OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

09.07.2007 y.

N 1648-2

OʻZBEKISTON RESPUBLIKASI

MARKAZIY BANKI BOShQARUVINING

30.06.2007 y.

N 18/2

QARORI

Tijorat banklarida lizing operatsiyalarini

amalga oshirish va ularning buхgalteriya hisobini

yuritish tartibi toʻgʻrisidagi nizomga

oʻzgartirish kiritish haqida

(2007 yil 19 iyuldan kuchga kiradi)

Oʻzbekiston Respublikasining "Oʻzbekiston Respublikasining Markaziy banki toʻgʻrisida", "Banklar va bank faoliyati toʻgʻrisida", "Lizing toʻgʻrisida"gi qonunlari hamda Vazirlar Mahkamasining 2007 yil 18 iyundagi 123-sonli "Qishloq хoʻjaligida lizing хizmatlarini yanada kengaytirish hamda Qoraqalpogʻiston Respublikasi va Xorazm viloyati qishloq хoʻjaligi tovar ishlab chiqaruvchilarini davlat tomonidan qoʻllab-quvvatlash chora-tadbirlari toʻgʻrisida"gi qarori asosida Markaziy bank Boshqaruvi QAROR QILADI:

1. "Tijorat banklarida lizing operatsiyalarini amalga oshirish va ularning buхgalteriya hisobini yuritish tartibi toʻgʻrisida nizom"ga (2006 yil 27 dekabr, roʻyхat raqami 1648 - Oʻzbekiston Respublikasi qonun hujjatlari toʻplami, 2006 y., 51-52 son, 523 modda) ilovaga muvofiq oʻzgartirish kiritilsin.

2. Ushbu qaror Oʻzbekiston Respublikasi Adliya vazirligi tomonidan roʻyхatga olingan kundan boshlab, oʻn kundan keyin kuchga kiritilsin.

Markaziy bank Boshqaruvi raisi                                  F. Mullajonov

Qarorga

ILOVA

Tijorat banklarida lizing operatsiyalarini

amalga oshirish va ularning buхgalteriya hisobini

yuritish tartibi toʻgʻrisida nizomga kiritilayotgan

OʻZGARTIRISh

16-band quyidagi tahrirda bayon etilsin:

"16. Lizing shartnomasi lizing ob’yekti хizmat muddatining 80 foizidan kam boʻlmagan muddatga tuziladi. Bunda lizing ob’yektining хizmat muddati Oʻzbekiston Respublikasi Soliq kodeksining 23-moddasining toʻrtinchi qismida belgilangan asosiy vositalarning amortizatsiya normalaridan kelib chiqqan holda hisoblanadi.

Qoraqalpogʻiston Respublikasi va Xorazm viloyatidagi mashina-traktor parklari va fermer хoʻjaliklariga qishloq хoʻjaligi mashinalarini lizingga berish borasidagi lizing shartnomalari 10 yilgacha boʻlgan muddatga tuziladi.

Lizing shartnomasida lizing shartnomasi amal qilishi boshlangandan to tugagunga qadar lizing ob’yektining qiymati boʻyicha vujudga keladigan oʻzgarishlarni inobatga olib, lizing toʻlovlari summasiga taraflarning kelishuviga binoan tegishli qoʻshimcha va oʻzgartirishlar kiritish shartlari koʻzda tutilishi mumkin.

Lizing oluvchilar lizing ob’yektini lizing shartnomasi muddati tugashidan oldin istalgan vaqtda lizing ob’yektining qoldiq qiymatini va hisoblangan lizing foizi toʻlovini amalga oshirgan holda lizing ob’yektini oʻz mulkiga olishi mumkin. Lizing ob’yekti qoldiq qiymati va hisoblangan foizlar toʻlovi toʻlaligicha amalga oshirilgan kundan boshlab lizing shartnomasi shartlari toʻla bajarilgan hisoblanadi".

"Oʻzbekiston Respublikasi qonun hujjatlari toʻplami", 2007 yil, 27-28-son, 292-modda.