Xalq deputatlari viloyat va tuman Kengashi deputatining yoʻlovchilar transportida bepul yurishi hamda transport tashkilotlari bilan shu bilan bogʻliq hisob-kitoblarni amalga oshirish tartibi va shartlari toʻgʻrisida Nizom (OʻzR VM 02.04.2014 y. 78-son qaroriga ilova)
Vazirlar Mahkamasining
2014 yil 2 apreldagi
ILOVA
Xalq deputatlari viloyat va tuman Kengashi
deputatining yoʻlovchilar transportida bepul
yurishi hamda transport tashkilotlari bilan
shu bilan bogʻliq hisob-kitoblarni amalga
oshirish tartibi va shartlari toʻgʻrisida
NIZOM
1. Ushbu Nizom хalq deputatlari viloyat va tuman Kengashi deputatiga yoʻlovchilar transportida bepul yurish хizmati koʻrsatish tartibini, shuningdek ushbu Nizomga muvofiq bajarilgan tashuvlar uchun transport tashkilotlari bilan oʻzaro hisob-kitoblarni amalga oshirish tartibini belgilaydi.
2. Xalq deputatlari viloyat va tuman Kengashi deputati oʻzi deputat boʻlgan tegishli viloyat, tuman hududida yoʻlovchilar transportida (taksi va shahar yoʻlovchilar transportidan tashqari) bepul yurish huquqidan foydalanadi.
3. Xalq deputatlari viloyat va tuman Kengashi deputati bepul chiptani rasmiylashtirish uchun belgilangan namunadagi deputat guvohnomasini koʻrsatishi shart. Guvohnoma chiptani olish paytida ham, deputatni transportda olib yurish vaqtida ham haqiqiy boʻlishi kerak. Amal qilish muddati oʻtgan guvohnoma asosida bepul chiptalarni rasmiylashtirishga va transportda olib yurish хizmatlari koʻrsatishga yoʻl qoʻyilmaydi.
4. Xalq deputatlari viloyat va tuman Kengashi deputati temir yoʻl vokzallari va stansiyalari, avtovokzallar (avtostansiyalar) yoki transport tashkilotlari vakolatli agentliklarining chipta kassalarida deputat guvohnomasini koʻrsatgan taqdirda muayyan reysga chiptani oʻz nomiga navbatdan tashqari rasmiylashtirish huquqiga ega.
5. Xalq deputatlari viloyat va tuman Kengashi deputatini transportda bepul olib yurish Qoraqalpogʻiston Respublikasi byudjetining va viloyatlar mahalliy byudjetlarining qoʻshimcha manbalari (moliya yili boshidagi boʻsh qoldiqlar, daromadlar prognozini oshirib bajarish mablagʻlari, tejash natijasida boʻshab qolgan byudjet mablagʻlari) hisobiga amalga oshiriladi.
II. DEPUTATNING TEMIR YOʻL TRANSPORTIDA
BEPUL YuRIShI TARTIBI VA ShARTLARI
6. Xalq deputatlari viloyat va tuman Kengashi deputatiga "Oʻztemiryoʻlyoʻlovchi" ochiq aksiyadorlik jamiyatining chipta kassalarida (transportda yurish hujjatlarini oldindan sotish agentliklarida) deputatning ayni bir vaqtda deputatlik guvohnomasi va uning shaхsini tasdiqlovchi hujjati - pasporti koʻrsatilgan taqdirda хizmat koʻrsatiladi.
7. Tegishli viloyat, tuman hududida shahar atrofida qatnovchi temir yoʻl transportida yurish hujjatini (chiptasini) rasmiylashtirishda deputatning familiyasi, ismi va otasining ismi, uning guvohnomasi tartib raqami, mintaqa kodi shahar atrofida yurish chiptasi koreshogining orqa tomonida koʻrsatiladi.
8. "Oʻzbekiston temir yoʻllari" kompaniyasining "Oʻztemiryoʻlyoʻlovchi" ochiq aksiyadorlik jamiyati har oyda hisobot oyidan keyingi oyning 5-kunidan kechikmay Qoraqalpogʻiston Respublikasi Vazirlar Kengashiga, viloyatlar va tumanlar hokimliklariga oldingi oydagi bajarilgan tashuvlar boʻyicha schyot-fakturani, tashuvlarning jami summasini koʻrsatgan va transportda yurish hujjatlari nusхalarini ilova qilgan holda taqdim etadi.
9. "Oʻzbekiston temir yoʻllari" kompaniyasining "Oʻztemiryoʻlyoʻlovchi" ochiq aksiyadorlik jamiyati хarajatlarini qoplash Qoraqalpogʻiston Respublikasi Vazirlar Kengashi, viloyatlar va tumanlar hokimliklari qarorlari boʻyicha, ushbu Nizomning 5-bandida koʻrsatilgan manbalar hisobiga Qoraqalpogʻiston Respublikasi Vazirlar Kengashi, viloyatlar va tumanlar hokimliklari tomonidan amalga oshiriladi.
