Moliya vazirining 17.04.2008 y. 38-son "Aviakerosin yoqilgʻisi uchun qat’iy miqdorda belgilangan aksiz soligʻi stavkasini qayta koʻrib chiqish toʻgʻrisida"gi Buyrugʻi (AV tomonidan 21.04.2008 y. 1796-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
21.04.2008 y.
N 1796
OʻZBEKISTON RESPUBLIKASI
MOLIYa VAZIRINING
17.04.2008 y.
N 38
BUYRUGʻI
Aviakerosin yoqilgʻisi uchun qat’iy miqdorda
belgilangan aksiz soligʻi stavkasini
qayta koʻrib chiqish toʻgʻrisida
(2008 yil 1 maydan kuchga kiradi)
Oʻzbekiston Respublikasi Prezidentining 2007 yil 12 dekabrdagi PQ-744-son "Oʻzbekiston Respublikasining 2008 yilgi asosiy makroiqtisodiy koʻrsatkichlari va Davlat byudjeti parametrlari toʻgʻrisida"gi qarorining (Oʻzbekiston Respublikasi qonun hujjatlari toʻplami, 2007 yil, 52-son, 534-modda) 12-1-sonli ilovasiga asosan BUYuRAMAN:
1. Aviakerosin yoqilgʻisi uchun belgilangan aksiz soligʻi stavkasi qayta koʻrib chiqilib, 25 250 soʻm/tonnaga miqdorida belgilansin.
2. Mazkur buyruq Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.
Moliya vaziri R. Azimov
"Oʻzbekiston Respublikasi qonun hujjatlari toʻplami", 2008 yil, 17-son, 131-modda.