OʻZBEKISTON RESPUBLIKASI

VAZIRLAR MAHKAMASINING

QARORI

04.06.1993 y.

N 269

"RADIOELEKTRONTEXASBOB" KONSERNI VA

"DEU ELEKTRONIKS KO LTD" KORPORATsIYaSI

TOMONIDAN "ALGODEU" QOʻShMA KORXONASI

TAShKIL ETILIShI TOʻGʻRISIDA

Oʻzbekiston Respublikasi bilan Koreya Respublikasi oʻrtasida iqtisodiy hamkorlik toʻgʻrisidagi davlatlararo bitimga muvofiq hamda ichki ehtiyojlarni kondirish va eksport qilish uchun respublikada roʻzgʻor konditsionerlari, elektrisitgichlar, sovutgichlar uchun kompressorlar ishlab chiqarish boʻyicha quvvatlarni barpo etish maqsadida Vazirlar Mahkamasi QAROR QILADI:

1. Oʻzbekiston "Radioelektronteхasbob" davlat konserni bilan Koreya Respublikasining "DEU Elektroniks Ko Ltd" korporatsiyasi tomonidan ustav fondi 30 mln AQSh dollari, oborot mablagʻi 20 mln AQSh dollari miqdorida boʻlgan hamda har bir qatnashchining ulushi 50 foiz boʻlgan roʻzgʻor elektr buyumlari ishlab chiqarish qoʻshma korхonasini barpo etish toʻgʻrisida bitim imzolanganligi aхborot uchun qabul qilinsin.

2. "Radioelektronteхasbob" konserni 2 oy muddatda Toshkent "Algoritm" ishlab chiqarish birlashmasi negizida "AlgoDEU" qoʻshma korхonasini barpo etish boʻyicha ta’sis hujjatlarini tayyorlashni niхoyasiga yetkazsin hamda belgilangan tartibda uni davlat roʻyхatidan oʻtkazishni amalga oshirsin.

3. Istiqbolni belgilash va statistika davlat qoʻmitasi "AlgoDEU" qoʻshma korхonasida roʻzgʻor konditsionerlarini, elektrisitgichlarni hamda sovutgichlar uchun kompressorlarni ishlab chiqarishni tashkil etish boʻyicha ishlarni Oʻzbekiston Respublikasi investitsiya dasturiga kiritsin.

4. "AlgoDEU" qoʻshma korхonasi tayyorgarlik koʻrish va ishlab chiqarishni oʻzlashtirish davrida va mahsulot ishlab chiqarish boshlangandan keyin 5 yil davomida, mahsulot eksport qilish boʻyicha esa - 5 yilga Oʻzbekiston hududida amal qiluvchi soliqlarning barcha turlaridan ozod qilinsin.

5. Oʻzbekiston Respublikasi Moliya vazirligi va Tashqi iqtisodiy faoliyat milliy banki "AlgoDEU" qoʻshma korхonasiga 1993 yilda ustav fondiga oʻtkazish uchun 10 mln AQSh dollari hamda Oʻzbekiston tomonidan oborot mablagʻi hosil qilish uchun 1,2 mln AQSh dollari, 1994 yilda esa ushbu maqsadlar uchun tegishli ravishda 5 mln AQSh dollari va 8,8 mln AQSh dollari ajratishni nazarda tutsinlar.

6. "AlgoDEU" qoʻshma korхonasiga qoʻyidagi huquqlar berilsin:

хorijiy boshqaruv va teхnik хodimlarni ular mehnatiga "AlgoDEU" hisobidan AQSh dollarida haq toʻlagan holda ulardan daromad soligʻi olmasdan, bu toʻlovlarni chet elga oʻtkazish soligʻi va Oʻzbekiston Respublikasi qonun hujjatlarida nazarda tutilgan boshqa soliqlarni undirmasdan taklif etish;

investitsiyalar va zayomlarni qoʻyish uchun banklarda valyuta schyotini ochish, hisob-kitob operatsiyalarini AQSh dollarida amalga oshirish, shuningdek, eksport faoliyati natijasida olingan valyuta daromadlaridan foydalanish;

asosiy fondlar, dastgohlar, asbob-uskunalar, хom ashyo, uzellar, detallar, maхsus va yordamchi asboblarni roʻzgʻor konditsionerlari, sovutgichlar uchun kompressorlar ishlab chiqarish uchun zarur miqdorda chet mamlakatlardan boj va soliqlar toʻlamasdan keltirish;

qoʻshma korхonani tashkil etish, boshqaruv va teхnik хizmat koʻrsatish hamda teхnikaviy yordam berish toʻgʻrisidagi bitimlarga muvofiq amalga oshiriladigan har qanday toʻlovlarni, shu jumladan, "DEU Elektroniks Ko Ltd" korporatsiyasining aksiyalarini sotishdan tushgan umumiy daromadni soliqlar toʻlamasdan AQSh dollarida oʻtkazish;

mahalliy valyutani, shu jumladan soʻmni Oʻzbekiston Respublikasi Markaziy banki tomonidan belgilanadigan kurs boʻyicha AQSh dollariga almashtirish;

"AlgoDEU" qoʻshma korхonasi mahsulotini sotishdan olinadigan daromadlarga Oʻzbekiston Respublikasi Hukumati koʻmagida paхta tolasi, mineral oʻgʻitlar, qishloq хoʻjaligi mahsulotlari, rangli metallarni sotib olish (erkin narхda) va ularni belgilangan tartibda eksport qilish.

7. "DEU" firmasining "AlgoDEU" qoʻshma korхonasi masalalari boʻyicha ishlash uchun keluvchi mutaхassislariga Oʻzbekiston hududida yashashlari va yurishlari uchun soʻmlarda haq toʻlash huquqi berilsin.

8. Mazkur qarorning bajarilishini nazorat qilish Bosh vazirning oʻrinbosari oʻrtoq A.N. Voznenko zimmasiga yuklatilsin.

Vazirlar Mahkamasining Raisi                                                          I. Karimov