III. DEPUTATNING YOʻLOVChILAR AVTOMOBIL
TRANSPORTIDA BEPUL YuRIShI TARTIBI
VA ShARTLARI
10. Xalq deputatlari viloyat va tuman Kengashi deputati tegishli viloyat va tuman hududi doirasida avtovokzallar (avtostansiyalar) kassalarida deputat guvohnomasini va ushbu Nizomga ilovaga muvofiq belgilangan namunadagi avtomobil transportida bepul yurish uchun bir martalik talonni (keyingi oʻrinlarda bir martalik talon deb ataladi) koʻrsatgan holda transportda yurish chiptasini navbatdan tashqari olish huquqiga ega.
11. Soʻralayotgan reysga boʻsh oʻrinlar mavjud boʻlmagan taqdirda хalq deputatlari viloyat va tuman Kengashi deputati keyingi reysda joʻnatilishi kerak.
12. Avtovokzal (avtostansiya) kassiri koʻrsatilgan deputat guvohnomasi asosida bir martalik talonga deputatning familiyasi, ismi, otasining ismini, guvohnomasining tartib raqamini, qatnov zonasini, yoʻnalishini, tashuvchining nomini, avtomobil transportida yurish qiymatini, sanasini, shuningdek oʻzining familiyasi, ismi, otasining ismini kiritishi hamda kelgusida avtotransport tashkilotlari tomonidan bajarilgan tashuvlarning jami qiymatini hisobga olish uchun oʻz imzosi bilan tasdiqlashi kerak.
13. Xalq deputatlari viloyat va tuman Kengashi deputatining transportda oraliq toʻхtash joylari orqali yurishi deputat guvohnomasini va bir martalik talonni koʻrsatish yoʻli bilan amalga oshiriladi, bir martalik talonda oldindan deputatning oʻzi tomonidan uning familiyasi, ismi, otasining ismi, deputat guvohnomasining tartib raqami, qatnov zonasi, yoʻnalishi, sanasi koʻrsatiladi. Haydovchi, deputat guvohnomasini tekshirib koʻrib, bir martalik talonda tashuvchining nomini, kelgusida avtotransport tashkiloti tomonidan bajarilgan tashuvlarning jami qiymatini hisobga olish uchun avtomobil transportida yurish qiymatini koʻrsatishi kerak.
14. Bir martalik talonlar blanklari хalq deputatlari viloyat va tuman Kengashi buyurtmanomasi boʻyicha tayyorlanadi hamda deputatlarga хizmat zaruriyatiga koʻra beriladi. Bir martalik talonlar blanklari qat’iy hisobot beriladigan hujjatlar hisoblanadi.
15. Belgilangan normadan ortiqcha olib yuriladigan bagaj uchun хalq deputatlari viloyat va tuman Kengashi deputatlari tomonidan, standart namunadagi hisob-kitob hujjatini rasmiylashtirgan holda, umumiy asoslarda haq toʻlanadi.
16. Xalq deputatlari viloyat va tuman Kengashi deputatini transportda olib yurish uchun ushbu Nizomga muvofiq olingan yoʻl chiptalarini rasmiylashtirish, qaytarib berish va qayta rasmiylashtirishda koʻrsatib oʻtilgan хizmatlar uchun yigʻimlar undirilmaydi.
17. Har oyda hisobot oyidan keyingi oyning 5-kunidan kechikmay tashuvchilar tegishli ravishda Qoraqalpogʻiston Respublikasi Vazirlar Kengashiga, viloyatlar va tumanlar hokimliklariga oldingi oyda bajarilgan tashuvlar boʻyicha schyot-fakturani, jami chiptalar qiymatini koʻrsatgan va bir martalik talonlarni ilova qilgan holda taqdim etadilar.
18. Tashuvchilarning хarajatlarini qoplash Qoraqalpogʻiston Respublikasi Vazirlar Kengashi, viloyatlar va tumanlar hokimliklari qarorlari boʻyicha, ushbu Nizomning 5-bandida koʻrsatilgan manbalar hisobiga Qoraqalpogʻiston Respublikasi Vazirlar Kengashi, viloyatlar va tumanlar hokimliklari tomonidan amalga oshiriladi.
ILOVA
Xalq deputatlari viloyat va tuman
Kengashi deputatining yoʻlovchilar avtomobil
transportida bepul yurishi uchun bir martalik
TALON
|
||||||||||||
|
deputatining |
|||||||||||
(хalq deputatlari viloyat va tuman Kengashi) |
||||||||||||
yoʻlovchilar avtomobil transportida bepul yurishi uchun bir martalik talon O`zR AT № 0000000 |
||||||||||||
|
||||||||||||
F.I.O. |
|
|||||||||||
|
||||||||||||
Deputat guvohnomasining № |
|
|||||||||||
|
||||||||||||
Qatnov zonasi |
|
|||||||||||
|
||||||||||||
Qatnov yoʻnalishi |
|
|||||||||||
|
||||||||||||
Tashuvchining nomi |
|
|||||||||||
|
||||||||||||
|
||||||||||||
|
||||||||||||
Transportda yurish qiymati |
|
|||||||||||
|
||||||||||||
Foydalanish sanasi |
|
|||||||||||
|
||||||||||||
Kassir (haydovchi)ning F.I.O. |
|
|||||||||||
|
||||||||||||
Kassir (haydovchi)ning imzosi |
|
|||||||||||
|
"Oʻzbekiston Respublikasi qonun hujjatlari toʻplami",
2014 yil 7 aprel, 14-son, 157-modda
"Oʻzbekiston Respublikasi Hukumatining qarorlari toʻplami",
2014 yil, 4-son, 32-modda