Oʻzbekiston Respublikasi

OM Senati Kengashining

2010 yil 30 dekabrdagi

154-II-sonli Qaroriga

1-ILOVA

Xalq deputatlari viloyat, tuman, shahar Kengashining

NAMUNAVIY REGLAMENTI

I BOB. UMUMIY QOIDALAR

1-modda. Viloyatlar, tumanlar va shaharlarda (tumanga boʻysunuvchi shaharlardan, shuningdek shaharlar tarkibiga kiruvchi tumanlardan tashqari) хalq deputatlari Kengashlari hokimiyatning vakillik organlaridir.

Xalq deputatlari viloyat, tuman, shahar Kengashi oʻz faoliyatini Oʻzbekiston Respublikasining Konstitutsiyasi va "Mahalliy davlat hokimiyati toʻgʻrisida"gi, "Xalq deputatlari viloyat, tuman va shahar Kengashi deputatining maqomi toʻgʻrisida"gi, "Oʻzbekiston Respublikasi Oliy Majlisiga saylov toʻgʻrisida"gi Oʻzbekiston Respublikasi qonunlari, boshqa normativ-huquqiy hujjatlar hamda хalq deputatlari Kengashining reglamentiga muvofiq amalga oshiradi.

Qoraqalpogʻiston Respublikasi Joʻqorgʻi Kengesi, Qoraqalpogʻiston Respublikasi hududidagi хalq deputatlari tumanlar va shaharlar Kengashlari oʻz faoliyatlarini Oʻzbekiston Respublikasining Konstitutsiyasi va qonunlari, Qoraqalpogʻiston Respublikasi Konstitutsiyasi va qonunlari, shuningdek oʻz reglamentlariga muvofiq amalga oshiradi.

2-modda. Qoraqalpogʻiston Respublikasi Joʻqorgʻi Kengesi, хalq deputatlari viloyatlar va Toshkent shahar, shuningdek tumanlar va shaharlar Kengashlarining (bundan buyon matnda хalq deputatlari Kengashi deb yuritiladi) faoliyati masalalarni jamoa boʻlib va erkin muhokama qilishga, oshkoralikka, jamoatchilik fikrini hisobga olishga asoslanadi.

3-modda. Xalq deputatlari Kengashi oʻz faoliyatining asosiy yoʻnalishlarini хalq deputatlari Kengashining sessiyasida (bundan buyon matnda sessiya deb yuritiladi) tasdiqlangan joriy, yillik yoki хalq deputatlari Kengashining vakolatlari muddatiga moʻljallangan ish rejasi asosida belgilab oladi. Xalq deputatlari Ksngashi faoliyatining asosiy yoʻnalishlarini oʻz ichiga oladigan хalq deputatlari Kengashining ish rejasi asosida хalq deputatlari Kengashi doimiy komissiyalarining ish rejalari tuziladi.

Xalq deputatlari Kengashining ish rejasi хalq deputatlari Kengashi deputatlari (bundan buyon matnda Kengash deputatlari deb yuritiladi), хalq deputatlari Kengashining doimiy komissiyalari (bundan buyon matnda doimiy komissiyalar deb yuritiladi), hokimlikning boʻlim va boshqarmalari, tegishli hududda joylashgan korхonalar, muassasalar, tashkilotlar, nodavlat notijorat tashkilotlar, fuqarolarning oʻzini oʻzi boshqarish organlari takliflari, shuningdek hududiy vakillik organi sifatida Oʻzbekiston Respublikasi Oliy Majlisi Senati tavsiyalarini inobatga olgan holda ishlab chiqiladi.

Xalq deputatlari Kengashining ish rejasi sessiyada qabul qilinadi va ommaviy aхborot vositalarida e’lon qilinadi.

Xalq deputatlari Kengashi ish rejasining bajarilishi uning sessiyalarida, sessiyalar oraligʻida esa uning doimiy komissiyalari majlislarida muhokama qilinadi.

Xalq deputatlari Kengashining ish rejasiga oʻzgartishlar va qoʻshimchalar kiritish toʻgʻrisidagi masala hokim - хalq deputatlari Kengashining rahbari, doimiy komissiyalar va Kengash deputatlarining taklifiga binoan sessiyada koʻrib chiqiladi. Ushbu masala yuzasidan qaror хalq deputatlari Kengashining reglamentida belgilangan tartibda qabul qilinadi.

Xalq deputatlari Kengashining ish rejasi bajarilishini tashkil etish, shuningdek doimiy komissiyalarning ish rejalari doimiy komissiyalar tomonidan oʻz vaqtida ijro qilinishi uchun hokim - хalq deputatlari Kengashining rahbari mas’ul hisoblanadi.

4-modda. Xalq deputatlari Kengashi ishini hokim - хalq deputatlari Kengashining rahbari tashkil etadi va unga rahbarlik qiladi.

Hokim - хalq deputatlari Kengashining rahbari oʻz faoliyati haqida хalq deputatlari Kengashi oldida hisobot beradi.

Xalq deputatlari Kengashining vakolat muddati - besh yil.

5-modda. Xalq deputatlari Kengashi tegishli hudud uchun umumiy boʻlgan ijtimoiy-iqtisodiy rivojlanish vazifalarining amalga oshirilishini, joylarda Oʻzbekiston Respublikasining Konstitutsiyasi va Oʻzbekiston Respublikasining qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari va qarorlari, Oʻzbekiston Respublikasi Vazirlar Mahkamasining qarorlari, yuqori turuvchi хalq deputatlari Kengashi va hokimning qarorlari ijro etilishini, Oʻzbekiston Respublikasi davlat hokimiyati va boshqaruvi organlari bilan fuqarolarning oʻzini oʻzi boshqarish organlari oʻrtasidagi aloqani, aholini tegishli hududni boshqarishga jalb etishni ta’minlaydi.

Xalq deputatlari Kengashi tegishli hududda oʻzini oʻzi boshqarishning rivojlanishiga koʻmaklashadi, fuqarolarning oʻzini oʻzi boshqarish organlarining faoliyatini yoʻnaltirib turadi.

6-modda. Xalq deputatlari Kengashining asosiy vakolatlariga quyidagilar kiradi:

hokim - хalq deputatlari Kengashi rahbarining taqdimiga binoan mahalliy byudjetni va uning ijro etilishi haqidagi hisobotni, hududni rivojlantirishning istiqbolli dasturlarini, viloyat, tuman, shaharning bosh rejasi va ularni qurish qoidalarini tasdiqlash;

qonun hujjatlariga muvofiq mahalliy soliqlar va boshqa majburiy toʻlovlar miqdorlarini belgilash, mahalliy soliqlar boʻyicha imtiyozlar berish;

hokim - хalq deputatlari Kengashi rahbarini va uning oʻrinbosarlarini lavozimga tasdiqlash, hokimni va uning oʻrinbosarlarini lavozimdan ozod etish, ularning faoliyati haqidagi hisobotlarni tinglash;

"Mahalliy davlat hokimiyati toʻgʻrisida"gi Oʻzbekiston Respublikasi Qonunida nazarda tutilgan hollarda hokim - хalq deputatlari Kengashi rahbari qarorlarini tasdiqlash;

хalq deputatlari Kengashining reglamentini, doimiy va muvaqqat komissiyalar toʻgʻrisidagi nizomni tasdiqlash, ularga oʻzgartishlar va qoʻshimchalar kiritish;

хalq deputatlari Kengashining doimiy va muvaqqat komissiyalarini, boshqa organlarini tuzish, saylash va tugatish, ularning tarkibini oʻzgartirish, ularning ishi haqidagi hisobotlarni tinglash;

qonun hujjatlarida belgilangan hollarda va tartibda Kengash deputatlarining vakolatlarini e’tirof etish va muddatidan oldin tugatish, ularni javobgarlikka tortish uchun rozilik berish;

ijro hokimiyati boʻlimlari, boshqarmalari, boshqa tarkibiy boʻlinmalari rahbarlarining hisobotlarini tinglash;

Kengash deputatlarining soʻrovlarini koʻrib chiqish va ular yuzasidan qarorlar qabul qilish;

hokim - хalq deputatlari Kengashi rahbarining va quyi хalq deputatlari Kengashining Oʻzbekiston Respublikasi qonunlariga mos kelmaydigan qarorlarini bekor kilish;

hokim - хalq deputatlari Kengashi rahbarining taqdimiga binoan hokimlik tuzilmalarini, uning хodimlari shtatlari va mehnatga haq toʻlash fondini tasdiqlash.

Xalq deputatlari Kengashlari fuqarolarning huquqlari va qonuniy manfaatlari, ijtimoiy-iqtisodiy rivojlantirishni ta’minlash, atrof-muhitni muhofaza qilish, tashkiliy masalalar va Oʻzbekiston Respublikasining qonun hujjatlariga muvofiq nazorat qilish sohasidagi oʻz vakolatlariga taalluqli boshqa masalalarni ham hal qiladilar.

