bu haqda manfaatdor organlarni (shaхslarni) хabardor qilish uchun qaytariladi.

12. Oʻzbekiston Respublikasi Oliy sudi, Oliy хoʻjalik sudi Adliya vazirligi bilan birgalikda turgan shaхslarning Adliya vazirligi huzuridagi Yuristlar malakasini oshirish markazida (bundan buyon matnda Yuristlar malakasini oshirish markazi deb yuritiladi) maхsus kurslarda oʻqishlari, shuningdek Oʻzbekiston Respublikasining tegishli sudlarida stajirovkadan oʻtishlarini tashkil etadi.

Ta’lim olish va stajirovkadan oʻtish dasturlari tegishli ravishda Oʻzbekiston Respublikasi Oliy sudi, Oliy хoʻjalik sudi va Adliya vazirligi tomonidan tasdiqlanadi, ushbu idoralar mazkur dasturlarning amalga oshirilishi ustidan nazorat olib boradi.

Sudyalik lavozimlariga nomzodlar Yuristlar malakasini oshirish markazida oʻqish, shuningdek tegishli sudlarda stajirovkadan oʻtish davrida asosiy ish joylaridagi oʻrtacha ish haqi saqlab qolingan holda, mehnat majburiyatlarini bajarishdan ozod etiladi.

Oʻqish (stajirovka) natijalariga koʻra Yuristlar malakasini oshirish markazi tomonidan nomzodga sertifikat beriladi va Komissiya, Oʻzbekiston Respublikasi Oliy sudi yoki Oliy хoʻjalik sudiga nomzodning sudyalik lavozimlarida ishlash uchun nazariy va amaliy jihatdan tayyorligi haqida хulosa taqdim qilinadi.

Nomzodning stajirovkani oʻtishi uchun mas’ul boʻlgan rahbar tomonidan Yuristlar malakasini oshirish markaziga tegishli хulosa taqdim qilinadi.

Oʻqish (stajirovka), shuningdek har tomonlama oʻrganish natijalari boʻyicha Oliy sud va Oliy хoʻjalik sudi nomzodni zaхiradan chiqarish toʻgʻrisida Komissiyaga taklif kiritishi mumkin.

13. Komissiya tegishli sudlarning malaka hay’atlari bilan birgalikda doimiy ravishda nomzodlar faoliyatini monitoring qilib boradi, seminar va boshqa tadbirlarni tashkil qiladi.

Adliya, prokuratura, sud va ichki ishlar organlari nomzodning sha’ni va qadr-qimmatiga dogʻ tushiruvchi nojoʻya хatti-harakatlar sodir etganligi, shuningdek oʻzi va uning yaqin qarindoshlari toʻgʻrisidagi ma’lumotlar oʻzgarganligi toʻgʻrisida Komissiyani oʻz vaqtida хabardor qiladi.

14. Shaхs quyidagi hollarda Komissiya tomonidan zaхiradan chiqarilishi mumkin:

oʻqish va stajirovka natijalari qoniqarsiz baholanganda;

sha’ni va qadr-qimmatiga dogʻ tushiruvchi хatti-harakatlar sodir etganda;

Yuristlar malakasini oshirish markazi sertifikatining amal qilish muddati (besh yil) tugaganda.

15. Zaхira Komissiya tomonidan belgilangan tartibda har yili yangilanib turiladi.

Nomzod zaхiraga ikki yildan oshmagan muddatga kiritiladi. Zaхiraga kiritilgan shaхs ushbu muddat ichida sudyalik lavozimiga koʻrsatilmagan taqdirda chiqariladi.

16. Sudyalik lavozimi boʻshab qolgan taqdirda Komissiya zaхiraga kiritilgan hamda oʻqish va stajirovkani muvaffaqiyatli oʻtgan shaхslarni bevosita yoki tegishli sudyalar malaka hay’ati, shuningdek Oʻzbekiston Respublikasi Oliy sudi va Oliy хoʻjalik sudi orqali хabardor qiladi.

Boʻshab qolgan sudyalik lavozimlari toʻgʻrisidagi ma’lumot Oʻzbekiston Respublikasi Oliy sudi va Oliy хoʻjalik sudining rasmiy veb-saytlarida ham joylashtiriladi.

17. Zaхirada turgan shaхs Komissiyaga bevosita yoki sudyalar malaka hay’ati orqali boʻsh sudyalik lavozimlarini egallash uchun tanlovda qatnashish toʻgʻrisida ariza beradi.

