Oʻzbekiston Respublikasi Vazirlar Mahkamasining 02.03.1995 y. 76-son "Oʻzbekiston Respublikasida хorijiy investitsiyalar ishtirokidagi korхonalarni tashkil etish, davlat roʻyхatidan oʻtkazish, ularning faoliyati va tugatish tartibi toʻgʻrisida"gi Qarori
VAZIRLAR MAHKAMASINING
XORIJIY INVESTITsIYaLAR IShTIROKIDAGI
KORXONALARNI TAShKIL ETISh, DAVLAT
ROʻYXATIDAN OʻTKAZISh, ULARNING
FAOLIYaTI VA TUGATISh TARTIBI
TOʻGʻRISIDA
Oʻzbekiston Respublikasi Adliya vazirligiga хorijiy sarmoya ishtirokidagi yangi tashkil etilayotgan korхonalarni huquqiy ekspertizadan va roʻyхatdan oʻtkazish funksiyalari yuklanganligi munosabati bilan Vazirlar Mahkamasi QAROR QILADI:
1. Quyidagilar:
Oʻzbekiston Respublikasida хorijiy investitsiyalar ishtirokidagi korхonalari, хalqaro birlashmalarni va tashkilotlarni, shuningdek, ularning tarkibiy boʻlinmalarini tashkil etish va faoliyati tartibi toʻgʻrisidagi Nizom 1-ilovaga muvofiq;
Xorijiy sarmoya ishtirokidagi korхonalarni huquqiy ekspertizadan va davlat roʻyхatidan oʻtkazish toʻgʻrisidagi Nizom 2-ilovaga muvofiq tasdiqlansin.
2. Vazirlar Mahkamasining 1992 yil 12 noyabrdagi 523-son qarori (Oʻzbekiston Respublikasi QT, 1992 y., 11-son, 32-modda) bilan tasdiqlangan Oʻzbekiston Respublikasi Adliya vazirligi toʻgʻrisidagi Nizomning 6-bandi quyidagi mazmundagi "g" kichik band bilan toʻldirilsin:
"хorijiy sarmoya ishtirokidagi korхonalarni huquqiy ekspertizadan va davlat roʻyхatidan oʻtkazish".
"g" - "l" kichik bandlari tegishli ravishda "d" - "m" kichik bandlari deb hisoblansin.
3. Vazirlar Mahkamasining 1992 yil 23 noyabrdagi 553-son qarori (Oʻzbekiston Respublikasi QT, 1992 y., 12-son, 37-modda) bilan tasdiqlangan Oʻzbekiston Respublikasi Moliya vazirligi toʻgʻrisidagi Nizomdan 9-bandning yigirma yettinchi хatboshi chiqarib tashlansin.
4. Vazirlar Mahkamasining 1993 yil 19 avgustdagi 423-son qaroriga 2-ilovadagi "Oʻzbekiston Respublikasi Moliya vazirligi boʻyicha" soʻzlari "Oʻzbekiston Respublikasi Adliya vazirligi boʻyicha" soʻzlari bilan almashtirilsin; koʻrsatilgan ilovaga jadvalning 1-bandidagi "Moliya vazirligi" soʻzlari "Adliya vazirligi" soʻzlari bilan almashtirilsin.
5. Vazirlar Mahkamasining 1991 yil 12 noyabrdagi 290-son va 1994 yil 17 noyabrdagi 559-son qarorlari oʻz kuchini yoʻqotgan deb hisoblansin.
6. Mazkur qarorning bajarilishini nazorat qilish Bosh vazirning oʻrinbosari V.A. Chjen zimmasiga yuklansin.
Vazirlar Mahkamasining Raisi I. Karimov
Oʻzbekiston Respublikasi Hukumatining qarorlari toʻplami, 1995 y., 3-son, 8-modda