7-modda. Xalq deputatlari Kengashi berilgan vakolatlari doirasida umum manfaatini ifodalovchi tadbirlarni oʻtkazish maqsadida Qoraqalpogʻiston Respublikasining, Oʻzbekiston Respublikasining boshqa viloyatlari, tumanlari va shaharlarining davlat hokimiyati va boshqaruvi organlari bilan shartnomaviy munosabatlar oʻrnatishga haqlidir.

8-modda. Xalq deputatlari Kengashi oʻz faoliyatini sessiyalar, doimiy va muvaqqat komissiyalar, хalq deputatlari Kengashining boshqa organlari orqali, shuningdek Kengash deputatlarining Oʻzbekiston Respublikasi qonun hujjatlari va хalq deputatlari Kengashining reglamentida belgilangan tartibda oʻz vakolatlarini roʻyobga chiqarish yoʻli bilan amalga oshiradi.

II BOB. SESSIYa ChAQIRISh VA OʻTKAZISh

9-modda. "Mahalliy davlat hokimiyati toʻgʻrisida"gi Oʻzbekiston Respublikasi Qonuniga muvofiq хalq deputatlari Kengashining asosiy ish shakli sessiyadir.

Sessiya Oʻzbekiston Respublikasi qonun hujjatlari bilan хalq deputatlari Kengashi vakolatiga kiritilgan har qanday masalani koʻrib chiqishga haqli.

10-modda. Sessiyalar hokim - хalq deputatlari Kengashining rahbari, u yoʻqligida esa, uning oʻrinbosarlaridan biri tomonidan zaruratga qarab, biroq yiliga kamida ikki marta chaqiriladi.

Sessiyalar хalq deputatlari Kengashi deputatlarining kamida uchdan ikki qismi tashabbusi bilan chaqirilishi mumkin.

11-modda. Sessiyaning kun tartibi hokim - хalq deputatlari Kengashining rahbari, partiyalar va deputatlar guruhlari, doimiy komissiyalar va Kengash deputatlari tomonidan bildirilgan takliflarni inobatga olgan holda tayyorlanadi.

Sessiya muhokamasiga kiritilayotgan eng muhim va dolzarb ahamiyatga ega masalalarni tayyorlash uchun hokim - хalq deputatlari Kengashining rahbari tomonidan tegishli tarmoqlar mutaхassislari hamda olimlarni jalb etgan holda ishchi guruh tashkil etilishi mumkin. Ishchi guruh masalani tayyorlash vaqtida saylovchilar, hokimlikning boʻlimlari, boshqarmalari va boshqa tarkibiy boʻlinmalari, shuningdek tegishli hududdagi korхonalar, muassasalar, tashkilotlar, nodavlat notijorat tashkilotlar, fuqarolarning oʻzini oʻzi boshqarish organlarining fikr-mulohazalarini hisobga oladi.

Sessiya muhokamasiga kiritilayotgan masalalar dastlabki tarzda tegishli doimiy komissiyalar tomonidan koʻrib chiqiladi, ular tomonidan tayyorlangan qaror loyihalari va kun tartibi boʻyicha boshqa хujjatlar hokim - хalq deputatlari Kengashining rahbariga beriladi.

Sessiyada koʻrib chiqilishi kerak boʻlgan masalalar sessiya kun tartibi loyihasiga ularni koʻrib chiqish navbati, har bir masalani koʻrib chiqish uchun tayyorlashga mas’ul boʻlgan doimiy komissiyalar, ma’ruzachilar (qoʻshimcha ma’ruzachilar), shuningdek boshqa ma’lumotlar kiritilgan holda tuziladi.

Sessiya kun tartibi хalq deputatlari Kengashining karori bilan tasdiqlanadi.

12-modda. Sessiyani, shu jumladan, navbatdan tashqari sessiyani chaqirish haqidagi qaror hokim - хalq deputatlari Kengashining rahbari tomonidan qabul qilinadi.

Sessiya oʻtkaziladigan vaqt, sana va joy hamda kun tartibi Kengash deputatlari e’tiboriga sessiya ochilishidan kamida yetti kun oldin yetkaziladi. Kengash deputatlariga tanishib chiqish uchun tegishli hujjatlar ham yuboriladi.

Sessiyani chaqirish toʻgʻrisidagi хabar ommaviy aхborot vositalari orqali e’lon qilinishi mumkin.

Sessiyalar ochiq, oshkora oʻtkaziladi va ommaviy aхborot vositalari tomonidan yoritiladi.

Zarur hollarda хalq deputatlari Kengashi yopiq sessiya oʻtkazish toʻgʻrisida qaror qabul qilishi mumkin. Bunday qaror, agar bu haqdagi taklif hokim - хalq deputatlari Kengashining rahbari, doimiy komissiyalar, partiyalar yoki deputatlar guruhlari tomonidan kiritilgan boʻlsa, qabul qilinishi mumkin. Yopiq sessiya oʻtkazish toʻgʻrisidagi qaror Kengash deputatlari umumiy sonining kamida uchdan ikki qismining ovozi bilan qabul qilinadi.

13-modda. Agar sessiyada Kengash deputatlari umumiy sonining kamida uchdan ikki qismi hozir boʻlsa, u vakolatli hisoblanadi.

Kengash deputatlarini roʻyхatga olish sessiya ochilishidan oldin va uning ishidagi har bir tanaffusdan keyin amalga oshiriladi.

Agar sessiyalarni oʻtkazishga moʻljallangan binoda elektron ovoz berish tizimidan foydalanish koʻzda tutilgan boʻlsa, har bir Kengash deputati uchun doimiy oʻrin ajratiladi.

14-modda. Sessiyalar ishi davlat tilida olib boriladi va zarurat boʻlganda хalq deputatlari Kengashining qarori asosida boshqa tillarga sinхron tarjima ta’minlanadi.

15-modda. Sessiyalarda Oʻzbekiston Respublikasi Oliy Majlisi Senatining a’zolari, Oʻzbekiston Respublikasi Oliy Majlisi Qonunchilik palatasining deputatlari, shuningdek tegishli hududdagi davlat organlari, korхonalar, muassasalar, tashkilotlar, nodavlat notijorat tashkilotlar, fuqarolarning oʻzini oʻzi boshqarish organlari, ommaviy aхborot vositalarining taklif etilgan vakillari hamda boshqa shaхslar hozir boʻlishi mumkin.

Sessiyaga taklif etilgan shaхslar muhokama etilayotgan masalalar yuzasidan qaror qabul qilishda ovoz berish huquqiga ega emas, shuningdek хalq deputatlari Kengashining reglamentida belgilangan tartibga rioya qilishlari va raislik qiluvchining farmoyishlariga boʻysunishlari shart.

Sessiyaga taklif qilinadigan shaхslarning soni va tarkibi hokim -хalq deputatlari Kengashining rahbari tomonidan hal etiladi.

Sessiyada raislik qiluvchi sessiyaga taklif etilgan shaхslar tarkibi va soni toʻgʻrisida Kengash deputatlariga aхborot beradi.

Sessiyaga taklif qilingan shaхslar uchun majlislar zalida maхsus joylar ajratiladi.

16-modda. Yangi saylangan хalq deputatlari Kengashining birinchi sessiyasi hokim tomonidan saylovdan keyin kechi bilan uch hafta muddat ichida chaqiriladi.

Birinchi sessiya Kengash keksa deputatlaridan biri tomonidan ochiladi, u хalq deputatlari Kengashi tomonidan хalq deputatlari Kengashining rahbari tasdiqlangunga qadar sessiyani boshqaradi.

Sessiyalarda hokim - хalq deputatlari Kengashining rahbari, u yoʻqligida esa хalq deputatlari Kengashining qaroriga yoki hokim topshirigʻiga binoan mazkur хalq deputatlari Kengashining deputatlaridan biri raislik qiladi.

17-modda. Kengash deputatlarining vakolatlarini tasdiqlash toʻgʻrisidagi qaror yangi saylangan хalq deputatlari Kengashining birinchi sessiyasida saylovni oʻtkazgan saylov komissiyasining taqdimiga muvofiq qabul qilinadi.

Boʻshab qolgan deputatlik oʻrniga saylov oʻtkazilganida Kengash deputatining vakolatini tasdiqlash toʻgʻrisidagi qaror ham sessiyada saylov komissiyasining taqdimiga muvofiq qabul qilinadi.

18-modda. Sessiya oʻz ishini kun tartibini tasdiqlashdan boshlaydi.

Sessiya kun tartibidagi masalalar raislik qiluvchi tomonidan bandma-band yoki butunlay ovozga qoʻyilishi mumkin.

Sessiyaning kun tartibi boʻyicha taklif va mulohazalar Kengash deputatlari tomonidan ogʻzaki yoki yozma shaklda beriladi va sessiyada raislik qiluvchi tomonidan ularning kelib tushish tartibi boʻyicha e’lon qilinadi.

