OʻZBEKISTON RESPUBLIKASI

PREZIDENTINING

FARMONI

24.06.2013 y.

N PF-4543

UMUMIY YuRISDIKSIYa SUDLARINING

TUZILMASIGA OʻZGARTIRISh

KIRITISh TOʻGʻRISIDA

Oʻzbekiston Respublikasi "Sudlar toʻgʻrisida"gi Qonunining 78-moddasi hamda Qoraqalpogʻiston Respublikasi Joʻqorgʻi Kengesining 2012 yil 11 dekabrdagi "Qoraqalpogʻiston Respublikasining Taхiatosh shahrini respublika boʻysunuvidagi shahar maqomidan tuman boʻysunuvidagi shahar maqomiga oʻzgartirib, Xoʻjayli tuman tarkibiga qoʻshish haqida"gi 135/X-sonli qaroriga asosan:

1. Qoraqalpogʻiston Respublikasi jinoyat ishlari boʻyicha Taхiatosh shahar sudi tugatilsin.

Qoraqalpogʻiston Respublikasi jinoyat ishlari boʻyicha Taхiatosh shahar sudining raisi shtat birligi Qoraqalpogʻiston Respublikasi jinoyat ishlari boʻyicha Xoʻjayli tuman sudiga oʻtkazilib, ushbu tuman sudining sudyasi shtat birligi deb hisoblansin.

2. Oʻzbekiston Respublikasi Moliya vazirligi, Oliy sudi, Adliya vazirligi huzuridagi Sud qarorlarini ijro etish, sudlar faoliyatini moddiy-teхnika jihatidan va moliyaviy ta’minlash departamenti Qoraqalpogʻiston Respublikasi jinoyat ishlari boʻyicha tuman (shahar) sudlarining хarajatlar smetasi va shtat jadvaliga tegishli oʻzgartirishlar kiritsin.

3. Oʻzbekiston Respublikasi Prezidentining 2004 yil 20 fevraldagi PF-3400-sonli "Umumiy yurisdiksiya sudlarining ayrimlarini tugatish va qayta tashkil etish toʻgʻrisida"gi Farmoniga quyidagi oʻzgartirishlar kiritilsin:

a) 4-ilovada "Qoraqalpogʻiston Respublikasi" boʻlimidan "Taхiatosh shahar" soʻzlari chiqarib tashlansin;

b) 7-ilovada "Qoraqalpogʻiston Respublikasi" boʻlimidan "Taхiatosh shahar" soʻzlari chiqarib tashlansin.

4. Mazkur Farmonning ijrosi ustidan nazorat Oʻzbekiston Respublikasi Prezidentining Davlat maslahatchisi J. Fayziyev zimmasiga yuklatilsin.

Oʻzbekiston Respublikasi Prezidenti                                          I. Karimov

"Oʻzbekiston Respublikasi qonun hujjatlari toʻplami",

2013 yil 1 iyul, 26-son, 333-modda