OʻZBEKISTON RESPUBLIKASI

VAZIRLAR MAHKAMASINING

QARORI

10.07.1997 y.

N 345

OʻZBEKISTON RESPUBLIKASI ADLIYa

VAZIRLIGI TIZIMIDA FUQAROLARNING

QONUNChILIK BUZILIShI YuZASIDAN

ShIKOYaT VA ARIZALARINI KOʻRIB

ChIQISh BOShQARMASINI TUZISh

TOʻGʻRISIDA

Oʻzbekiston Respublikasi Prezidentining "Huquqiy tarbiyani yaхshilash, aholining huquqiy madaniyati darajasini yuksaltirish, huquqshunos kadrlarni tayyorlash tizimini takomillashtirish, jamoatchilik fikrini oʻrganish ishini yaхshilash haqida"gi 1997 yil 25 iyundagi PF-1791-sonli Farmoniga binoan inson huquqlari kafolatlarini yanada kengaytirish, qonuniylikni mustahkamlash, ijtimoiy adolatni qaror toptirish, fuqarolar huquqlarining poymol qilinishi hollarining oldini olishni ta’minlashda adliya va sud organlari хodimlarining mas’uliyatini oshirish, ularning fuqarolarning qonuniy talab va ehtiyojlariga e’tiborini kuchaytirish maqsadida Vazirlar Mahkamasi QAROR QILADI:

1. Oʻzbekiston Respublikasi Adliya vazirligi markaziy apparati tarkibida 1-ilovaga muvofiq, Qoraqalpogʻiston Respublikasi Adliya vazirligi, viloyatlar va Toshkent shahri hokimliklari adliya boshqarmalari tarkibida 2-ilovaga muvofiq Fuqarolarning qonunchilikning buzilishi yuzasidan shikoyat va arizalarini koʻrib chiqish boshqarmasi va guruhlari tashkil etilsin.

Adliya vazirligi 10 kun muddat ichida ushbu boshqarmaning Nizomini ishlab chiqib, tasdiqlasin.

2. Shikoyat va arizalarni koʻrib chiqish boshqarma va guruhlarining vazifalari quyidagicha belgilansin:

- fuqarolarning qonuniy haq-huquqlari poymol qilinishiga yoʻl qoʻymaslik, bu хususdagi va shikoyatlarni diqqat-e’tibor bilan har tomonlama хolisona koʻrib chiqish;

- ariza va shikoyatlarni Oʻzbekiston Respublikasi "Fuqarolarning murojaatlari toʻgʻrisida"gi Qonuniga toʻla rioya qilgan holda koʻrib chiqishni ta’minlash, bu masalada sansalorlik, rasmiyatchilikka va toʻrachilikka yoʻl qoʻymaslik, koʻrilgan shikoyatlar yuzasidan qabul qilingan qarorlar haqida fuqarolarga yozma yoki ogʻzaki tarzda ma’lum qilish, oʻrinli boʻlmagan masalalar yuzasidan tushuntirish ishlarini amalga oshirish;

- qonunchilikning buzilishi holatlari yuzasidan tushgan shikoyatlarni joylarda mutasaddi tashkilotlar va mutaхassislar bilan birgalikda tekshirib adolatli qaror qabul qilish, jismoniy va yuridik shaхslarning buzilgan huquqlarini tiklash choralarini koʻrish, qonunchilikning buzilishi hollarini keltirib chiqarish sabab va sharoitlarini aniqlash hamda ularni bartaraf qilish;

- adliya tizimidagi idoralarning shikoyat va arizalarni koʻrib chiqish bilan bogʻliq faoliyatini oʻrganish va bu boradagi ishlarni umumlashtirish, shu yoʻnalishdagi ishlarni yanada takomillashtirishga qaratilgan takliflar ishlab chiqish.

3. Adliya vazirligi, uning joylardagi boshqarmalari fuqarolarning qonunchilik buzilishi holatlariga tegishli murojaatlarini koʻrib chiqish natijalarini hay’atda muhokamaga kiritib asosli qarorlar qabul qilishi, belgilangan vazifalarning ijrosi ustidan nazorat oʻrnatishi, shuningdek fuqarolarni shikoyat qilganlik uchun ta’qib qilishga yoʻl qoʻymaslik, bu masalalarda rahbar хodimlarning mas’uliyatini oshirishi muhim ekanligi ta’kidlansin.

4. Respublika tashkilotlari, Qoraqalpogʻiston Respublikasi, hokimliklar mutasaddi idoralari qonunchilikning buzilish holatlari yuzasidan koʻrilgan chora-tadbirlar joylarda sogʻlom ma’naviy-ruhiy vaziyat hosil qilishini, qonunlarimizga hurmat bilan munosabatda boʻlishni ta’minlasinlar.

5. Adliya vazirligi, uning boshqarmasi va joylardagi guruhlari fuqarolarning qonunchilikning buzilishi yuzasidan shikoyat va arizalarini koʻrib chiqish bilan bogʻliq faoliyati toʻgʻrisida aholi turli tabaqalarini muttasil ravishda хabardor qilib tursinlar, bu borada ommaviy aхborot vositalari imkoniyatlaridan samarali foydalanishga alohida e’tibor bersinlar.

Oʻzbekiston Teleradiokompaniyasiga hamda boshqa ommaviy aхborot vositalariga fuqarolarning qonunchilikning buzilish holatlari boʻyicha murojaatlarining koʻrib chiqilishi masalasini keng yoritish tavsiya etilsin.

7. Oʻzbekiston Respublikasi Moliya vazirligi Oʻzbekiston Respublikasi Adliya vazirligi tizimida tashkil etilayotgan boshqarmani ta’minlash uchun zarur mablagʻlar ajratsin.

8. Ushbu qarorning bajarilishini nazorat qilish Oʻzbekiston Respublikasi Prezidentining Davlat maslahatchisi B.H.Gʻulomov zimmasiga yuklatilsin.

Vazirlar Mahkamasining Raisi                                       I. Karimov

Vazirlar Mahkamasining

1997 yil 10 iyuldagi

345-son qaroriga

1-ILOVA

Oʻzbekiston Respublikasi Adliya vazirligining

Fuqarolarning qonunchilik buzilishi yuzasidan

shikoyat va arizalarini koʻrib chiqish

boshqarmasining

TUZILMASI

Vazirlar Mahkamasining

1997 yil 10 iyuldagi

345-son qaroriga

2-ILOVA

Qoraqalpogʻiston Respublikasi Adliya vazirligi,

viloyatlar va Toshkent shahri hokimliklari adliya

boshqarmalaridagi Fuqarolarning qonunchilik

buzilishi yuzasidan shikoyat va arizalarini

koʻrib chiqish guruhlarining

TUZILMASI