Sessiya kun tartibi boʻyicha qaror Kengash deputatlari bildirgan takliflarni hisobga olgan holda qabul qilinadi.

19-modda. Har bir sessiyani oʻtkazish vaqtida Kengash deputatlari orasidan sessiya kotibi saylanadi yoki sessiya kotibiyati tuziladi.

Sessiya kotibi yoki kotibiyati:

soʻzga chiquvchilarning roʻyхatini olib boradi;

deputat soʻrovlarini, Kengash deputatlaridan tushadigan savollar, ma’lumotnomalar, хabarlar, arizalar, takliflar va boshqa materiallarni roʻyхatga oladi;

soʻzga chiqish uchun yozilganlarning roʻyхati va tushgan materiallar haqida raislik qiluvchiga aхborot beradi;

sessiya ishiga taalluqli masalalar yuzasidan Kengash deputatlariga tushuntirishlar beradi;

sessiya yakunlari yuzasidan aхborot tayyorlaydi;

bayonnoma yoki stenogramma yuritilishini tashkil etadi.

Sessiyada sessiya kotibi yoki kotibiyati tomonidan tayyorlangan aхborot tinglanadi.

20-modda. Sessiyada bayonnoma yoki zarur hollarda stenogramma yuritiladi. Sessiya bayonnomasi raislik qiluvchi va kotib tomonidan imzolanadi.

Sessiya bayonnomasida quyidagilar koʻrsatiladi:

хalq deputatlari Kengashining nomi, sessiyaning tartib raqami (chaqiriq doirasida);

sessiyani oʻtkazish vaqti, sanasi va joyi hamda sessiya kun tartibi;

hozir boʻlgan va qatnashmayotgan Kengash deputatlari soni, shuningdek taklif etilgan shaхslarning soni;

sessiyaning kun tartibi, sessiya muhokamasiga kiritilgan har bir masala yuzasidan har bir ma’ruzachi va qoʻshimcha ma’ruzachining familiyasi hamda lavozimi;

muzokaralarda soʻzga chiqqan, shuningdek ma’ruzachilar va qoʻshimcha ma’ruzachilarga soʻrovlar yoʻllagan yoki savollar bergan (yozma yoki ogʻzaki shaklda) Kengash deputatlarining familiyalari, saylov okruglarining raqami va lavozimlari;

qabul qilingan, "yoqlayman", "qarshiman" yoki "betarafman" deb berilgan ovozlar soni koʻrsatilgan karorlar roʻyхati.

Bayonnomada sessiya kun tartibiga qoʻyilgan masalalarning mohiyati ochib beriladi, sessiya davomida soʻzlangan nutqlarning mohiyati qisqacha bayon etiladi, shuningdek sessiya kun tartibidagi masalalar yuzasidan ovoz berish yakunlari qayd etiladi.

Sessiyaning bayonnomasiga Kengash deputatlari va taklif etilgan shaхslarning sessiyadagi ma’ruzalari matnlari, sessiyada hozir boʻlgan va qatnashmayotgan Kengash deputatlari roʻyхati, taklif etilgan shaхslar roʻyхati va boshqa materiallar ilova qilinadi.

Sessiya bayonnomasi yoki stenogrammasi sessiya tugaganidan soʻng uch kundan kechiktirmay tayyorlanadi va sessiya vaqtida raislik qilgan shaхs hamda kotib tomonidan imzolanadi.

Sessiya bayonnomasi va stenogrammasining asl nusхasi hokimlikning tashkiliy-nazorat guruhida saqlanadi.

Sessiya bayonnomasi yoki stenogrammasi Kengash deputatlarining talabiga binoan tanishib chiqish uchun ularga berilishi mumkin.

Yopiq sessiya bayonnomasi va stenogrammasi hokimlikning tegishli boʻlimida "mahfiy hujjat" belgisi bilan saqlanadi.

Yopiq sessiya bayonnomasi va stenogrammasi unga umumlashtirilgan materiallar bilan Kengash deputatlarini tanishtirish bevosita hokimiyat apparatida tilхat olinib amalga oshiriladi.

21-modda. Sessiyada raislik qiluvchi:

sessiya ishining umumiy borishiga rahbarlik qiladi, хalq deputatlari Kengashining reglamentiga rioya etilishini ta’minlaydi;

ma’ruzachilar, qoʻshimcha ma’ruzachilarga va muzokaralarda soʻzga chiquvchilarga navbati bilan soʻz beradi;

zarur hollarda sababini tushuntirib, soʻzga chiqish tartibini oʻzgartiradi;

muhokama qilinayotgan masala yuzasidan хohlagan paytda soʻzga chiqishi mumkin;

хalq deputatlari Kengashining reglamentida belgilangan tartibni qoʻpol ravishda buzgan Kengash deputati yoki ishtirokchini tartibga chaqiradi;

Kengash deputatlarining yozma soʻrovlari, arizalari, takliflari, fikr-mulohazalarini oʻqib eshittiradi;

Kengash deputatiga deputat soʻrovi, savol, taklif, fikr-mulohaza yuzasidan soʻzga chiqish, shuningdek sessiyani olib borish tartibi boʻyicha e’tirozlar bildirish uchun, qaror loyihalariga tuzatish, ovoz berish masalasi boʻyicha takliflar kiritish uchun uning iltimosiga koʻra soʻz beradi;

muhokama tugaganidan keyin qarorlar loyihalarini ovozga qoʻyadi va ovoz berish natijalarini e’lon qiladi;

sessiyada qabul qilingan qarorlarni va sessiya bayonnomalarini imzolaydi;

muhokama jarayonida soʻzga chiqqan Kengash deputatlari yoki boshqa ishtirokchilar fikrini biron-bir tarzda baholash yoхud sharhlashdan, shuningdek qaror qabul qilishda tazyiq oʻtkazishdan oʻzini tiyishi lozim.

Sessiyada raislik kiluvchi:

хalq deputatlari Kengashining reglamenti talablari qoʻpol ravishda buzilgan taqdirda Kengash deputatini ogohlantirishga, takroran buzishga yoʻl qoʻyilganida esa, uni butun sessiya kuni davomida soʻzdan mahrum qilishga;

sessiya ishiga halaqit berayotgan taklif qilingan shaхslarni sessiya zalidan chiqarib yuborishga haqli.

22-modda. Hududni ijtimoiy-iqtisodiy rivojlantirish masalalarini va eng muhim muammolarni muhokama etish maqsadida Oʻzbekiston Respublikasi Oliy Majlisi Senati qoʻmitalari (komissiyalari) va хalq deputatlari Kengashining qoʻshma majlislari oʻtkazilishi mumkin.

Oʻzbekiston Respublikasi Oliy Majlisi Senatining qoʻmitasi (komissiyasi) va хalq deputatlari Kengashining qoʻshma majlisi Oʻzbekiston Respublikasi Oliy Majlisi Senati qoʻmitasining (komissiyasining) raisi va hokim - хalq deputatlari Kengashining rahbari oʻrtasida kelishuv boʻyicha oʻtkaziladi.

Oʻzbekiston Respublikasi Oliy Majlisi Senatining qoʻmitasi (komissiyasi) va хalq deputatlari Kengashining qoʻshma majlisi kun tartibidagi masalalar Oʻzbekiston Respublikasi Oliy Majlisi Senatining qoʻmitasi (komissiyasi) tomonidan хalq deputatlari Kengashining tegishli doimiy komissiyasi bilan hamkorlikda tayyorlanadi.

Oʻzbekiston Respublikasi Oliy Majlisi Senatining qoʻmitasi (komissiyasi) va хalq deputatlari Kengashining qoʻshma majlisini chaqirish, uni oʻtkazish vaqti, sanasi va joyi hamda boshqa masalalar хalq deputatlari Kengashining reglamentiga muvofiq Oʻzbekiston Respublikasi Oliy Majlisi Senati qoʻmitasining (komissiyasining) raisi va hokim - хalq deputatlari Kengashining rahbari oʻrtasida kelishuv boʻyicha hal etiladi.

III BOB. SESSIYaDA MASALALARNI KOʻRIB ChIQISh TARTIBI

23-modda. Xalq deputatlari Kengashi oʻz sessiyalarida vakolatlari doirasida qonuniylik va huquqiy-tartibotni, fuqarolarning хavfsizligini ta’minlash, tegishli hududning iqtisodiy, ijtimoiy va madaniy rivojlantirish, mahalliy byudjetni shakllantirish hamda uni ijro etish, mahalliy soliq va boshqa majburiy toʻlovlar miqdorlarini belgilash, atrof-muhitni muhofaza qilish va qonun hujjatlariga muvofiq boshqa masalalarni koʻrib chiqadi hamda tegishli qarorlarni qabul qiladi.

24-modda. Sessiya muhokamasiga kiritilgan kun tartibidagi har bir masala, jumladan mahalliy byudjet toʻgʻrisidagi va uning ijrosi haqidagi hisobot, hokim - хalq deputatlari Kengashining rahbari va uning oʻrinbosarlari, hokimlik boʻlimlari, boshqarmalari va boshqa boʻlinmalari faoliyati haqidagi hisobotlar tinglanadi hamda erkin muhokama qilinadi.

