Markaziy bank Boshqaruvining 13.12.2008 y. 28/4-son "Tijorat banklarida qimmatli qogʻozlar bilan amalga oshiriladigan operatsiyalarning buхgalteriya hisobi toʻgʻrisidagi Yoʻriqnomani tasdiqlash haqida"gi Qarori (AV tomonidan 19.01.2009 y. 1885-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
19.01.2009 y.
N 1885
OʻZBEKISTON RESPUBLIKASI
MARKAZIY BANKI BOShQARUVINING
13.12.2008 y.
N 28/4
QARORI
Tijorat banklarida qimmatli qogʻozlar bilan
amalga oshiriladigan operatsiyalarning buхgalteriya
hisobi toʻgʻrisidagi yoʻriqnomani tasdiqlash haqida
(2009 yil 29 yanvardan kuchga kiradi)
Oʻzbekiston Respublikasining "Oʻzbekiston Respublikasining Markaziy banki toʻgʻrisida"gi Qonunining 7 va 51-moddalariga asosan Oʻzbekiston Respublikasi Markaziy banki Boshqaruvi QAROR QILADI:
1. Tijorat banklarida qimmatli qogʻozlar bilan amalga oshiriladigan operatsiyalarning buхgalteriya hisobi toʻgʻrisidagi yoʻriqnoma ilovaga muvofiq tasdiqlansin.
2. Ushbu qaror kuchga kirgan kundan boshlab, quyidagilar oʻz kuchini yoʻqotgan deb hisoblansin:
"Tijorat banklarida qimmatli qogʻozlar bilan amalga oshiriladigan operatsiyalarning buхgalteriya hisobi toʻgʻrisida"gi nizom (1999 yil 5 mart, roʻyхat raqami 662);
"Tijorat banklarida qimmatli qogʻozlar bilan amalga oshiriladigan operatsiyalarning buхgalteriya hisobi toʻgʻrisida"gi nizomga 1-son oʻzgartirish va qoʻshimchalar (2000 yil 22 fevral, roʻyхat raqami 662-1);
Oʻzbekiston Respublikasi Markaziy banki Boshqaruvining 2008 yil 3 maydagi 11/4-sonli "Tijorat banklarida qimmatli qogʻozlar bilan amalga oshiriladigan operatsiyalarning buхgalteriya hisobi toʻgʻrisidagi nizomni qisman oʻz kuchini yoʻqotgan deb topish haqida"gi qarori (2008 yil 3 iyun, roʻyхat raqami 662-3 - Oʻzbekiston Respublikasi qonun hujjatlari toʻplami, 2008 yil, 22-23-son, 217-modda).
3. Ushbu qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kundan soʻng kuchga kiradi.
Markaziy bank raisi F. Mullajonov
"Oʻzbekiston Respublikasi qonun hujjatlari toʻplami", 2009 yil, 4-son, 27-modda.