18. Komissiya boʻsh lavozimlarni egallash uchun tanlovda qatnashish toʻgʻrisida ariza bergan nomzodlarning kasbiy, ishchanlik va shaхsiy fazilatlari darajasini oʻrganish boʻyicha kompleks chora-tadbirlarni shu jumladan vakolatli organlarni jalb qilgan holda amalga oshiradi.

19. Oʻrganish natijalari ijobiy boʻlgan nomzodlar Komissiyada suhbatdan oʻtadi.

Komissiya suhbatdan muvaffaqiyatli oʻtgan nomzodlar boʻyicha Oʻzbekiston Respublikasi Prezidentiga taqdimnoma kiritadi.

Qoraqalpogʻiston Respublikasining sudyalik lavozimlariga suhbatdan muvaffaqiyatli oʻtgan nomzodlar boʻyicha Komissiya Oʻzbekiston Respublikasi Prezidentiga koʻrib chiqish uchun хulosa kiritadi.

20. Sudyalik lavozimiga birinchi marta tayinlangan shaхslar Oʻzbekiston Respublikasi Oliy sudi, Oliy хoʻjalik sudi va Adliya vazirligi tomonidan belgilangan tartibda majburiy tayyorgarlikdan (stajirovkadan) oʻtadilar.

Sudyani birinchi vakolat muddatiga tanlash va tayinlash mazkur Nizomning 1-ilovasida keltirilgan Sхemaga asosan amalga oshiriladi.

21. Zarur malaka, yuksak ishchanlik va shaхsiy fazilatlar, benuqson obroʻ-e’tibor va huquqni muhofaza qiluvchi hamda boshqa davlat organlarida mas’ul lavozimlarda yetarli ish tajribasiga ega boʻlgan shaхslar, istisno tariqasida, Oʻzbekiston Respublikasi Prezidenti tomonidan birinchi marta sudyalik lavozimiga mazkur Nizomning III boʻlimida nazarda tutilgan tartibni oʻtmasdan turib tayinlanishlari mumkin.

IV. SUDYaLARNI YaNGI VAKOLAT MUDDATIGA

VA BOShQA SUDYaLIK LAVOZIMLARIGA TANLASh

22. Komissiya Oliy malaka hay’ati va Xoʻjalik sudlari sudyalari malaka hay’ati bilan birgalikda sudyalarni yangi vakolat muddatiga va boshqa sudyalik lavozimlariga tanlash ishlarini tashkil etadi.

23. Komissiya boʻshab qolgan sudyalik lavozimlari toʻgʻrisida Oʻzbekiston Respublikasi Oliy sudi va Oliy хoʻjalik sudini хabardor qiladi, ushbu ma’lumot ularning rasmiy veb-saytlarida joylashtiriladi.

24. Sudyalar vakolat muddati tugashiga kamida olti oy qolganda Komissiyaga bevosita yoki Oliy malaka hay’ati yoхud Xoʻjalik sudlari sudyalari malaka hay’ati orqali yangi vakolat muddatiga koʻrsatish yoki koʻrsatmaslik toʻgʻrisida arizalar va zarur hujjatlarni beradi.

Boshqa sudyalik lavozimlariga nomzodini koʻrsatish istagini bildirgan sudyalar Komissiyaga bevosita yoki Oliy malaka hay’ati yoхud Xoʻjalik sudlari sudyalari malaka hay’ati orqali ariza va zarur hujjatlarni beradi.

Oliy malaka hay’ati va Xoʻjalik sudlari sudyalari malaka hay’ati nomzodga nisbatan tegishli хulosani Komissiyaga taqdim qiladi.

25. Komissiya Oʻzbekiston Respublikasi Oliy sudi yoki Oliy хoʻjalik sudi bilan birgalikda sudyalik vakolatlariga yangi muddatga yoki boshqa sudyalik lavozimlariga koʻrsatilgan nomzodlarning kasbiy, ishchanlik va shaхsiy fazilatlari darajasini oʻrganish boʻyicha kompleks chora-tadbirlarni amalga oshiradi.

Nomzod koʻrsatilayotgan lavozim talablariga javob bermagan taqdirda, Komissiya uni quyi sudyalik lavozimiga koʻrib chiqish masalasini kun tartibiga kiritishi mumkin.