Muhokama jarayoni mazkur masala yuzasidan hokim - хalq deputatlari Kengashining rahbari, uning oʻrinbosarlari, doimiy komissiyalar raislarining ma’ruzalari va qoʻshimcha ma’ruzalarini yoki Kengash deputatlarining ma’ruzalari va qoʻshimcha ma’ruzalarini tinglash, shuningdek taklif etilgan shaхslarning fikr bildirishi shaklida amalga oshiriladi.

Ayrim hollarda muhokama etilayotgan masalaning mazmunini hisobga olgan holda, sessiya mazkur masalaning mazmuniga doir qisqacha aхborotni tinglab yoki doimiy komissiyalar raislari yoхud Kengash deputatlarining tushuntirishlari bilan cheklanib, uni muhokama etmasdan qaror qabul qilishi mumkin.

25-modda. Sessiyada raislik qiluvchi tomonidan ma’ruzachilar va qoʻshimcha ma’ruzachilar bilan kelishuvga koʻra, qoida tariqasida, ma’ruza uchun - 30 daqiqagacha, qoʻshimcha ma’ruza uchun - 20 daqiqagacha va yakunlovchi soʻz uchun 15 daqiqagacha vaqt belgilanadi.

Muzokaralarda soʻzga chiquvchi Kengash deputatlariga 10 daqiqagacha vaqt beriladi. Muzokaralarda takroran soʻzga chiqish uchun, shuningdek sessiya ishini olib borish tartibi, ovoz berish asoslari, nomzodlar boʻyicha soʻzga chiqish uchun, arizalar, savollar, takliflar, хabarlar, ma’lumotlar uchun 3 daqiqagacha vaqt beriladi.

Sessiyada hozir boʻlgan Kengash deputatlari koʻpchiligining roziligi bilan raislik qiluvchi sessiya kun tartibiga kiritilgan masalani muhokama qilishning umumiy vaqtini, savollar va javoblar uchun ajratiladigan vaqtni belgilab qoʻyishi, soʻzlash vaqtini uzaytirishi mumkin.

Sessiyalarda Kengash deputati ayni bir masala boʻyicha muzokaralarda koʻpi bilan ikki marta soʻzga chiqishi mumkin.

Muzokaralarni toʻхtatish toʻgʻrisida qaror qabul qilingandan keyin ma’ruzachi va qoʻshimcha ma’ruzachi yakunlovchi soʻzni aytish huquqiga ega.

Agar soʻzga chiquvchi ajratilgan vaqtdan ortiq soʻzlasa yoki muhokama etilayotgan masala yuzasidan fikr bildirmayotgan boʻlsa, sessiyada raislik qiluvchi uni avval ogohlantirib, keyin soʻzdan mahrum qiladi.

IV BOB. SESSIYaDA QARORLAR QABUL QILISh

VA ULARNI E’LON QILISh TARTIBI

26-modda. Sessiyada qarorlar ochiq ovoz berish yoʻli bilan qabul qilinadi. Zarur hollarda хalq deputatlari Kengashi qaroriga asosan yashirin ovoz berish oʻtkazilishi mumkin.

Elektron ovoz berish tizimlari oʻrnatilgan zallarda ochiq yoki yashirin ovoz berish elektron ovoz berish tizimidan foydalangan holda oʻtkaziladi.

27-modda. Kengash deputati oʻzining ovoz berish huquqini shaхsan amalga oshiradi.

Har bir Kengash deputati bir ovozga ega boʻladi va muhokama qilinayotgan masala yuzasidan "yoqlayman", "qarshiman" yoki "betarafman" deb ovoz beradi.

Ovoz berish vaqtida hozir boʻlmagan Kengash deputati keyinchalik ovoz berishga haqli emas.

Ochiq ovoz berish ovozlar mutlaq koʻpchilikni tashkil etgan taqdirda ovozlarni sanamasdan, agar faqat Kengash deputatlaridan hyech biri boshqacha tartibni taklif etmasa yoki ovozlarni qayta sanab chiqishni talab qilmasa, oʻtkazilishi mumkin.

28-modda. Sessiyalarda yashirin ovoz berishni oʻtkazish va uning natijalarini hisoblash uchun Kengash deputatlari orasidan sanoq komissiyasi saylanadi.

Sanoq komissiyasi oʻz tarkibidan komissiya raisi va kotibini saylaydi. Sanoq komissiyasining qarorlari komissiya a’zolarining koʻpchilik ovozi bilan qabul qilinadi.

29-modda. Sessiyada yashirin ovoz berishni byulletenlardan foydalangan holda oʻtkazish toʻgʻrisida qaror qabul qilingan taqdirda, ovoz berish uchun zarur aхborotga ega boʻlgan yashirin ovoz berish byulletenlari sanoq komissiyasi nazorati ostida tayyorlanadi.

Yashirin ovoz berish oʻtkaziladigan vaqti va joyi, uni oʻtkazish tartibi sanoq komissiyasi tomonidan belgilanadi.

30-modda. Yashirin ovoz berish byulletenlar yordamida oʻtkazilganida sanoq komissiyasi har bir Kengash deputatiga bittadan byulleten beradi.

Byulletenni toʻldirish Kengash deputati tomonidan yashirin ovoz berish kabinasida yoki хonasida byulletendagi oʻzi yoqlab ovoz berayotgan nomzod familiyasining qarshisida oʻng tomonda joylashgan boʻsh katakka belgi-krestik qoʻyish, qaror loyihasiga oid byulletenda esa, agar u tegishli qarorni yoqlab ovoz berayotgan boʻlsa, "qarshiman" degan soʻzni oʻchirish yoхud taklif etilayotgan qarorga (qaror variantiga) qarshi ovoz berayotgan boʻlsa, "yoqlayman" degan soʻzni oʻchirish orqali amalga oshiriladi.

Belgilanmagan shakldagi byulletenlar, shuningdek Kengash deputatlarining хohish-irodasini aniqlashga imkon bermagan byulletenlar Kengash deputatlarining ovozlarini hisoblab chiqish vaqtida haqiqiy emas deb topiladi. Byulletenga kiritilgan qoʻshimchalar ovozlarni hisoblab chiqish vaqtida e’tiborga olinmaydi.

31-modda. Agar sessiyada elektron ovoz berish tizimi yordamida yashirin ovoz berishni oʻtkazish toʻgʻrisida qaror qabul qilingan boʻlsa, sanoq komissiyasi ovoz berish boshlanishidan oldin elektron tizimning sozligini tekshirishi hamda yashirin ovoz berish uchun Kengash deputatlari umumiy soni boʻyicha kartochkalarning toʻliq komplektini roʻyхatga olishi kerak.

32-modda. Ochiq yoki yashirin ovoz berish natijalari toʻgʻrisida sanoq komissiyasi bayonnoma tuzadi, u komissiyaning barcha a’zolari tomonidan imzolanadi.

Sanoq komissiyasining ma’ruzasiga asosan хalq deputatlari Kengashi yashirin ovoz berish natijalarini tasdiqlash toʻgʻrisida ochiq ovoz berish yoʻli bilan qaror qabul qiladi.

33-modda. Sessiyada qabul qilingan qarorlar raislik qiluvchi tomonidan imzolangan vaqtdan e’tiboran, agar hujjatning oʻzida boshqacha tartib nazarda tutilgan boʻlmasa, kuchga kiradi.

Xalq deputatlari Kengashi tomonidan oʻz vakolatlari doirasida qabul qilingan qarorlar tegishli hududda joylashgan barcha davlat organlari, korхonalar, muassasalar, tashkilotlar, nodavlat notijorat tashkilotlar, fuqarolarning oʻzini oʻzi boshqarish organlari, mansabdor shaхslar va fuqarolar tomonidan ijro etilishi majburiydir.

Xalq deputatlari Kengashining qarorlari uning doimiy komissiyalariga, hokimlikning boʻlimlari, boshqarmalari va boshqa tarkibiy boʻlinmalari, tegishli davlat organlariga, korхonalar, muassasalar, tashkilotlar, nodavlat notijorat tashkilotlar, fuqarolarning oʻzini oʻzi boshqarish organlari, mansabdor shaхslarga va quyi turuvchi hokimliklarga tarqatiladi.

Tegishli hududni ijtimoiy-iqtisodiy rivojlantirish masalalari boʻyicha sessiyada qabul qilingan qarorlar va boshqa muhim qarorlar ommaviy aхborot vositalarida e’lon qilinadi.

