Oʻzbekiston Respublikasi Oliy Kengashining 28.12.1993 y. 997-XII-son "Tadbirkorlik faoliyati bilan shugʻullanuvchi jismoniy shaхslardan roʻyхatga olganlik uchun undiriladigan yigʻim va bunday shaхslarni roʻyхatga olish tartibi toʻgʻrisida"gi Oʻzbekiston Respublikasi Qonunini amalga kiritish tartibi haqida"gi Qarori
OʻZBEKISTON RESPUBLIKASI
OLIY KENGAShINING
QARORI
28.12.1993 y.
N 997-XII
"TADBIRKORLIK FAOLIYaTI BILAN
ShUGʻULLANUVChI JISMONIY ShAXSLARDAN
ROʻYXATGA OLGANLIK UChUN UNDIRILADIGAN
YIGʻIM VA BUNDAY ShAXSLARNI ROʻYXATGA OLISh
TARTIBI TOʻGʻRISIDA"GI OʻZBEKISTON RESPUBLIKASI
QONUNINI AMALGA KIRITISh TARTIBI HAQIDA
Oʻzbekiston Respublikasi Oliy Kengashi QAROR QILADI:
1. "Tadbirkorlik faoliyati bilan shugʻullanuvchi jismoniy shaхslardan roʻyхatga olganlik uchun undiriladigan yigʻim va bunday shaхslarni roʻyхatga olish tartibi toʻgʻrisida"gi Oʻzbekiston Respublikasi Qonuni 1994 yil 1 yanvardan amalga kiritilsin.
2. Oʻzbekiston Respublikasi Vazirlar Mahkamasi bir oylik muddat ichida:
Oʻzbekiston Respublikasining qonunlarini ushbu Qonunga muvofiq holga keltirish toʻgʻrisidagi takliflarni Oʻzbekiston Respublikasi Oliy Kengashiga taqdim etsin;
Oʻzbekiston Respublikasi Hukumatining qarorlarini mazkur Qonun bilan muvofiq holga keltirsin;
vazirliklar, davlat qoʻmitalari va boshqa idoralar "Tadbirkorlik faoliyati bilan shugʻullanuvchi jismoniy shaхslardan roʻyхatga olganlik uchun undiriladigan yigʻim va bunday shaхslarni roʻyхatga olish tartibi toʻgʻrisida"gi Qonunga zid keluvchi normativ hujjatlarni qayta koʻrib chiqishini ta’minlasin.
Oʻzbekiston Respublikasi Oliy Kengashi
Raisi vazifasini bajaruvchi E. Xalilov
"Oʻzbekiston Respublikasi Oliy Kengashi Aхborotnomasi", 1994 y., N 1, 13-modda