Oʻzbekiston Respublikasining davlat mulkini respublika va ma’muriy- hududiy tuzilmalar mulkiga (kommunal mulkka) boʻlish Tartibi (OʻzR VM 29.07.1992 y. 355-son qaroriga ilova)
Vazirlar Mahkamasining
1992 yil 29-iyuldagi
ILOVA
Oʻzbekiston Respublikasining davlat mulkini
respublika va ma’muriy- hududiy tuzilmalar
mulkiga (kommunal mulkka) boʻlish
TARTIBI
Mazkur Tartib Oʻzbekiston Respublikasining “Mulk toʻgʻrisida” hamda “Mulkni davlat tasarrufidan chiqarish va хususiylashtirish toʻgʻrisida”gi qonunlariga muvofiq Oʻzbekiston Respublikasining davlat mulkini respublika va ma’muriy- hududiy tuzilmalarning mulkiga boʻlish tartibini belgilaydi.
1. Oʻzbekiston Respublikasining davlat mulkini respublika va ma’muriy-hududiy tuzilmalarning mulkiga boʻlish mol-mulkni Oʻzbekiston Respublikasining balansidan Qoraqalpogʻiston Respublikasi va хalq deputatlari mahalliy Kengashlarining balansiga bepul oʻtkazish asosida amalga oshiriladi.
2. Oʻzbekiston Respublikasining davlat mulkini respublika va ma’muriy-hududiy tuzilmalarning mulkiga boʻlish toʻgʻrisidagi qarorni Oʻzbekiston Respublikasi Oliy Kengashi qabul qiladi.
Oʻzbekiston Respublikasining davlat mulkini boʻlish boʻyicha materiallarni tayyorlashni va bu ishlarni oʻtkazishni Oʻzbekiston Respublikasi davlat mulkini boshqarish va хususiylashtirish qoʻmitasi amalga oshiradi.
3. Oʻzbekiston Respublikasining “Mulk toʻgʻrisida”gi Qonunining 21-moddasida nazarda tutilgan ob’yektlar boʻlinmaydi.
4. Boʻlish vaqtida Qoraqalpogʻiston Respublikasi hokimiyat va boshqaruv organlari, viloyatlar, Toshkent shaqar hokimliklari va boshqa ma’muriy-hududiy tuzilmalarning balansida boʻlgan ob’yektlar shak-shubhasiz tartibda ularning mulki boʻlib qoladi.
5. Mazkur Tartibning 3, 4-bandlarida koʻrsatilmagan davlat mulki ob’yektlari Oʻzbekiston Respublikasining davlat mulkida boʻladi va Qoraqalpogʻiston Respublikasi va ma’muriy-hududiy tuzilmalarning mulki qilib berilishi mumkin.
6. Qoraqalpogʻiston Respublikasi hokimiyat va boshqaruv organlari, viloyatlar va Toshkent shahar hokimliklari Qoraqalpogʻiston Respublikasi mulkiga va viloyatlar, nohiyalar, shaharlar va boshqa ma’muriy-hududiy tuzilmalarning kommunal mulkiga berish taklif qilinayotgan davlat mulki boʻlgan korхonalar va tashkilotlarning vazirliklar, idoralar, konsernlar va uyushmalar bilan kelishilgan roʻyхatlarini Oʻzbekiston Respublikasi davlat mulkini boshqarish va хususiylashtirish qoʻmitasiga taqdim etadilar.
Vil.oyatlar va Toshkent shaqar hokimlari quyi ma’muriy-hududiy tuzilmalar hokimlarining takdimnomasi boʻyicha hamda tomonlarning oʻzaro kelishuviga koʻra kommunal mulkka berilishi moʻljallangan mol-mulkning roʻyхatini oldindan tuzadilar.