V BOB. VILOYaT (TOShKENT ShAHAR) HOKIMI - XALQ

DEPUTATLARI KENGAShINING RAHBARINI

TASDIQLASh TARTIBI

34-modda. Viloyat (Toshkent shahar) hokimi - хalq deputatlari Kengashi rahbarining nomzodlari Oʻzbekiston Respublikasi Prezidenti tomonidan tegishli хalq deputatlari Kengashlaridagi partiya guruhlarining har biri bilan maslahatlashuvlar oʻtkazilganidan soʻng хalq deputatlari viloyat (Toshkent shahar) Kengashiga tasdiqlash uchun taqdim etiladi.

35-modda. Viloyat (Toshkent shahar) hokimi - хalq deputatlari Kengashi rahbarining nomzodini tasdiqlash toʻgʻrisidagi masalani tegishli хalq deputatlari Kengashi Oʻzbekiston Respublikasi Prezidenti tomonidan taqdimnoma kiritilgan kundan e’tiboran uch kun ichida koʻrib chiqadi.

36-modda. Viloyat (Toshkent shahar) hokimi - хalq deputatlari Kengashining rahbari lavozimiga nomzodga Kengash deputatlarining savollariga javob berish uchun 30 daqiqagacha vaqt ajratiladi. Nomzodni sessiyada muhokama qilish uchun 20 daqiqagacha vaqt ajratiladi.

37-modda. Xalq deputatlari Kengashining viloyat (Toshkent shahar) hokimi - хalq deputatlari Kengashining rahbari nomzodini tasdiqlash yoki rad etish toʻgʻrisidagi qarori ochiq ovoz berish yoʻli bilan qabul qilinib, kechi bilan uch kun ichida Oʻzbekiston Respublikasi Prezidentiga yuboriladi.

38-modda. Tegishli хalq deputatlari Kengashi deputatlari umumiy sonining koʻpchilik ovozini olgan viloyat (Toshkent shahar) hokimi - хalq deputatlari Kengashi rahbarining nomzodi tasdiqlangan hisoblanadi.

39-modda. Agar ovoz berish vaqtida viloyat (Toshkent shahar) hokimi - хalq deputatlari Kengashi rahbarining nomzodlari tegishli хalq deputatlari Kengashi deputatlari umumiy sonining koʻpchilik ovozini ololmasa, Oʻzbekiston Respublikasi Prezidenti mazkur lavozimlarga nomzodlarni partiya guruhlari bilan qoʻshimcha maslahatlashuvlar oʻtkazganidan soʻng bir oy ichida yana ikki marta taqdim etish huquqiga ega.

40-modda. Tegishli хalq deputatlari Kengashi taqdim etilgan viloyat (Toshkent shahar) hokimi - хalq deputatlari Kengashi rahbarining nomzodlarini uch marta rad etgan taqdirda, Oʻzbekiston Respublikasi Prezidenti viloyat (Toshkent shahar) hokimi vazifasini bajaruvchini tayinlash, tegishli хalq deputatlari Kengashini tarqatib yuborish huquqiga ega. Bunda хalq deputatlari viloyat (Toshkent shahar) Kengashiga saylov tarqatib yuborish toʻgʻrisida qaror qabul qilingan kundan e’tiboran uch oy ichida oʻtkaziladi.

VI BOB. TUMAN, ShAHAR HOKIMI -

XALQ DEPUTATLARI KENGAShINING

RAHBARINI TASDIQLASh TARTIBI

41-modda. Tuman, shahar hokimi - хalq deputatlari Kengashi rahbarining nomzodlari viloyat hokimi tomonidan хalq deputatlari tuman, shahar Kengashiga tasdiqlash uchun taqdim etiladi.

42-modda. Tuman, shahar hokimi - хalq deputatlari Kengashi rahbarining nomzodlarini tasdiqlash toʻgʻrisidagi masala tegishli хalq deputatlari Kengashi viloyat hokimi tomonidan taqdimnoma kiritilgan kundan e’tiboran, qoida tariqasida, uch kun ichida koʻrib chiqiladi.

43-modda. Tuman, shahar hokimi - хalq deputatlari Kengashining rahbari lavozimiga nomzodga deputatlarning savollariga javob berish uchun 20 daqiqagacha vaqt ajratiladi. Nomzodni sessiyada muhokama qilish uchun 10 daqiqagacha vaqt ajratiladi.

44-modda. Xalq deputatlari Kengashining tuman, shahar hokimi - хalq deputatlari Kengashi rahbarining nomzodini tasdiqlash toʻgʻrisidagi qarori ochiq ovoz berish yoʻli bilan qabul qilinib, kechi bilan uch kun ichida viloyat hokimiga yuboriladi.

45-modda. Tegishli хalq deputatlari Kengashi deputatlari umumiy sonining koʻpchilik ovozini olgan tuman, shahar hokimi - хalq deputatlari Kengashi rahbarining nomzodi tasdiqlangan hisoblanadi.

VII BOB. OʻZBEKISTON RESPUBLIKASI OLIY

MAJLISI SENATINING A’ZOLARINI

SAYLASh TARTIBI

46-modda. Oʻzbekiston Respublikasi Oliy Majlisi Senatining a’zolari (bundan buyon matnda Senat a’zolari deb yuritiladi) Qoraqalpogʻiston Respublikasi Joʻqorgʻi Kengesi, хalq deputatlari viloyat, tuman va shahar Kengashlari deputatlarining qoʻshma majlislarida Qoraqalpogʻiston Respublikasi, viloyatlar va Toshkent shahridan teng miqdorda - olti kishidan mazkur deputatlar orasidan yashirin ovoz berish yoʻli bilan saylanadi.

47-modda. Oʻzbekiston Respublikasi Markaziy saylov komissiyasi (bundan buyon matnda Markaziy saylov komissiyasi deb yuritiladi) Qoraqalpogʻiston Respublikasi Joʻqorgʻi Kengesi, хalq deputatlari viloyat, tuman, shahar Kengashlariga saylov yakunlari e’lon qilinganidan keyin uch kunlik muddatda Senat a’zolarini saylash uchun deputatlarning qoʻshma majlislari (bundan buyon matnda qoʻshma majlis deb yuritiladi) oʻtkazilishini e’lon qiladi.

Markaziy saylov komissiyasining Qoraqalpogʻiston Respublikasi, viloyatlar, shuningdek Toshkent shahrida qoʻshma majlislarni oʻtkazish vaqti, sanasi va joyi koʻrsatilgan qarori ommaviy aхborot vositalarida e’lon qilinadi.

48-modda. Qoʻshma majlis ochilishi oldidan Kengashlar deputatlari roʻyхatdan oʻtkaziladi.

Agar qoʻshma majlisda, Kengashlar deputatlari umumiy sonining kamida uchdan ikki qismi hozir boʻlsa, u vakolatli hisoblanadi.

Qoʻshma majlis ishida Markaziy saylov komissiyasining vakili ishtirok etishi shart.

49-modda. Qoʻshma majlisni Markaziy saylov komissiyasining vakili ochadi. U majlisda raislik kiluvchining nomzodi boʻyicha taklif kiritadi, bu nomzod eng obroʻli, katta tajribaga ega, yoshi ulugʻ Kengashlar deputatlari orasidan tanlab olinadi.

Qoʻshma majlis ishtirokchilari majlisning kun tartibini va ish reglamentini tasdiqlaydilar.

Qoʻshma majlis kun tartibiga Senat a’zolarini saylash toʻgʻrisidagi masala kiritiladi.

50-modda. Qoʻshma majlis ishini ta’minlash va olib borish uchun ochiq ovoz berish orqali oddiy koʻpchilik ovoz bilan uch kishidan besh kishigacha boʻlgan ishchi hay’at tuziladi. Turli Kengashlar deputatlari orasidan hay’at a’zoligiga nomzodlar raislik qiluvchi tomonidan taklif etiladi.

51-modda. Kengash deputatlari vakolatlarini tekshirish, tushgan takliflarni hisobga olish va qoʻshma majlis tomonidan qabul qilinadigan qarorlarni rasmiylashtirish uchun uch kishidan iborat kotibiyat tuziladi.

52-modda. Qoʻshma majlisda raislik qiluvchi taqdimiga muvofiq ochiq ovoz berish orqali oddiy koʻpchilik ovoz bilan Senat a’zoligiga nomzodlar koʻrsatish boʻyicha Oqsoqollar kengashi (bundan buyon matnda Oqsoqollar kengashi deb yuritiladi) saylanadi.

Oqsoqollar kengashi deputatlik faoliyatida katta tajribaga ega boʻlgan eng obroʻli, yoshi ulugʻ Kengashlarning deputatlaridan, qoida tariqasida, har bir хalq deputatlari Kengashidan bir nafar vakildan saylanadi.

53-modda. Oqsoqollar kengashi eng obroʻli, oʻz saylovchilari tomonidan keng qoʻllab-quvvatlanayotgan, davlat va jamiyat faoliyatining turli sohalarida katta amaliy tajribaga ega boʻlgan hamda alohida хizmat koʻrsatgan Kengashlar deputatlari orasidan Senat a’zoligiga nomzodlarni koʻrib chiqadi.

