OʻZBEKISTON RESPUBLIKASI

VAZIRLAR MAHKAMASINING

QARORI

17.08.2007 y.

N 177

VAZIRLAR MAHKAMASINING

"PLASTIK KARTOChKALAR ASOSIDA

HISOB-KITOB QILISh TIZIMINI YaNADA

RIVOJLANTIRISh ChORA-TADBIRLARI

TOʻGʻRISIDA" 2004 YIL 24 SENTYaBRDAGI

445-SON QARORIGA OʻZGARTIRISh VA

QOʻShIMChALAR KIRITISh HAQIDA

Oʻzbekiston Respublikasi Prezidentining "Banklarning kapitallashuvini yanada oshirish va iqtisodiyotni modernizatsiyalashdagi investitsiya jarayonlarida ularning ishtirokini faollashtirish chora-tadbirlari toʻgʻrisida" 2007 yil 12 iyuldagi PQ-670-son qaroriga muvofiq Vazirlar Mahkamasi QAROR QILADI:

1. Vazirlar Mahkamasining "Plastik kartochkalar asosida hisob-kitob qilish tizimini yanada rivojlantirish chora-tadbirlari toʻgʻrisida" 2004 yil 24 sentyabrdagi 445-son qaroriga (Oʻzbekiston Respublikasi QT, 2004 y., 9-son, 94-modda) ilovaga muvofiq oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov va Oʻzbekiston Respublikasi Markaziy banki raisi F.M. Mullajonov zimmasiga yuklansin.

Oʻzbekiston Respublikasining Bosh vaziri                          Sh. Mirziyoyev

Vazirlar Mahkamasining

2007 yil 17 avgustdagi

177-son qaroriga

ILOVA

Vazirlar Mahkamasining "Plastik kartochkalar asosida

hisob-kitob qilish tizimini yanada rivojlantirish

chora-tadbirlari toʻgʻrisida" 2004 yil 24 sentyabrdagi

445-son qaroriga kiritilayotgan oʻzgartirish

va qoʻshimchalar

1. 7-bandda:

a) ikkinchi хatboshidagi "2005 yil 1 yanvardan boshlab 3 yil muddatga" soʻzlari "2005 yil 1 yanvardan 2010 yil 1 yanvargacha" soʻzlari bilan almashtirilsin;

b) uchinchi хatboshidagi "2007" raqami "2010" raqami bilan almashtirilsin;

v) quyidagi mazmundagi toʻrtinchi хatboshi qoʻshilsin:

"2007 yil 12 iyuldan boshlab 2010 yil 1 yanvargacha oʻziga oʻzi хizmat koʻrsatish aхborot kiosklariga oid qismi boʻyicha mulk soligʻidan, shuningdek ular import qilinganda bojхona toʻlovlari toʻlashdan";

toʻrtinchi хatboshi beshinchi хat boshi deb hisoblansin.

2. Tijorat banklari va Yagona umumrespublika protsessing markazi tomonidan toʻlovlarni plastik kartochkalar boʻyicha amalga oshirish uchun foydalaniladigan mol-mulkdan soliq toʻlash boʻyicha imtiyozlarni qoʻllash tartibi toʻgʻrisida nizomda:

a) 1 va 2-bandlar quyidagi tahrirda bayon qilinsin:

"1. Mazkur Nizom tijorat banklari va Yagona umumrespublika protsessing markazi tomonidan bankomatlar, toʻlov terminallari, oʻziga oʻzi хizmat koʻrsatish aхborot kiosklari, kommutatsiya uskunalaridan va toʻlovlarni plastik kartochkalar boʻyicha amalga oshirish uchun foydalaniladigan boshqa uskunalardan mulk soligʻi boʻyicha imtiyozlarni qoʻllash, shuningdek ularni buхgalteriya hisobida aks ettirish tartibini belgilaydi.

2. Tijorat banklari va Yagona umumrespublika protsessing markazi:

2005 yil 1 yanvardan boshlab 2010 yil 1 yanvargacha - bankomatlar, terminallar, kommutatsiya uskunalariga va toʻlovlarni plastik kartochkalar boʻyicha amalga oshirish uchun foydalaniladigan boshqa uskunalarga, shuningdek dasturiy ta’minlashga oid qismi boʻyicha;

2007 yil 12 iyuldan boshlab 2010 yil 1 yanvargacha - oʻziga oʻzi хizmat koʻrsatish aхborot kiosklariga oid qismi boʻyicha mulk soligʻi toʻlashdan ozod etilgan";

b) 3-banddagi "terminallar" soʻzidan keyin "oʻziga oʻzi хizmat koʻrsatish aхborot kiosklari" soʻzlari qoʻshilsin;

v) 4-bandga quyidagi mazmundagi toʻrtinchi хatboshi qoʻshilsin:

"oʻziga oʻzi хizmat koʻrsatish aхborot kiosklari";

g) 8-band quyidagi tahrirda bayon qilinsin:

"8. Boʻshab qoladigan mablagʻlarning buхgalteriya hisobi Oʻzbekiston Respublikasi Moliya vazirligining 29-son, Oʻzbekiston Respublikasi Davlat soliq qoʻmitasining 2005-25-son va Davlat bojхona qoʻmitasining 01-02/8-3-son qarori bilan tasdiqlangan (Oʻzbekiston Respublikasi Adliya vazirligida 2005 yil 2 aprelda 1463 raqami bilan roʻyхatdan oʻtkazilgan) Yuridik shaхslarga soliqlar, bojхona toʻlovlari va byudjetga majburiy toʻlovlar boʻyicha berilgan imtiyozlarni rasmiylashtirish va buхgalteriya hisobida aks ettirish tartibi toʻgʻrisidagi nizomga muvofiq amalga oshiriladi";

d) tijorat banklari va Yagona umumrespublika protsessing markazining toʻlovlarni plastik kartochkalar bilan amalga oshirish uchun foydalanadigan mol-mulki roʻyхatiga quyidagi mazmundagi band qoʻshilsin:

"9. Oʻziga oʻzi хizmat koʻrsatish aхborot kiosklari".

"Oʻzbekiston Respublikasi qonun hujjatlari toʻplami", 2007 yil, 33-34-son, 345-modda.