Oʻzbekiston Respublikasi Markaziy saylov komissiyasining 29.12.2004 y. 237-son "Oʻzbekiston Respublikasi Oliy Majlisi Qonunchilik palatasi deputatlari saylovi boʻyicha ayrim okruglarda takroriy ovoz berishni oʻtkazish toʻgʻrisida"gi Qarori
OʻZBEKISTON RESPUBLIKASI
MARKAZIY SAYLOV KOMISSIYaSINING
QARORI
29.12.2004 y.
N 237
OʻZBEKISTON RESPUBLIKASI OLIY MAJLISI
QONUNChILIK PALATASI DEPUTATLARI SAYLOVI
BOʻYIChA AYRIM OKRUGLARDA TAKRORIY OVOZ
BERIShNI OʻTKAZISh TOʻGʻRISIDA
2004 yil 26 dekabrda Oʻzbekiston Respublikasi Oliy Majlisi Qonunchilik palatasiga saylov boʻlib oʻtdi. "Oʻzbekiston Respublikasi Oliy Majlisiga saylov toʻgʻrisida"gi Oʻzbekiston Respublikasi Qonuniga toʻla muvofiq ravishda oshkoralik va ochiqlik ruhida boʻlib oʻtgan saylovda 12 million 197 mingdan ziyod kishi yoki saylovchilarning 85,1 foizi qatnashdi. 94 okrugda yoki okruglar umumiy sonining 78 foizida bitta deputatlik oʻringa 4-6 nomzod qoʻyilgan edi.
Okrug saylov komissiyalarining 2004 yil 26 dekabrda oʻtkazilgan saylov natijalari boʻyicha bayonnomalarini koʻrib chiqib, Oʻzbekiston Respublikasi Markaziy saylov komissiyasi ovoz berish natijalari boʻyicha 58 ta saylov okrugida nomzodlardan birontasi ham saylanish uchun zarur boʻlgan ovozlar sonini toʻplamaganligini aniqladi.
"Oʻzbekiston Respublikasi Oliy Majlisiga saylov toʻgʻrisida"gi Oʻzbekiston Respublikasi Qonunining 45-moddasiga, shuningdek "Oʻzbekiston Respublikasi Markaziy saylov komissiyasi toʻgʻrisida"gi Oʻzbekiston Respublikasi Qonunining 5-moddasiga muvofiq Oʻzbekiston Respublikasi Markaziy saylov komissiyasi QAROR QILADI:
1. Oʻzbekiston Respublikasi Oliy Majlisi Qonunchilik palatasiga saylov oʻtkazuvchi 58 ta saylov okrugida takroriy ovoz berish 1-ilovaga muvofiq 2005 yil 9 yanvarda oʻtkazilsin.
Belgilab qoʻyilsinki,
"Oʻzbekiston Respublikasi Oliy Majlisiga saylov toʻgʻrisida"gi Oʻzbekiston Respublikasi Qonuni 45-moddasi birinchi qismiga muvofiq takroriy ovoz berish asosiy saylov davrida saylovchilarning eng koʻp ovozlarini olgan ikki nafar nomzod boʻyicha oʻtkaziladi;
takroriy ovoz berish asosiy saylovni oʻtkazish uchun tashkil etilgan saylov uchastkalarida saylovchilarning oʻsha roʻyхatlari boʻyicha va "Oʻzbekiston Respublikasi Oliy Majlisiga saylov toʻgʻrisida"gi Oʻzbekiston Respublikasi Qonuni talablariga muvofiq oʻtkaziladi.
2. Oʻzbekiston Respublikasi Oliy Majlisi Qonunchilik palatasi deputatlari saylovi boʻyicha takroriy ovoz berishga tayyorgarlik koʻrish va uni oʻtkazish yuzasidan tadbirlar dasturi* tasdiqlansin.
3. Oliy Majlis Qonunchilik palatasiga saylov oʻtkazuvchi tegishli okrug saylov komissiyalari takroriy ovoz berishni "Oʻzbekiston Respublikasi Oliy Majlisiga saylov toʻgʻrisida"gi Oʻzbekiston Respublikasi Qonuni talablariga qat’iy amal qilgan holda oʻtkazishni ta’minlasinlar.
4. Mazkur qaror ommaviy aхborot vositalarida e’lon qilinsin.
Markaziy saylov komissiyasi raisi B. Mustafoyev
Markaziy saylov komissiyasining
2004 yil 29 dekabrdagi
237-son qaroriga
1-ILOVA
TOShKENT ShAHRI |
SIRDARYo VILOYaTI |
3-Temiryoʻl saylov okrugi |
61-Sayхun saylov okrugi |
5-Qoʻyliq saylov okrugi |
62-Yangiyer saylov okrugi |
7-Doʻmbirobod saylov okrugi |
SURXONDARYo VILOYaTI |
8-Hadra saylov okrugi |
63-Sherobod saylov okrugi |
10-Astrobod saylov okrugi |
64-Angor saylov okrugi |
11-Toʻqimachi saylov okrugi |
65-Termiz saylov okrugi |
ANDIJON VILOYaTI |
66-Jarqoʻrgʻon saylov okrugi |
14-Baliqchi saylov okrugi |
67-Qumqoʻrgʻon saylov okrugi |
16-Asaka saylov okrugi |
68-Shoʻrchi saylov okrugi |
18-Buloqboshi saylov okrugi |
TOShKENT VILOYaTI |
19-Jalolquduq saylov okrugi |
71-Angren saylov okrugi |
20-Qoʻrgʻontepa saylov okrugi |
73-Boʻka saylov okrugi |
21-Izboskan saylov okrugi |
75-Zangiota saylov okrugi |
BUXORO VILOYaTI |
77-Parkent saylov okrugi |
26-Varaхsho saylov okrugi |
78-Toʻytepa saylov okrugi |
JIZZAX VILOYaTI |
79-Chinoz saylov okrugi |
31-Doʻstlik saylov okrugi |
80-Chirchiq saylov okrugi |
NAVOIY VILOYaTI |
FARGʻONA VILOYaTI |
34-Navoiy saylov okrugi |
83-Beshariq saylov okrugi |
35-Qiziltepa saylov okrugi |
84-Dangʻara saylov okrugi |
37-Xatirchi saylov okrugi |
85-Yaypan saylov okrugi |
NAMANGAN VILOYaTI |
86-Qoʻqon saylov okrugi |
38-Pop saylov okrugi |
89-Rishton saylov okrugi |
39-Chust saylov okrugi |
91-Oхunboboyev saylov okrugi |
42-Yangiqoʻrgʻon saylov okrugi |
93-Fargʻona saylov okrugi |
43-Uychi saylov okrugi |
94-Vodil saylov okrugi |
SAMARQAND VILOYaTI |
95-Toshloq saylov okrugi |
48-Sugʻdiyona saylov okrugi |
QAShQADARYo VILOYaTI |
49-Bulungʻur saylov okrugi |
104-Qarshi saylov okrugi |
50-Ishtiхon saylov okrugi |
106-Qamashi saylov okrugi |
52-Qoradaryo saylov okrugi |
110-Kitob saylov okrugi |
53-Narpay saylov okrugi |
QORAQALPOGʻISTON RESPUBLIKASI |
54-Oqdaryo saylov okrugi |
114-Nukus saylov okrugi |
55-Pastdargʻom saylov okrugi |
118-Xoʻjayli saylov okrugi |
119-Chimboy saylov okrugi |
"Oʻzbekiston Respublikasi qonun hujjatlari toʻplami", 2004 yil, 52-son, 525-modda.