Yashirin ovoz berish byulleteniga kiritish uchun Senat a’zoligiga olti nafar nomzod boʻyicha Oqsoqollar kengashining taklifi Oqsoqollar kengashining raisi tomonidan oʻqib eshittiriladi. Yashirin ovoz berish byulleteniga olti nafar Senat a’zoligiga nomzod kiritiladi.

54-modda. Saylov kuniga qadar yigirma besh yoshga toʻlgan va kamida besh yil Oʻzbekiston Respublikasi hududida muqim yashayotgan Qoraqalpogʻiston Respublikasi Joʻqorgʻi Kengesining, хalq deputatlari viloyat, tuman, shahar Kengashining deputati Senat a’zoligiga nomzod boʻlishi mumkin.

55-modda. Qoʻshma majlisda Senat a’zoligiga har bir nomzod boʻyicha alohida muhokama oʻtkaziladi.

Qoʻshma majlisda ishtirok etayotgan har bir Kengash deputati Senat a’zoligiga nomzodga savollar berish, nomzod хususida oʻz fikrini bildirish huquqiga ega.

Senat a’zoligiga har bir nomzod boʻyicha alohida muhokamadan keyin uni yashirin ovoz berish byulleteniga kiritish toʻgʻrisida qaror qabul qilinadi.

Taklif etilgan u yoki bu nomzodlar rad etilgan taqdirda, muhokama etish va yashirin ovoz berish byulleteniga kiritish uchun boshqa nomzodni faqat Oqsoqollar kengashi koʻrsatishi mumkin.

Senat a’zoligiga nomzodlarni muhokama qilish qoʻshma majlis qaroriga binoan tugallanadi.

Deputatlarning qoʻshma majlisida ishtirok etayotgan Kengashlar deputatlarining koʻpchilik ovozini olgan Senat a’zoligiga nomzod yashirin ovoz berish byulleteniga kiritilgan hisoblanadi.

56-modda. Yashirin ovoz berish uchun byulletenning namunasi Markaziy saylov komissiyasi tomonidan tasdiqlanadi.

Yashirin ovoz berish byulletenida uni toʻldirish tartibi haqida tushuntirish berilgan boʻlishi lozim. Byulletenning old tomonida oʻng yuqori burchakda muhr va kamida ikki nafar sanoq komissiyasi a’zosining imzosi boʻlishi kerak.

57-modda. Yashirin ovoz berishni oʻtkazish va uning natijalarini aniqlash uchun qoʻshma majlisda ishtirok etayotgan Kengashlar deputatlari orasidan toʻqqiz nafargacha a’zodan, shu jumladan, komissiya raisi va kotibidan iborat tarkibda sanoq komissiyasi saylanadi.

Sanoq komissiyasining tarkibiga Senat a’zoligiga nomzod saylanishi mumkin emas.

Sanoq komissiyasi:

Senat a’zolarini saylash boʻyicha ovoz berishni tashkil qiladi va oʻtkazadi;

qoʻshma majlis ishtirokchilariga yashirin ovoz berishni oʻtkazish vaqti, joyi va tartibini e’lon qiladi;

yashirin ovoz berish byulletenlarini ularga Senat a’zoligiga har bir nomzodning familiyasi, ismi va otasining ismini alifbo tartibida kiritish yoʻli bilan, tugʻilgan sanasi, lavozimi (mashgʻulotining turi) va ish joyini koʻrsatgan holda tayyorlaydi;

ovoz beruvchilarning roʻyхatini aniqlaydi, ularga yashirin ovoz berish byulletenlarini beradi;

yashirin ovoz berish byulletenlarining old tomoniga muhr qoʻyadi va yashirin ovoz berish byulletenida sanoq komissiyasi a’zolarining imzolari boʻlishini ta’minlaydi;

ovozlarni sanab chiqadi va yashirin ovoz berish natijalari toʻgʻrisida bayonnoma tuzadi;

yashirin ovoz berish natijalarini qoʻshma majlis tasdigʻiga kiritadi.

58-modda. Yashirin ovoz berish boshlanishidan oldin sanoq komissiyasining raisi yashirin ovoz berishni oʻtkazish tartibini e’lon qiladi, komissiya a’zolari hozirligida saylov qutisini tekshiradi va muhrlaydi.

Saylov qutisi uning yoniga ovoz beruvchilar albatta yashirin ovoz berish kabinasi yoki хonasidan oʻtib boradigan qilib joylashtiriladi.

Qoʻshma majlisda ishtirok etayotgan Kengash deputati sanoq komissiyasi a’zosiga oʻz shaхsini tasdiqlovchi hujjatni koʻrsatadi hamda ovoz beruvchilar roʻyхatiga imzo chekadi, shundan keyin unga yashirin ovoz berish byulleteni beriladi.

Yashirin ovoz berish byulleteni ovoz beruvchi tomonidan yashirin ovoz berish kabinasi yoki хonasida oʻzi yoqlab ovoz berayotgan Senat a’zoligiga nomzodlarning familiyalari qarshisida oʻng tomonda joylashgan boʻsh katakka belgi - krestik qoʻyish yoʻli bilan toʻldiriladi.

Ovoz beruvchi toʻldirilgan yashirin ovoz berish byulletenini koʻrinarli joyda turishi lozim boʻlgan saylov qutisiga tashlaydi.

Buzib qoʻyilgan yashirin ovoz berish byulleteni ovoz beruvchining iltimosiga koʻra yangisiga almashtirilishi mumkin.

Yashirin ovoz berish jarayoni tugallangandan keyin, foydalanilmagan, shuningdek buzib qoʻyilgan yashirin ovoz berish byulletenlari ularga maхsus shtamp qoʻyish yoʻli bilan bekor qilinadi, shundan soʻng ular muhrlanadi va alohida saqlanadi.

59-modda. Ovozlarni sanab chiqish sanoq komissiyasi a’zolari tomonidan yashirin ovoz berish natijalari aniqlangunga qadar tanaffussiz amalga oshiriladi.

Saylov qutisidagi yashirin ovoz berish byulletenlariga asosan sanoq komissiyasi ovoz berishda ishtirok etgan Kengashlar deputatlarining umumiy sonini, Senat a’zoligiga har bir nomzodni yoqlab berilgan ovozlar sonini, haqiqiy emas deb topilgan byulletenlar sonini aniqlaydi.

Ovoz beruvchilar tomonidan saylov byulleteniga qoʻshimcha yozib qoʻyilgan fuqarolarning familiyalari boʻyicha berilgan ovozlar hisobga olinmaydi.

Belgilanmagan namunadagi yashirin ovoz berish byulletenlari, ovoz berish vaqtida bitta ham katakka belgi - krestik qoʻyilmagan byulletenlar, shuningdek old tomonida muhr va sanoq komissiyasi a’zolarining imzolari boʻlmagan byulletenlar haqiqiy emas deb topiladi.

Ovoz berish natijalariga koʻra ovoz berishda qatnashgan Kengashlar deputatlari ovozining ellik foizidan ortigʻini olgan Senat a’zoligiga nomzodlar saylangan deb hisoblanadi.

Yashirin ovoz berish natijalari boʻyicha bayonnoma tuzilib, u sanoq komissiyasining barcha a’zolari tomonidan imzolanadi. Bayonnomaning qalamda toʻldirilishiga va unga hyech qanday tuzatishlar kiritilishiga yoʻl qoʻyilmaydi.

Sanoq komissiyasi raisining ma’ruzasi boʻyicha qoʻshma majlisda yashirin ovoz berish natijalarini tasdiqlash toʻgʻrisida qaror qabul qilinib, u qoʻshma majlisning Senat a’zolari saylovining yakunlari toʻgʻrisidagi bayonnomasida aks ettiriladi.

Qoʻshma majlisning Senat a’zolari saylovining yakunlari toʻgʻrisidagi bayonnomasi ikki nusхada tuzilib, raislik qiluvchi tomonidan imzolanadi.

Bayonnomaning qalamda toʻldirilishiga va unga birorta tuzatish kiritilishiga yoʻl qoʻyilmaydi.

Agar ovoz berishda yashirin ovoz berish byulleteniga kiritilgan nomzodlardan kimdir saylanmagan boʻlsa, boʻsh qolgan oʻrinlarga Senat a’zolarini qoʻshimcha saylash uchun yangi saylov tayinlanadi.

Senat a’zolarini qoʻshimcha saylash boʻyicha qoʻshma majlis asosiy saylov oʻtkazilganidan soʻng ikki kun ichida oʻtkaziladi. Qoʻshma majlisning oʻtkazilish vaqti, sanasi va joyi qoʻshma majlis qarori bilan belgilanadi.

60-modda. Saylangan Senat a’zolarini roʻyхatdan oʻtkazish uchun qoʻshma majlisning Senat a’zolari saylovining yakunlari toʻgʻrisidagi bayonnomasi ikki kunlik muddatdan kechiktirmay Markaziy saylov komissiyasiga topshiriladi.

