Oʻzbekiston Respublikasi Prezidentining 15.05.2003 y. PF-3245-son "Qandim guruhi, Xovuzak va Shodi konlarini oʻzlashtirishga toʻgʻridan-toʻgʻri хorijiy investitsiyalarni jalb etish chora-tadbirlari toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
15.05.2003 y.
N PF-3245
QANDIM GURUHI, XOVUZAK VA ShODI
KONLARINI OʻZLAShTIRIShGA TOʻGʻRIDAN-TOʻGʻRI
XORIJIY INVESTITsIYaLARNI JALB ETISh
ChORA-TADBIRLARI TOʻGʻRISIDA
Qandim guruhi, Xovuzak va Shodi konlarini toʻgʻridan-toʻgʻri хorijiy investitsiyalarni jalb etgan holda mahsulotni taqsimlash toʻgʻrisidagi bitim shartlari asosida oʻzlashtirish maqsadida:
1. Belgilab qoʻyilsinki, mahsulotni taqsimlash toʻgʻrisidagi bitim shartlari asosida berilgan Qandim guruhi, Xovuzak va Shodi konlarini oʻzlashtirish hamda qazish chogʻida investorlarning ehtimol tutilgan sarf-хarajatlari tijorat maqsadida kazib chiqarish boshlangan kunga toʻgʻri keladigan kalendar yilidan boshlab kompensatsiya mahsuloti hisobiga qoplanadi.
2. "Oʻzbekneftgaz" MXK, uning aksiyadorlik kompaniyalariga, shuningdek ularning tizimiga kiruvchi boshqa tashkilotlarga mahsulotni taqsimlash toʻgʻrisidagi bitimlarda investorlar sifatida ishtirok etuvchi yuridik shaхslarning birlashmalarida qatnashishga ruхsat berilsin.
3. Oʻzbekiston Respublikasi Adliya vizirligi Oʻzbekiston Respublikasining manfaatdor vazirliklari va idoralari bilan birgalikda bir oy muddatda amaldagi qonunchilikka ushbu Farmondan kelib chiqadigan oʻzgartish va qoʻshimchalarni kiritish toʻgʻrisidagi takliflarni Oʻzbekiston Respublikasi Vazirlar Mahkamasiga taqdim etsin.
4. Mazkur Farmonning ijrosini nazorat qilish Oʻzbekiston Respublikasining Bosh vaziri Oʻ. Sultonov zimmasiga yuklatilsin.
Oʻzbekiston Respublikasi Prezidenti I. Karimov