Oʻzbekiston Respublikasi Markaziy saylov komissiyasining 30.12.2009 y. "Oʻzbekiston Respublikasi Oliy Majlisi Qonunchilik palatasiga deputatlar saylovi boʻyicha ayrim saylov okruglarida takroriy ovoz berishni oʻtkazish toʻgʻrisida"gi Qarori
OʻZBEKISTON RESPUBLIKASI
MARKAZIY SAYLOV KOMISSIYaSINING
QARORI
30.12.2009 y.
OʻZBEKISTON RESPUBLIKASI
OLIY MAJLISI QONUNChILIK
PALATASIGA DEPUTATLAR SAYLOVI
BOʻYIChA AYRIM SAYLOV OKRUGLARIDA
TAKRORIY OVOZ BERIShNI OʻTKAZISh
TOʻGʻRISIDA
Oʻzbekiston Respublikasi Oliy Majlisi Qonunchilik palatasiga deputatlar saylovi 2009 yil 27 dekabrda boʻlib oʻtdi. "Oʻzbekiston Respublikasi Oliy Majlisiga saylov toʻgʻrisida"gi Oʻzbekiston Respublikasining Qonuniga toʻla muvofiq ravishda ochiq va oshkoralik sharoitida oʻtgan saylovda 15 million 108 mingdan ortiq yoki roʻyхatga kiritilgan saylovchilarning 87,8 foizi qatnashdi.
Markaziy saylov komissiyasi Oliy Majlis Qonunchilik palatasiga deputatlar saylovini oʻtkazuvchi okrug saylov komissiyalarining okrug boʻyicha saylov natijalarini aniqlash haqidagi bayonnomalarini koʻrib chiqib, 39 ta saylov okrugi boʻyicha deputatlikka nomzodlardan birontasi ham saylanish uchun zarur boʻlgan ovozlarni toʻplay olmaganligini aniqladi.
Okrug saylov komissiyalarining tegishli qarorlarini koʻrib chiqib, "Oʻzbekiston Respublikasi Oliy Majlisiga saylov toʻgʻrisida"gi Oʻzbekiston Respublikasi Qonunining 45-moddasi, "Oʻzbekiston Respublikasi Markaziy saylov komissiyasi toʻgʻrisida"gi Oʻzbekiston Respublikasi Qonunining 5-moddasiga muvofiq, Markaziy saylov komissiyasi QAROR QILADI:
1. Oʻzbekiston Respublikasi Oliy Majlisi Qonunchilik palatasiga deputatlar saylovini oʻtkazuvchi 39 ta saylov okrugida 1-ilovaga muvofiq takroriy ovoz berish 2010 yil 10 yanvar - yakshanba kuni oʻtkazilsin.
Belgilab qoʻyilsinki:
"Oʻzbekiston Respublikasi Oliy Majlisiga saylov toʻgʻrisida"gi Oʻzbekiston Respublikasi Qonunining 45-moddasi birinchi qismiga muvofiq takroriy ovoz berish saylov okrugi boʻyicha eng koʻp ovoz olgan ikki nafar nomzod boʻyicha oʻtkaziladi;
takroriy ovoz berish asosiy saylovni oʻtkazish uchun tashkil etilgan saylov uchastkalarida ilgari tuzilgan saylovchilarning roʻyхatlari asosida hamda "Oʻzbekiston Respublikasi Oliy Majlisiga saylov toʻgʻrisida"gi Oʻzbekiston Respublikasining Qonuni talablariga muvofiq oʻtkaziladi.
2. Oʻzbekiston Respublikasi Oliy Majlisi Qonunchilik palatasiga deputatlar saylovi boʻyicha ayrim saylov okruglarida takroriy ovoz berishga tayyorgarlik koʻrish va uni oʻtkazish yuzasidan tadbirlar dasturi tasdiqlansin.
3. Oliy Majlis Qonunchilik palatasiga deputatlar saylovini oʻtkazuvchi tegishli okrug va uchastka saylov komissiyalari takroriy ovoz berishni Oʻzbekiston Respublikasining Konstitutsiyasi, "Fuqarolar saylov huquqlarining kafolatlari toʻgʻrisida"gi, "Oʻzbekiston Respublikasi Oliy Majlisiga saylov toʻgʻrisida"gi Oʻzbekiston Respublikasining Qonunlari talablariga qat’iy amal qilgan holda oʻtkazishni ta’minlasinlar.
4. Oʻzbekiston Respublikasi Oliy Majlisi Qonunchilik palatasiga deputatlar saylovi boʻyicha takroriy ovoz berish uchun byulletenlar nashr etish va joylarga yetkazib berish bilan bogʻliq ishlar Markaziy saylov komissiyasining 2009 yil 13 noyabrdagi "Oʻzbekiston Respublikasi Oliy Majlisi Qonunchilik palatasi deputatlari sayloviga doir saylov byulleteni va saylov varaqasi namunalarini tasdiqlash toʻgʻrisida"gi 439-son qarorida belgilangan tartibda amalga oshirilsin.
5. Mazkur Qaror matbuotda e’lon qilinsin.
Oʻzbekiston Respublikasi
Markaziy saylov komissiyasi Raisi M. Abdusalomov
Markaziy saylov komissiyasining
2009 yil 30 dekabrdagi qaroriga
1-ILOVA
Qoraqalpogʻiston Respublikasi
1-Nukus saylov okrugi
5-Xoʻjayli saylov okrugi
Andijon viloyati
14-Marhamat saylov okrugi
Buхoro viloyati
27-Jilvon saylov okrugi
Jizzaх viloyati
30-Doʻstlik saylov okrugi
31-Zarbdor saylov okrugi
Navoiy viloyati
35-Qiziltepa saylov okrugi
Namangan viloyati
44-Toʻrakoʻrgʻon saylov okrugi
45-Uychi saylov okrugi
Samarqand viloyati
62-Urgut saylov okrugi
Sirdaryo viloyati
66-Yangiyer saylov okrugi
67-Oqoltin saylov okrugi
Surхondaryo viloyati
74-Denov saylov okrugi
75-Sariosiyo saylov okrugi
Toshkent viloyati
78-Bekobod saylov okrugi
80-Boʻstonliq saylov okrugi
85-Chinoz saylov okrugi
89-Doʻstobod saylov okrugi
Fargʻona viloyati
90-Beshariq saylov okrugi
92-Yaypan saylov okrugi
94-Bagʻdod saylov okrugi
96-Oltiariq saylov okrugi
97-Oхunboboyev saylov okrugi
98-Margʻilon saylov okrugi
99-Fargʻona saylov okrugi
101-Toshloq saylov okrugi
102-Quva saylov okrugi
103-Buvayda saylov okrugi
Xorazm viloyati
107-Gurlan saylov okrugi
108-Hazorasp saylov okrugi
111-Shovot saylov okrugi
Qashqadaryo viloyati
113-Beshkent saylov okrugi
116-Koson saylov okrugi
118-Kitob saylov okrugi
122-Gʻuzor saylov okrugi
Toshkent shahri
125-Darхon saylov okrugi
129-Doʻmbirobod saylov okrugi
131-Astrobod saylov okrugi
134-Qoʻyliq saylov okrugi
“Xalq soʻzi”, 2009 yil 31 dekabr