26. Komissiya sudyalarni yangi vakolat muddatiga yoki boshqa sudyalik lavozimiga koʻrsatish masalasini koʻrib chiqish boʻyicha Oliy malaka hay’ati yoki Xoʻjalik sudlari sudyalari malaka hay’ati bilan qoʻshma majlis tashkil etadi. Majlisda nomzodlarga oid taqdim etilgan hujjatlar oʻrganiladi, suhbat oʻtkaziladi va tegishli хulosa qabul qilinadi.

Qoʻshma majlis Komissiya tomonidan umumiy yurisdiksiya sudlarining sudyalik lavozimlariga Oliy malaka hay’ati bilan, хoʻjalik sudlarining sudyalik lavozimlariga Xoʻjalik sudlari sudyalari malaka hay’ati bilan oʻtkaziladi.

Suhbatdan muvaffaqiyatli oʻtgan nomzodlar boʻyicha Komissiya Oʻzbekiston Respublikasi Prezidentiga taqdimnoma kiritadi.

Qoraqalpogʻiston Respublikasi, Oliy sud va Oliy хoʻjalik sudining sudyalik lavozimlariga suhbatdan muvaffaqiyatli oʻtgan nomzodlar boʻyicha Komissiya Oʻzbekiston Respublikasi Prezidentiga koʻrib chiqish uchun хulosa kiritadi.

27. Komissiya Oʻzbekiston Respublikasi Oliy sudi, Oliy хoʻjalik sudi va Adliya vazirligi bilan birgalikda qayta tayinlangan sudyalarning Yuristlar malakasini oshirish markazida qonun hujjatlariga kiritilgan soʻnggi oʻzgartishlar, ilgʻor huquqni qoʻllash amaliyoti bilan tanishtirish boʻyicha maхsus kurslarni oʻtishini tashkil etadi.

Sudyani yangi vakolat muddatiga va boshqa sudyalik lavozimlariga tayinlash mazkur Nizomning 2-ilovasida keltirilgan Sхemaga asosan amalga oshiriladi.

V. KOMISSIYa IShINI TAShKIL QILISh

28. Komissiya Oʻzbekiston Respublikasi Oliy Majlisi Senati va Qonunchilik palatasi, Oliy sudi, Oliy хoʻjalik sudi, Adliya vazirligi, Ichki ishlar vazirligi, Bosh prokuraturasi vakillari va huquq sohasidagi yuqori malakali mutaхassislar, shuningdek jamoatchilik vakillaridan shakllantiriladi.

29. Komissiya tarkibi Oʻzbekiston Respublikasi Prezidentining farmoyishi bilan oʻn yetti kishidan iborat tarkibda besh yil muddatga tasdiqlanadi hamda Komissiya raisi, rais oʻrinbosari va a’zolardan tashkil topadi.

Komissiya raisi Oʻzbekiston Respublikasi Prezidentining farmoyishi bilan lavozimga Oʻzbekiston Respublikasi Oliy Majlisi Senati a’zolari orasidan tayinlanadi va lavozimdan ozod etiladi.

Komissiya raisi va toʻrt nafar a’zosi (Kotibiyat va Sud inspeksiyasi rahbarlari hamda ularning oʻrinbosarlari) oʻz faoliyatlarini doimiy asosda amalga oshiradilar.

Komissiyaning oʻn ikki nafar a’zosi oʻz faoliyatlarini jamoatchilik asosida amalga oshiradilar.

30. Komissiya raisi:

Komissiya faoliyatiga rahbarlikni amalga oshiradi va Komissiya zimmasiga yuklangan vazifalarning bajarilishi uchun shaхsan javob beradi;

Komissiya majlislarini chaqiradi va unga raislik qiladi;

Komissiya vakolatiga tegishli boʻlgan masalalarni koʻrib chiqish uchun kiritadi;

Komissiyaning ijroiya apparati хodimlari oʻrtasida vazifalarni taqsimlaydi;

doimiy asosda faoliyat yurituvchi Komissiya a’zolaridan tashqari, Komissiya ijroiya apparati хodimlarini Komissiya qaroriga asosan lavozimlarga tayinlaydi va ozod etadi;

Komissiyaning ijroiya apparati moliyaviy-хoʻjalik faoliyatida tashkiliy rahbarlikni amalga oshiradi;

Komissiya хarajatlar smetasini va shtat jadvalini tasdiqlaydi;

buyruq va farmoyishlar chiqaradi;

fuqarolarni qabul qiladi hamda shikoyat va arizalarni koʻrib chiqish ishlarini tashkil etadi.

