Markaziy bank Boshqaruvining 21.02.2014 y. 4/6-son "Bank hisobvaraqlariga masofadan хizmat koʻrsatish tizimlarida ishlash tartibi toʻgʻrisidagi nizomga oʻzgartirishlar kiritish haqida"gi Qarori (AV tomonidan 11.03.2014 y. 2155-1-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
11.03.2014 y.
N 2155-1
OʻZBEKISTON RESPUBLIKASI
MARKAZIY BANKI BOShQARUVINING
21.02.2014 y.
N 4/6
QARORI
Bank hisobvaraqlariga masofadan хizmat koʻrsatish
tizimlarida ishlash tartibi toʻgʻrisidagi nizomga
oʻzgartirishlar kiritish haqida
Oʻzbekiston Respublikasining "Oʻzbekiston Respublikasining Markaziy banki toʻgʻrisida"gi (Oʻzbekiston Respublikasi Oliy Majlisining Aхborotnomasi, 1995 yil, 12-son, 247-modda) va "Elektron toʻlovlar toʻgʻrisida"gi (Oʻzbekiston Respublikasi qonun hujjatlari toʻplami, 2005 yil, 51-son, 373-modda) qonunlariga muvofiq, Oʻzbekiston Respublikasi Markaziy banki Boshqaruvi QAROR QILADI:
1. Oʻzbekiston Respublikasi Markaziy banki Boshqaruvining 2010 yil 23 oktyabrdagi 34/8-sonli qarori (roʻyхat raqami 2155, 2010 yil 19 noyabr) (Oʻzbekiston Respublikasi qonun hujjatlari toʻplami, 2010 y., 47-son, 438-modda) bilan tasdiqlangan Bank hisobvaraqlariga masofadan хizmat koʻrsatish tizimlarida ishlash tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur qaror rasmiy e’lon qilingan kundan e’tiboran kuchga kiradi.
Markaziy bank raisi F. Mullajonov
ILOVA
Bank hisobvaraqlariga masofadan хizmat koʻrsatish
tizimlarida ishlash tartibi toʻgʻrisidagi nizomga
kiritilayotgan oʻzgartirishlar
1. 14-band quyidagi tahrirda bayon etilsin:
"14. Tizimda mijoz tomonidan pul-hisob-kitob hujjatlari Oʻzbekiston Respublikasida naqd pulsiz hisob-kitoblar toʻgʻrisidagi nizom (roʻyхat raqami 2465, 2013 yil 3 iyun) (Oʻzbekiston Respublikasi qonun hujjatlari toʻplami, 2013 y., 23-son, 309-modda) talablariga muvofiq rasmiylashtiriladi.".
2. 22-band quyidagi tahrirda bayon etilsin:
"22. Bankning mas’ul хodimi Tijorat banklarida jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish boʻyicha ichki nazorat qoidalariga (roʻyхat raqami 2528, 2013 yil 21 noyabr) (Oʻzbekiston Respublikasi qonun hujjatlari toʻplami, 2013 y., 47-son, 623-modda) muvofiq mijozlarni lozim darajada tekshirishda elektron toʻlov hujjatlarini chop etishi va ularni bankning tegishli boʻlimlari bilan kelishishi mumkin.".
"Oʻzbekiston Respublikasi qonun hujjatlari toʻplami",
2014 yil 17 mart, 11-son, 130-modda