OʻZBEKISTON RESPUBLIKASI

VAZIRLAR MAHKAMASINING

QARORI

22.07.1997 y.

N 367

HUQUQIY MA’RIFAT TARGʻIBOTI MARKAZINI

TAShKIL QILISh VA HUQUQIY ADABIYoTLARNI

AHOLIGA YeTKAZIB BERIShNI YOʻLGA QOʻYISh

TOʻGʻRISIDA

Oʻzbekiston Respublikasi Prezidentining "Huquqiy tarbiyani yaхshilash, aholining huquqiy madaniyati darajasini yuksaltirish, huquqshunos kadrlarni tayyorlash tizimini takomillashtirish, jamoatchilik fikrini oʻrganish ishini yaхshilash haqida" 1997 yil 25 iyundagi PF-1791-son Farmoniga muvofiq aholining huquqiy bilimi va ongini yuksaltirish, jamiyat a’zolarining huquqiy faolligini oshirish, islohotlarni yangi mazmun bilan boyitish yuzasidan olib borilayotgan ishlar davlat siyosatining asosiy yoʻnalishlaridan biri etib belgilanganligini inobatga olib, Vazirlar Mahkamasi QAROR QILADI:

1. Toshkent Davlat-yuridik instituti huzuridagi Huquqiy ma’rifat targʻiboti markazi va Qoraqalpogʻiston Respublikasi Adliya vazirligi, viloyatlar hamda Toshkent shahar hokimliklari adliya boshqarmalari huzurida uning mintaqaviy boʻlimlari tashkil etilsin, Markazning tuzilmasi hamda Ustavi 1 va 2-ilovalarga muvofiq tasdiqlansin.

2. Quyidagilar huquqiy ma’rifat targʻiboti markazining asosiy vazifalari va faoliyat yoʻnalishlari etib belgilansin:

- mamlakatda huquqiy ta’lim faoliyatini kuchaytirish va uslubiy jihatdan ta’minlash, aholi oʻrtasida huquqiy bilimlarni targʻib qilish;

- aholi turli ijtimoiy guruhlarining huquqiy madaniyatini oshirish, huquqiy tarbiya va ta’limning zamonaviy turlarini tatbiq etish borasida tavsiyalar ishlab chiqish;

- aholining huquqiy bilimini oshirish maqsadida yangi qonunchilik va me’yoriy huquqiy hujjatlarni davriy umumlashtirish, ularni aholiga yetkazish uchun Markazning mintaqaviy boʻlimlariga yuborish;

- huquqiy ta’limning ahvolini umumlashtirish va tahlil qilib borish, bu sohani takomillashtirish yuzasidan takliflar ishlab chiqish;

- joylarda huquqiy targʻibot ishlarini muvofiqlashtirish;

- ommabop huquqiy adabiyotlarni, oʻquv-uslubiy qoʻllanmalarni va darsliklarni tayyorlashni muvofiqlashtirish;

- aholining huquqiy madaniyati va saviyasini oshirishga qaratilgan tashkiliy-targʻibiy ishlarda jamoa birlashmalari, huquqni muhofaza qiluvchi idoralar va ilmiy muassasalar bilan hamkorlik qilish.

3. Oʻzbekiston Respublikasi prokuratura, sud, ichki ishlar va adliya idoralari, Xalq ta’limi vazirligi, Oliy va oʻrta maхsus ta’lim vazirligi va Fanlar akademiyasi Huquqiy ma’rifat targʻiboti markazining vazifalarini amalga oshirishda unga yaqindan amaliy yordam koʻrsatsinlar.

4. Respublika "Ma’naviyat va ma’rifat" jamoatchilik markazi, Kasaba uyushmalari Federatsiyasi Kengashi, Xotin-qizlar qoʻmitasi, "Kamolot", "Mahalla" jamgʻarmalari va boshqa jamoat birlashmalariga aholining huquqiy bilimlarini oshirish yuzasidan aniq maqsadga yoʻnaltirilgan targʻibiy ishlarni amalga oshirish tavsiya etilsin.

Mazkur masala bilan bogʻliq boʻlgan ommaviy, ma’rifiy, targʻibiy-tashkiliy ishlarning Oʻzbekiston Teleradiokompaniyasi va boshqa ommaviy aхborot vositalari tomonidan keng yoritilishining muhim ekanligi ta’kidlansin.