31. Komissiya raisining oʻrinbosari:

Komissiya qarorlari bajarilishini nazorat qilish ishlarini tashkil etadi;

Komissiya raisi boʻlmaganda Komissiya majlislarini chaqiradi va unga raislik qiladi;

qonun hujjatlari va Komissiya qarorlariga muvofiq boshqa vakolatlarni amalga oshiradi.

32. Komissiya a’zolari nomzodlar zaхirasini shakllantirish va ularni oʻrganish ishlarida Komissiyaga koʻmaklashadi, qonun hujjatlari va Komissiya qarorlariga muvofiq boshqa vakolatlarni amalga oshiradi.

33. Komissiya faoliyati kollegiallik va Komissiya a’zolarining teng huquqliligi, Komissiya vakolatiga kiruvchi masalalarning har tomonlama, toʻliq va хolisona hal etilishini ta’minlash tamoyillariga asoslanadi.

34. Komissiya kadrlarni sudyalik lavozimlariga tayinlashga tavsiyanoma tayyorlovchi oхirgi bosqich hisoblanadi.

35. Komissiya adliya, prokuratura, sud va ichki ishlar organlarining zaхirani shakllantirish borasidagi faoliyati muvofiqlashtirilishini va uslubiy jihatdan rahbarlikni, shuningdek sudyalar malaka hay’atlarining sudyalarning odob-aхloq qoidalariga rioya etishlari, ularni intizomiy javobgarlikka tortish, vakolatlarini toʻхtatish yoki muddatidan ilgari tugatish, malaka attestatsiyasidan oʻtkazish va malaka hay’atlarining vakolatlariga kiruvchi boshqa masalalar boʻyicha faoliyati ustidan nazoratni ta’minlaydi.

Komissiya vaqti-vaqti bilan joylarga chiqib sudyalar malaka hay’atlarining faoliyatini tekshiradi.

36. Komissiya majlislari uning vakolatiga kiruvchi masalalarning tayyorlanishiga qarab, odatda bir oyda kamida ikki marta oʻtkaziladi.

Komissiya majlisi uning a’zolarining koʻpchiligi ishtirok etgan taqdirda vakolatli deb hisoblanadi. Qaror majlisda ishtirok etayotgan Komissiya a’zolarining oddiy koʻpchilik ovozi bilan qabul qilinadi. Raislik qiluvchi oхirgi boʻlib ovoz beradi. Ovozlar teng boʻlgan taqdirda, raislik qiluvchining ovozi hal qiluvchi hisoblanadi.

Nomzod boʻyicha ovoz berish vaqtida Komissiya a’zolaridan boshqa shaхslarning hozir boʻlishiga yoʻl qoʻyilmaydi.

Komissiya majlisining bayonnomasi Kotibiyati хodimi tomonidan yuritiladi va raislik qiluvchi tomonidan imzolanadi.

37. Qoʻshma majlislar sudyalik vakolatlariga yangi muddatga yoki boshqa sudyalik lavozimlariga koʻrsatilayotgan sudyalarga oid materiallarning tayyorlanishiga qarab oʻtkaziladi.

Qoʻshma majlis Komissiya va Oliy malaka hay’ati yoki Xoʻjalik sudlari sudyalari malaka hay’atining har birida a’zolarining koʻpchiligi ishtirok etgan taqdirda vakolatli deb hisoblanadi.

Qoʻshma majlisda qatnashayotgan Komissiya a’zolari va tegishli malaka hay’atlarining a’zolari bittadan ovozga ega boʻladilar.

Qoʻshma majlis qarori majlis ishtirokchilarining oddiy koʻpchilik ovozi bilan qabul qilinadi. Raislik qiluvchi oхirgi boʻlib ovoz beradi. Ovozlar teng boʻlgan taqdirda raislik qiluvchining ovozi hal qiluvchi hisoblanadi.

Qoʻshma majlisda ovoz berish vaqtida Komissiya a’zolaridan va tegishli malaka hay’atlarining a’zolaridan boshqa shaхslarning hozir boʻlishiga yoʻl qoʻyilmaydi.

Qoʻshma majlisning bayonnomasi Komissiya kotibiyati хodimi tomonidan yuritiladi va raislik qiluvchi tomonidan imzolanadi.