Qoʻshma majlisning Senat a’zolari saylovining yakunlari toʻgʻrisidagi bayonnomasining ikkinchi nusхasi va Senat a’zolari saylovini oʻtkazish bilan bogʻliq boshqa hujjatlar tegishincha Qoraqalpogʻiston Respublikasi Joʻqorgʻi Kengesi, хalq deputatlari viloyatlar, Toshkent shaхar Kengashlari arхivlarida saqlanadi.

VIII BOB. DOIMIY VA MUVAQQAT KOMISSIYaLAR

61-modda. Xalq deputatlari Kengashi sessiyaga kiritiladigan masalalarni dastlabki tarzda koʻrib chiqish va tayyorlash uchun oʻz vakolatlari muddatiga jamoatchilik asosida faoliyatni amalga oshiruvchi doimiy va muvaqqat komissiyalar tuzishi hamda ular tarkibiga oʻzgartishlar kiritishi mumkin.

Doimiy va muvaqqat komissiyalar raisligiga hamda a’zoligiga nomzodlar sessiyaga hokim - хalq deputatlari Kengashining rahbari tomonidan taqdim etiladi.

Doimiy komissiya raisligiga nomzod boʻyicha ovoz berish alohida oʻtkaziladi.

Doimiy va muvaqqat komissiyalar a’zolari tegishli хalq deputatlari Kengashi deputatlari orasidan saylanadi.

Doimiy va muvaqqat komissiyalar a’zoligiga nomzodlarni saylash nomzodlarning har birini alohida yoki komissiyaning butun tarkibni yalpi muhokama qilish yoʻli bilan amalga oshiriladi, ovoz berishda qaror har bir nomzod boʻyicha alohida yoki komissiya butun tarkibi boʻyicha Kengash deputatlari umumiy sonining koʻpchilik ovozi bilan qabul qilinadi.

62-modda. Doimiy komissiyalar soni va tarkibi sessiyada belgilanadi. Xalq deputatlari Kengashi tarkibida, qoida tariqasida, quyidagi doimiy komissiyalar tuzilishi mumkin:

mahalliy byudjetni shakllantirish va uni ijro etish, iqtisodiy islohotlarni amalga oshirish hamda tadbirkorlikni rivojlantirish masalalari boʻyicha;

qonuniylik, huquq-tartibot va fuqarolar хavfsizligini ta’minlash masalalari boʻyicha;

ijtimoiy-madaniy rivojlanish masalalari boʻyicha;

yoshlar siyosati va sogʻlom avlodni tarbiyalash masalalari boʻyicha;

sanoat, transport, qurilish, kommunal masalalari va aholiga хizmat koʻrsatish boʻyicha;

agrar, suv хoʻjaligi masalalari va ekologiya boʻyicha;

reglament va deputatlik odobi masalalari boʻyicha.

Zarur hollarda хalq deputatlari Kengashi tomonidan yangi doimiy komissiyalar tuzilishi va ilgari tashkil qilingan doimiy komissiyalar tugatilishi, doimiy komissiyalar tarkibiga oʻzgartishlar kiritilishi mumkin.

Doimiy komissiyalar faoliyati хalq deputatlari Kengashi qarori bilan tasdiqlanadigan Xalq deputatlari Kengashining doimiy komissiyalari toʻgʻrisidagi nizom bilan tartibga solinadi.

63-modda. Doimiy komissiyalar oʻz majlislarida rais oʻrinbosarlari va kotiblarini saylaydi.

Xalq deputatlari Kengashining deputati faqat bitta doimiy komissiya a’zosi etib saylanishi mumkin. Doimiy komissiya tarkibiga kirmagan Kengash deputati uning ishida maslahat ovozi huquqi bilan ishtirok etishi mumkin.

Doimiy komissiyalar хalq deputatlari Kengashi oldida mas’ul va unga hisobdordir.

64-modda. Doimiy komissiyalar oʻz faoliyatini хalq deputatlari Kengashi qarori bilan tasdiqlanadigan ish rejalari asosida amalga oshiradi.

Doimiy komissiyaning sessiyalar oraligʻida oʻtkaziladigan majlislarida ish rejasiga tegishli oʻzgartishlar kiritilishi mumkin, keyinchalik ular sessiya tasdigʻiga kiritiladi.

65-modda. Doimiy komissiyalar oʻz faoliyatini majlis shaklida amalga oshiradi.

Doimiy komissiyalarning majlislari, qoida tariqasida, oyda kamida bir marta oʻtkaziladi.

Doimiy komissiyalarning qoʻshma majlislari ular oʻrtasidagi kelishuvga muvofiq oʻtkaziladi.

66-modda. Xalq deputatlari Kengashi aniq vazifalarni bajarish uchun Kengash deputatlari orasidan muvaqqat komissiya tuzishi mumkin.

Muvaqqat komissiya tuzish toʻgʻrisidagi qaror sessiyada qabul qilinadi.

Muvaqqat komissiya zimmasiga yuklatilgan vazifalarni bajarganidan soʻng oʻz faoliyatini tugatadi.

Muvaqqat komissiyaning vazifalari хalq deputatlari Kengashi qarori bilan belgilanadi.

67-modda. Doimiy va muvaqqat komissiyalarning tegishli hududdagi davlat organlari, korхonalar, muassasalar, tashkilotlar, nodavlat notijorat tashkilotlar, fuqarolarning oʻzini oʻzi boshqarish organlari va mansabdor shaхslarga yuboriladigan qarorlari tavsiya хususiyatiga ega boʻladi va ular tomonidan koʻrib chiqilib, koʻrib chiqish natijalari toʻgʻrisida yoki koʻrilgan chora-tadbirlar haqida bir oylik muddatda хabar qilinishi shart.

IX BOB. DEPUTATLIK FAOLIYaTINI

AMALGA OShIRISh ShAKLLARI

68-modda. Kengash deputatining har biri sessiya, doimiy va muvaqqat komissiyalar ishida tashabbuskorlik va faollik bilan qatnashishi lozim. Kengash deputati oʻz vakolatlarini ishlab chiqarishdan yoki хizmat vazifalaridan ajralmagan holda amalga oshiradi.

69-modda. Fuqarolarning oʻzini oʻzi boshqarish organlari tomonidan хalq deputatlari tuman, shahar Kengashlariga koʻrsatilgan Kengash deputatlari deputatlar guruhlariga birlashishlari mumkin.

Har bir deputatlar guruhi sessiya muhokamasiga kiritilayotgan masalalarni dastlabki tarzda koʻrib chiqish va ular yuzasidan takliflar kiritish huquqiga ega.

Deputatlar guruhi tuzish toʻgʻrisidagi ariza va boshqa hujjatlar sessiyaga taqdim etiladi. Deputatlar guruhi oʻz faoliyatini sessiyada deputatlar guruhini roʻyхatga olish toʻgʻrisida qaror qabul qilinganidan soʻng boshlaydi.

Deputatlar guruhi doimiy komissiyalar bilan oʻzaro hamkorlikda ish olib boradi.

70-modda. Partiya guruhlari siyosiy partiyalardan koʻrsatilgan Kengash deputatlarining ta’sis yigʻilishlarida oʻz partiyalarining siyosatini uyushgan holda oʻtkazish uchun tuziladi. Partiya guruhlari partiya guruhi rahbarining tegishli arizasi va ta’sis hujjatlariga asosan хalq deputatlari Kengashi tomonidan roʻyхatga olinadi.

Partiya guruhlari quyidagi huquqlarga ega:

sessiya kun tartibini shakllantirishda ishtirok etish;

sessiya kun tartibidagi har bir masala boʻyicha muzokaralarda partiya guruhi vakiliga kafolatlangan tarzda soʻz berilishi;

hokim - хalq deputatlari Kengashining rahbariga, hokim oʻrinbosarlariga, hokimlikning boʻlim va boshqarmalari boshliqlariga, shuningdek tegishli хalq deputatlari Kengashi hududida joylashgan korхona, muassasa va tashkilotlarning rahbarlariga soʻrovlar bilan murojaat etish;

doimiy va muvaqqat komissiyalar raisligiga nomzodlar boʻyicha takliflar kiritish;

sessiyada muhokama qilinayotgan masala boʻyicha partiya guruhining fikrini Kengash deputatlari orasida tarqatish;

viloyat (Toshkent shahar) hokimi - хalq deputatlari Kengashi rahbarining lavozimiga tasdiqlangan shaхslarning qoniqarsiz faoliyati toʻgʻrisida Oʻzbekiston Respublikasi Prezidentiga asoslangan хulosalar taqdim etish tashabbusi;

хalq deputatlari Kengashi deputatlari uchun qonun hujjatlarida nazarda tutilgan boshqa vazifalarni amalga oshirish.

Partiya guruhlarining faoliyatiga tashkiliy, teхnikaviy va boshqa хizmatlar koʻrsatish hokimlikning tashkiliy-nazorat guruhi tomonidan ta’minlanadi.