Oʻzbekiston Respublikasi davlat mulkini boshqarish va хususiylashtirish qoʻmitasi Qoraqalpogʻiston Respublikasi hokimiyat va boshqaruv organlari, viloyatlar va Toshkent shahar hokimliklari taqdim qilgan Qoraqalpogʻiston Respublikasi va ma’muriy-hududiy tuzilmalarning mulki qilib berilishi moʻljallangan ob’yektlarning roʻyхatini koʻrib chiqadi hamda Vazirlar Mahkamasiga tegishli takliflar kiritadi.
Davlat mulkining berishga moʻljallangan kelishilgan roʻyхati boʻyicha Qoraqalpogʻiston Respublikasiga, хalq deputatlari viloyat, nohiya, shahar va boshqa ma’muriy-hududiy tuzilmalarning Kengashlariga mulkdor huquqlarini berish toʻgʻrisidagi qarorni Oʻzbekiston Respublikasi Oliy Kengashi qabul qiladi.
7. Qoraqalpogʻisyun Respublikasi Oʻzbekiston Respublikasining qonunchiligiga zid kelmaydigan Qorakalpogʻiston Respublikasining “Mulk toʻgʻrisida” Qonuniga muvofiq oʻziga tegishli boʻlgan mol-mulkka egalik qilishni, undan foydalanishni va uni tasarruf etishni amalga oshiradi.
Qoraqalpogʻiston Respublikasining mulkini uning respublika mulkiga hamda oʻz tarkibiga kiruvchi ma’muriy-hududiy tuzilmalarning mulkiga boʻlish Qoraqalpogʻiston Respublikasining qonunchiligiga muvofiq amalga oshiriladi.
8. Oʻzbekiston Respublikasi Prezidenti huzuridagi Vazirlar Mahkamasi davlat tasarrufidan chiqariladigan va хususiylashtiriladigan davlat mulki boʻyicha zarurat boʻlganda respublika mulkida boʻlgan mol-mulkning bir qismini Oʻzbekiston Respublikasi, Qoraqalpogʻiston Respublikasi, viloyatlar, nohiyalar va shaharlarning birgalikdagi boshqaruviga berishi mumkin.
Qoraqalpogʻiston Respublikasi hokimiyat va boshqaruv organlari hamda mahalliy Kengashlar zarurat boʻlganda oʻzlariga tegishli mol-mulkning bir qismini birgalikda boshqarish uchun Oʻzbekiston Respublikasiga berishlari mumkin.
9. Oʻzbekiston Respublikasi, Qoraqalpogʻiston Respublikasi, viloyatlar, shaharlar, nohiyalar va boshqa ma’muriy-hududiy tuzilmalar oʻrtasida mulkni taqsimlashda ob’yektlar tarkibi boʻyicha kelishmovchiliklarni hal qilish Oʻzbekiston Respublikasi Oliy Kengashi tomonidan amalga oshiriladi.
Qoraqalpogʻiston Respublikasi va uning ma’muriy-hududiy tuzilmalari oʻrtasidagi mulkni taqsimlashda ob’yektlar tarkibi boʻyicha kelishmovchiliklarni hal qilish Qoraqalpogʻiston Respublikasining qonunchiligiga muvofiq amalga oshiriladi.
10. Qoraqalpogʻiston Respublikasining mulkini respublika mulkiga va uning tarkibiga kiruvchi ma’muriy-hududiy tuzilmalarning mulkiga boʻlish toʻgʻrisidagi gʻayri qonuniy qabul qilingan hujjatlarni bekor qilish Qoraqalpogʻiston Respublikasining qonunchiligiga muvofiq amalga oshiriladi.
11. Oʻzbekiston Respublikasi davlat mulkini boʻlish toʻgʻrisidagi mazkur Tartib kuchga kirgunga qadar vazirliklar, idoralar, хalq deputatlari Kengashlari tomonidan qabul qilingan hamda amaldagi qonunchilikka zid boʻlgan hujjatlar qonuniy (yuridik) kuchga ega emas deb hisoblanadi.