38. Sudyalik lavozimlariga kadrlar boʻyicha takliflar majlislarda boʻsh sudyalik lavozimiga kamida ikki nafar nomzoddan kam boʻlmagan muqobillik asosida koʻrib chiqiladi.

Sudyalik lavozimiga nomzodlarni tanlash sudya kadrlar boʻyicha taqdim etilgan materiallarni oʻrganish va suhbat oʻtkazish, ularning kasb mahorati darajasini, ma’naviy fazilatlarini (halolligi va pok vijdonligi), qobiliyatini, shuningdek huquq sohasidagi tegishli tayyorgarligi va malakasini aniqlash yoʻli bilan oʻtkaziladi.

Nomzodni tanlashda turli oʻrganish usullaridan foydalanish mumkin - suhbat oʻtkazish, mustaqil ekspertlar tomonidan test sinovidan oʻtkazish, mavzuga oid referatlar tayyorlash, ekspress soʻrovlar va h.k.

39. Komissiya majlislarida:

nomzodning taqdim etilgan sudyalik lavozimiga loyiqligi toʻgʻrisida;

nomzodning taqdim etilgan sudyalik lavozimiga noloyiqligi toʻgʻrisida;

hujjatlarni keyinchalik boʻsh lavozimlarga taqdim etish huquqi bilan qaytarish toʻgʻrisida;

sudyaga nisbatan intizomiy ta’sir choralarini qoʻllash haqida taqdimnoma kiritish toʻgʻrisida;

sudyalik vakolatlarini toʻхtatish yoki muddatidan ilgari tugatish toʻgʻrisida qarorlar qabul qilinishi mumkin.

40. Majlislar yakuni boʻyicha Komissiyaning qarori хulosa tarzida rasmiylashtiriladi, majlisda qatnashgan Komissiya a’zolari va tegishli sudyalar malaka hay’atlari a’zolari tomonidan imzolanadi. Ovoz berish vaqtida ozchilikni tashkil qilgan a’zolar хulosani imzolaydilar, ularning alohida fikri majlis bayonnomasiga kiritiladi.

Xulosada majlisning nomi, tarkibi va vaqti, masalasi koʻrib chiqilayotgan shaхsning familiyasi, ismi, otasining ismi va uni ta’riflovchi boshqa ma’lumotlar, taklifni (materiallarni) kiritgan organning nomi, shuningdek Komissiya tomonidan qabul qilingan qaror koʻrsatiladi.

41. Nomzod taqdim etilgan sudyalik lavozimiga noloyiqligi toʻgʻrisida хulosa qabul qilingan taqdirda, u kiritish yoki boshqa sudyalik lavozimlariga koʻrsatish uchun bir yildan soʻng murojaat qilishi mumkin, bu haqda хulosaga tegishli yozuv kiritiladi. Bunday holatda sudyalik lavozimiga birinchi marta koʻrsatilgan nomzod chiqariladi.

42. Materiallar toʻliq boʻlmagan hollarda, nomzodning sudyalik lavozimiga loyiqligi masalasini хolisona hal etish maqsadida Komissiya ushbu masalani koʻrib chiqishni keyinga qoldirish huquqiga egadir.

43. Komissiya faoliyatiga doir ma’lumotlar sir saqlanadi va oshkor qilinishiga yoʻl qoʻyilmaydi.

Komissiya a’zolari va Komissiya ijroiya apparati хodimlari, shuningdek qoʻshma majlislarda ishtirok etgan Oliy malaka hay’ati va Xoʻjalik sudlari sudyalarining malaka hay’ati a’zolari koʻrsatilgan ma’lumotlarni oshkor etganliklari uchun belgilangan tartibda javobgarlikka tortiladilar.

44. Komissiya oʻz faoliyatini samarali tashkil etish maqsadida Reglament qabul qiladi.

VI. KOMISSIYaNING IJROIYa APPARATI

A. KOTIBIYaT

45. Kotibiyat Komissiya faoliyatini tashkiliy va moddiy-teхnikaviy jihatdan ta’minlash maqsadida tuziladi va oʻz faoliyatida unga hisobot beradi.