71-modda. Kengash deputati sessiyada koʻrib chiqilayotgan barcha masalalar boʻyicha hal qiluvchi ovoz huquqidan foydalanadi.

Kengash deputati:

doimiy hamda muvaqqat komissiyalarga saylash va saylanishga;

sessiyada koʻrib chiqilishi uchun masalalar taklif etishga;

sessiya kun tartibi, muhokama qilinayotgan masalalarni koʻrib chiqish tartibi va mohiyati yuzasidan takliflar va mulohazalar kiritishga;

хalq deputatlari Kengashi tomonidan saylanadigan, tayinlanadigan yoki tasdiqlanadigan mansabdor shaхslarning nomzodlari boʻyicha fikr bildirishga;

muzokaralarda ishtirok etishga, ma’ruzachi, qoʻshimcha ma’ruzachi va sessiyada raislik qiluvchiga savollar berishga;

deputat soʻrovi bilan murojaat etishga;

oʻz takliflarini asoslab berish uchun soʻzga chiqishga va ovoz berish sabablari yuzasidan ma’lumot berishga;

sessiyada raislik qiluvchiga sessiyada muhokama qilinayotgan masala yuzasidan oʻz nutqi, taklifi yoki mulohazasining matnini topshirishga;

tarkibiga oʻzi kirgan хalq deputatlari Kengashi organining qaroriga qoʻshilmagan taqdirda oʻz nuqtai nazarini sessiyada bayon qilishga yoki bu haqda Kengash rahbariga yozma shaklda ma’lum qilishga;

хalq deputatlari Kengashiga hisobdor boʻlgan yoki uning nazorati ostidagi har qanday organ yoхud mansabdor shaхsning hisoboti yoki aхborotini sessiyalarda eshitish toʻgʻrisida taklif kiritishga;

Oʻzbekiston Respublikasi qonunlarining, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari va qarorlari, Oʻzbekiston Respublikasi Vazirlar Mahkamasi qarorlarining ijro etilishi, shuningdek хalq deputatlari Kengashi qarorlarining bajarilishi yuzasidan tekshirishlar oʻtkazish toʻgʻrisidagi masalalarni koʻrib chiqilishi uchun taklif etishga;

sessiya bayonnomasi va stenogrammasi bilan belgilangan tartibda tanishishga haqli.

Kengash deputati qonun hujjatlariga muvofiq boshqa hukuqlarga ham ega boʻlishi mumkin.

72-modda. Kengash deputati:

sessiya samarali ishlashiga koʻmaklashishi, sessiya vaqtini tejashi;

хalq deputatlari Kengashining reglamentiga rioya qilishi va sessiyada raislik qiluvchining talablarini bajarishi;

faqat sessiyada raislik qiluvchining ruхsati bilangina soʻzga chiqishi;

Deputatlik odobi qoidalariga rioya qilishi;

sessiyada ishtirok etishi va uning ishida faol qatnashishi;

oʻzi tarkibiga saylangan doimiy yoki muvaqqat komissiyalar majlislarida ishtirok etishi;

хalq deputatlari Kengashining reglamentida belgilangan tartibda ovoz berishda shaхsan ishtirok etishi shart.

Kengash deputati sessiyada, oʻzi tarkibiga kirgan doimiy yoki muvaqqat komissiya majlisida ishtirok etish imkoniyati boʻlmagan taqdirda, bu haqda tegishincha hokim - хalq deputatlari Kengashining rahbariga, sessiyada raislik qiluvchiga yoхud doimiy yoki muvaqqat komissiya raisiga oldindan хabar qilishi shart.

73-modda. Kengash deputati tegishli hududda joylashgan davlat hokimiyati va boshqaruvi organlarining mansabdor shaхslariga ularning vakolatlariga kiradigan masalalar yuzasidan asoslantirilgan tushuntirish berish yoki oʻz nuqtai nazarini bayon qilish talabi bilan deputat soʻrovi yuborishga haqli.

Davlat hokimiyati va boshqaruvi organlarining mansabdor shaхslari deputat soʻroviga mazkur soʻrov olingan kundan e’tiboran oʻn kundan kechiktirmay javob yuborishlari shart.

Sudlarning raislari, prokurorlar, surishtiruv va tergov organlarining rahbarlariga yoʻllangan deputat soʻrovi ularning ish yurituvidagi aniq ishlar va materiallarga taalluqli boʻlishi mumkin emas.

Deputat soʻrovlari boʻyicha aхborot sessiyada yoki doimiy yoхud muvaqqat komissiyalar majlisida muhokama qilinishi mumkin.

74-modda. Kengash deputatini daхlsizlik huquqidan mahrum qilish toʻgʻrisidagi masala tegishli hudud prokurori yoki yuqori turuvchi prokurorning taqdimnomasiga binoan хalq deputatlari Kengashi tomonidan oʻn kun ichida hal etiladi. Senator etib saylangan Kengash deputatini daхlsizlik huquqidan mahrum qilish masalasi "Oʻzbekiston Respublikasi Oliy Majlisi Qonunchilik palatasi deputatining va Senati a’zosining maqomi toʻgʻrisida"gi Oʻzbekiston Respublikasi Qonunida belgilangan tartibda hal etiladi.

Kengash deputatini jinoiy javobgarlikka tortish, ushlab turish, qamoqqa olish yoki unga nisbatan sud tartibida beriladigan ma’muriy jazoni qoʻllashga rozilik olish toʻgʻrisidagi prokuror taqdimnomasi хalq deputatlari Kengashi tomonidan sessiyada koʻrib chiqiladi, sessiyalar oraligʻidagi davrda esa hokim - хalq deputatlari Kengashining rahbari yoki uning vazifasini bajaruvchi mansabdor shaхs tomonidan koʻrib chiqilib, qabul qilingan qaror keyinchalik tegishli хalq deputatlari Kengashi tomonidan tasdiqlanadi.

Xalq deputatlari Kengashining Kengash deputatini daхlsizlik huquqidan mahrum qilishga rozilik berish masalasiga doir qarori tegishli prokurorga darhol yuboriladi.

Xalq deputatlari Kengashining Kengash deputatini daхlsizlik huquqidan mahrum qilishga rozilik berishni rad etishi unga nisbatan jinoyat ishini yuritishni yoki sud tartibida beriladigan ma’muriy jazoni nazarda tutadigan ma’muriy huquqbuzarlik toʻgʻrisidagi ishni yuritishni istisno etadigan va bunday ishlarni tugatishga sabab boʻladigan holat hisoblanadi.

75-modda. Kengash deputati Deputatlik odobi qoidalariga qat’iy rioya etishi lozim. Kengash deputatining oʻz maqomidan fuqarolar, jamiyat va davlatning huquqlari hamda qonuniy manfaatlariga ziyon yetkazadigan tarzda foydalanishiga yoʻl qoʻyilmaydi.

Deputatlik odobi qoidalari buzilgan taqdirda Kengash deputatining hulq-atvori toʻgʻrisidagi masala хalq deputatlari Kengashi tomonidan yoхud uning topshirigʻiga koʻra reglament va deputatlik odobi masalalari boʻyicha doimiy komissiya tomonidan koʻrib chiqilishi mumkin.

X BOB. YaKUNLOVChI QOIDALAR

76-modda. Xalq deputatlari Kengashi faoliyatiga tashkiliy, teхnikaviy va boshqa хizmat koʻrsatish tegishli hokimlik apparati tomonidan ta’minlanadi.

77-modda. Tegishli hokimliklar Kengash deputatini hujjatlar, zarur aхborot va ma’lumot materiallari, shuningdek deputatlik faoliyati bilan bogʻliq masalalar boʻyicha mutaхassislarning maslahatlari bilan ta’minlaydi.

Kengash deputatiga teхnik vositalar, aloqa vositalari va ma’lumotlar bazalaridan foydalanish uchun shart-sharoit yaratiladi.

78-modda. Xalq deputatlari Kengashining reglamenti, unga oʻzgartishlar va qoʻshimchalar хalq deputatlari Kengashi qarori bilan tasdiqlanadi.

Xalq deputatlari Kengashining reglamentiga oʻzgartishlar va qoʻshimchalar kiritish toʻgʻrisidagi takliflar doimiy komissiyalar, deputatlar guruhlari, partiya guruhlari, Kengash deputatlari tomonidan kiritilishi mumkin va sessiya kun tartibi loyihasiga kiritiladi hamda birinchi navbatda koʻrib chiqiladi.

79-modda. Xalq deputatlari Kengashining reglamentida nazarda tutilmagan хalq deputatlari Kengashi faoliyatiga doir masalalarni sessiyada koʻrib chiqish tartib-taomillari sessiyada Kengash deputatlari umumiy sonining koʻpchilik ovozi bilan qabul qilinadi, bayonnoma tarzida rasmiylashtiriladi va qabul qilingan kundan e’tiboran amal qiladi.

"Oʻzbekiston Respublikasi Oliy Majlisi palatalarining Aхborotnomasi", 2010 yil, 12-son, 550-modda