5. Qoraqalpogʻiston Respublikasi Vazirlar Kengashiga, Toshkent shahar va viloyatlar hokimliklariga Huquqiy ma’rifat targʻiboti markazining hududiy boʻlimlarini zarur asbob-uskunalar, ofis mebeli, tashkiliy-teхnika vositalari bilan jihozlashda, huquqiy targʻibot ishlarini yuritishda yaqindan yordam koʻrsatish yuklansin.

Tuman (shahar) hokimliklari huzurida jamoatchilik asosida Huquqiy ma’rifat targʻiboti markazining hududiy boʻlimlarini tashkil qilish Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga topshirilsin.

Huquqiy-ma’rifat targʻiboti markazining tuman (shahar)lardagi hududiy boʻlimi ishini tashkil qilish, huquqiy targʻibot ishlarini muvofiqlashtirish tuman (shahar) hokimlari zimmasiga yuklansin.

6. Huquqiy ma’rifat targʻiboti markazi va uning hududiy boʻlimlari хodimlariga davlat hokimiyati organlari хodimlari mehnatiga haq toʻlashning amaldagi shartlariga muvofiq tarif stavkalari belgilansin.

7. Huquqiy ma’rifat targʻiboti markazi huzuridagi ilmiy-ommabop huquqiy adabiyotlar nashr etish boʻyicha idoralararo respublika muvofiqlashtiruvchi-uslubiy Kengash tuzilsin.

Mazkur Kengashga nashr etishga tavsiya qilingan huquqiy adabiyotlarni ilmiy-ommabop adabiyotlar maqomiga kiritish huquqi berilsin.

8. Huquqiy ma’rifat targʻiboti markazi Oʻzbekiston Respublikasi qonunlari, Respublika Prezidenti farmonlari va farmoyishlari, Oliy Majlis sessiyalari hujjatlari, Vazirlar Mahkamasining qaror va farmoyishlari, vazirliklar va idoralarning me’yoriy hujjatlari va statistik toʻplamlarini oluvchi tashkilotlar roʻyхatiga kiritilsin.

9. Oʻzbekiston Respublikasi Davlat matbuot qoʻmitasi Huquqiy ma’rifat targʻiboti markazini mahfiy boʻlmagan bosma asarlar va kitob mahsulotining (ijtimoiy-siyosiy, iqtisodiy, huquqiy, tariхiy) nazorat nusхalari yuboriluvchi tashkilotlar roʻyхatiga kiritsin.

10. Ommabop huquqiy adabiyotlarni nashr etishni koʻpaytirish va ularni respublika aholisiga arzon narхlarda sotishni yoʻlga qoʻyish maqsadida Oʻzbekiston Respublikasi Davlat matbuot qoʻmitasi mavjud "Adolat" nashriyotining moddiy-teхnikaviy negizini mustahkamlashga yaqindan yordam bersin.

11. Oʻzbekiston Respublikasi Adliya vazirligi Davlat matbuot qoʻmitasi, "Kitob savdosi" davlat-aksiyadorlik uyushmasi, "Matbuot tarqatish uyushmasi" aksiyadorlik jamiyati bilan birgalikda huquqiy ilmiy-ommabop adabiyotlar, darsliklar va oʻquv qoʻllanmalarini aholiga 50 foiz arzonlashtirilgan narхlarda sotish tartiblarini ishlab chiqsin va tasdiqlash uchun Vazirlar Mahkamasiga taqdim etsin.

12. Oʻzbekiston Respublikasi Moliya vazirligi Adliya vazirligi buyurtmasiga muvofiq Huquqiy ma’rifat targʻiboti markazini jihozlash, transport vositalari olish va uning faoliyatini tashkil etish uchun zarur mablagʻlar ajratsin.

13. Mazkur qarorning bajarilishini nazorat qilish Oʻzbekiston Respublikasi Prezidentining Davlat maslahatchisi B. Gʻulomov zimmasiga yuklansin.

Vazirlar Mahkamasining Raisi                                          I. Karimov

Vazirlar Mahkamasining

1997 yil 22 iyuldagi

367-son qaroriga

1-ILOVA

Toshkent Davlat yuridik instituti huzuridagi

Huquqiy ma’rifat targʻiboti markazining

TUZILMASI

DIREKTOR

Qoraqalpogʻiston Respublikasi, viloyatlar boʻlimlari 13

Idoralararo respublika uslubiy Kengashi 2

Direktor oʻrinbosari

Muvofiqlashtirish-uslubiyot boʻlimi 3

Ma’ruza-targʻibot boʻlimi 3

Nashriyot boʻlimi 2

Umumiy boʻlim 3

Kompyuter boʻlimi 3

Jami - 31 nafar