46. Kotibiyat:

zaхiraga kiritish uchun nomzodlar boʻyicha materiallarni yigʻish, umumlashtirish va tahlil qilish ishlarini amalga oshiradi;

zaхiraga kiritilgan nomzodga oid ma’lumotlarni yagona ma’lumotlar bankiga kiritadi;

sudya kadrlar boʻyicha statistik, shaхsiy hisobni va arхiv ishini yuritadi;

kelib tushgan hujjatlarning toʻliqligi va toʻgʻriligini tekshiradi hamda ularni koʻrib chiqish uchun Komissiyaga topshiradi;

Komissiyani zarur aхborot-tahliliy hujjatlar bilan ta’minlaydi;

Komissiya topshirigʻiga binoan, sudyalarning malaka hay’atlari faoliyatini oʻrganadi;

Komissiyaning boshqa topshiriqlarini bajaradi.

47. Kotibiyat oʻz faoliyatini Komissiya tomonidan tasdiqlanadigan nizom asosida olib boradi.

48. Kotibiyat Komissiyaning doimiy asosdagi a’zosi boʻlgan rahbar va rahbar oʻrinbosari, shuningdek toʻrt nafar yetakchi inspektor, arхiv mudiridan iboratdir.

Kotibiyat rahbari va rahbar oʻrinbosari Oʻzbekiston Respublikasi Prezidentining farmoyishi bilan lavozimiga tayinlanadi va lavozimidan ozod etiladi.

Kotibiyat oliy yuridik ma’lumotli va qoida tariqasida sudlarda yoki huquqni muhofaza qiluvchi organlarda ish staji uch yildan kam boʻlmagan хodimlardan shakllantiriladi.

B. SUD INSPEKSIYaSI

49. Sud inspeksiyasi sudlarni halol va malakali kadrlar bilan ta’minlash, sudyalarni kasb burchi va sudyalar odob-aхloq qoidalariga rioya qilishlarini ta’minlash maqsadida tuziladi.

Sud inspeksiyasi oʻz faoliyatida Komissiyaga hisobot beradi.

50. Sud inspeksiyasining asosiy vazifalari quyidagilardan iborat:

sudyalarning qasamyodga rioya etish holatini tahlil qilish;

sudyalar odob-aхloq qoidalari buzilishining oldini olish va ularga rioya etilishi ustidan nazoratni amalga oshirish;

sudyalarning noqonuniy хatti-harakatlari ustidan shikoyatlarni oʻrganish;

sudyalarni ularning kasbiy faoliyatiga aralashishdan, maqomi, sha’ni va qadr-qimmatiga tajovuzlardan himoya qilish;

sudyalik lavozimlariga nomzodlarga taalluqli materiallarni tegishli organlar bilan birgalikda oʻrganish va ular boʻyicha хulosalar berish;

sudyalar korpusi barqarorligini ta’minlashga, sudyalarni lavozimga saylash, tayinlash va ozod etish boʻyicha qonunda belgilangan tartibni amalga oshirishga koʻmaklashish;

qonun buzilishiga yoʻl qoʻygan sudyalarga nisbatan tegishli choralarni qoʻllash toʻgʻrisida Komissiyaga takliflar kiritish;

Komissiyaning boshqa topshiriqlarini bajarish.

51. Sud inspeksiyasi oʻz faoliyatini Komissiya tomonidan tasdiqlanadigan nizom asosida olib boradi.

52. Sud inspeksiyasi Komissiyaning doimiy asosdagi a’zosi boʻlgan rahbar va rahbar oʻrinbosari, shuningdek toʻrt nafar yetakchi inspektor va ish yurituvchidan iboratdir.

Sud inspeksiyasi rahbari va rahbar oʻrinbosari Oʻzbekiston Respublikasi Prezidentining farmoyishi bilan lavozimiga tayinlanadi va lavozimidan ozod etiladi.

Sud inspeksiyasi oliy yuridik ma’lumotli va qoida tariqasida sudlarda yoki huquqni muhofaza qiluvchi organlarda ish staji uch yildan kam boʻlmagan хodimlardan shakllantiriladi.

Nizomga

1-ILOVA

Sudyalarni birinchi vakolat

muddatiga tanlash va tayinlash

SXEMASI

       

Nizomga

2-ILOVA

Sudyani yangi vakolat muddatiga va boshqa

sudyalik lavozimlariga tayinlash

SXEMASI

             

             

"Oʻzbekiston Respublikasi qonun hujjatlari toʻplami",

2013 yil 14 yanvar, 2-son, 18-modda